طريقة عمل محشى الكرنب ^^

محمد (رومانسى) · منذ /03-13-2011, 02:35 PM

محشي الكرنب

اممم طبعا هنجى للمقادير يلا نشوف هههه

ــ كرنبة (حجمها حسب الرغبة )
ــ أرز (الكمية تتناسب مع حجم الكرنبة )
ـــ 2بصلة مبشورة
ــ 4 حبات طماطم (عصير )+ملعقتين صلصة
ــ حزمة خضرة وحزمة شبت وحزمة بقدونس
ــ ملعقة سمن كبيرة وملعقتين زيت درة
ــ ملح ,فلفل , بهارات مشكلة
ــ مرقة

الطريقة :ـ

أول حاجة نسلق الكرنبة ودي تعتبر أهم مرحلة فى الموضوع

لقيت طرق كتير على النت لسلق الكرنبة

بس بصراحة ملقتش فيهم طريقة زي بتاعة أمي

هقولكم طريقة ماما لأنها أسهل كتير وأسرع كمان من الطرق التانية

بنحط الكرنبة على التربيزة ونوقفها بحيث تكون راسها هى اللى فوق

وبعدين نجيب سكينة ونقطع الراس دي بس ازاااااااااااااي

نعمل على الراس من فوق زى مربع كدا وكل ضلع بقى ننزل بالسكينة فيه بميل كدا لتحت فهتطلع الراس على شكل هرم

وبعد كدا بنجيب حلة فيها مية ونحطها على النار لحد ما تغلي

نحط فيها الكرنبة كاملة ونحاول ندخل المية فيها من كل الجوانب
وبعدين هتلاقي الورق بعد كدا بيطلع معاكي سليم ورقة ورقة

ويكون جمبك حلة فيها مية باردة اللى تتطلعيه تحطيه فى المية الباردة عشان ما يستويش اكتر
وبعد كدا نشيل من كل ورقة العرق التخين اللى فيها دة
وبعدين نقطعه ونحضره للحشو
بالشكل دة

نيجي بقى نحضر الحشو
نخلط كل المقادير دي مع بعضها كويس

الخلطة هتبقى كدا

ونجيب حلة نحط فيها معلقة زيت ونفرشها بورقتين كرنب
ونبتدي بقى نلف ونرص فى الحلة بالشكل دة

وبعد ما نخلص كله نيجي بقى نحط على المحشي طبق وبعدين نحط الشربة فوقه

ملحوظة:الطبق عشان مع الغليان الصوابع ما تفكش

و بعد ما تتشرب المية نرفع الطبق وخلي المحشي على نار هادية لحد ما يستوي
وتقدميه مع لحمة أو فراخ

وبالهنا والشفا عليكم جميعااااااا
تحياتى

حافظة القرآن · منذ /03-14-2011, 04:18 PM

شكرا على الموضوع

فى انتظار جديدك المميز

نـــواف · منذ /03-14-2011, 04:43 PM

الله يعطيك العافية

على الوصفه

coralin · منذ /03-16-2011, 04:29 PM

شكرا ع الطريقة
وفى انتظار جديدك يا محمد

۩۩ elMagic ۩۩ · منذ /03-17-2011, 02:05 AM

تسلم يا حماده
جاااامد جدا

يسرا ّ · منذ /03-17-2011, 07:56 AM

ثاااااااانكس محمد
فـ انتظار جديدك

دودو16سنة · منذ /03-17-2011, 08:02 AM

شكرا على الموضوعفى انتظار جديدك المميز

ملكة مملكة الاحزان · منذ /03-17-2011, 10:03 PM

عملتة لانى بحبة موووووووووووووووووووووووت

Pǿm Ŧặặk Ŧőợk · منذ /03-17-2011, 11:33 PM

ثاااااااانكس يا محمد ع الوصفه

محمد (رومانسى) · منذ /04-02-2011, 04:26 PM

شكرااااا لمروركم يا احلى اعضاااااااااء
نورتكم الموضوع بوجودكم العطر
تحياتى لكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طريقة عمل محشي الملفوف بالصور	haytham ali	قسم طبخ المأكولات والعجائن	0	06-16-2011 03:40 AM
طريقة طبخ خروف محشي محمر	الحصان الأبيض	قسم طبخ المأكولات والعجائن	2	02-03-2011 10:49 PM
اقوى برنامج لصانع الكروت الشخصية والمهنية Business Cards MX 4.00 اقدم لكم نسخة كاملة لصانع الكروت الشخصةBusiness Cards MX 4.00 كاملة وعلى اكثر من سيرفر صورة من البرنامج هذا البرنامج يقوم بعمل الكروت الشخصية بى اشكال جميله وينفع الجميع	soad2010	برامج كمبيوتر - برامج نت - تحميل برامج 2022	0	10-29-2010 10:00 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

طريقة عمل محشى الكرنب ^^

قسم طبخ المأكولات والعجائن