التعديلات الدستوريه واستقرار الوطن ,,

[♥..pure]

::

نجاحات متتالية تحققهاثورة 25 يناير العظيمة ، خطوات قد تبدو بطيئه
ولكنها أكيدة رغم المحاولات المستميته لبقايا ونقيات أمن الدوله والحزب الوطني التي تريد حرق الارض من تحت أقدام المصريين .
وسائل متعددة من السلب والنهب والبلطجة والفتنة الطائفية رغم الرصيد المشرف والوائع الرائع
بين المسلمين والاقباط خلال فعاليات الثورهـ في ميدان التحرير وعلى امتداد الوطن من أقصاهـ الي اقصاهـ
حين ظهرت الاخلاق الاصليه للمصريين فلا تحرش ولا سرقات ولا عنف ولا حادث طائفي واحد رغم الغياب المتعمد للشرطه ,,

نعم ... حققنا ما كنا نريدهـ ,,

نعم ... أصبحنا شباب 25 يناير وتحقيق مشاعر العزهـ والفخر فكان والاعتزاز كل الاعتزاز بـ كوننا مصريين

((أرفع رأسكـ فوق أنت مصري )) الشعار الرائع

نعم ... كسرنا حاجز الخوف لدى الشباب وأصبحنا أشخاص يمتلكون حريه الرأي والتعبير في ظل مجتمع يسودهـ الديمقراطيه ,,
نعم ... أنهارت معاقل أمن الدوله والتي تحولت إلا سلخانات بشريه الداخل فيها مفقود والخارج منها مولود
، سلخانات خطفت وعذبت وقتلت المصريين ، سلخانات حكم عليها بالاعدام .
نعم :: وأخيرا وبعد مثابرهـ مريرهـ من الشعب سقط النظام وهو ما كان في أولى طلبات التغيير
سقط الرئيس المخلوع محمد حسني مباركـ وكثير من رموز الفساد من رجال المال وجنرالات الأمن
ونفريق الموالين كهنه المعبد ورموز الإعلام الحكومي المنافق ,,

حدث كل هذا ,, ومازال الأمن والامان مفقود .
الآن نريد الاستقرار بشتى أنواعه وطرقه ,,
نحن بحاجه ملحه الى الاستقرار السياسي وانتظام العمل في مؤسسات الدوله لقضاء مصالح الناس
وانضباط الشارع المصري ونشر الامن والامان ,,

لذلكـ ,, قاموا بحمله تعديل الدستور لاستقرار الوطن ...
انقسمت فئات الشعب الى احزاب وأختلاف وجهات النظر بــ إدلاء رأيهم في الاستفتاء الحادث
نعم ::: أم لا

الحيرهـ الدائمه التى سيظل بها الجميع ,,
أصبحنا الان في مجتمع ديمقراطي أي حكم الشعب بالشعب ,,

أنقسم الجميع بين نعم ولا ,,
البعض يقول نعم للآتي :
- تخفيف القيود على شروط الترشيح لرئاسه الجمهوريه والحرص على نقاء الجنسيه المصريه لمرشح الرئاسه وتحقيق مبدأ تكافؤ الفرص .
- تحديد مدة الرئاسه 4 سنوات تجدد لمرهـ واحدهـ تاليه .
- الاشراف القضائي الكامل على الانتخابات بدء من الجداول الانتخابيه وانتهاء بـ إعلان النتيجه
بمعنى إخراج وزارة الداخليه وغيرها من العمليه الانتخابيه وقصرها على اللجنه القضائيه .
- انشاء دستور جديد خلال 6 شهور من الانتخابات الرئاسيه القادمه بوسائل وآليات واضحه ومحددة المعالم والتوقيت .
- التصويت بالرقم القومي يضمن ما يضمن إتااحه الفرصه لكل المصريين في التعبير عن إرادتهم
فضلا عن تيسير التصويت ونزاهته ,,
- رجوع الجيش الي دورهـ الدستوري لحمايه البلاد من الحدود ,,


والآخرين يقولوا لا للتعديلات الدستوريه وذلكـ
- لان الثورهـ لم تقام من الاساس لتعديل الدستور بأكمله ولكن الغرض الواضح منها كان عزل الرئيس عن منصبه
وليس تعديل الدستور .. حتى وإن تم تغيير بند أو اثنين منه
- لا داعي لتغييرهـ وهدر الوقت في تعديله ,,
فهذا الامر يحتاج الشهور بل السنين ,,



=========

دا الكلام اللي بنقرأهـ وبنسمعه في كل حته لحد ما حفظناهـ ,,
طيب ايه رأيكـ انت ؟!
رأيي الشخصي :
وأخيراً وبعد تفكير عميق ..
أخترت " نعم "
[ اولا لان البلد فعلا في حاله فوضى غير عاديه ولازم يبقى فيه استقرار زي زمان .
ثانيا الدستور لو متغيرش النهاردهـ هيتغير بكرهـ ,, يعني مجلش الشعب والشورى والبرلمان والانتخابان الرئاسيه لما تقام ويتقى الدنيا تمام
هنلاقي ان الحياهـ استقرت وساعتها ممكن نطالب فعلا بتغيير الدستور ..
ايه الفايدهـ لما نعارض ونقول لأ احنا عاوزين الدستورمن اول وجديد
ويستغرقوا شهور وسنين على ما يتعملوا
وكل دا والجيش هو اللي ماسكنا ,,
علفكرهـ مش ميزهـ ان الجيش يكون هو المتحكم فينا
احنا عاوزين رئيس نتفاهم معاهـ ونقوله مطالبنا ولو حصل خلاف بينا وبينه
يكون الجيش معانا زي ما حصل في الثورهـ ,,
أما لو أعترضنا على الجيش وعملنا مظاهرهـ يبقى مين اللي هيحمينا ؟؟!
العقل والمنطق بيقول نعم ..
اما التسرع والسربعه وان كل حاجة عاوزينها على مزاجنا ومن غير ما نفكر في عواقبها ...
أظن هتبقى ضد مصلحتنا ومصلحه مصر ,, ]

بس هو دا رأيي واكيد مش بفرض على حد انه يقول نعم ,,
أحنا هنعمل استفتاء مصغر هنا
ونتناقش مع بعض ,,
نحن في زمن الديمقراطيه المتحضرهـ ,,

تحياتي ,,

[Şα3Đ..♥]

تماااااااااااام يا فارما
وزيك بالظبط
اي نعم التعديلات شبه مجديه ومش اللي هيا
بس لازم نقول نعم علشان نستقر
وعلشان يمشي احوال البلد اللي متعطله
صادراتنا وورادتنا واقفه
وتقريبا اتشطبنا من البورصه الدوليه
ومصالحنا بدأت تتحرك
فا مش عاوزين نرجع تاني للي كان
والتعديلات الدستوريه من بند ولا اتنين علشان نغيرهم ع السريع
ده دستور ولازم نتريث
بس مؤقتا نقول لا علشان نمشي حال البلد
اللي واقف فيما يقارب شهرين اهو
وربنا يوفقنا لما يحبه ويرضاه

[شاعر واسير الحب]

اشكرك علي الدعوة
نعم تغيير الدستور والتعديلات التي جرت الان نعم معها الي ان نسير الامور بالبلد وبعد ذلك يكون هناك تغيير شامل للدستور
كل الخارجين علينا الان من الرفض للتعديلات كانوا لا حس ولا خبر لهم من قبل
عليهم ان يتركوا القول للشعب للاستقرار وكفي ماكان من جمعات وتنديد البلد غير مستقرة
وحالنا بقي حال
اشكرك

[countess]

ماراح اتكلم كثير

بس لزم الفوضى تنتهي يبقى فيه رئيس لجمهورية مصر العربيه

وان اشاء الله تكون الانتخبات نزيه 100 %

والله يكتب ويقدم الي فيه الخير

واكيد نعم للستقرار

[be with me]

اكيـــــــــد نعم اكيد
ومــــن لا يريـــــــد
كفايـــــة حرقـــة دم
كل يوم مظاهرات وغـــم
عايزين نخلص بقــــى
عايزين تغير بالدستور ولكن لمصلحتنا نحن
وليس لصالح او اهواء اى جهة للشعب فقط
كفاية الشعب الذى ذاق الفقر وقلة القيمة واهدار الكرامة لازم يرتاح بقى شوية
نريد تغير بحياتنا باكمالها
مع عدم المساس بمواد الحريات
نريد ان ننهى هذة المهزله الدكتاتورية نعم والله دكتاتورية
حتى تصبح مصر عظيمة قوية بل اقوى من الاول
تحيتى لكى
اختك
نونـــــــــــا

[لحظة عتآب]

بالطبع نعم
دي تعديلات افضل بكتير
بتخلينا نقرب من العداله
ألف شكر عزيزتي علي المبادره
سلمت يمناك

[محمد الشريف]

الأخت الكريمة د /رفيف

أشكرك على دعوتك الطيبة

أنا من الباعث الوطنى سأدلى برأيى فى الاستفتاء بنعم

لأن التعديل جاء بثمرات طيبة وأول الغيث قطرة ولو أنه

تعديل مرحلى تمهيدا لتعديل الدستور بأكمله عن طريق

اللجنة التأسيسية لاحقا بما يتوافق مع مطالب الشعب

وسبحان الله خلق الكون فى ستة أيام فلا بد أن نتريث

وندرك أن الظروف الراهنة لاتحتمل الرفض من أجل

الرفض فمايزال هناك بيننا فلول ورموز للماضى تتمنى

حرق الأخضر واليابس فلما نملكها فرصتها باللاءات

ورفض أى بصيص أمل لمستقبل مصر ونحمد الله دائما

على أن بلادنا حتى هذه اللحظات بخير ، لكن النار تحت

الرماد من تلك الفلول المشار إليها فلا هدف لها سوى

الخراب ودمار البلد فمجرد ايجابية الشعب فى الاستفتاء

ييعطى دليل على تماسك الشعب والاتجاه للبناء والاستقرار

كفانا من وقفات احتجاجية وطائفية لنتجه للوطن فى تلك

الظروف المؤقتة وليثبت كل وطنى مخلص لبلاده دوره

حتى لانظل ندور فى حلقة اللاءات والتمرد والتذمر

ودعاءنا خالصا لله أن يحمى بلادنا من أعداء الداخل

والخارج ومن تلك الخفافيش التى عادوت الظهور كلما

أتيح له المجال لتبث سمومهما وأحقادها لتدمير البلاد

ولقد شاهدنا الكثير من أمثالها فى الآونة الأخيرة من

مختلف الاتجاهات تحت ستار الوطنية ومطالب زائفة

فالوعى السياسى فى تلك الآونة خير صمام أمان ودرع

واقى مما يحيق بمصر من أخطار محدقة .

مع وافر تقديرى واحترامى

[Ќonto]

لع

[فرولة]

مع احترامى لراى الجميع لا والف لا للدستور المرقع
ولو بتقولو البلد بايظه يبقى لازم نصلح كل حاجه علشان بعد كده تتصلح
مش نرقع ونرجع نعمل ثوره تانى علشان نغير
واختلاف الراى لا يفسد للود قضيه
وبعدين الدستور ده مدى للرئيس حقوق زياده عن اللزوم
واحنا مش عاوزين نعيد الكره

[حياتي ذكريات]

بصي يآ رفيف
اولآ كل وآحد حر في رآيه ومش هنغصب على حد حاجه
انآ عن نفسي بقول ،، نعم
بما اننا في فترة انتقالية وما ينفعش نستمر في الوضع الحرج اكتر من كده
فانا شايفة ان التعديلات دي كافية جدا في المرحلة دي
و خلينآ نقطع الطريق وننهي حآلة الفوضى اللي عآيشين فيها
تاني حاجه
نختصر فترة الرئاسة لآربع سنوات بتجدد مرة واحده
تالت حاجه
يكون الشعب هو صاحب القرار في فرض حالة الطوارئ
لو زادت مدتها عن 6 اشهر وده هيتم بعمل استفتاء شعبي
رابع حاجه
نلغي الماده الخاصة بالارهاب اللي كانت مفروض تكون بديل عن حالة الطوارئ
خامس حاجه
سهلت شروط الترشح للانتخابات الرئاسية و جمع المرشح 30 الف توكيل من 15 محافظة او
30 توكيل من أعضاء مجلس الشعب او الشورى
سادس حاجه
انا شايفة انها نقلة كبيرة لقدام وبنهيء الوضع علشان نحقق دستور جديد خلال سنة
احنا لو قلنا نعم ايه اللي هيحصل هنستعد للانتخبات التشريعية في شهر سبتمبر
والانتخابات الرئاسية في شهر في شهر ديسمبر
ولو قلنآ لآ هيرجع القرار للمجلس الاعلى للقوات المسلحة هيعين لجنة جديده لتعديل الدستور
او يشكل لجنة تأسيسية يعمل دستور جديد مؤقت وبكده ممكن الانتخابات الرئاسية ما تتمش
في وقتها المعلن عنه ،، يعني هتطول الفترة الانتقالية
غير اني شايفة ان رفض التعديلات مش في صالح مصر وممكن انها تعطل الوضع الاقتصادي
انا نفسي افهم بس هما هي مش كانت مطالب الثورة تعديل الدستور ليه دولوقتي بيقولو لآ ؟
علشان يعني الاخوان قالو ايوة !!

اخر حاجه بقى اللي هينزلو يصوتو في الاستفتاء بنعم او لآ
مش مهم ،، المهم ان مصر تفضل بخير وده غرض كل واحد نازل يصوت بوجهه نظره
سواء النتايج طلعت مفرحة للبعض او محبطة للطرف التاني
علينا نتقبلها وربنا يجعل الاصلح لينا فيهآ ،،

شكرآ ليكي على الموضوع يآ رفيف
بالتوفيق ،،