عاوزة تتجوزى... اوعى احسن لك (اللهم بلغت .. اللهم فاشهد)!!!

[تامر العدوى]

عاوزة تتجوزى... اوعى احسن لك (اللهم بلغت .. اللهم فاشهد)!!!

ازيكم يا بناات ويا شباب بردو مايضرش ..

ايه مالك ؟ اتخضيتي من العنوان .... هتموتي وتتجوزي صح ؟؟؟

متخفيش هتتجوزي يختي ده شر لابد منه .....لكن انتي في نعمة ومش حاسة بيها عارفة ليه ؟؟ هقولك ..


انتي دلوقتي عايشة حياتك اخر روقان ودلع وعدم ارتباطك له عشر فوايد مش هتحسي بقيمتهم غير وانتي جوا القفص ....
((( 1 )))


مش هتكوني مضطرةانك تستحملي شخصية واحد مختلف تماما عن شخصيتك ... ده غير بقي انه طول الوقت


هيفضل يشخط وينطر قال يعني عامل فيها عنتر وينفعل عليكي بدون داعي ...







((( 2 )))


تاكلي براحتك وبمزاجك الاكل اللي يجي علي بالك من غير ما تقلقي ان كان وزنك هيزيد ولا لاءده غير انك هترتاحي


من تعليقاته السخيفة والبايخة ومش هيبقي وراه شغلانة غير التريقة عليكي وانتي رايحة وجاية ادامو هيقولك يا تخينة
يا فجعانة .. حتي اللقمة باصص فيها ..





((( 3 )))


حياتك دلوقتي عاملة ازاي ..؟؟ بتقومي وقت ما انتي عاوزة وتنامي وقت ماانتي عاوزة , تقعدي علي الكمبيوتر ..


تتفرجي علي التلفزيون ... تخرجي مع صحباتك .. يعني عايشة حياتك بالطول والعرض اخر روقان


لكن بعد الجواز انسي كل ده هتلاقيه واقفلك زي الحيطة ويقولك انتي رايحة فين ؟؟ كنتي فين يا هانم ..؟ بتكلمي مين ؟؟


هيكون مين يعني ... ده غير انه ممكن يحلف عليكي لو طلعتله الزربونة بالطلاق انك متروحيش لمامتك وهو داير متسرمح


في كل حتة شوية ... اووووووووووووف حاجة تخنق




((( 4 )))


شنطتك فيها فلوس صح ؟؟دي فلوسك انتي لوحدك ...تجيبي بيها اللي نفسك فيه كله صباع روج او ازازة برفان
يعني هتجيبي اللي انتي عاوزاه من غير ما حد يدخل في مشترياتك .. لكن بعد الجواز لو جيبتي حاجة من نفسك
هيفضل يقولك وده لازمته ايه ؟ ايه الحاجات التافهة اللي انتي جبتيها دي ؟ مش البيت اولي ؟؟كفاية بعزقة ولمي ايدك ..
اما هو بقي يروح يصرف علي مزاجه وعلي سجايره ولو قلتيله حرام عليك هيقولك هو انا اللي بشتغل ولا انتي ...

((( 5 )))

متعودة انك تقضي يوم معين في الاسبوع في اي مكان بتحبيه ؟ او متعودة انك تزوري صحبتك الانتيم ؟؟
او متعودة انك تروحي رحلات مع صحباتك ؟؟؟بتعملي كدة دلوقتي صح ؟؟
هيصي يا بنتي وافرحي ده انتي في نعمة ... شوفي بقي لو اتجوزتي كل ده هيكون احلام وزكريات جميلة وهيكون
ممنوع والغاء من حياتك تماما




((( 6 )))

عندك هواية معينة بتعمليها صح ؟ زي اشتراكك في المنتديات او كتابة الشعر او القرايا
كل ده قوليله باي باي بعد الجواز هيموت يا روحي بعد جوازك انسيه تماما هواياتك الجديدة هتكون ليها شكل تاني خالص
هتكون في هواية الغسيل ونشره طبعا ...وهواية رضاعة الواد اللي عمال يوأوأ ... والبيه جوزك منفضلو وعامل نفسه مش سامع ... ده غير هواية خياطة قميصه وتركيب زرايرو الواقعة علي طول وياريته بيطمر ( رجالة عاوزة الحرق )



((( 7 )))

بتتكلمى وتقولى رأيك فى كل شىء صح؟وفى اى مكان ومع اى حد ومن غير خوف وقلق صح؟
لا يا ماما لااااااااااا انسى كل دة نهائى بعد الجواز كل كلمة منك هتطلع بحساب وهيكون ليها حساب(
انت لية بتقولي كدة ؟) ما تعدلى لسانك ؟انتى ازاى تسمحى لنفسك تقولى الكلمة دى,,,, يعني مش هتخلصى من زنو وأرفو



((( 8 )))

انتى بتشتغلى؟اشتغلى اى شغلانة تحبيها وفى اى مكان تختارية لكن بعد الجواز شغلك هو جوزك اللى هيقرفك فى حياتك
بطلباتة اللى مش بيخلصو



((( 9 )))

بتحبى محمد حماقى؟بتحبى راغب علامة؟ومغرمة بعيون توم كروز؟ حبى واعجبى بأى راجل انتى عايزاة وبحلقى فى دة ودة ...مين أدك براحتك بقى.. لكن مثلا لو حبيتى تقولى رأيك في مطرب او ممثل امور وشيك هيقولك ايه المياصة دي
حماقي ايه وكروز ايه ؟؟بتحبيهم علي ايه دول ؟؟ بيقولك كدة علي اساس ان حضرته عمر الشريف وانتي مش واخدة بالك
وهو بقي يبحلق لنانسي وهيفا ويتنح ادام كليبتاهم وصورهم .. رجالة متملاش عنيها الا التراب ...





((( 10 )))

واخيرا اهم حاجة عندك ايه وبتهتمي بيها ايه دلوقتي ؟؟؟
اكيد جمالك ورشاقتك جسمك رشيق ومتناسق صح ؟ مفهوش كرش ولا دهون ؟ وبتلبسي اللي انتي عاوزاه واصغر المقاسات
ده دلوقتي بس .. لكن بعد الجواز هتلبسي اكس اكس اكس اكس لارج
وفي الاخر هيعيب عليكي ويقولك روحي شوفي البنات اللي في بيطلعو في الكليبات عاملين ازاي ... وهو اساسا بيكون
كرشو ادامو شبرين زي مايكون بالع كورة ولا بطيخة





شفتي بقي اقتنعتي ولا لسة ؟؟؟؟؟


نصيحة اى بنت مخطوبة تفركش الخطوبة بسرعة


معلش طولت عليكم لكن كله لمصلحتكم يا بنات

[Pǿm Ŧặặk Ŧőợk]

ههههههههههههههههههههههههه
ايه النصيحه دى
يا نهار الوووووان كل ده بيحصل
الواحده تفضل كده احسن
ربنا يبشرك بالخير
بس كده البنات هتعنس والولاد
ههههههههههههه
ثانكس ع التوبيك وع النصيحه

[عايشه وخلاص]

كلامك مظبوووووووووووووووووووووووووووط ميه فى الميه ودا حقيقى الى بيحصل وفعلا يا بنات اياكم والجواز سالب الحريات وخانق الانثى عيشوا حياتكم بالطول والعرض بدل ما يجى واحد يخنقكم ويخليكم هتطرشقوا

[ملكة القلوووب]

يانهار اسود
انا بشيل كلمة زواااااااااااااااااااااااااج من بااااااااااااااالي

خخخخخخخ
معااااااكـ حق بكل كلمه قلتها

بس الغريبه انك ولد وبتنصحنا

تسلم على النصااااااااااااائح يا جدع

[monmona]

يا نهار كل ده دا كويس اني صغيره بقى

[~♥ Queen sozan♥~]

يالهوتى هههههههه
اية دة كلو ،، دة انا لو كانت بفكر خلاص رجعت فية ،،

شكرا على النصيحتك ككككككككك

[عاشقة الهدوء]

السلام عليكم ورحمة الله وبركاته

الله يسعدك ياتامر موتنى من الضحك أه والله عندك حق

بس يعنى أكيد بتحتلف شويه بس مش كتير برضه

من راجل لآخر وطبعا البنت بتبقه مرتاحه تماما أعلى راحه

لان الجواز مش شويه برضه بس أهو سنة الحياه

وربنا يوفقنا بأزواج صالحه متفهمه اللهم أمين

توبيك ظريف جدا أخى ربنا يسعدك فى أماان الله

[بسمة العمر]

انا مش معاكم فى الراى الجواز زى ما فية حجات وحشة فية كمان حجات حلوة وكفاية الاطفال

[S n i p e R]

ينقل لعدم ملائمة الموضوع للقسم المعروض فيه

[شظايا عمر]

ههههههههههه

غريب ان يكتب الموضوع ده راااااجل

ده انت عايزنا نعنس ونقعد في ارابيزك بقا

ههههههههههههه

بس والله عندك حق

الرجااااااااااااله دول يخنقوا بجد

ملهمش اماااااااااااااااااااااان

وعلي رأيك انا دلوقت حره وبهيص

ال يخليني اقيد نفسي

هههههههههه

شكرا لنصيحه

وربنا يستر ^_____^