من اجل حبيبتي مصر: ارجوك تدخل لان صوتك امانه وبلدنا هضيع بالخيانه

[beautycat]

حبيبتي مصر :ارجوكي سامحيني غلطت في حقك كتير لما كنت سلبي\سلبية لما مش نزلت اصوت في الانتخابات الرئاسيه وانتخابات مجالس الشعب والشوري لما سمحت لتزوير الانتخابات وان حد يقولي ده (اه) وده (لا).........
بس خلاص انا فقت وكل مصري ومصرية فاقوا خلاص مش هسمح بده تاااااااااااااااااااااني.........
انا هنزل واصوت في الاستفتاء علي التعديلات الدستورية خلاص يابلدي مش هزعلك مني تااااااااني.......


حبيت انهارده اوريكم صوره لورقه الاستفتاء اللي ان شاء الله هنروح نصوت عليها يوم السبت 19 مارس
بس يا جماعة عايزاكم تاخدوا بالكم من حاجه وتسالوا نفسكم سؤال :
ايه هيحصل لو(لا) وايه هيحصل لو(اه)؟؟؟؟........

احب اعرفكم ان كنتم تحبوا لو كان ردنا

(نعم)
1:اعاده الاشراف القضائي الكامل وغلق الباب امام التزوير
2:تخفيف شروط الترشيح للرئاسه وتحديد مده الرئاسه
3:الغاء قاعده سيد قراره واحترام القضاء(وده طبعا لمجلس الشعب والرئيس)
4:تحديد فتره الطوارئ واستفتاء الشعب عليها
5:التمهيد لانتخاب الرئيس الجديد من خلال مجالس منتخبه وغير مزوره
6:عمل دستور جديد خلال اشهر قليله بعد الاستفتاء (حوالي 3 شهور)
ده لو كان نعم اما بقي لو كان (لا)
1:مفيش دستور جديد ونرجع من نقطه الصفر
2:هنرجع للاعلان الدستوري القديم
3:هنبقي لو دخلنا انتخابات رئاسيه جديده يبقي بنعمل ايه؟(بنشيل دكتاتور ونجيب اله يعبد)وانا اسفه في التعبير لانه بجد هيبقي ده اللي بيحصل لان الدستور لما يتحط هيتحط قبل انتخابات الرئاسه يبقي ايه لازمه نقول (لا)
حبيت كمان اقولكم ان الجيش مش شغلته انه يقف علي بيبان الجامعات والوزارات والمصالح والميادين وانه كمان عنده مهام اكتر من كده حدودنا في السودان اللي دخل منها جواسيس وحدودنا في سيناء ونخورة اسرائيل وحدودنا في ليبيا وجنون القذافي ومياه نهر النيل وحاجاااااااااااااااااااات كتير
ارجوكم بس التعليق (نعم)او(لا)للتعديلات الدستوريه .....صوتك امانه
مصر حبيبتي في عنق الزجاجه.....

[sεηυσяιтα ησOση]

صح كلامك صح تسلمى على الموضوع الرائع

[ASYA]

فعلا عندك حق صوتنا أمانه ولازم كلنا ننزل وكمان ناخد معانا اصحابنا وجيرانا واهلنا علشان ده واجبنا نحيه مصر معتش ينفع نبقى سلبيين لازم نقول رأينا مهما كان
بعد الثوره اللى الشباب عملوها اللى هيفضل سلبى بعد كده ميستحقش يبقى مصرى
لان الشباب دول اثيتوا اننا احلى بلد فى العالم
طولت فى الرد
بس عاوزه أقول حاجه كمان فى انتخابات مجلس الشعب اللى فاتت انا خرجت ورحت الانتخابات بس بصراحه بعد اللى شفته واللى حصل هناك كنت مقرره انى مش هنزل الانتخابات تانى بس بعد الثوره كل حاجه اتغيرت وفعلا حاسه ان صوتى هيأثر علشان كده لازم هروح
حاجه أخيره
مش مهم هنبقى مع مين هنقول اه ولا لأ بس المهم ان مقتنعين بلى هنقوله
وربنا يحمى لينا بلدنا ونعدى بيها لبر الامان

[beautycat]

اقتباسالمشاركة الأصلية كتبت بواسطة ASYAفعلا عندك حق صوتنا أمانه ولازم كلنا ننزل وكمان ناخد معانا اصحابنا وجيرانا واهلنا علشان ده واجبنا نحيه مصر معتش ينفع نبقى سلبيين لازم نقول رأينا مهما كان
بعد الثوره اللى الشباب عملوها اللى هيفضل سلبى بعد كده ميستحقش يبقى مصرى
لان الشباب دول اثيتوا اننا احلى بلد فى العالم
طولت فى الرد
بس عاوزه أقول حاجه كمان فى انتخابات مجلس الشعب اللى فاتت انا خرجت ورحت الانتخابات بس بصراحه بعد اللى شفته واللى حصل هناك كنت مقرره انى مش هنزل الانتخابات تانى بس بعد الثوره كل حاجه اتغيرت وفعلا حاسه ان صوتى هيأثر علشان كده لازم هروح
حاجه أخيره
مش مهم هنبقى مع مين هنقول اه ولا لأ بس المهم ان مقتنعين بلى هنقوله
وربنا يحمى لينا بلدنا ونعدى بيها لبر الامان


حبيبتي.....شكرا لمرورك ومش طولتي ولا حاجه بس كمان مش قولتيلي رأيك ايه؟

[beautycat]

اقتباسالمشاركة الأصلية كتبت بواسطة حلاوتى بشقاوتىصح كلامك صح تسلمى على الموضوع الرائع
حبيبتي.....شكرا لمرورك بس مش قولتيلي ايه رأيك؟

[زنبقة تناجى ربها]

أنا غير مصرية بس رأيى التعديل دايم فى صالح الناس لأن الحياة تغير ...

القوانين لو طُبقت أن شاء الله تكون على أفضل حال ...

وأهم شىء تكون القوانين الجديدة فى صالح مصر ويأخذون فيها أكثر من مستشار ...

تسلمين بيرتى كات ...

[Big Brother]

ان شاء الله مصر عمرها ما هتضيع
مصر لو هتضيع كانت ضاعت من زمان
لان مصر واهلها في رباااط ليوم القيامه
كما قال المصطفي صلي الله عليه وسلم
وان شاء الله ربنا يختاار الصالح للبلد
وجزيتي خيرا علي الموضوع القيم

[يسرا ّ]

كلـــــــــنا مع التغيير طبعااااااا ...
تسلميلى يا قمـــــر على موضوعك الرائع
تقبلى مروروى المتواضع
يســــــــــــرا

[قلب يحب مصر]

شكرا للقطة الجميلة..
أنا أيضا سأشارك إن شاء الله..
وسأقول نعم للتعديلات..
لأن الجيش بذل جهده وقام بتعديل أكثر المطلوب، ولا يمكن أن نطالبه بتفصيل دستور خاص بكل واحد، لازم تكون موافقتنا فيها بعض التنازل لبعض.
والبلاد تحتاج الآن لسرعة العودة للاستقرار وإلا مصر ستضيع..
ومع ذلك سيعاد تشكيل الدستور بعد ستة أشهر نبقى نعدل كما نريد أما الآن فنحتاج للتعاون مع الجيش ..

[!Love]

بصي يا حبيبتي ..
أنا ماشيه على مبدأ وااحد ..
المبني على بااطل فهو بااطل ..
ده رقم واحد ..رقم اتنين إنتي بتخيرينا ولا بتحطينا قدام الأمر الوااقع . ههههه
الدستور لو حصل في تعديلات هيكون في حاجات بس .. بنود محدده فقط والباقي مش هيتغير ..
وسوري بأه (هيكون دستور مرقع )
ولكن من وجهة نظري أنا لو اتشاال كله هيكون في نظام جديد قوانين جديدة كلنا نوافق عليه ..
و محدش هيقدر يستغفلنا بعد كده .
والتعديلات الدستورية هترجعناا زمن حسني مبارك وهيجي الرئيس الجديد ويمشي على نفس المبدأ السيئ ..إحنا ممكن نغير الدستور كله ونحط المواد إلي إنتو موافقين عليها ..بس على نظافة شوية .
ده رأي و كل واحد حر في رأيو ..بس كل واحد يحط في باله إيه الأحسن لبلدنا حبيبتنا (مصر)..
وإلي في الخير يقدمو ربنا ..