بــــــــــارد بـــــرود ..........

أميرة بإحساسي · منذ /03-17-2011, 07:07 PM

واحد وخطيبته
هو و هى مشيين على الكورنيش .. الجو حار .. الشمس محرقة

هي : عطشانة

هو : وأنا كمان

هي : يعنى ... عايزة اشرب

هو : أكيد مادام عطشانة يبقى عايزة تشربي

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة

هو : ومين اللي هيحاسب ؟؟

هي : أنت طبعاً

هو : منين ياحسرة .. ماانتى عارفة الكانز وغطاه

هي : ماقلتش عايزة كانز .. كفاية إزازة صاروخ

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك

هي : قصدي تعزمنى في مكان شاعري

هو : في الحر ده .. ماينفعش

هي : بلاش دى .. نأخد مركب عالكورنيش

هو : المراكب بتغرق اليومين دول .. خلينا ع البر أحسن

هي : بلاش المركب تعالى نأكل ترمس .. أظن ده رخيص

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس

هي : يا سلام!! .. ماأنت كان معاك إمبارح

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى

هو : أكذب عليكى يعنى

هي : لأ .. تحرق دمى أحسن

هو : أنا مش شامم ريحه شياط يعني

هي : يخرب بيت البرود

هو : برود إيه ؟؟ ماهو الجو مولع أهو

هي : إنت اللي بارد

هو : بارد إزاى ؟؟ دا أنا بشُر عرق

هي : بقولك إيه .. روحنى

هو : أروحك ؟! هو إنتى ماتعرفيش تروحي لوحدك

هي : آآآآه .. طب أنا ماشية

هو : ليه يا حبيبتي؟؟

هي : حبك برص

هو : والله البرص بيفهم عشان حبني

هي : بجد كده كتير

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

هي : أيوة وحالاً كمان

هو : طب استني لما نوصل آخر الشارع

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

أميرة بإحساسي · منذ /03-17-2011, 07:08 PM

يبااااااااي على البرود

فارس الكلمة · منذ /03-17-2011, 07:12 PM

يا خرب عقلك على الجمال
بس هى اللى غلطاااااااانة ليه بتوافق تتخطب لباااااااااااااااارد زيه
شكرا يا قمر ضحكتينا بجد

TOTY..FROTY · منذ /03-17-2011, 07:19 PM

ههههههههههههههههههههههههههه
هموووووووووت يا لالولا والله بجد خلاااص

مان مصر · منذ /03-17-2011, 07:27 PM

لا بس واد اصلى يعنى الله ينور عليه
ربنا يكتر من امثاله الراجل ده بجد
تسلمى

اميره شاعره · منذ /03-17-2011, 07:31 PM

ده برود لدرجه تحت الصفر

انا لو مكانها

كنت ضربته بالقلم ومشيت بلا تضييع وقت ههههههههه

انا لسه هرغى مع البارد ده

هزوره المصريه · منذ /03-17-2011, 08:18 PM

هههههههه
أنا لومنها كنت رميتة هو دا موش بارد دا ساقع مثلج
ياخربيته بس هى كمان جريئه أوى أيه الطلابات دى ,, ^^

Pǿm Ŧặặk Ŧőợk · منذ /03-17-2011, 09:38 PM

هههههههههههههههههههههههههههههههههههههههههههههههههه ههههههههههههههههههههههههه
يا لهوووووووووووووووى ع البرووود
ايه ده مش بيحسسسسسسسسسسسسسسسس خااااااااااااااااااااااااااالص

تيا · منذ /03-17-2011, 09:50 PM

هههههههههههههههههههههههه
ده بارد اوي
نايس توبيك

محمد خطاب · منذ /03-18-2011, 01:42 AM

هههههههههههههههههههههههههههههههه

رمت نفسها فى المايه وهوه لسه على حاله

هههههههههههههه

فى انتظار المزيد؛؛؛

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

بــــــــــارد بـــــرود ..........

نكت - طرائف - وناسة - فرفشة