آخر حوار بين أهلاوي وزملكاوي ( حوار في قمة الروح الرياضية)

[kapoooo]

تـســــــلم ايدك

[مجاهد2002]

تسلم إيديك يا أحمد على الموضع الجميل ده
وفي انتظار جديدك

[مجاهد2002]

جامد يا هندسه

[ARAGON]

اقتباس المشاركة الأصلية كتبت بواسطة kapoooo تـســــــلم ايدك

مشكور على الرد الجميل
وإن شاء الله هناك الجديد فاننتظروني
ودمت بكل ود وتقدير

[ARAGON]

اقتباس المشاركة الأصلية كتبت بواسطة مجاهد2002 جامد يا هندسه

مشكور أخي مجاهد على الرد الجميل
وإن شاء الله هناك الجديد فاننتظروني
ودمت بكل ود وتقدير

[GOD MAN]

الله عليك فكرة حلوة

[ARAGON]

اقتباس المشاركة الأصلية كتبت بواسطة GOD MAN الله عليك فكرة حلوة

مشكور جود مان على الرد الجميل
وإن شاء الله هناك الجديد فاننتظروني
ودمت بكل ود وتقدير

[ARAGON]

الأهلاوي: هلا بيك ياغالي .
الزملكاوي: هلا بيك.
الأهلاوي: إيه مالك كده زعلان وواخد كده.
الزملكاوي: والله مخنوق من الماتش اللي فات بتاع المحلة.
الأهلاوي: أه فعلا مشكلة وردة فعل الجماهير في الماتش مش اللي هيا.
الزملكاوي: الناس زهقت من اللي بيحصل إنت مش شايف .
الأهلاوي: معاك حق بس لازم حل جذري لكل النادي من إدارة ولاعبين وجماهير وفية تقف وراء الفريق.
الزملكاوي: معاك حق لازم يكون في حل .
الأهلاوي: إن شاء الله ها تتحل وكل حاجة هاتبقى تمام.
الزملكاوي: إن شاء الله .
الأهلاوي: يلا بينا نروح الماتش.
الزملكاوي: يلا بينا وإن شاء الله الأهلي يكسب النهارده.
الأهلاوي: إن شاء الله .

ودخل الإثنين في المدرجات وجلسا بجوار بعضهما وكل منهما يشجع بكل حرارة أهلي أهلي عايزين السوبر يأهلي.

وبدأت المباراة

وجلسا يتابعا المباراة

وبعد إنتهاء المباراة


الزملكاوي: ألف مبروك يازعيم على الماتش والكأس.
الأهلاوي: الله يبارك فيك يا غالي عقبال الزمالك.
الزملكاوي: شكرا يا غالي على كلامك.
الأهلاوي: ياترى مين عجبك في الماتش.
الزملكاوي: والله فلافيو نجم الماتش وأحمد فتحي لاعيب ممتاز.
الأهلاوي: فلافيو فعلا من اللاعيبة اللي بتتقدم من مستوى افضل لمستوى أفضل من كده .
الزملكاوي: وفعلا لاعيبة الأهلي النهاردة غطت على غياب أبوتريكة.
الأهلاوي: فعلا وغياب تريكة النهاردة كان ليه تأثير جامد.
الزملكاوي: إن شاء الله يرجع في ماتش غانا ويقدر يلعب في الماتش ده.
الأهلاوي: لا لا أنا بيتهيألي إنه مش هايشارك في الماتش بتاع غانا.
الزملكاوي: يبقى كده مش ها نلاقي نص ملعب في المنتخب .
الأهلاوي: مش مشكلة الماتش ده لأنه ودي وإنت عارف المهم التصفيات مايكونش فيها غيابات .
الزملكاوي: إن شاء الله مايكونش فيه غيابات.
الأهلاوي: إن شاء الله.
الزملكاوي: يلا بينا عشان الوقت إتأخر وإنت شايف الشوارع زحمة من الناس اللي بتحتفل .
الأهلاوي: يلا بينا عشان نلحق نروح للبيت .
الزملكاوي: ماتنساش يوم الأربعاء الجاي ماتش مصر وغانا.
الأهلاوي: أوكي ماشي.
الزملكاوي: يلا سلام .
الأهلاوي: سلام.

[ARAGON]

الزملكاوي: هلا بيك ياغالي إنت فين .
الأهلاوي: أنا واقف عند المسجد اللي بنتقابل عنده علطول.
الزملكاوي: أيوة دقيقتين وجاي حالا سلام.
الأهلاوي: سلام.
وبعد دقيقتين التقيا وأخذا يتحاورا على احتفالات الأتحاد الإفريقي

الزملكاوي: ايه رأيك في احتفالات امبارح .
الأهلاوي: والله كانت جميلة بس فيها ظلم كان واضح لتريكة وفلافيو.
الزملكاوي: فعلا عندك حق فعلا تريكة يستحق الكرة الذهبية.

الأهلاوي: وفلافيو المفروض كان ياخد أحسن لاعب في دوري الأبطال بأهدافه المؤثرة في المربع الذهبي والنهائي الإفريقي.
الزملكاوي: ايوة بس احنا هانعمل ايه هما رتبوها وظبطوها عشان يطلع الاحتفال بالجوايز زي ما اتوزعت.
الأهلاوي: إن شاء الله متعوضة والسنة الجاية بكرة.
الزملكاوي: بس إنت ماشوفتش اللي حصل في التصنيف العالمي.
الأهلاوي: أيوة أنا شفت النهاردة والمنتخب تراجع 15 مركز فعلا حاجة صعبة.
الزملكاوي: أيوة صعبة طبعا لما تكون 15 وتبقى 30 يبقى مشكلة.
الأهلاوي: ولا مشكلة ولا حاجة إن شاء الله الشهر اللي جاي نبقى في العشرة الأوائل.
الزملكاوي: إن شاء الله ولما مصر تلعب في التصفيات وفي كأس العالم للقارات الترتيب ها يتغير كتير.
الأهلاوي:أيوة طبعا لأن نقاط كل المباريات اللي في البطولات الكبيرة تبقى عالية شوية عن البطولات العادية أو القارية.

الزملكاوي: يلا بينا عشان الماتش قرب يبدأ.
الأهلاوي: يلا بينا .

ودخل الإثنين في المدرجات وجلس بجوار بعضهما وكل منهما يشجع بكل حرارة مصر مصر

وبدأت المباراة

وجلسا يتابعا المباراة

وبعد إنتهاء المباراة

الزملكاوي: شوفت اللي حصل فعلا الكرة دروس وعبر.
الأهلاوي: أيوة معاك حق والغيابات مأثرة كتير على الفريق.
الزملكاوي: أيوة وعندك التجانس بين اللاعبين كان مفقود لبعض الوقت ما عدا الجنب اليمين.
الأهلاوي: أيوة كان واضح بس المهارات الفردية عندنا أنا لاحظت إنها بدأت تزيد وتعلى من وقت للتاني.
الزملكاوي: أيوة صح بس الوقت اللي جاي هايبقى صعب على المنتخب في الوقت اللي جاي والمنتخب لازم يتغير .
الأهلاوي: لا لا أنا رأيي إن اللاعبيين اللي كانوا غايبين للإصابة هايعوضوا كتير في الفترة اللي جاية.
الزملكاوي: ممكن واحنا نتمنى الخير للمنتخب ولكل الفرق.
الأهلاوي: إن شاء الله وهانرجع تاني للدوري اللي مش هايبان ليه ملامح بمين اللي هايفوز بالدوري السنة دي.
الزملكاوي: الأهلي طبعا اللي هايفوز السنة دي كمان ومين يقدر يقول غير كده.
الأهلاوي:وإيه اللي عرفك أو خلاك تحس بكده.
الزملكاوي:إنت مش شايف الفرق كلها بتلعب عشان تتعادل مع بعضيها وفرق بتخسر وفرق مش عارف ايه .............. ياعم سيبك.
الأهلاوي:أيوة عندك حق بس الفرق التانية أكيد كله بيلعب عشان البطولات الإفريقية والبطولات العربية وإنت عارف جوايز البطولات دي عاملة اذاي.
الزملكاوي: أيوة طبعا . وإن شاء الله الدوري السنة دي يبقى كويس وأنا نفسي الزمالك يرجع زي زمان .
الأهلاوي: إن شاء الله هايرجع وأحسن من الأول .
الزملكاوي: يلا بينا عشان نلحق نروح.
الأهلاوي: يلا بينا.
الزملكاوي: وإن شاء الله هابقى على اتصال بيك.
الأهلاوي: وأنا كمان ونحاول نبقى نتجمع في أي يوم.
الزملكاوي: يلا سلام.
الأهلاوي: سلام.

ترى متى يتقابلان وأين يتقابلان وهل يحقق الله أماني كل منهما

وأماني كل المصريين بصعود مصر لكأس العالم.

[razan]