يوم مهم من حياتي

[Words Whisper]

السلام عليكم ورحمة الله وبركاته

النهاردة بالنسبة لي كان يوم مميز جداااااااااا

و مرهق جدااااااااااااااا

اليوم خرجنا بمظاهرة لإقالة رئيس الجامعة احمد بيومي

اللي صدر اصلا ضده قبل كده احكام قضائية بالإقالة

ومش حد يسألني لسه قاعد ازاي !!!!!!!!!!!!! :busted_red: :busted_red:

و دي محاولة اخرى اننا نشيله غير اللي عملناها اول السنة

بس هو زي مايكون لااااااااااااااازق في الكرسي

الراجل ده عليه احكام قضائية مش اتنفذت

و مصايبه كتييييييييييير

بسأل عسكري من الجيش اللي قدام مبنى الادارة

طيب حضرتك مش بتسلموه ليه عشان تتنفذ الاحكام ؟؟!!

يقولي مااعرفش :cv30:

بعدين جاله امر ""خطوة للوراء""

لقيتهم بيرجعوا ورا

بقوله بترجع ورا ليه ؟؟!!!!!! خايفين مثلا

يقولي ما اعرفش

اقوله امال حضرتك بتعمل ايه هنا

يقولي واقفين منظر :cv30:

انا ذهلت من رده

و ذهلت اكتر لما لقيت اللي واقفين يحموا بيومي بيقولوا

عايزينكم تعملوا اكتر

يعني هو مؤمن انه الراجل ده لازم يتحاسب

وبالرغم من كده بيحميه !!!!!!!!!!!!!!!!!!!!

بس مش مهم

المهم اننا مش نستسلم ان شاء الله

لانه الراجل ده بجد لحد النهاردة مش حد عارف يمشيه

فيه ناس كتييييييييييييييير يئست

وكان النهاردة عددنا قليل جدااااااااااااا

و كنا معروفين كل واحد

كان معانا عضو واحد بس من هيئة التدريس

يعني باختصار لو مش نجحنا في اننا نُقيل الراجل ده

يبقى هنطييييييييييييييييييير

و يمكن دي اكتر حاجة حبيتها في الي خرجوا اليوم

اننا مش همنا هو هيعمل ايه بس فكرنا اننا معانا الحق

و لازم نطالب بيه

احلى شعار النهاردة قلناه :::

"" يا مصر يا أم ... ولادك اهم ... علشانك بدري شالوا الهم ""

انا مش بكتب الكلام ده تفاخر

بس انا النهاردة مبسوطة باللي عملته

عشان كده قلت اشارككم حاجة انا فرحانة بيها

و ادعوا لنا ربنا يقوينا و نقدر نحقق اللي احنا عايزينه

انتم ممكن تدوروا على مصائب الراجل ده

و هتعرفوا ان عندنا كل الحق اننا نرفض وجوده واننا نطالب بإقالته

واننا نطالب انه يتحاسب

لانه لو مشي وخلاص يبقى مش هيتحاسب

وهو لازم يتحاسب ............

ربنا بس يعينا و نحقق هدفنا

و نحقق العدالة و كده هنكون نفذنا احكام القضاء ضده

بس بجد اكتر حاجة محيراني

ازااااااااي صدرت ضده كل الاحكام دي ومش اتحاسب ؟؟!!!!!!!!!!!

ازاااااااااااي صدر ضده اكتر من حكم اقالة و لسه قاعد ؟؟!!!!!!!!!!!!

كفاية كده .............

[special girl]

~ الســلامــ علــيكمـــ ~

بجد يا اسماء

أجمل حاجة التعبير عن الرأي وبس

مهما كان رأيك بس بتحس انك بتقول الي جواك بتقول انا هنا

وبتثب نفسك وذاتك

ولكن لازم يكون في حدود الالتزام والخطوط الحمراء

وربنا يقويكم ويشجعكم يا رب(:

[ساحر الأحزان]

طالما صدرت ضدة احكام ومنشلش


اكيد مسنود وهو الكرسى حلو الى يتربع علية

ما الة نفس يتركوا حاجة غريبة ايه سبب تمسكهم

بالكراسى والف مبروك سمسما

ويالله اعذمى الاعضاء على حاجة حلوة


تحياتى

[ڪــــبرياء الروح]

اممم بما اني ما اعرف الاخ
بس يارب يطرد ويطلع انا ما ينرفزني الا اللي ماسك بمكانه هذا
وهو غير مؤله وغير مناسسسب
ربنا يعنكم هذا باله طويل طوييييل
والله معاكم ان شششاء الله

[M@HMOUD]

مفيش حد دلوقتى مسنود يا جماعه
والراجل بتاع الجيش مايعرفوش حاجه دى اوامر جيه ليهم وهم عليهم بينفذوا وبس
ربنا يوفقكوا والراجل ده يمشى

[~♥ Queen sozan♥~]

بصى يا سمسمة
الثورة حصلت ولكن الشعب لسة متغيرش ،،

قطعنا راس الحية ودلها بيلعب!!

كل لما نتكلم يقولو اهدو لما البلد تتصلح

طيب هتتصلح ازى والفساد لسة موجود !!

عقول متفهميش هية ماشية ازى

و حياة لمن تنادى ،،

الثورة قامت ومشينا الرئيس ،،

بس تربيت ايدو لسة موجودة !!

شكرا على موضوعك

[Words Whisper]

اقتباسالمشاركة الأصلية كتبت بواسطة speciel girl~ الســلامــ علــيكمـــ ~

بجد يا اسماء

أجمل حاجة التعبير عن الرأي وبس

مهما كان رأيك بس بتحس انك بتقول الي جواك بتقول انا هنا

وبتثب نفسك وذاتك

ولكن لازم يكون في حدود الالتزام والخطوط الحمراء

وربنا يقويكم ويشجعكم يا رب(:


وعليك السلام ورحمة الله وبركاته

مش قصة تعبير وبس

قصة اننا فكرنا في الموضوع قبل مانعمله

واحنا مش اعتقد اننا تجاوزنا حدودنا او حدود الادب

بالعكس لما كان فيه حد تاخده العصبية ويغلط بكلمة

كنا بنسكته ونقوله مش هنغلط بالكلام

و انا شخصيا ليس بيني وبينه ثأر شخصي

بس هي مسألة انه الجامعة جزء من مصر

والفساد اللي فيها حتى لو بعيد النهاردة بكرة هيوصل لي

وان بجد الرجل ده كل شيء بيشهد له بالفساد

دي تاني وقفة ضده

وقبل كده وقف اعضاء هيئة التدريس من الكليات المختلفة

و سبق اتقدم ضده شكاوي كتير

و سعيدة بوجودك ...........

[Words Whisper]

اقتباسالمشاركة الأصلية كتبت بواسطة ساحر الاحزانطالما صدرت ضدة احكام ومنشلش


اكيد مسنود وهو الكرسى حلو الى يتربع علية

ما الة نفس يتركوا حاجة غريبة ايه سبب تمسكهم

بالكراسى والف مبروك سمسما

ويالله اعذمى الاعضاء على حاجة حلوة


تحياتى



والله مش عارف انا حكاية مسنود دي

بس صعبة الوقت

لكن برده انا مش فاهم ليه هو لسه قاعد !!!!!!

و ان شاء الله ابقى اعزمكم

لما يقرر سيادته يسيب الكرسي هههههههههه ...

اسعدني وجودك

[DO3AA]

والله بحييكى لجرأتك
كان عندنا مظاهرة ف الكلية بتاعتنا
و اتكسفت وحطى تحتها خط
انى اشارك
بس يمكن عشان كلهم كانوا اولاد
و زى ما قال ميدو
مفيش دلوقت حد مسنود
لان روؤس الفساد مشيوا
و ربنا معاكو و اثبتوا ع موقفكم
و ربنا يوفقكم يااااااارب