مغامراتى مع زهره النسرين فى مصر(ورشه لا للمنقول)

[اميره شاعره]

حبيبتى نسوم عارفه انك تعبانه من السفريه فقلت اسيبك ترتاحى شويه جبتلك بدل الجزمه اللى دابت حاجه على زوقى ده وانتى فى الطريق كنت بعد الثوانى وبهدى ثورات شوقى يلا يا قمر هوريكى كرم المصروايه وبعد ما كنتى نحيله هخليكى قد الفيله هأكلك محشى ولحمه واعودك عالدوشه والزحمه يلا جه الوقت عشان نخرج انا عارفه ان مصر وحشاكى يلا هنتفسح بالملاكى والفسحه تحلى وياكى هنروح السينما ونشوف اجمد فيلم انا هزهقك منى وحتى هطلعلك فى الحلم ونتمشى عالكورنيش بس اتأكد ان معاكى بطاقه وعامله فيش عشان لو اتعاكستى وضربنا الوحشين وقفشنا الشاويش عاللى هيحصل مقلكيش المنتدى هيشمت فينا ويبعتلنا حلاوة وعيش طنشى اللى فات ومتقلقيش على رأى الفيلم متركزيش عشان متهيسيش وتانى يوم هوديكى فى حته جنان ولا الاهرامات ولا المتحف المصرى هوديكى الميدان ايوه على ميدان التحرير نشوف ازاى دخلته الجمال والاحصنه وكمان الحمير وبعدين نروح جنينه الحيوانات بس عليكى السندويتشات وبعدين نروح الاستاد ونشوف الماتشات بس اوعى تطلعى زملكاويه والله ارجعك عالامارات وفوشك بونيه هخليكى تدعى عليه وتسمينى المفتريه ههههههههههههه لا طبعا متهونيش عليه انا بس هخليكى اهلاويه

[دمعه حائره]

ههههههه
مالهم الزملكويه ياشاعرة انتى ياعبقريه
دول فن ولعب وهندسه ولا ناسيه وعامله مهندسه
جيبتى الكلام ده منين ياحلوة انتى يامفتريه وكمان هاتديها بونيه
ياعينى عليكى يانسمه ده انتى ليلتك مش معديه
دى رحله حلوة وعجبانى ولازم اجى معاكوا الميدان
وتدونى من السندوتشات كمان
ايه رائيك تاخدى خمس نجوم وتسلميلى على نسوم
يسلمو اميرة بالتوفيق حبيبتى

[بحرولكن]

ان شاء الله هيمسكك الشويش

أنتي وهيا يا درويش

ويحطكم في البكس مع بتوع الحشيش

ويعمل علي أفاكم عزومه بس درويش درويش

ويكتب محضر ويقول أنكم مدفعتوش بقشيش

يعني في بيات في التخشيبه وقعده في التفتيش

وشوفو بقي النموس ويالله أنتي وهيا ماقولكيش

لا في سنيمه ولا حتي كوره ولا هتشوفو الدرويش

وكمان نسيين البطايق دا انتم هتخدو طلتيش

ياحفيظ يامغيس من الكهربه والدرب بالشلليت

هههههههههههه دا انتم اتبعزقتو ياخرشي ماقولكيش

حلوه الورشه ديا وحلو كلام كله ضحك وقرقيش

واه من الجزمه هتطلتش في اول كمين وتفتيش

هروح اضمنكم وأصوركم صوره تطلع مخربشه تخربيش

وأحطها في مجلة ميكي وتكون أول توزيع ومعاها بقشيش

يعني الزباين مجانا والفرجه هتكون ببلاش وعليها هدية قرميش

هههههههههههههههههههههههه جميله الكلمات ياميره

بجد انتي رائعه وانا جاي اقول كلمتين بس اوعي يخفيف

ههههههههههههههههههههههه



بجد رائعه من روائعك تسلم الايادي

[♥Donya♥]

ههههههههههههههههههههههههههههههههههههههه

ايه ده شعر ولا رحله مصريه،،

والله عجبتني الكلمات ومضمونها،،

وخاصه انك هتخليها اهلاويه،،

دوام الابداع وبالتوفيق،،

[زهرة النسرين]

اميرة ياقلبي وعنيا
انا جيت معليش متأخرة شوية
منها لله بقى الكلية
شوفي ياقمري ونن عنيا
انا موافقة الف وادور وراكي
في كل مكان
ياريت بجد فعلا توديني الميدان
وياريت توديني اسكندرية
اخد هواها في صدري والعب بالمية
مصر كلها وحشتني ياصبية
وبجد مش هلاقي ارق منك يلفها معايا
انتي حبيبتي وقلبي ونور عنيا
وبصراحة اكتر شيء عجبني الجزمة الهدية
بجد زوءك حلو وجنني شوية
والسندويتشات ماتقلقيش خلاص عليا
وهنبقى ندي معانا دمعة
شكلها طمعانة في سندويتش طعمية
وانا قريب هجي لعندك يااميرة
وتلففيني في كل مكان
وتعرفيني على الميدان ,,


حبيبتي

تسلمي بجد على المشوار بجد رائعة واكثررررررررررر

[Thunder]

لأنك أميرة
و شاعرة
طبعا كان لازم تكوني أهلاوية
فالامر الطبيعي ان الانسان بيتولد أهلاوي
ده نادي الفطره

احلى صباح ليكي
و لكل الاهلاوية