وجهة نظر فى التعديلات الدستورية

[خارج عن القانون]

السلام عليكم ورحمة الله وبركاته



فى البداية كده

اتمنا ان الناس اللى يقرو التوبيك ده

مش يجى فى الاخر ويقولو

انت مش مصرى ولا تستحق الجنسيه المصريه وخائن وعميل وبتاع كنتاكى

زى ما تقال عنى فى خلال ايام الثورة من بعض الاعضاء
اللى كان التلفزيون المصرى عاملهم غسيل دماغ

فهذه وجهة نظرى وفقت او لم توافق عليها فلن اغيرها

نخش بقا فى الموضوع



الموضوع هو

الاستفتاء الدستورى المقرر غدا


ساطرح عليكم وجهة نظرى

فى الاول احب اقولكم انا مين

انا احد الشباب المصرى ابلغ من العمر 22 سنه

شاركت فى بعض المظاهرات

وشاركات بشكل ايجابى فى ثورة 25 يناير وكنت من المعتصمين فى ميدان التحرير

قرات الكثير والكثير من كتب السياسه

استمعت الى الكثير والكثير من وجهة النظر فى هذا التعديل للدستور

وبعد كل ما سبق ساخبرك عن وجهة نظرى من الممكن ان تغير وجهة نظرك

ومن الممكن ان تكون هى نفس وجهة نظرك

ومن الممكن ان تكون ضد وجهة نظرك

ولكن اقرا كلماتى وتفهمها جيدا وساحاول تبسيطها الى اقصى الكلمات




وجهة نظرى


1- صلاحيات الرئيس


التعديل الجديد للدستور لا يحد من صلاحيات الرئيس سوى

قانون الطوارىء وفترة الرئاسه

ودعونا ناخذ كل فقرة لوحدها

قانون الطوارىء

ينص التعديل ع ان الرئيس بامكانه اعلان حالة الطوارىء

ثم يعرض الامر فى مدة لا تزيد عن 7 ايام ع مجلس الشعب ليقول رايه فيها

دعونا نتوغل فى الكلام قليلا

وده معناه ان الرئيس يقدر يعلن قانون الطوارىء لمده 6 ايام

ثم يلغيه فى اليوم السابع ولا يعرض الامر ع مجلس الشعب

هذا بالاضافه الى انه اساسا من صلاحيات الرئيس حل مجلس الشعب

اذا فمن الممكن ان يحله ويعلن حاله الطوارىء وبما انه لا يوجد مجلس شعب

فلا يمكن عرض الامر الا بعد انتخابات مجلس جديده بعد سنه او 10 او 100 سنه

وهذا ع دماغ وهوى الرئيس ومن الممكن ان يؤمر بعدم انتخابه اساسا

فترة الرئاسه

من صلاحيات الرئيس تعديل الدستور

ولو احل مجلس الشعب واعلن حاله الطوارىء وقام بتعديل الدستور

ع مزاجه الشخصى ووضع الفتره التى يريدها

وهذا ما قد حدث بالفعل فى عهد الرئيس الراحل جمال عبد الناصر

حيث كان عمره 38 عاما وهذا كان يخالف الدستور

فقام بتغيير الدستور ع مزاجه الشخصى

وقد فعلها بعده الرئيس السابق المخلوع محمد حسنى ميارك

بوضع تعديلات بسيطه لتوريث ابنه جمال ولكن الشعب قال كلمته فى ذلك الامر وخرج بثورة 25 يناير



2- المحكمة الدستورية العليا


التعديلات الجديدة تجعل من رئيس المحكمة الدستورية كل شىء

فهو من سيعلن نتيجة الانتخابات الرئاسيه بناءا ع انه رئيس اللجنة العليا للاشراف ع الانتخابات

بالاضافه الى ان اى قرار ستتخذه اللجنة العليا لا يمكن الطعن او النقض عليه

مما يجعل تلك اللجنه فى محل نظرة واهتمام من كل الشعب

اذا

فكيف يمكن ان يكون من صلاحيات الرئيس تعيين رئيس المحكمة الدستورية

وهذا بالطبع يفتح الباب الى ان يقوم الرئيس بتعيين ما يريده ومن يستطيع احكام سيطرته عليه




3- المجلس الاعلى للقوات المسلحة


نلاحظ جميعا بطء المجلس فى اتخاذ القرارات الحاسمة

فلو رجعنا بالذاكره الى الخلف قليلا وتحديدا فى ثورة 1952

قام الجيش بملاحقة الفاسدين فى خلال بضعة ايام حتى لا يقومو بصنه ثوره مضاده

وهذا ما لايحدث الان

فيوجد الكثير والكثير من اعضاء ورؤساء مجالس فى الحزب الوطنى

مازالو يحاولون النيل من الثورة ومن شعب مصر

وهذا ما تم اثباته فى معركة الجمل

وفى الفتنة الطائفية التى تهدد البلاد

والتى لا تخفى ع الكثير من انها من صنع بقايا جهاز امن الدولة باتفاق مع اعضاء من الحزب الوطنى

وبكل تلك الاسباب

لماذا يقف الجلس الاعلى مكتوف الايادى امام قرار حل مجلس الشعب ومحاسبه اعضاءه؟؟؟




4- نائب الرئيس ورئيس الوزراء

يجب ان يتم انتخابهم عن طريق الشعب وليس تعينهم عن طريق الرئيس

فالنائب سيحل مكان الرئيس اذا حدث اى مكروه له

ورئيس الورزاء هو الذى سيتحكم فى الكثير والكثير من الاشياء




5- التلفزيون المصرى

بعد الاطاحة بالنظام السابق وتم الكشف عن عيوب القنوات التلفزيونية المصرية

وعدم معالجتها للثورة بالشكل الحيادى وانحيازها للحزب الحاكم

قرر المجلس الاعلى تغيير القيادات فى جهاز الاذاعه والتلفزيون

وقامو الرؤساء الجدد بفتح صفحه جديده وقالو ان الحياد هو من سمات القنوات المصرية

ولكننا نرى فى بعض الاعلانات التى تخص الاستفتاء بايحاءات مبهمة تدعوك للموافقة

وهذا طبعا لمصلحة شخصية لا ناقة لنا فيها ولا جمل

او لاسباب خفية لا يعلمها سوى الله والمجلس الاعلى للقوات المسلحة




6- التيارات السياسية


طبعا لا يخفى ع الجميع ان من اكثر الاحزاب والجماعات تنظيما فى الوقت الحالى

هم الاخوان المسلمون ثم بقايا الحزب الوطنى

اذا ففى خلال الانتخابات القادمة الذى سيفوز هم

الاخوان المسلمون باكتساح و بقايا الحزب الوطنى الذين سيدخلون الانتخابات كمستقلون

وهذا ما يجعلهم الوحيدون (منضم اليهم حزب العمل) يوافقون ع التعديلات لمصلحتهم الشخصيه

اما مصلحه الوطن فهى تقول ان ننتظر قليلا حتى تقوم باقى الاحزاب من جديد

ويكون هناك تنافس حقيقى بين التيارات السياسية المختلفة



7 - الشريعة الاسلامية هى مصدر التشريع


بعض الاقاويل تخبرنا بان نصوت بـــ نعم

وذلك حتى لا يتم تغيير الماده الثانيه من الدستور

ومن قال لك انه اذا قلت لا فسيتم تغيير تلك المادة

وحتى لو اراد البعض تغييره فلن يقبل المسلمون وانا منهم بذلك

اذا فلن تتغير لا الان ولا بعد الاف السنين



8- دستور جديد

فى التعديلات الجديده يجب ع مجلس الشعب انشاء دستور جديد

طيب وليه يعنى نستنا انتخابات مجلش شعب ومجلش شورى وكمان انتخابات رئاسيه

وبعديها نعمل دستور جديد وبعد ما يتعمل ويتم الاستفتاء عليه

هيتم حل المجلسين وهيتم حل الرئاسه ويتم انتخابهم من جديد

وذلك لعدم دستوريتهم وحلفهم اليمين ع الدستور القديم

اما لو تم عمل دستور جديد قبل الانتخابات

فلن يتم عمل انتخابات لمجلسى الشعب والشورى او انتخابات الرئاسه سوى مره واحده

وهذا بالتاكيد سيسرع من بناء الدولة الديمقراطيه وسيخفف من التكاليف ع الدولة

____________________
__________________



اظن ان بعد كل الكلام السابق سترى الامور بشكل اوضح وستتخذ القرار الصائب

وارجو من جميع الاعضاء

اذا اردت ان ترد ع الموضوع فلتقراه جيدا قبل الرد

وشكرا للجميع واسف ع الاطاله

[sεηυσяιтα ησOση]

انا معاك فى انشاء دستور جديد

وموضوعك رائع وفعلا مهم

وبردو انا مش متعصبة على رايي

لكن هشوف وجهات نظر الاعضاء الاخرين

[البرنس رامى]

وجهة نظر ولكن لكل ربما ولكن بصوت عالى شوية

عموما كل الشكر لك ياغالى وكما قلت فهى وجهة نظرك انت

ولنا ايضا حرية التعبير وكل شىء أصبح فى متناول يدى الشعب

اتمنى ان تستقر مصر وتعيش فى رخاء ونماء وخير انشاء الله

شكرا لك طرح وجهة نظرك انت وشرحك ووصفك

انا عن نفسى سوف اقووول !!!

ولا بلاش اقول يا ضد القانون

احترااماتى ياغالى

[SiLver Spectra]

حلو الموضوع يا محمد
حتى و ان كان ليه بعض الاختلافات
هحاول أسردها سريعا

بالنسبة للصلاحيات و تعيين رئيس المحكمة الدستورية العليا فدا مافيش اختلاف فيه

بالنسبة للمجلس العسكري
فالمجلس عايز يخلص من المسؤولية
ما تفتكرش انه حاكم دلوقتي و مبسوط..دا مجهد جدا و جايب آخره

انت عارف الحكم بيبقى متعة للرئيس الي بيبقى فوق القانون و يلعب و يعمل الي هو عايزه زي ما كان حسني كدا و زي أغلب الحكام العرب
لكن في الدول الديمقراطية الحكم بيبقى مسؤولية و اجهاد و بالتالي مش بيكون ميزة أو حاجة ترفيهية

فهنا المجلس العسكري مش هدفه الابطاء و لا الاطالة
هو عايز بس يخلص في اسرع وقت و يسحب قواته للثكنات بتاعتها
لأن الجيش مش وظيفته يقبض على حرامية و لا يشرف على الحياة المدنية و لا دي من اختصاصاته نهائي

بالنسبة لنائب الرئيس
في أمريكا نائب الرئيس بيختاره الرئيس
مش شايف ان لازم يبقى النائب بالانتخاب
المهم الرئيس نفسه
انت بتنتخب عقلية و برنامج معين
ما ينفعش أنتخب برنامجين مختلفين

فأنا مش شايف ضرورة لانتخاب رئيس و نائب
كفاية تختار الرئيس و هو يختار النائب الي يتوافق مع برنامجه الانتخابي الي الناس رشحته على اساسه
و زي ما بقولك أنجح مثال ديمقراطي في العالم (أمريكا) ماشية كدا

و لو فكرت فهيا فعلا هتلاقي تعيين الرئيس للنائب المناسب له هو الافضل فعلا

التلفزيون المصري
شوف ..طبيعي ان أي حكومة في الدنيا لما بتنزل استفتاء بيكون ميولها هي (نعم)
و الا لو شايف انها (لا) يبقى مش هيعمل استفتاء من أساسه

فدا أمر طبيعي في أي حكومة في الدنيا ان ميولها بتكون (نعم)
و بيشوف الشعب هيوافقه أو لأ

التيارات السياسية
هي فعلا مترتبه على الوطني و الاخوان
يعني مجلس شعب 2005
مافيش اي جديد!!


الشريعة الاسلامية
طبعا دي لعبة
يقولك لو قولت (لا) يعني المادة التانية هتتلغى!!
مع اني مع لغي المادة لأن مالهاش لازمه و مش محتاجين امارة عشان نثبت اننا اسلاميين!!
الا لو عايزين نفضل نشتغل نفسنا فخلاص سيبها و اضحك على شعبك
بس دي مالهاش علاقة بنعم أو لا
,,,,,,,,

أنا طبعا مع دستور جديد
و نسيبنا من الدستور المرقع

بكره هصوت ب(لا) بالرغم من ادراكي إن الأغلبية هتكون (نعم) بسبب ضعف الوعي الي يقولك (نعم) يعني استقرار

بس زي ما تيجي النتيجة
خلي الشعب يقرر مصيره بإيده

شكرا للموضوع يا عوكش

[Mo chahin]

والله وحشتنا حاجاتك الجميله يا عكاشه ,,

وموضوعك طيب جدا وواضح للجميع ,,

ويكفى انه من وجهه نظرك الشخصيه التى تحترم وتقدر جيدا ,,

والاختلاف فى الرأي لا يفسد للود قضيه ,,

لذلك .. لن اعدل على كلام طارق لانه قال اللى مفروض كتير يقولوه ,,

وعن نفسى شخصيا هيكون قرارى .. لا

وجهه نظر ,,

بل ,,

رأي أحد الشباب المصريين ,,

تحياتى وخالص تمنياتى لك بالتوفيقــ ,,

[SiLver Spectra]

الفيديو دا واعي جدا
أتمنى الكل مشاهدته

[Mo chahin]

اكيد هنشاهد يا طارق ,,

لان العلم بالشىء ولا الجهل بيه ,,

بس اتمنى ان الفيديو يظهر ,,

[coralin]

السلام عليكم
انا فى الاول احب اشكرك لطرحك للتوبيك وفى الحقيقة توبيك مهم جدا
ثانيا انا مع حضرتك فى بعض الاقاويل تخبرنا بان نصوت بـــ نعم

وذلك حتى لا يتم تغيير الماده الثانيه من الدستور

ومن قال لك انه اذا قلت لا فسيتم تغيير تلك المادة

وحتى لو اراد البعض تغييره فلن يقبل المسلمون وانا منهم بذلك

اذا فلن تتغير لا الان ولا بعد الاف السنين.
انا لسة سامعة ان فى اشخاص عايزين الغاء المادة رقم 2 من الدستور وانا ضد هذا الرأى مع احترامى.
انا هقول ( نعم ) للتعديلات الدستورية للاسباب الاتية :
لكى يرجع الجيش الى سكناتة .
للحفاظ على الشرعية الدستورية .
حتى يتم دستور جديد دائم لمصر.
حتى لا يفكر احد فى تعين مجلس رئاسى يحكمة رجل عسكرى ونصبح اعطينا الشرعية ثورية للحكم العسكرى .
حتى لا يتم تغير المادة رقم 2 من الدستور.
انا اقصد دلوقتى فية حرية ونزاهة للشعب ومافيش تزوير ان شاء الله يعنى احنا الى هنقرر الى هندى صوتنا لمين ولا حد هيفرض نفسة علينا لا وطنى ولا اخوان ولا غير ذلك.
وانا بحترم وجهة نظر كل الاراء .
مع التقدير :
تحياتى

[الخيالى]

اقول لك اولا يا سيدى الفاضل انت شاب من شباب

الثورة يعنى انسان على خلق وذو ثقافة عالية وفكر

ادبى وسياسى ولكن عندما تخاطب رمز الدول حتى

لو كان فاسد تخاطبة بالرئيس السابق وليس المخلوع

وتبسيط لكلامك اعتبر الحاكم العسكرى فريق الاهلى والثورة

فريق الزمالك وحدث بينهم مبارة الزمالك يعنى الثورة داخل

المبارة طامع فى هدف فى الاهلى يعنى الحاكم العسكرى وتحقق

مراد الزمالك فى تسجيل هدف وطمع اكثر وسجل هدف اخر

واكثر وسجل اهداف اخرى حتى وصلت الى انة لعب بشكل مهين للاهلى

ماذا تكون النتيجة بعد ذلك سوف تنهار المبارة وتخرج عن النص

يعنى بالعربى كفاية كلام

وذكر للكلامك انا تقول ان الاخوان وبقاية الحزب الوطنى هم الذين

سوف تكون لها اليد العليا فى الانتخابات ما وجه الاعتراض على ذلك

من الذى سوف ينتخبهم مش الشعب بارادة حرة ونزيهه وعند تغيير الدستور باكملة

هو الدستور كيلو طماطم بيتغير فى يوم وليلة وعندما طلبة الثورة بتعديل الدستور

كانت تريد بعض المواد وليس الدستور باكملة الذى يحصل الان هو وقف مصالحة الدولة

البلد يا سيدى تنحدر نحن نفق مظلم ونحن نحث بة الان اصحاب البلدان السياحة الذى

اصبح اكثر من نصف مليون عامل ليس لديهم شغل لو علم ارجو ان صوت العقل هو الذى

يتكلم كفاية حرام حرام حرام واللّة الموفق والمستعان

تحياتى لك

[البرنس رامى]

يا رب الوضع ينتهى على خير سواء كان الاستفتاء

نجح او

انتهى بغير فائدة

اتمنى ان يتفهم كل مواطن كل لحظة

تمر على كل فرد يتمنى الاستقرار

لهذا البلد وليس ان يرسم رؤيته بما يظهر انه

خبير سياسى

او استراتيجى

فى الوضع المصرى الراهن

لان كل فرد لو تم محاسبته

سنجده اول المقصرين فى حق وطنه

قبل ان يكون مقصر فى حق نفسه او اهله

ومش انت لوحدك كنت فى التحرير لأ

كانو حوالى 5 مليون مصرى هناك

ومش التحرير فقط لأ

فى كل أنحاء مصر كان هناك الملايين

مش شرط التحرير فالمصريين الشرفاء كثيرون

فى كل قرى مصر ومدنها كان هناك انتفاضة

وفى النهاية وكما قلت سابقا هى حرية شخصية

واللى ودانا التحرير سابقا ممكن يودينا لاحقا

ومبقتش تفرق المهم عندنا دلوقتى

مصر

وأحوال البلد على فكره فى انهيار مستمر وكمان ربنا يسترها

تقول نعم

أو

تقول لأ

عبر عن رأيك بحريتك

ومش عاوز واحد يقول كلام مش فاهمه بس

ويعملى فيها خبير وهو اصلا مش عارف فيه ايه

واللهى انا لا انتمى الى اى جماعات

ولكن انا مصرى ويهمنى مصر تستقر مثل الجميع

المهم تروحو وان شاء الله

الأغلبيه تكون فى مصلحة مصر

ندعو الله أن يجعل مصرنا بلدا أمنا مستقرا اللهم أمين