عجبى 19 ( الدستور والعودة لميدان التحرير )

[morshooo]

بسم الله الرحمن الرحيم


عجبى


غدا السبت 19 / 3 / 2011 هيتم الاستفتاء على تعديلات الدستور الاراء مختلفة بنسبة كبيرة


بين المواطنين فى هيقول ( نعم ) ودا بسبب سرعه انتقال السلطة او الرئاسة بأسرع وقت


وفى هيقول ( لا ) ودا بسبب قلقهم من ما سوف يحدث بعد ذلك وخوفا من الاخوان المسلمين


لانهم موافقين على الدستور .


انا عن نفسة هقول ( نعم ) بس لازم كلنا نروح ونصوت سواء بالموافقة او بالاعتراض


والى يهمنى ايضا ان غدا ما يكنش يوم دامى او فى اى اعتدائات بين المؤيدين والمعارضين


عشان لو حصل حاجا زى كدا يبقى هنرجع تانى لوجع القلب ودا هيقول ان فى تزوير ودا يقول ان


دا غير صناديق ودا جاب بلطجية .... الخ


حاجا احيرة بقى سمعت ان فى بعض الشباب قررو ان لو نتيجة الاستفتاء كانت ( نعم )


سوف يعودون الى ميدان التحرير مرة اخرى .


وعجبى

[ڪــــبرياء الروح]

يا الله
انا شفت اراء الناس
مؤيد ومعارض طبعا في مناطق مهمه في مصر
ولا ننسى ان مصر اتميزت عبر العصور مش بس بتفوقها الثقافى و الحضارى عن المنطقه اللى بتحيط بيها


ربنا يوفقهم ويعدي الايام الجايه على خير

[M@HMOUD]

وانا عن نفسى ان شاء الله
هاقول نعم
واللى بيفكر يرجع للتحرير لو النتيجه طلعت نعم
يبقى فين الديمقراطيه الى هما بيتكموا عليها
وكمان الجيش عمروا ما هايزوا حاجه
ولمصلحه مين ؟
وفعلنا وعجبى
تسلم يا كبير

[يسرا ّ]

بصــراااااااااااحه الدستور القديم مينفعش خاالص ..
وانا مش مع التعديلات في الدستور لان مابنى على باطل فهو باطل
مش هينفع مصر الجديده ,, بعد الثوره يحكمها دستور 71 اللي بيدى كل الصلاحيات للرئيس فقط لا غير ..
أمال احنا عملنا ثوره ليه ؟؟.. لازم الشباب اللي عمل الثوره هو اللي يعمل الدستور
ولازم الشباب ده ياخد فرصته
أنا مش مع التعديلاااااااااات
وهقول لالالالالالالالالالالالا

[الملكة كليوباترا]

الوضع الي احنا فيه دلوقتي بصراحة صعب جدا كان مصر في غرفة عمليات وبيتعملها عملية في القلب
المشكلة ان الناس مش بتحترم راي بعضها زي مابيقولوا يعني لما بتقول نعم لواجد بيقول لا يقعد يتخانق معاك وليه بتقول نعم ولازم تقول لا يعني همه عايزين يمشونا على دماغهم وخلاص
انا عن نفسي هقول نعم لان مصلحة البلد اولى من المصلحة الفردية وبعد كده لما يجي الريس الجد يد ويحب يعمل حاجة مش مشكلة التحرير موجود ومحدش يقدر يمنع دلوقتي بس كفاية بقى خلاص احنا في مرحلة حياة او موت والمفروض نعمل بالقرار الي ينقذ مصر بسرعة مش تقعد مدة طويلة عشان تخف
وفعلا والله عجبي