قلبى يخفق للى المرة .على التوالى :: Mo7aMaD 3aLa2

♥..pure · منذ /03-30-2011, 09:42 PM

ههههههههه
الطلب عليكـ زايد يا هندسه ..
والعه معاكـ يا عم >>
منور الحلقه يا برنس ومنتظرين نشوف الاجاابات الخطيرهـ ^^
اختيارات جميله يا هموسه ,,

عاشقة الهدوء · منذ /03-30-2011, 09:43 PM

السلام عليكم ورحمة الله وبركاته

انتى يابنت ياهموسه مش هتبطلى بقه البرنامج بتاعك ده

وتقلبيه برنامج بدل قلبى يخفق خليه قلبى بيغنى من الى شايفه هههههه

استضافه كالعاده مميزه لمحمد علاء انسان محترم

وانسان بحسه انه راقى كده ربنا يوفقك يامحمد

ويعينك على أسئلة همس ومنتظرينك ان شاء الله

فى أمااااااااااااااااان الله

حنـــــون · منذ /03-30-2011, 09:49 PM

ياسلام ع النور الى نور اليوميات ^*
اهلا يالول والله هتبئه حلقه جامده
منتظرين اجاباتك
اختيار جميل ياهموسه

۩۩ elMagic ۩۩ · منذ /03-30-2011, 11:50 PM

منوور يا حماده الحلقه
واستضافه جميله يا قمر
فى انتظارك يا عمده

Mo7aMaD 3aLa2 · منذ /04-01-2011, 02:58 PM

السلام عليكم ورحمة الله وبركاته

وعليكم السلام

^^

الاول نشكر ضفنا الغالي
Dr.nourعلى قبول الدعوة فى الحلقة الماضية
تحياتى ليك يا
Dr.nourوشرفتنا
بجد كانت حلقة ممتازة جداااا

خاص تحياتى وتقديرى

^^

وحلقة جديدة من

قـ لـ بـ يـ

يـ خـ فـ قـ

^ــــ^

ومعنا مشرف متميز ،،

محبوب من جميع الاعضاء ،،

يتميز با اسلوبو المرح مع الجميع ،،

اهلا بيك

معانا يا

Mo7aMaD 3aLa2

منور قلبى يخفق ،،

دة نوركـ والله يا همس

وميرسى ع التقديم الراائع

1- عرفنا على نفسك اكتر ؟ مين: Mo7aMaD 3aLa2 :؟؟؟

- بمعنى اصح البطاقة الشخصية تبعك ؟ بتفصيل

فيها اية ؟

يعنى سنك

واسمك
وعنوانك
وحالتك الاجتماعية ؟

والوظيفة ؟

الاسم : محمد علاء

السن 20 سنة ونص

العنوان : مصر ...مدينة بنها

الحالة الاجتماعية : اعزب

الوظيفة : طالب جامعى

2- ما الحب با النسبة ليك ياMo7aMaD 3aLa2 ؟

الحب عندى بيتمثل فى حب أسرتى حب اصحابى حب نفسى حب هواياتى وحب دراستى

الحب بالنسبالى شئ مهم أكيد

والحب هو أساس كل حاجة كويسة

هل انت مرطبط عاطفين يا :: محمد

؟

لا

وهل قلبك خفق فعلا ؟

لا

الحب من اول نظرة بنسبالك اية ؟

قد يكون موجود على حسب الاشخاص

انما المنطق بيقول انة فى مرحلة اعجاب الاول

تعترف با الحب فى سن18سنة ؟

اة أعترف

انا اعرف ناس بتحب من قبل كدة

ولسة شغالين تمام

زمانهم بيودعوا دلوقتى :ju6:

3- المنتدى هل تحبو ؟ ولو بتحبو بتحبو ازى ؟

أكيد بحبة والدليل انى متواجد فية

وبكون سعيد لما الاقى فية نشاط ورح جميلة بين الاعضاء

الاشراف كان بنسبالك اية ؟

مسؤلية ممتعة

اية شعورك لما بقيت مشرف مميز ؟

أكيد فرحت طبعا

انت لى اختارت قسمك ولا اتفرض عليك ؟

لا انا اللى اخترت

معاملتك مع طاق الاشراف من اول الادارة لحد اصغر مشرف ازى ؟

والله زى معاملتى مع اى عضو عادى

باستثناء الاشخاص اللى اعرفهم كويس

بتبقى معاملتى مختلفة شوية بحكم اننا قريبين من بعض اكتر

فكارت لو لى مرة انك تطرق المنتدى ؟

اة فكرت وسيبتة فعلا قبل كدة

ودة كان نتيجة لموقف معين

ممكن تضايق لو مشرف او مشرفة مسكت القسم معاك ؟

لا معنديش مشكلة

اية رد فعلك لو فى يوم دخالت لقيت نفسك مشرف سابق ؟

عادى هسأل ع السبب من باب الفضول

وهتقبل الموضوع ببساطة

أكيد معاشى هيبقى محفوظ يعنى

لية مش بنشوفك كتير فى المنتدى ؟

والله انا فـ الدراسة ببقى مشغووووووووووول جداا

انا بتواجد بشكل يومى تقريبا

لكن حجم التواجد مش كبير

هل المنتدى بيائر على حياتك فى اى شئ ؟

اى موقف بتمرى بية لازم يأثر فـ شخصيتك بشكل مباشر او غير مباشر

وبالتالى بيأثر ف حياتك

أكيد المنتدى بيأثر ف حياتى نتيجة للاحتكاك بين الاعضاء والتعامل والمواقف والتعرف على وجهات النظر المختلفة والاستفادة منها

،

-اوصفى حبك لى النادى لى انت بتشجعووو؟

هو الاهلى طبعا

بحبة اوى لكن فى حدود احترامى لمشجعى الفريق المنافس

انت متعصب ؟

لا

بتشجع مين من الفرق الاجنابية ؟

الدورى الاسبانى : ريال المدريد

الدورى الانجليزى : مانشستر يونايتد

الدورى الايطالى : انتر ميلان

الدورى الالمانى : بروسيا دورتموند

بتلعب رياضة اية ؟

كنت بلعب سباحة زمان

لكن الثانوية فرقت بينا :vb39:

دلوقتى كرة القدم

4- ليك قصة حب ؟ ام لا تعترف با الحب

مليش ...لكنى أعترف بالحب

5- اية ريك فى حب النت ؟

النت هو سيلة تعارف زى اى وسيلة

لكنى بشوف انة لازم يبقى فى مرحلة تانية تعتمد على التعارف المباشر بين الطرفين

عشان يبقى فى اختبارات حقيقية من خلال المواقف بينهم ومن خلالها كل شخص فيهم يقدر يكون صورة كاملة عن التانى وبالتالى يقدر يحكم حكم دقيق

حب النت لو اقتصر على النت فقط هو حب ناقص من من وجهة نظرى

ها تشجع الحب من النوع دة ولا لاء ؟

لا هشجع ولا هرفض ...كل واحد يختار الوسيلة اللى تريحة

لكن علية ف النهاية انة يتحكل مسؤلية اختيارة

ممكن انت تخوض التجربة دى وتحب فتاة من النت ؟

ويكون اول تعارف ليكم من خلل النت ؟

محدش عارف بكرة مخبى اية

لكنى استبعد

كام بنت عكستهااا ؟

والله ولا واحدة

ومش معنى كدة انة مفيش واحدة بتعجبنى

عشان الناس متفهمش غلط

حد لطشك با القلم على خدك قبل كدة ؟:ju6:

لا

6- بم انك من ادم .. ما مواصفات فتات احلامك؟

تكون بنت محترمة واخلاقها كويسة و حلوة شكلا وعلى نفس المستوى الاجتماعى والثقافى بتاعى او قريبة منهم

تكون عاقلة ومتفهمة لشخصيتى

قولى لينا اكتر15 بنات من المنتدى قريبين منك ؟

هم ميكملوش 15

عندك :aya و حنان واميرة ورفيف ود نور و تقى ورنا وحنين

و20 شباب بردو ؟ السؤال اجبارى ...

ههههههههههه 20

احمد الشريف ومحمد خطاب وطارق ومحمد سعد ومحمد لطفى

يا رب بس مش أكون نسيت حد

7- الحياة بنسبالك ؟ اية ؟

فترة مؤقتة ابتديتها وانا عارف انها هتنتهى

بحاول بقدر الامكان اخلى الفترة دى يغلب عليها السعادة والنجاح

وبحاول طبعا انها تمشى بالصورة اللى ترضى ربنا

بتقضى يومك ازى ؟

فـ الدراسة

بقوم من النوم الساعة 7 الصبح وبروح الكلية المفروض معدل رجوعى البيت منالسعة 5 : 6 يبقى فاضلى تقريبا 6 ساعات وانام تانى عشان ابدأ يوم جديد المفروض فيهم انى باكل وبقعد ع النت وبذاكر وبلعب مع اخويا الصغير

فـ الاجازة بقى ..يومى مش ثابت

8- بتحب بلدك ؟ لو طلب منك ان تفديها بروحك تقبل ؟

أكيد بحبها

وأكيد عندى قابلية انى اضحى بنفسى علشانها

دى حاجة مشرفة جدا ومفيش اجمل من كدة تضحية

راحت استفتاء 19/3/2011

أيوة

قالت اية ؟

نعم

تفتكر كدة احسن ؟ ولا الافضل ان الرئيس يجى على دستور جديد ؟

هو تم تعديل المواد اللى كنا زمان بنطالب بتعديلها

ودة شئ مؤقت

من وجهة نظرى دة أفضل والرئيس الجديد هيلاقى نفسة ملزم

بكتابة دستور جديد لان مجلس الشعب والشورى هيبقوا بالمرصاد

والشعب دلوقتى هو صاحب القرار

تفتكر الشعب ممكن يتغير ؟

أى حد ممكن يتغير

لكن بشرط انة يكون عندة ايمان وإرادة وثقة فى نفسة انة يقدر يتغير فعلا

دة على جانب الفرد

نتيجة لية المجتمع كلة هيبقى افضل ...والدولة عليها دور ثانوى او دور مساعد

من خلال توفير السبل الوسائل اللى تساعد على التغيير

مين من على الساحة السياسية ممكن ترشحو لى الرئاسة ؟

لسة مش اخدت قرار

هتنزل تصويت انتخبات مجلس شعب القادم ؟

أن شاء الله

9- الحياة لحظات ؟ !

مقتنع بذالك؟!

أكيد

اهمس با كلمة حب لى اعز انسان لى قلبك ؟

ربنا يخليكى ليا

اية الحلم لى نفسك تحققو يا محمد ؟

نفسى أكون شخص ناجح فـ حياتى

10- السؤال ليك !

اسئلك نفسك سؤال وجاوب علية

اية شعورك دلوقتى ؟

متنرفز جداااا عشان بكتب الاجابات لتانى مرة

اصل النور قطع وانا فـ اخر سؤال :vb39:

نورتنى فى قلبة يخفق ،،

تحياتى ليك

همــــ ــــالجراح ــــــــس

دة نورك يا همس

وميرسى ليكى ع الاستضافة الرائعة

ملحوظة ،

دبس بعدك عضو من حواء !

ماشى

هدبس أميرة

Mo7aMaD 3aLa2 · منذ /04-01-2011, 03:04 PM

اقتباس


	ههههههههه الطلب عليكـ زايد يا هندسه .. والعه معاكـ يا عم >> منور الحلقه يا برنس ومنتظرين نشوف الاجاابات الخطيرهـ ^^ اختيارات جميله يا هموسه ,,

ههههههههههههههه

اة الطلب زايد

اصلى ببقى فـ احسن حالالتى خلال فصل الربيع

تسلمى يا رفيف

دة نوركـ

Mo7aMaD 3aLa2 · منذ /04-01-2011, 03:06 PM

اقتباس


	السلام عليكم ورحمة الله وبركاته انتى يابنت ياهموسه مش هتبطلى بقه البرنامج بتاعك ده وتقلبيه برنامج بدل قلبى يخفق خليه قلبى بيغنى من الى شايفه هههههه استضافه كالعاده مميزه لمحمد علاء انسان محترم وانسان بحسه انه راقى كده ربنا يوفقك يامحمد ويعينك على أسئلة همس ومنتظرينك ان شاء الله فى أمااااااااااااااااان الله

وعليكم السلام

تسلمى عاشقة الهدوء على رأيك

ميرسى جدا

نورتينى

Mo7aMaD 3aLa2 · منذ /04-01-2011, 03:09 PM

اقتباس


	ياسلام ع النور الى نور اليوميات ^* اهلا يالول والله هتبئه حلقه جامده منتظرين اجاباتك اختيار جميل ياهموسه

دة نوركـ والله يا حنان

جاية بنفسكـ كدة

تسلمى يا حنون

ميرسى ربنا يخليكى

Mo7aMaD 3aLa2 · منذ /04-01-2011, 03:11 PM

اقتباس


	منوور يا حماده الحلقه واستضافه جميله يا قمر فى انتظارك يا عمده

دة نورك يا أحمد

تسلم ربنا يخليك يمعلم

..

тoкα..♥ · منذ /04-01-2011, 03:49 PM

عـآرف يـ هندسه
إللي بيخليني آرد همـآ رمزيتك وتوقيعك
خونفرآشيين آوي بجد يعني :d
مستفـزين كمـآن
آوووف
إجـآبـآت عـآقله آوي على فكرة
--> عجبتـني ..~
نـورت يـ هندسه ,,

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ادم في سطور مع (( Mo7aMaD 3aLa2))	نورا ❤	عالم الرجل - ازياء - موضه - ماركات	53	06-30-2012 01:28 AM
حلقات برنامج ( قلبي يخفق للمره ... على التوالي )	~♥ Queen sozan♥~	أرشيف برامج اليوميات	945	06-25-2012 06:45 PM
قلبى يخفق للى المرة ....على التوالى :: morshooo	~♥ Queen sozan♥~	أرشيف برامج اليوميات	34	05-01-2011 03:59 PM
قلبى يخفق للى المرة ....على التوالى :: мαямσυяα	~♥ Queen sozan♥~	أرشيف برامج اليوميات	47	04-19-2011 01:26 PM
قول رايك الصريح فى (Mo7aMaD 3aLa2	حنـــــون	منتدى سجل الاعضاء	22	09-28-2010 12:32 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

قلبى يخفق للى المرة .على التوالى :: Mo7aMaD 3aLa2

أرشيف برامج اليوميات