[ ثـــرثــرهـ لا تنتهي ] == مشتركـ بين " فـــارمــــا " و " نــــور " .~

[♥..pure]

~ .مجرد ثرثرهـ لا تنتهي . ~ بين " dr.pharma & dr.nour " فـــــــارمـــــا : مساء الخير نـــــــــــــــور : مساء النور يا فآرما فـــــــارمـــــا : ازيكـ يا نور ... عامله ايه بعد الاشراف ؟ نـــــــــــــــور : تمـــآم الحمد لله .. كل شغــآل بس آطلعوآ انتوآ منهــآ بس فـــــــارمـــــا : تمام الحمد لله ... يارب دايما شغال فـــــــارمـــــا : تحبي نبدأ الحوار بـ المنتدى ولا بالحياهـ عامة نـــــــــــــــور : زى ما تحبى يا عســـل فـــــــارمـــــا : اوكي نبدأ بالمنتدى فـــــــارمـــــا : اعتقد ان مسأله الاشراف جات متأخرهـ شويه يعني انتي بقالكـ سنه ونص تقريبا عالمنتدى فـــــــارمـــــا : تفتكري ايه سبب انكـ تتأخري في تعيينكـ ؟ نـــــــــــــــور : بصى يا فارمــآ .. الآدآره بتختآر الى شآيفه انه ممكن يبقى كفئ فى المكان الى هيتحط فيه وما دام هى مش حطتنى من السنه ونص دول يبقى اكيد كان ليها وجهه نظرها الخآصه فـــــــارمـــــا : معنى كدا أنها شايفاكي مش كفء فـــــــارمـــــا : ولا علشان انتي شبه منتشرهـ في كل الاقسام فـــــــارمـــــا : قولي سبب انتي شايفاهـ او يكون احتمال للتأخير نـــــــــــــــور : ممكن زى ما آنتى قولتى عشان انا برد فى كل الاقسام ومش مركزه فى حآجه معينه .. وممكن مــآ خدآدتش بآلها .. وممكن فى نظرها فى الوقت ده اكون كنت لسه مش كفئ فى ردودى وزى ما قولتلك هى وجهه نظر خــآصه فـــــــارمـــــا : تمام ... انتي اللي أخترتي القسم ولا الادارهـ هي اللي رشحتكـ ليه ؟ نـــــــــــــــور : والله هو طارق دخل قالى عآوزه تبقى مشرفه .. قولتله انى كنت على علم بالخبر من قبل ما يقوله من مصدر معين .. قالى اى رآيك فى الصحه .. قولتله مآشى بمآ انها بتتمآشى مع حيـىتى الخآصه فـــــــارمـــــا : اها ... بس اعتقد ان نور تستاهل قسم أحسن فـــــــارمـــــا : بمعنى أنكـ كان ممكن تكوني مناسبه للاقلام فـــــــارمـــــا : انتي ايه رايكـ ؟ نـــــــــــــــور : آنتى فى نظرك ان الصحه مش قد كده .. بس فى نظرى حآجه تآنيا .. مآنا كان ممكن اقوله اخد اقلام بما انى متابعه فى القسم برده من زمــآن .. بس فى حآ’جه شدتنى للصحه آكتر فـــــــارمـــــا : يمكن عشان الاقلام فيه 3 والصحه مافيهاش حد فـــــــارمـــــا : يعني ممكن تلاقي اللي يعارضكـ واللي يقولكـ لا ينفع ومينفعش ؟ فـــــــارمـــــا : قولتي أريح ابقا لوحدي في القسم نـــــــــــــــور : لآء عآدى كــآن ممكن آتوآجد فيه لآن معظم مشرفيه يعتبروا فى حآله غيــآب 90% نـــــــــــــــور : فمكنش هيكون فى مشكـــله فـــــــارمـــــا : ايه أنطباعكـ عن قسم الصحه حالياً ؟ فـــــــارمـــــا : بمعنى شايفاهـ ازاي ؟ نـــــــــــــــور : قسم زى اى قسم فرعى فى المنتدى ... يعنى هتلاقى شغله زى شغل الاخبار والاغانى والموبيلات واقسام تانيه كتير .. فما تحآوليش تقارنيه باقسام اساسيه زى السجل واليوميات والنقاش فـــــــارمـــــا : لعلمكـ انا مقارنتش ... انتي متحاوليش تهربي من الاجابه !!! فـــــــارمـــــا : سؤالي محدد فـــــــارمـــــا : ايه انطباعكـ عنه ؟ هتعرفي تزودي التفاعل عليه ولا لأ . ؟ فـــــــارمـــــا : ليكي خطط ممكن تنفذيها للرقي بالقسم وانه يكون بشكل احسن ؟ نـــــــــــــــور : ان شاء الله الى فيه الخيــر يقدمه ربنا .. احنا بننوى وكله على الله فـــــــارمـــــا : ونعم بالله يا نور ,, فـــــــارمـــــا : تمام كدا نغير محور الكلام فـــــــارمـــــا : وننتقل للحديث عن الحياهـ بوجه عام فـــــــارمـــــا : ايه مبدأ نور في الحياهـ .. أو ايه اساسها اللي ماشيه عليه ؟ نـــــــــــــــور : مممم ,, ممكن تقولى بحب احكم عقلى فى آى حآجه قبل مآ اعملها .. بس مش معنى كده انى مش بغلط بالعكس الواحد ليه فلتآت كتير .. بس بنحاول نصلح من نفسنا على قدر الامكآن فـــــــارمـــــا : معنى كدا ان عقلكـ بيغلط وله فلتات ؟ نـــــــــــــــور : مفيش بنى آدم ما بيغلطشى .. آلا لو كآن ملآك .. ومفيش بشر ملآك فـــــــارمـــــا : اكيد محدش فينا ملاكـ ... فـــــــارمـــــا : بس غلطات نور هل ياترى بتأثر على حياتها نـــــــــــــــور : ما تقدريش تربطى بين كل الغلطآت يا فآرما نـــــــــــــــور : فيه غلطه تودى ورا الشمس نـــــــــــــــور : وفيه غلطه نقدر نعدل منها ونصلحهآ فـــــــارمـــــا : امممم معنى كدا ان نور بتحاسب نفسها ؟ فـــــــارمـــــا : سواء عملت صح او غلط ؟ نـــــــــــــــور : بصى هى الحيـــآه مش مآشيآ بالساعه معآيآ زى ما انتى متخيله .. بس كل وآحد فينا جوى حآجه اسمها ضميره .. والضمير دآ بيوجع آوى لما البنى آدم يغلط .. فالحسآب بيجى من هنآ فـــــــارمـــــا : ولما ضميركـ بيوجعكـ بتعاقبي نفسكـ ولا بتنفضي ؟ نـــــــــــــــور : هههههههه نـــــــــــــــور : بصى هو الشيطآن زى ما بيقولوآ شاطر نـــــــــــــــور : وشآطر آوى كمآن نـــــــــــــــور : بس برده مش فى كل الحالآت بحاسب نفسى نـــــــــــــــور : اكيد بتغاضى بتآثير من شوشو عن بعض الحآجآت فـــــــارمـــــا : امممممم بس دا ضعف يا نور فـــــــارمـــــا : انكـ تمشي ورا الشيطان وانتي عارفه انه بيوسوس فـــــــارمـــــا : فين الارادهـ ... فين الضمير اللي قولتي عليه من شويه ؟ نـــــــــــــــور : طيب يا ستى هجآوب عليكى بنفس السؤال .. ليه سعات ممكن تمشى فى طريق وانتى عارفه ان نهايته مسدوده ؟ فـــــــارمـــــا : متحاوليش تهربي من السؤال ... انا بسألكـ سؤال واضح فين ارادتكـ نـــــــــــــــور : اكيد مفيش انسان بيمشي على المستقيم فـــــــارمـــــا : طب ولو مشى على الصراط والتزم ؟ فـــــــارمـــــا : هل ممكن يلاقي عواقب بتقابله ؟ نـــــــــــــــور : اه نـــــــــــــــور : لآزم الانسان يبقى مرن فى حيـــآته ومش هيعرف يحقق المرونه دى بالالتزام المتشدد الى عنوانه الصراط فـــــــارمـــــا : نور ... اكيد محدش معصوم من الانتقاد فـــــــارمـــــا : هل اتعرضتي للانتقاد لشخصيتكـ قبل كدا ؟ نـــــــــــــــور : فى فرق بين اتنقاد شئ حقيقى فى ذات الانسآن وانتقاد هجآئى نـــــــــــــــور : انا معظم الانتقادات الى ممكن تكون اتوجهتلى هجائيه فـــــــارمـــــا : ممكن تقولي موقف لكدا ؟ نـــــــــــــــور : مثلا ,, كــآن حصل واتقال انى بنت تافهه وماشيآ ورآ عوآطفى نـــــــــــــــور : على العكس خآلص من واقعى الى انا عايشآه نـــــــــــــــور : اكيد انتى ممكن تحكمى على نقد زى ده نـــــــــــــــور : بما اننا اصحاب فـــــــارمـــــا : بعيداً عن العلاقه اللي ما بينا دلوقتي فـــــــارمـــــا : انا عاوزاكي تثبتي للي بيسمعوكي فـــــــارمـــــا : هل نور كدا او لأ فـــــــارمـــــا : يعني نور تافهه وبتمشي ورا عواطفها او لأ فـــــــارمـــــا : ولما تقولي رايكـ هقول انا شايفه ايه ؟ فـــــــارمـــــا : تمام؟! .. اتفضلي انا سمعاكي فـــــــارمـــــا : كملي نـــــــــــــــور : هديكى مثآل بسيط آوى يا فآرمآ نـــــــــــــــور : عآرفآ انتى اما يكون عندك طرحه بيضه ونآصعه آوى نـــــــــــــــور : ومجرد انك خرجتى بيهآ خروجه فآتوسخت نـــــــــــــــور : قمتى انتى خفتى عليها من التراب نـــــــــــــــور : فغسلتيها وطبقتيها وعنتيها فى الدولاب معززه مكرمه من تانى نـــــــــــــــور : الطرحه دى تقدرى تشيليها وتحطى نفس نور فـــــــارمـــــا : تمام يا نور فـــــــارمـــــا : ارجع لكلامكـ وانتى قولتي انا شايفه ايه بما أننا صحاب فـــــــارمـــــا : رأيي في ان نور تافهه وبتجري ورا عواطفها فـــــــارمـــــا : اوكي فـــــــارمـــــا : معتقدتش اني شوفت الكلام دا فيكي قبل كدا فـــــــارمـــــا : يعني كل حاجة بنتكلم فيها تقولي انتي شايفه ايه ... اعقلي الكلام قبل ما تقوليه ... شوفي عقلك هيقولك ايه واعمليه فـــــــارمـــــا : اعتقد دا اللي دايما بسمعه منكـ فـــــــارمـــــا : ودا ما يمتش بأي صله للتفاهه والانجراء ورا عواطفكـ فـــــــارمـــــا : بالعكس فـــــــارمـــــا : ساعات بدوسي عليهم عشان عقلكـ فـــــــارمـــــا : تمام يا نور ... نـــــــــــــــور : تمآم فـــــــارمـــــا: تمام ... بمناسبه انكـ بدوسي على عواطفكـ ... حسيتي قبل كدا أنكـ ظلمتي نور .. أو ظلمتي نفسكـ ؟ نـــــــــــــــور : مممم .. آه .. وظلمتهآ يوم ما لغيت عقلى فـــــــارمـــــا : وكان عواقب كدا ايه ؟ فـــــــارمـــــا : خسرتي نفسكـ ... ؟؟؟ نـــــــــــــــور : ممكن نآس تخسر نآس ومتعرفش ترجعهآ تــآنى .. بس العقل زينه .. والزينه بترجع آى خسآره فـــــــارمـــــا : معني كدا أنكـ مبتخسرين عقلكـ فـــــــارمـــــا : او بمعنى أصح أنكـ بتقدري ترجعي لرشدكـ علطول .؟ نـــــــــــــــور : ممكن تقولى كده .. او تقولى بحس بالغلط قبل ما ادخل فيه فبلحق نفسى فـــــــارمـــــا : اهـ فهمت .. بتلحقي نفسكـ في أخر وقت يعني فـــــــارمـــــا : طيب ننتقل من ظلم النفس لـ ظلم الغير فـــــــارمـــــا : نور ظلمت حد قبل كدا ؟ نـــــــــــــــور : آنـــآ ف نظرى الى بيظلم .. مآ بيحسش بنفسه .. وفى نآس حتى ل حست بيــآخدها كبريآها ومش بتعتذر .. بس ده قمه الغلط .. لآن الغلط وحآشته مش بتكون فيه .. اانما فى التمآدى فيه !! فـــــــارمـــــا : بردو بتهربي من الاجابه فـــــــارمـــــا : سألت سؤال محدد ... ظلمتي حد ولا لأ ؟ نـــــــــــــــور : يا بنتى ركزى .. انا قولتلك فوق ان الى بيظلم مش بيحس بنفسه .. انتى بتهنجى ولا اى يا فارما فـــــــارمـــــا : ماشي ننتقل من حوار الظالم و المظلوم دا فـــــــارمـــــا : هل يا ترى نور اتعرضت لموقف ومعرفتش تاخد فيه قرار ؟ نـــــــــــــــور : بصى هو موضوع القرارات دا عقده حياتى لانى متردده جدااا لابعد ما تتصورى فـــــــارمـــــا : يعني مبتعرفيش تأخدي قرار لوحدكـ فـــــــارمـــــا : لازم تأخدى رأي اللي حواليكي ؟ نـــــــــــــــور : لاء مش موضوع لوحدى او حواليا نـــــــــــــــور : هو انا بححب اسمع الى حواليا نـــــــــــــــور : بس ف الاخر بعمل الى انا مرتاحالاه ومقتنعه بيه فـــــــارمـــــا : طب وايه لازمه انكـ تاخدي برأي الناس وانتي في الاخر هتنفذي اللي في دماغكـ فـــــــارمـــــا : تضييع وقت مثلا ؟؟ نـــــــــــــــور : اه تضيع وقت ..^^ نـــــــــــــــور : يعنى بجد سؤالك غريب نـــــــــــــــور : الرسول (ص) قالنا نـــــــــــــــور : وامرهم شورى بينهم نـــــــــــــــور : يبقى ليه مش اتشآور!! ... اكيد اى حد بيقول رايه هستفاد منه .. وهيوعى فكري شويه عشان اخد القرار الصح واللي مقتنعه بيه في الاخر ... فـــــــارمـــــا : نور ... اتعودتي انكـ تصفي حساباتكـ مع الغير فـــــــارمـــــا : او تتبعي اسلوب الانتقام ؟ نـــــــــــــــور : الانتقآم مش من طبعى بالعكس بتجيلى الفرصه بدل المره الف انى انتقم من اى حد غلط فيــآ بس صفاء القلب لله مش للعبد فـــــــارمـــــا : طيب انا مش عاوزهـ اتقل عليكي اكتر من كدا ^^ فـــــــارمـــــا : نقول اخر حاجة فـــــــارمـــــا : ايه هدفكـ في الحياه فـــــــارمـــــا : وهل حققتي جزء منه ولا لأ نـــــــــــــــور : مآشى .. انا هدفى وكل املى فى الحياه ان ربنا يرضى عليا وبعدهم بابا وماما نـــــــــــــــور : واكيد بعدها هبقى راضيا عن نفسى وفى الاخر الناس تكوني راضيه عني وعن تصرفاتي ,, فـــــــارمـــــا : بشكركـ يا نور على سعة صدركـ لأسئلتي ,, وبتمنالكـ توفيق في حياتكـ ,, نـــــــــــــــور : أنا اللي بشكركـ يا فارما ... نايس كويتشنز ^^ بالتوفيق يارب ,,

[CuOp!D]

برضــهـ بتهربــتـى منـ الاجابــهـ )
سألتـكـ سؤال محدد )
لو قدامـ بعضـ هتولعوا ف بعـض
بس حوار ف منتـهـى الجمال ولايقينـ قـوى وانتوا بتتجادلـوا
بالتوفيـقـ ياربـ

[beauty angel]

نونا & فوفا

حــوار جامد ياقمــرات

بس انتوا متنرفزين على بعض ليه هههههه

حلوين اوى وانتوا بتتجادلوا على رأى بكورة

لا بجد حــوارشيق (الاسئلة والاجابات) ياقمرات ^^

موفقين ان شاء الله

[رقة BaNOTa]

حلو جدال الصحاب ده
كأنكو متعرفوش بعض
وعجبتني رفيف في انها متخليش نور تتوه نها خالص
موضوع جميل يابناااااااااااااااااااات

[DR.SMA]

حوار جميل اوي اوي اوي يا بنات

بجد استمتعت بيه

مع انه طويل وكنت هقلب واشوف اخره

لكن فعلا شدني وقرأته كله

تسلمو

وبالتوفيق يارب

[هزوره المصريه]

روعة يابنات ماتدوا لبعض بالكورسى أنتى وهى
ولا الكيبورد أخف ومش بيوجع هههههه مشاء
الله حوار رائع بجد أبدعتوا ياحلوات بالتوفيق أن شاء الله ,,

[misho]

رفيف و نور
الحوار جميل بينكم واتكلمتوا في حاجات متنوعة وشيقة
والاسلوب بينكم بسيط
بالتوفيق ليكم دايما

[♥Donya♥]

بجد حوار ممتع منك يا رفيف
انتي ونور
انا حاسه انكم كنتو هتضربوه بعض
ربنا يارب مايحرمكم من بعض
بجد استمتعت جداااااااا وعرفت حجات عن د\نور ماكنتش اعرفها
وانشاء الله تنولي رضاربنا ووالديك والناس يانور
لانك شخصيه محترمه وتستحقيه ده
بالتوفيق ليكي يا فارما
^^

[♥..pure]

اقتباس
المشاركة الأصلية كتبت بواسطة CuOpiD





برضــهـ بتهربــتـى منـ الاجابــهـ )
سألتـكـ سؤال محدد )
لو قدامـ بعضـ هتولعوا ف بعـض
بس حوار ف منتـهـى الجمال ولايقينـ قـوى وانتوا بتتجادلـوا
بالتوفيـقـ ياربـ

هههههههههه
اتريق اتريق ,,
ماشي يا كيو اما نشوف شطارتكـ
دا انت مدبسني معاكـ كمان
الله عليكـ وعلى جمال خطوتكـ ,
:012:

[♥..pure]

اقتباس
المشاركة الأصلية كتبت بواسطة beauty angel





نونا & فوفا

حــوار جامد ياقمــرات

بس انتوا متنرفزين على بعض ليه هههههه

حلوين اوى وانتوا بتتجادلوا على رأى بكورة

لا بجد حــوارشيق (الاسئلة والاجابات) ياقمرات ^^

موفقين ان شاء الله

ههههههههههه
فعلا يا يويو
انا كنت أصدهـ دا في الحوار
عشان بس محدش يقول ان عشان الاصحاب مفيش هجوم وانتقاد وكدا
نحن نختلف عن الاخرون ^^
منورهـ يا جميل ,,