يا بلادى يا بلادى انا بحبك يا بلادى

[مشتاقه للجنه]

بحبك أووى يا مــصر .. مكنتش عارفه أنى بحبها كده ... ونفسى تعدى الاحداث اللى بتمر

بها على خير ..فلقد شعرت بالقلق على مستقبل مصر مع تزايد أحداث البلطجة والفوضى

التي انتشرت في البلد منذ انسحاب الشرطة، لكن أحداث الفتنة الطائفية والاشتباكات بين

أبناء الوطن من مسلمين ومسيحيين أشعرتني بكآبة وخوف لم أمر بمثلهما في حياتي من قبل.

أشعر بحزن على ما تسببه تلك الاشتباكات من تشويه للصورة الرائعة التي ظهرت خلال

ثورة يناير حينما توحد المسلمون والمسيحيون في المظاهرات والاعتصامات بميدان

التحرير، وحينما مرت أسابيع دون وجود الشرطة ومع ذلك لم تتعرض أي كنيسة أو أي

مسيحي لأذى.

أشعر بحزن على سذاجة وسطحية كثير من المصريين - من مسلمين سلفيين ومسيحيين

غاضبين - الذي ينساقون وراء دعاة الفتنة ويعطونهم الفرصة لإفساد ما أنجزته الثورة من

خلال بث الفرقة بين أبناء هذا البلد.

المؤامرة واضحه للجميع، فقط جاءت هذه الأحداث التي تلت سقوط حكومة شفيق مباشرة

وتكليف د.عصام شرف بتشكيل حكومة جديدة، وفكروا في السر وراء إحياء مشكلة طائفية

في أطفيح تم تسويتها منذ وقت طويل لتتجدد مرة أخرى.

هناك من يشعل نيران الفتنة لتأكل الجميع وتدمر ما أنجزته الثورة ولتعم الفوضى وننشغل

عن بناء وطن حر وقوي ونترحم على أيام مبارك والحزب الوطني وأمن الدولة.

فإلى كل مصرى محب لتلك البلد أرحموا مصر ...

فلا للفتنه الطائفيه

ولا لما يسمى تصفية الحساب

ولا للشائعات ..




لا للفرقه ونعم للاتحاد

[حافظة القرآن]

موضوع رائع

وكلمات جميلة

شكرا

فى انتظار جديدك المميز

[DR.SMA]

تسلمي يا ساره بجد على موضوعك القيم ""

فعلا تفكير سطحي جدا من المصريين الي متسببين ف الاشتباكات دي

كان منظر قمه ف الحضاره ايام الثوره

واحنا شايفين قمه الحضاره والاخلاق والحب بينهم

وانتي مش عارفه تفرقي بين مسلم ومسيحي

ربنا يرزقهم حسن التفكير ،،

وينظرو للموضوع نظره مستقبليه

ويعرفو ايه المقصود من الفتنه دي ،،

لان محدش مستفيد داخل مصر ابدا

يارب يفهمو بقى

تسلمي ويسلم قلمك ،،

..في امان الله ..

[Dr.nour]

كـــلمآتك بتحسسنى بالحمآسه يآ سآره ,,

زى ما بيقولوآ كده بتجرى الدم فى عروقى ّّ

دم المصرييــــن ,,

تسلمى يا جميـــــل ,,

خالص ودى ..

اختك ,,.

[~♥ Queen sozan♥~]

السلام عليكم ورحمة الله وبركاته ^^

سارة كلماتك جميلة تعبر على حب بلدك ، الصادق ،،
لكن ما حدث من فتنة ،، وتعامل معاة بدون وعى او مسئولية ،
دة من قلة من الناس دخل بنهم الفتنة ، وربنا يستر ان شاء الله ،
وبعد تعيد د. عصام شرف ، وقرارو ان الشرطة لازم تنزل ،
ان شاء الله يرجع الاستقرار تانى ،
وايد المواطن مع الشرطة ان شاء الله
هنقضى على كل البلطجية والفتن ،،
وان شاء الله الجى احسن واحسن


تسلمى على موضوعك المميز ^^

[الخيالى]

هى دى روح الاصالة

الحقيقية يا حواء الشرق

ومن اسلوب الكلام باين

علية انة صادق من قلب

طاهر

تحياتى وتسلمى

[dяєαм..|♥]

شكرا على موضوعك المميز

و اكيد كلنا بنحبها من قبل ماتحصل اى حاجه من دى

[Ќonto]

موضوع جميل يا سارة

اي مصري في الايام اللي فاتت كان بيحس نفس الي انتي حاساه دا
كنا كلنا بنقول مصريين مش فارقة .. مسلم، مسيحي، ماسوني، .. أي حاجة

لكن اللي بيحصل الايام دي من فتن وكنيسة اتخرقت ومسجد اتولع فيه
دول قلة قليلة من الناس اما قلة مرتزقة او بقية من النظام القديم اللي من مصلحته ان البلد تولع في بعضها
بس ان شاء الله الاستقرار يرجع تاني بأسرع وقت
والبلد ترجع زي ما كانت في استقرار خالية من الفساد والبلطجية
ونرجع الشعب والجيش والشرطة ايد واحدة

شكرا يا قمر ع التوبيك
لا تحرمينا من جديدك

[bouchaala19]

اتمنى احب بلادي زييكم بس للاسف ما قدرتش ابدا

[مشتاقه للجنه]

اقتباس
المشاركة الأصلية كتبت بواسطة حافظة القرآن





موضوع رائع

وكلمات جميلة

شكرا

فى انتظار جديدك المميز


أختى الفاضله

جزاك الله كل الخير

مودتى