الشات

[سندس]

السلام عليكم ورحمة الله وبركاته
انا ياجماعة كنت عايزة اعرف بجد هو الشات حرام ولا لا تفتكروا حلال ولا حرام
بصراحة هو فعلا بسبب الشات بتحصل حاجات كتير مش كويسة بس مش فى مل الحالات ومش مع كل الناس يعنى مثلا فى مثلا فى ناس بيعتبروا لو واحدة مثلا دخلت على الشات تبقى بنت مش كويسة وقليلة الدب و وحاجات كتير اوى ياترى انتم متفقين على الراى ده ولا شليفين ان عادى لما بنت تعمل شات ومفيهاش حاجة .
مستنية اشوف رايكم يلا مع السلامة

[razan]

ينقل لقسم النقاش

[سندس1]

مشكوره اختى الغاليه سندس لسؤالك
وعامه الشات شىء اجتماعى للتعارف
انما فعلا فى ناس بتستغله بطرق خطأ
مثل ان الشباب تعمل نفسها بنات وده شىء مرفوض او ان البنت تعمل شاب والله تعالى حرم هذا التشابهه واخيرا اختى الغاليه الشات كويس لكن فى الاستخدام الصح
مشكوره اختى الغاليه دمتى بود

[حنـــــون]

انا عندى ايميل بس كل اللى بكلمهم اصحابى اللى عارفاهم فى حياتى العاديه
بس هما مش عيشين معايا فى نفس البلد وبصراحه مابفضلش الشات مع حد ما اعرفوش لانى بحس ان كلوه ما فهوش احساس لانى بكلم حد اول مره اكلمه معرفش عنه حاجه كداب ولا صادق عشان كده انا مابكلمش حد انا مش عارفاه بس بصراحه مش عارفه ان كان حرام ولا لا تحيااااااااااااتى لكى على الموضوع اختك حنون

[Karamela]

بصوا بئه الشات ده عايزة اتكلم فيه كتير اوي

ايه هي فكرة الشات الاساسية هي التعرف وكسب اصحاب وكده

جميل !

ماهو اكيد اول ماطلع ماكانش كده بس احنا نقيس للموجود دلوقتي مش الي موجود زمان

لما نسمع كلمة نت يعني في ناس كتير ماتضمنهمش شكلهم جنسهم عمرهم جنسيتهم متضمنهمش وتروح تتكلم معاهم ؟!

ده شخص قدامك وماتقدرش تثق فيه تثق في شخص ماتعرفش ولا يعرف عنك غير الاسماء الوهمية والكلمات الحلوة الي ماتعرفش صدق ولا كدب

وانا بنظري بغض النظر عن انها لهو تضيع وقت في حاجة غير هادفة ومفيدة

في الشات ده بتلاقي كل انواع الانحطاط بيزودوا اغاني في المحادثات ويقولوا كلام خارج جدا وماتقولوش في شات محترم عشان كده بتكذبوا عليا وعلى نفسكم ده غير ان مين دول

وبتكلمهم ليه دول مجموعة من سكرانين وعربجية مجرد جالهم النت راحوا هاجوا ع الشات ده

ماانا دخلت الشات ده اكتر من مرة بس مش بغرض التعارف والهبل الي بيقولوا عليه ده وانما لغرض اعرف ايه الي شادد ليه الناس اوي كده

وزي مااتوقعت مجموعة من العربجية قاعدين وبيتكلموا في كلا تافه واهبل وعبيط وخارج كمان

فمش معقول واحد عاقل يضيع وقته في حاجة ي كده

ارجو تكون وجهة نظري اتضحت حاولت شرحا باختصار

وميرسي ليكي ياقمرنا الجميل سندس على طرحك الجميل منورانا

[نونه *]

بصي اولا موضوع نايس وتسلملنا ايديكي
ثانيا كل حاجه لو تستعمل بطريقه صحيحه ومناسبه تبقى جميله وحلوة اما عكس كدا الي هو التعارف بين الجنس الاخر ( تعارف الشباب )فاده حرام زي ماحرم ربنا- سبحانه حرم علينا انك تقعدي معاه في اوضه واحده يعنى زيه زى التشات لافرق بينهم