بالصور: حقيقة وثيقة أمن الدولة التي تؤكد التحيز للأهلي في عهد مبارك على حساب الزمالك

[M@HMOUD]

انتشرت وثيقة منسوبة لجهاز أمن الدولة الفاسد الذي دمر الدولة والحياة المصرية على مدار السنوات الماضية ودمره الشعب المصري الباسل في النهاية وأباده في ثورة 25 يناير المجيدة.

وتشير هذه الوثيقة إلى مطالبة مسئولي أمن الدولة من مسئولي اتحاد كرة القدم المصري العمل على فوز الأهلي بالبطولات بأي شكل ممكن.. نظراً لأن أغلب مشجعيه من الطبقة الدونية من عامة الشعب، على حسب ما جاء في هذه الوثيقة السرية.

ورغم عدم تأكدنا من صحة هذه الوثيقة، وهل هى مفبركة أم صحيحة.. خاصة بعد ان انتشرت الكثير من الوثائق المفبركة والمصنوعة بواسطة الفوتوشوب عقب اقتحام الشعب المصري لمقرات أمن الدولة في كل المحافظات والاستيلاء على الوثائق التي بقيت بعد ان فرم وحرق ضباط هذا الجهاز الفاسد معظم الأوراق والمستندات والوثائق التي تدينهم وتدين النظام البائد.

غير اننا بعيداً عن صحة أو خطأ هذه الوثيقة وليس هذا ما يهمنا هنا.. ولكن كل ما كان يحدث في السنوات الماضية كان يثير الريبة والشك، لماذا يعمل النظام المصري بشكل مخطط ومنظم وممنهج على إسقاط نادي الزمالك في مستنقع دائم من المشاكل.

ولماذا كانت تمول الدولة الأهلي وصفقاته من اللاعبين بكل هذه الأموال.. من خزينة الدولة حيث يملك الشعب المصري وكالة الأهرام للإعلان أكبر ممول للأهلي، ومن جيوب وخزائن كبار رجال أعمال النظام مثل ياسين منصور وصفوان ثابت وإبراهيم صالح ومجموعة الخرافي ******************ية التي كانت على علاقة وثيقة بالنظام المصري وتحصل على الأراضي في مصر بملايين الأمتار بأموال زهيدة.!!

لماذا كانت مشاكل الانتخابات دائماً في نادي الزمالك فقط، والزج ببعض الشخصيات "المخطط لها من النظام البائد" للدخول في انتخابات النادي واحداث مشاكل بالجملة وشغل الشعب وارباكه في محيط مشاكل نادي الزمالك وانتخاباته ولفت نظر الناس عن مشاكلهم الحقيقية والفساد الذي يحدث في مصر.. وتحويل كرة القدم والرياضة إلى مشكلة حياتية وليس مجرد حب وتشجيع لنادي وترفيه بلعبة كرة القدم أو الألعاب الأخرى؟!

لماذا كانت دائماً انتخابات الأهلي هادئة تماماً.. حتى حاول حسام بدراوي المعارض داخل الحزب الوطني سابقاً تحريك المياه الراكدة وترشح على منصب الرئاسة في الانتخابات الحمراء.. وشهد أكبر وأشنع وأفظع جريمة صحفية يمكن ان تمارس من بعض الصحفيين بجريدة الأهرام ضده بطريقة منظمة على صفحات هذه الجريدة الممولة من أموال وضرائب هذا الشعب وبشكل مُعلن وواضح؟؟ لماذا حدث معه هذا؟؟ ولماذا وقفت جريدة الأهرام التي يملكها الشعب وليس حسن حمدي مع قائمة حمدي فقط؟؟ مع انها ليست جريدة خاصة حتى تختار مع من تقف ومع من تضاد.. فهى جريدة لكل المصريين، من المفترض هذا، ولكن في عصر مبارك البائد كانت جريدة النظام الفاسد مثلها مثل باقي الجرائد المباركية أو القومية.. وسعدنا بثورة الصحفيين الشرفاء - وهم الغالبية العظمى - فيها بعد الثورة وحركة التطهير الجارية الآن.

ربط الخيوط ببعضها البعض.. تمويل الأهلي مادياً بشكل فاحش، وتجريد الزمالك مالياً بشكل غير معقول رغم أنه الأغنى بالعقل والمنطق بسبب مقره الذي يمكن ان يجلب عليه المليارات سنوياً، وشغل الناس بإنتخابات الزمالك وعمل حراك شديد حولها لا يتوقف في جميع وسائل الإعلام، كل هذا يؤدي في النهاية إلى ان نتأكد من ان النظام البائد كان يعمل بالفعل في اتجاه معين واضح للجميع في المجال الرياضي، وهذا بعيداً عن صدق وثيقة أمن الدولة هذه من عدمه.

لا تعليق لو الكلام ده حقيقى



يا زملكاويه لكم الافتخار بناديكوا العظيم

[واد حبيب]

لو كان الكلام ده صحيح انا معاك

بس البطلات الافريقيا كمان امن الدوله له شان فيها

ولما راح كاش العالم لانديه كان بامر امن الدوله

ولما كان الاول عربيه وافريقيا كان برده بامر من امن الدوله

شكرا علي الخبر

الحبيب

[M@HMOUD]

اقتباس
المشاركة الأصلية كتبت بواسطة واد حبيب





لو كان الكلام ده صحيح انا معاك

بس البطلات الافريقيا كمان امن الدوله له شان فيها

ولما راح كاش العالم لانديه كان بامر امن الدوله

ولما كان الاول عربيه وافريقيا كان برده بامر من امن الدوله

شكرا علي الخبر

الحبيب



انا بقول لو الكلام ده صح هايكون على البطولات المحليه
وبعدين انت ايه اللى خلي الاهلى يلعب فى افريقيا من لم خدتوا الدورى
وايه اللى خالك توصل لكاس العالم مش لم خدت بطوله افريقيا وبطوله افريقيا لم خدت الدورى
وبعدين الله واعلم
الحقيقه فين

[ღ Gի๐sτ ღ]

اولا كلام يضحك :d

لان الكلام دة اكيد مش صح واللى كاتب الخبر نفسو قايل انة مش صح بس هانعتبر الكلام دة صح هارد عليك نقطة نقطة وركز فى كلامى

لماذا يعمل النظام المصري بشكل مخطط ومنظم وممنهج على إسقاط نادي الزمالك في مستنقع دائم من المشاكل.

مين قال كدة ؟ سقطوة فية اية ؟ كان مركز اول خلوة اخير يعنى !!


ولماذا كانت تمول الدولة الأهلي وصفقاته من اللاعبين بكل هذه الأموال.. من خزينة الدولة حيث يملك الشعب المصري وكالة الأهرام للإعلان أكبر ممول للأهلي، ومن جيوب وخزائن كبار رجال أعمال النظام مثل ياسين منصور وصفوان ثابت وإبراهيم صالح ومجموعة الخرافي ******************ية التي كانت على علاقة وثيقة بالنظام المصري وتحصل على الأراضي في مصر بملايين الأمتار بأموال زهيدة.!!

وكالة الاهرام زي ماهى بتدى فلوس للاهلى زي ماهى بتدى فلوس للزمالك !! محدش اتكلم عالزمالك ؟؟؟

واللى يمول الاهلى من رجال اعمال مايمولو وفيها اية ؟
مفيش نادي في العالم مبياخدش تمويل فلوس من رجال الاعمال

والزمالك نفسو بياخد تمويل متكلمتوش لية عالزمالك ؟؟

ومادخلنا احنا بان الرجال الاعمال يشترون اراضى بفلوس صغيرة ولا كبيرة

واحد وبيدعم النادى هانقولة لا مش محتاجين فلوس :d

لماذا كانت مشاكل الانتخابات دائماً في نادي الزمالك فقط، والزج ببعض الشخصيات "المخطط لها من النظام البائد" للدخول في انتخابات النادي واحداث مشاكل بالجملة وشغل الشعب وارباكه في محيط مشاكل نادي الزمالك وانتخاباته ولفت نظر الناس عن مشاكلهم الحقيقية والفساد الذي يحدث في مصر.. وتحويل كرة القدم والرياضة إلى مشكلة حياتية وليس مجرد حب وتشجيع لنادي وترفيه بلعبة كرة القدم أو الألعاب الأخرى؟!

لان المشاكل دي جاية من عندكو انتو
ممدوح عباس ومرتضى منصور وشلة الرؤساء الحلوين
دايما يتخانقو مع بعض ويكسرو مكاتب بعض واتهامات بينهم وبين بعض
يبقى مادخل امن الدولة او الاهلى بالموضوع ؟

عايز تفهمنى ان اللى المشاغب مرتضى منصور اهلاوى . او اللى بيتخانقو معاه اهلاوية ؟
كلهم زملكاوية مع بعض بيتخانقو مع بعض لانهم بيبحثو عن المناصب والمصالح الشخصية فقط

وانتاخابات الاهلى هادية لان الاهلى بيعمل كل حاجة بنظام
مش خلطبيطة والحوارات بتاعت رؤساء الزمالك
مثال علي كدة . يرضيك انت اياميدو يازملكاوي اللى بيحصل بين مرتضى منصور ورؤف جاسر وممدوح عباس والناس دي ولا فضايح وحاجة تكسف ؟ وكلهم زملكاوية
يعنى الاهلى او امن الدولة ملوش دخل بالحوار معاهم صح ولا انا غلطان

ربط الخيوط ببعضها البعض.. تمويل الأهلي مادياً بشكل فاحش، وتجريد الزمالك مالياً بشكل غير معقول

ياراجل دة فتحولكو حساب تبرعات
يعنى بيساعدكو فى الازمة المالية

يبقى تجريد فين

بعد كلامى ياميدو
اقتنعت ان كل دة كلام اهبل ويضحك ولا لسة مصدق الكلام دة

بينك وبين نفسك بعيدا عن حوارات الوثائق والحوارات دى ؟


ومن هنا ياميدو واقسم بالله العظيم انا اول مرة اقراء الخبر دة

بس من غير ماعرف الخبر انت جايبو منين

اكيد الخبر دة من حاجة من الموقعين دول

اما من موقع الزمالك
او موقع ايوة كورة

لان مواقع الزمالك هي اللى بتعمل الكدبة عالجمهور الابيض الغلبان ويصدقهم

او موقع ايوة كورة الفاشل اللى مفيهوش محرر فاهم كورة
وبيحبو الاخبار البايظة وكل يوم ينزل خبر وبعد ساعه تلاقى تكذيب الخبر :d

وخاصة انة موقع بيحب يجيب كلام كتير ضد الاهلى

والله ماعرف منين الخبر بس اكيد من الموقعين دول

[ღ Gի๐sτ ღ]

بحثت عنو
من موقع الزمالك
عيب مش قلتلك

بزمتك انت ابتصدق الاخبار مواقع الزمالك دة خبر يضحك وربنا

بعدين انت عارف زمالك فانز والمواقع الزمالك كلهم فاسدين

بيتكلمو عن الصحافة ويقولك افظع واشن

ومبيشوفوش الكلام اللى بيكتبوة والشتايم اللى بيعملوها عالاهلى :d

خش كدة مواقع الاهلى
اهلي نيوز - جماهير الاهلى
مش هاتلاقى حاجة تشتم الزمالك
هاتلاقى كلو خاص بالاهلى وممكن حاجة تتكلم عالزمالك بس بالحق

مش بالمنظر المسىء دة والكلام اللى يضحك ويعمل فتنة

[بنت الجنوب]

وتشير هذه الوثيقة إلى مطالبة مسئولي أمن الدولة من مسئولي اتحاد كرة القدم المصري العمل على فوز الأهلي بالبطولات بأي شكل ممكن.. نظراً لأن أغلب مشجعيه من الطبقة الدونية من عامة الشعب، على حسب ما جاء في هذه الوثيقة السرية.




بصراحة يا ميدو دى وسعت منهم شوية ( كتييييييييييير)
هو من امتى امن الدولة كان بيبص بعين الاعتبار (( للطبقة الدونية))

ده غير لو الاهلى وخدها كوسه زى ما بيقولوا
خد الدورى كوسة
مكنش حيقدر يكمل فى افريقيا ويطلع من اول الادوار
ولا ايه رايك انت


البينجح فى الثانوية العامة بالوسطة مش بينجح فى الجامعه واذا نجح مش بينجح بتفوق
معايه ولا لأ



مش كل وثيقه لازم نصدقها

خصوصا ان فيه وثيقه بتقول ان ابوتريكه كان مراقب فى كل تحركاته لانه محسوب على الاخوان المسلمين



على العموم الفترة القادمة فى تاريخ مصر هامه جدا مش لازم نلتفت للشائعات ولازم نتحد اكتر


تسلم ميدو على التوبيك

[ღ Gի๐sτ ღ]

زي ماقالت بنت الجنوب

كنا فوزنا بالدورى
بس مكسبناش دورى افريقيا ؟ موصلناش تالت كاس عالم

مكنش منتخب مصر فاز بكاس امم افريقيا رغم المنتخبات القوية لن منتخب مصر كان يعتبر هو هو الاهلى من الحضرى للدفاع وائل جمعه واحمد فتحى وابراهيم سعيد ومحمد بركات ومحمد عبد الوهاب او معوض والنص شوقى واحمد حسن والمثلث الهجومى تريكة و متعب و عمرو زكى

يعنى كان تشكيلة المنتخب كلها اهلي باستثناء اتنين فقط هما عمرو زكى وابراهيم سعيد محترفين
او زمالك وانبى

[2hlaoy4ever]

اى كلام مستفز وخلاص بتعملوة على الاهلى

فى اية يا زملكوية مش ناوية تهدوا يعنى شوية

انتوا ديما بتبدا المشاكل

شكلكوا اتعديتوا من الائرع المسكوا

مبدائين الاهلى عمروا ماخد بطولة ظلم ولا اى هبل من الكلام والاشعات التافه ال المكتوبة دية

وطبعا معروف من زمان ان الاهلى جمهوروا من الطبقة الراقية مش زيك الزمالك يعنى اكيد

وطبعا معروف انكم عمركم ومن رابع المستحلات انكم تكسبوا الاهلى تانى

حتى شوفوا اول ما الائرع دة مسك الزمالك وهوة مش عارف يكسب الاهلى حلم حياتوا يكسب الاهلى

بس عمركم مهتوصلوا للاهلى مهما حصل

الاهلى يسير و.......... كملوا انتوا

يلا سلام ومحدش ليه دعوة بالاهلى وبطلوا اشعات شوية

[M@HMOUD]

اولا انا مش مصدق الخبر ده
بس انا لقيتوا وحابت اجيبوا
وانتوا لو كان مكتوب العكس كنتوا هاتنزلهوا
وبعدين
الخبر مكتوب فيه الله واعلم اذا كانت الوثيقه صح ولا غلط
على العموم نورتوا

[ღ Gի๐sτ ღ]

ماهو لازم يقول الله اعلم
لانة لو مقالش كدة الاهلى كان هايرفع قضية عالموقع ويقفلو
والخبر فاسد من موقع فاسد

بص
عاوز مواقع جامدة مفيش غير يلا كورة وفى الجول وكورة العربى وجول المصرى واهلي نيوز والرياضة للابد رغم انه من منتدي

اي موقع تاني اللى هما مواقع الزمالك وايوة كورة والباقيين كلها فاسدة ومش لاقية حاجة تعملها

بدليل انك تلاقى المواقع اللى قلتلك عليها حلوة تلاقي اخبارهم قليلة لانهم بيفكرو فى افادة الزائر يعرف يقدر يشوف الاخبار اليومية كاملة وبردو عشان بيتعبو وبيقعدو ساعات عشان يجيبو الخبر بالدقة والتحرى

انما المواقع الفاسدة تلاقي اخبارهم بعدد شعر راسك لانهم كل دقيقة ينزلو خبر من دماغهم لانهم فاكرين كترة الاخبارة هى دى الحاجة الحلوة وبس