..{ فع‘ــآآليـآآت المنتــدى }..



آخر 12 مواضيع
أيران وحرب الجرذان
الكاتـب : ساحر الأحزان - آخر مشاركة : شاعر الحب الحزين - مشاركات : 3 -
واجب عزاء لأختنا لميـس في وفاه والدتها
الكاتـب : ساحر الأحزان - آخر مشاركة : إيلاانا - مشاركات : 11 -
أمل
الكاتـب : د/ عبد الله - مشاركات : 5 -
حقائق لن يخبرك عنها احد ...يمكنك نشرها
الكاتـب : out off box - آخر مشاركة : أمير عسكر - مشاركات : 3 -
خطيئتي الكبرى .. قلم مهيب
الكاتـب : مهيب الركن . - آخر مشاركة : أمير عسكر - مشاركات : 4 -
ساحر الأحزان مع أعضاء بنات مصر في رمضان مع مـريم
الكاتـب : ساحر الأحزان - آخر مشاركة : مهيب الركن . - مشاركات : 4 -
تفرق معاه
الكاتـب : شاعر الحب الحزين - آخر مشاركة : ☆ شهـــاب ☆ - مشاركات : 7 -
بنفهم متأخر
الكاتـب : شاعر الحب الحزين - مشاركات : 6 -
ساحر الأحزان مع أعضاء بنات مصر في رمضان مع الملـكله كيلوباترا
الكاتـب : ساحر الأحزان - آخر مشاركة : واد حبيب - مشاركات : 2 -
الـيوم لك وغـدا عليك
الكاتـب : ساحر الأحزان - آخر مشاركة : مهيب الركن . - مشاركات : 5 -
يعز عليا
الكاتـب : شاعر الحب الحزين - مشاركات : 4 -
ساحر الأحزان مع أعضاء بنات مصر في رمضان مع حـياه
الكاتـب : ساحر الأحزان - آخر مشاركة : د/ عبد الله - مشاركات : 2 -

الإهداءات


غير حياتك

منتدى التنميه البشريه


إضافة رد
 
LinkBack أدوات الموضوع انواع عرض الموضوع
قديم منذ /03-31-2011, 04:56 AM   #1

عضو فوق الوصف
 

 رقم العضوية : 12361
 تاريخ التسجيل : Feb 2009
 المكان : Egypt granule
 المشاركات : 1,806
 النقاط : Genius will become famous soon enough
 درجة التقييم : 52
 قوة التقييم : 0

Genius غير متواجد حالياً

إرسال رسالة عبر Yahoo إلى Genius
أوسمة العضو
غير حياتك


اللهم صلى على النبى محمد وعلى آله وصحبه وسلم
اللهم احشرنا مع النبى محمد ..
قولو آميــــــن فى بداية الموضوع كدا




انهاردة هتكلم معاكم عن قوانين العقل اللاواعى ..
فى البداية يعنى ايه قوانين العقل الباطن (اللاواعى)؟

يعنى ,, شوية اساسيات هى اللى بتخليك توصل لنتيجة معينه
يعنى ايه ؟
انت عملت موقف ما ,, عقلك اتخذ القوانين دى مبدأ ومشى عليها لغاية ما وصلتك للنتيجة اللى انت فيها

==> مثال <==
انت قلت لنفسك انك غبى ,,عقلك اللاواعى ,, تصرف على اساس القوانين اللى انا لسه هشرحها ,, عشان يوصلك للنتيجة اللى هتشوفها
ويا ترى ايه هى النتيجة المتوقعه ؟؟
انك اى تصرف تعمله هتحس انك غبى ,, هتحس انك اغبى اهل الارض ,,
دايما هتكون قرفان من نفسك ,, هى دى النتيجة المتوقعه ..



قوانين العقل اللاواعى ( الباطن )
The Laws Of Unconscious Mind


1- قانون السبب والنتيجة - ( قانون السببية ) -

اى سبب انت تقوم به ,, من الطبيعى ان يكون له نتيجه كرد فعل للسبب ..
فلو قمت بسب صديق لك ,, ستجد النتيجة انه يرد عليه بسب او يزعل منك !!

موقف حقيقى /
قامو احد العلماء بعمل تجربة على فار ,, تم وضعه بمتاهه وفى نهايتها قطعة جبن ,,وقبل النهاية وضعو سلك كهربا ,, فذهب الفار ليجدها فى كل مرة يصل اليها ,, يتكهرب وهو بياكل الجبنه
وتم عمل نفس الأمر عدة مرات ,, وبعد ذلك ,, شالو سلك الكهربا ,,
فذهب الفار للجبن ,, واتنفض نفضة للكهرباء !! مع انه لا يوجد كهرباء ,,
ولكن هو اتبرمج على كدا ,, توقع انه كل ما يوصل هناك بيتكهرب ,,
فهو وضع فى اعتقاده ان السبب لم يتغير ,, وبالتالى وصل لنفس التنيجة بأنه اتكهرب ,,
فلو شال فكرة السبب من ذهنه ,, ما شعر بالكهرباء !!

وهناك مثال صينى يقول // من الجنون ان تفعل نفس الشىء وتتوقع تنيجة مختلفة ..
عشان كدا لو احببت انك تغير التنيجة ,, يبقى غير السبب اللى وصلك للتنيجة دى ..

ويقول الله سبحانه وتعـالى في سـورة الرعـد : (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

فائدة /
لو انت شايف الحياة سودا ,, وانك فاشل ,, وان الدنيا دى كلها مشاكل ,, ودى طبعا تنيجة ..
يبقى لحل المشكلة غير السبب
وهو الفكرة اللى انت بتفكر بيها وصلتك للتنيجة دى ,,
بطل تعلق فشلك على شماعة الاعذار ,,
بطل تقول انا فاشل
بص للحياة بنظرة ايجابية ..


2- قانون نشاطات العقل اللاواعى

ينص القانون على ان اى شىء بتفكر فيها بتتسع وتشوف منها كتير ..
==> مثال حصل معايا <==
جيت فى فترة حبيت اوى السيارة المرسيدس العيون ,, وكنت مركز عليها اوى ,,
فسبحان الله لما ركزت عليها لاقيت نفسى بشوف منها كتير اوى اوى اوى فى الطريق وبقيت مستغرب ,, هى العربيات بتكتر قدامى ليه ؟؟!!

السبب ,, انى فكرت فى عربية عيون ..
فحسب القانون دا ,, انى اول ما فكرت وركزت علي الشىء دا ,, بدأ انه يتسع واشوف منه كتير ..
فشفت من السيارة دى كتير اوى ,,

فائدة / هامة جدا جدا جدا
لو انا شايف الدنيا سوووووووودا اوى ,, يبقى انا فكرت فى حاجة سودا فى الحياة ,, وحسب القانون دا ,, بدأ يتسع واشوف من الحاجات السودا دى كتير ..
وبالتالى ,, يبقى لما افكر فى حاجة سلبية ,, طوالى ابطل تفكير فيها ,, لأن تفكيرى فيها هيخلي الشىء السلبى دا يتسع وينتشر واشوف منه كتير ..
يبقى عشان تشوف الحياة حلوة ,, يبقى فكر فى حاجة حلوة اوى




3- قانون التفكير المتساوى

اى شىء بتفكر فيه ,, المخ بيدعمها ,, ويفتح الفايلات اللى بالمخ اللى تدعم هذه الفكرة ..
وحسب احصائيات تم قياسها ,, وجد ان الانسان يأتيه أكثر 60 ألف فكرة فى اليوم
فتخيل بقى ,, كام فى المية من الــ 60 الف فكرة دول ,, افكار سلبية .. !!

==> مثال <==
تخيل ان مدرس فى يوم من الايام قال لك ,, انت غبى
فبدأت تفكر فى الجملة دى ,, المخ حسب القانون دا ,, هيفتح لك الفايلات اللى بالمخ اللى يدعم الفكرة دى ,,
المخ هيقولك ,, الحق يا حمام دا امك من يومين قالت لك على الموقف الفلانى ,, انت متخلف ,,
وكمان اخوك قالك ,, اسكت دا انت حمار ,,
وكمان صاحبك قال لك ,, انت تفكيرك محدود !!
وكمان حسب قانون نشاطات العقل اللاواعى ,, اللى هيخلى الفكرة تتسع وتشوف منها كتير .. زى المثال بتاع السيارة المرسيدس ,, هتبدأ تشوف غبائك كتير
وتركز على الغباء بس ,, وتحس انك اقل انسان فى الكون ,, وتدخل فى مشاكل ملهاش اول من آخر ,, والسبب الأول والأخير ,, هو طريقك تفكيرك انت


فائدة /
اعرف ان اى فكرة بتفكر فيها وتركز عليها ,, المخ بيدعمها ويفتح الملفات العقلية اللى بالمخ اللى تماثل هذا التفكير ,,
فلو فكرت بطريقة سلبية ,, اعرف ان مخك هيجيب لك كل ما هو سلبى بحياتك ويدعم تفكيرك دا ..
ولو فكرت بطريقة ايجابية ,, المخ هيدعم التفكير دا وتجد الحياة كلها ايجابيات وتشعر بالسعادة والراحة ..
أذن كن دقيقا فى اختيار أفكارك


4- قانون التركيز


اى شىء بتفكر فيه وتركز عليه ,, بيؤثر على شعورك وأحاسيسك ,, وعلى حكمك على الأشياء ..
وخدو المعلومة الخطيرة دى /////
أول ما تركز
1- بتـحْكُم
2- بتعمــم
3- بتلغــى

==> مثال <==
تخيل انك ليك صديق بتحبه اوى اوى ,, ومثلا حصل منه موقف سىء جدا عمرك ما كنت تتخيل انه يعمله معاك ..
بدأت تفكر فى الموقف اللى ضايقك دا ,, وبعدها ركزت عليه اوووووووووووووى ..
وحسب القانون دا ,, اول ما تركز على حاجة بتبدأ تحكم ,,
تحكم على صاحبك انه قليل الذوق ,, ومعندوش دم ,, وسىء الخلق مثلا !!
وبعدين تعمم !! ,, تعمم كل ما هو سلبى منه ,, حسب قانون التفكير المتساوى ,, مش بنقول اى شىء بتركز عليه المخ بيدعمه بالملفات العقلية بالمخ !!
فقلنا انك هتبدأ تعمم كل ما هو سلبى فى صاحبك ,, مخك هيبدأ يدعم دا ,, يقولك
الحق ,, دا صاحبك كان عمل وياك موقف زبالة من فترة كبيرة ..
الحق ,, دا صاحبك عمل معاك الموقف السىء دا من شهر !!
ويبدأ المخ يدعم ..
وننتقل للنقطة الثالثة ,, ان مخك يلغى
يلغى ايه ؟؟
يلغى كل ما هو ايجابى فى صاحبك
يعنى ,, صاحبى انا بحبه جداااااااااا ,, وله مواقف رائعة معايا ,, بس لما عمل الموقف السلبى دا ,,
بدأت احكم عليه حكم سلبى ,, واعمم كل ما هو سلبى فى صاحبى ,, والغى كل ما هو ايجابى من صاحبى ..

معلومة هـــــــــــــامة جدا //
المخ بيبنى على آخر تجربة ..
اى المخ يبنى افكاره على آخر تجربه حصلت معاه
يعنى ,, لو اخر تجربة حصلت معاك سلبية , المخ هيبنى عليها تفكيره ,, ويبدأ يحكم بناء على الموقف دا ويعمم كل ما هو خاص بالموقف ويلغى كل ما هو دون الموقف دا ..

فائدة /
دايما بنخسر اصحابنا عشان حاجات بسيطة اوى اوى ,,
(بس دا ميمنعش ان فيه اصحاب بيعملو مواقف صعبة فوق فوق فوق الوصف فى اعز اصدقائهم)
والسبب ,, انك ركزت على الموقف السلبى , وبالتالى ,, عممت ,, لاغيت ,, حكمت !!
وبالتالى بتخسر صاحبك ,,
طب لو عايز تكسب صاحبك تانى ؟؟
يبقى فكرة في مواقف رائعة منه ,, وركز عليها ,, والمخ هيبنى على آخر تجربه ,, اللى هى الموقف الرائع ,, وبالتالى تحكم عليه حكم رائع
وتعمم كل المواقف الرائعة ,, وتلغى كل ما دون ذلك ,,
فجأه ,, هتلاقى نفسك بتتصل بيه


5- قانون المراسلات
ينص على ان عالمك الدخلي هو الذي يؤثر على العالم الخارجي
يعنى عالمك الداخلى هو اللى بيأثر فى عالمك الخارجى ..
يعنى لو زرعت بذرة ايجابية فى تربة عقلك اللاواعى ,, هتنبت ثمرة ايجابيه فى عالمك الخارجى
==> مثال <==
يعنى انا فكرت بطريقة ايجابيه فى داخل نفسى ان العالم دا يجب اننا نضع لنا بصمة فيه ونشتغل و و و و ..
فدا هيؤثر على عالمك الخارجى ,,وهو انك هتلاقى نفسك بتكد وتجتهد وتتعب وتتعلم عشان تضع بصمتك فى الحياة ,, ودا هو عالمك الخارجى ,,
يبقى لولا افكارك فى عالمك الداخلى ,, مكناش شفنا نتيجة افكارك فى عالمك الخارجى ..

فائدة /
افكارك اللى جواك ,, هى اللى بتأثر على عالمك الخارجى ,, فلو حطيت جواك فكرة ان العالم دا بلوة !!
وان الحياة مقرفة !!
يبقى دا هيؤثر على عالمك الخارجى ,, وهتلاقى ان الحياة مقفلة فى وشك وانك قرفت من الحياة والخ الخ الخ !!
يبقى انتقى افكارك اللى هتحطها فى مخك قبل ما تؤثر على حياتك
أذن ابعت للعالم اللى انت عايزه ,, هيرجع لك تانى من نفس تفكيرك ..


6- قانون الأنعكاس


العالم الخارجى هو انعكاس للعالم الداخلى

==> مثال <==
لما تلاقى واحد نظيف فى الكلية او فى المدرسة ,, ولقى ورقة وفضل ماسكها لحد ما رماها فى سلة مهملات ,, يبقى دا انعكاس عن عالمه الداخلى ,,
انعكاس لنظافته فى بيته ,, لنظافة نفسه ,, حرصه على النظافة

أذن اللى انت بعته للعالم الخارجى,, هيرجع لك تانى يؤثر على طريقة تفكيرك ويدعمها


7- قانون الأنجذاب


اى شىء بتفكر فيه بتنجذب اليك من نفس النوع ..
ودا طبيعى جدا ,, لأنه بيدعم قانون التفكير المتساوى ,, وقانون نشاطات العقل الباطن ..
منت لما تفكر فى شىء هينجذب اليك ,,
فاكرين مثال السيارة المرسيدس !!
لما تفكر فيها ,, هتنجذب اليك ,, هى متواجده بنفس كثافتها فى الطريق ,, لكن لما ركزت عليها ,, هتشوف منها كتير وبالتالى هتشعر انها بتنجذب اليك ..
لأن المخ بيلاحظها ,, وبيلقطها ..
لذلك يقولون ان عقل الأنسان مثل المغناطيس ,, بيجذب اليه كل ما تفكر فيه

فاكرين الاصدقاء اللى بتتخاصم لمجرد موقف سلبى حصل ما بينهم ,, اول ما تفكر فى الموقف السلبى دا ,, هينجذب اليك من نفس النوع ,, وتبدأ تجد مخك بيلقط لك كالمغناطيس كل ما هو سلبى من نفس نوع الفكرة .. وبالتالى تعمم وتلغى وتحكم ,, ومن ثم تخسر صاحبك


8- قانون التوقع


اى شىء بتفكر فيه لفترات طويلة ,, بتتوقعها دائما ,,
==> مثال <==
كنت عند صديق ليا ,, وقاعدين فوق سطح بيتهم ,, بالليل فى الصيف وبعدين وانا نايم على ظهرى بتأمل فى روعة النجوم ,, لمحت حاجة زى الصرصار كدا عدت عليا !!
وانا صراحة يعنى بخاف منهم لأ مقصدش بخاف منهم ,, انا بحترمهم اوى يعنى بزيادهوبعدين بصيت ملقتش حاجة وانتهى الموقف على كدا ,, ففضلت افكر فى الصرصار ,, وبعدين لمحت حاجة ملهاش اى علاقة بالصرصار ,, فأول شىء توقعته ,,
توقعت ان دا صرصار ,, واتنفضت من مكانى ..
وشوية ,, رجل صاحبى لمستنى ,, قمت منفوض ,, قلت دا صرصار ,, منا توقعت انه صرصار !!
وكان يوم عجيب ,, فتذكرت القانون الرائع دا

لذا يقول الحبيب النبى محمد , صلى الله عليه وسلم ,
تفائلو بالخير تجدوه
صلى الله على محمد صلى الله عليه وسلم


9- قانون الأعتقاد


اى حاجة بتفكر فيها ,, وتخك معاها شعورك وأحاسيسك وتركز عليها , بعدها دى بتتحول لأعتقاد فى العقل اللاواعى ..
القانون دا هااااااااااااام وخطيـــــــــــــــــــــــــر جدااااااااااا

==> مثال <==
مدرس قالك فى يوم ,, انت طالب غبى ,,
وبعدين فكرت كتير فى الموقف دا ,, فأنت اتضايقت ,, وبالتالى مشاعرك واحاسيسك اشتعلت ,, بس بطريقه سلبية ,,
وبالتالى المخ هيدعم الفكرة ويؤكد مدى غبائك ,, وتركز اكتر ,, ويبدأ تعمم كل الغباء فى حياتك ,, وتلغى كل ما هو كويس فيك ..
حينهــــــــــــــــــــــــا ,, دا بيتحول لأعتقاد فى العقل اللاواعى ..
فلو مثلا حد سألك سؤال وانت عارف الإجابة ,, ساعتها هتيجى ترد ,, تلاقى عقلك اللاواعى بيفتح لك الفايل اللى فيه اعتقاد بأنك غبى ,, فهتتراجع عن اجابتك



هــــــــــا ؟؟ ايه رأيكم ؟؟ حاسين انكم تقدرو تغيرو حياتكم بجد من الكلام دا صح
عقبالى يا رب


ملحوظة /
وهنا طبعا لا نتحدث عن (الاعتقادات الدينية التي يجب ان تكون سليمة بما يناسب الشريعة الإسلامية ), وإنما نتكلم عن اعتقادات تحكم الحياة اليومية مثل ما اقول , أنا خجول أو أنا غير محظوظ أو أني فاشل , أو انا غبى ، وهذه كلها اعتقادات سلبية طبعا ..

معلومـــــــــــــــــــة /
اول ما تقول , انا , وتحط معاها شعورك وأحاسيسك ,, وتركز عليها ,, علطول تتحول إلى اعتقاد فى العقل اللاواعى

فائدة /
اياك ثم اياك ,, تحط فكرة سلبية فى ذهنك وتركز عليها وتفكر فيها وتؤثر على مشاعرك واحاسيسك ,, والا هتتحول لأعتقاد فى عقلك اللاواعى ,, وبالتالى هتشل حركة تقدمك فى الحياة


10- قانون التراكم

شايفين لما الراجل تراكم ؟؟

اى حاجة بتفكر فيها اكتر من مرة ,, بتتراكم وبتكون له قوة ذاتيه خاصة بيها ..
==> مثال <==
تخيل انك فكرت فى نفسك انك مبتفهمش ,, غبى يعنى
وركزت عليها ,, ولاقيت نفسك غبى ,, لما تفكر كتير فى الصفة دى ,, هتلاقى الصفة دى بتتراكم فى عقلك اللاواعى ,, وكل مرة تفكر بطريقة اكثر سلبية ,, وتزداد قوة الصفة جواك ,, وبدل ما يبقى لها رابط ذهنى واحد ,, بيبقى لها 10 و20 رابط ذهنى ,, لأنها بتتراكم فى عقلك اللاواعى


11- قانون العادات

عندما يزداد التفكير فى موقف معين ,, حتى يتراكم فى عقلك الباطن ,, فإنها حينها تتحول الى عادة ..
ومن السهل ان تكتسب عادة جديدة ,, ولكن من الصعب جدا ان نتخلص من عادة , كالتدخين مثلا ..
ولكن إذا فهمت كيف يعمل عقلك الباطن ,, فمن السهل التخلص من العادة ,, بنفس الطريقة التى برمجت بها هذه العادة السلبية ..


12- قانون الأستبدال


انت تستطيع ان تستبدل اى صفة اكتسبتها ,, او اى برمجة بعقلك اللاواعى ,, عن طريق استخدام نفس الطريقة التى برمجة بها هذه العادة بعقلك الباطن ..

==> مثال <==
تخيل انك شايف نفسك انك غبى ,, ومعتقد فى دا ,, لغاية ما بقت جزء من شخصيتك ..
عشان تستبدل العادة السلبية دى , يبقى لازم تغيرها بأخرى ايجابية بنفس الطريقة اللى برمجة بها الصفة السلبية دى

==> مثال <==
صديق انت زعلان منه ,, مع انك كنت بتحبه اوى وهو كمان بيحبك جدا
لكن حصل موقف بينكم قلب الموازين وبقيتو بتكرهو بعض جدااااااااااااااا
ازاى ترجع العلاقات تانى زى السكينه فى السمنه ؟؟
تحاول تفكر فى موقف ايجابى له ,, وتركز عليه ,, لحد ما قوانين العقل تعمل على تفكيرك ,, ومخك بيبنى على آخر تجربة ..
ساعتها هتلاقى انك استخدمت قانون الاستبدال ,, بأنك استبدلت الاعتقاد السلبى بآخر ايجابى .. بنفس الطريقة اللى برمجت بها الاعتقاد السلبى الأول





وبذلك نكون قد انتهينا من قوانين العقل الباطن , وعرفنا ازاى نغير عادة سلبية لأخرى ايجابية ,, بنفس طريقة برمجتها ..
وعرفنا ازاى نستخدم ونسخر القوانين دى بما يناسب اهدافنا ..
عايز اكون سعيد ؟ هستخدم القوانين بحيث تدعم الشعور اللى عايز اشعر بيه ..
عايز اكون متميز ؟ هستخدم القوانين بما يدعم هدفى ..
عايز اتخلى عن التدخين ؟ هعرف ازاى ربطت التدخين بشخصيتى ,, واتعلم ازاى اتخلى عن التدخين من جوايا ..


طيب ,, نضرب مثال ,, يضم جميع جميع القوانين ,,
وللعلم دا اهم مثــــــــــــال ..

==> أهم مثال <==
انت طالب فى مدرسة ,, وفى يوم المدرس سألك سؤال ,, معرفتش الاجابة ,,
فقال لك ,, انت متخلف ,, اخوك ضفره برقابتك
فأنت روحت ,, فكرت فى الجملة السيئة دى ,, ضايقتك اوى ,, ومعنى انها ضايقتك ,, يعنى ولدت عندك مشاعر واحاسيس ..
وفكرت فيها تانى ,,
فحسب القانون الثانى / نشاطات العقل اللاواعى ,, الفكرة اللى فكرت فيها دى بتتسع وتنتشر ..
وتشوف منها كتير ..
وبعدين تروح للقانون الثالث / التفكير المتساوى ,, ان المخ يدعم الفكرة بكل ما يوجد فى ذاكرته ..
فلو الفكرة سلبية ,, زى ما المدرس قالك ,,
هتلاقى المخ يقولك /
اسكت ,, دا اخوك نفسه قالك فى يوم ,, دا غبى ومبتفهمش
وصاحبك قالك فى يوم كذا ,, ان تفكيرك محدوووود اوى ..
ووالدتك قالت لك فى يوم من الايام ,, انت اغبى خلق الله ..
وبعدين تروح للقانون الرابع / قانون التركيز ,
فأى حاجة تركز عليها وتحط معاها شعورك واحاسيسك بتؤثر على حكمك على الاشياء ..
وتبدأ تحكم وتلغى وتعمم
فتبدأ تحكم على المدرس بأنه مدرس ..........
وتبدأ تكره اخوك لأن المدرس بيفضله عنك ,, وانه برده فى مره قالك انت غبى
وتبدأ تعمم الفكرة دى وتعمم كل ما هو سلبى عن اخوك وعن نفسك ,, وتلغى كل ما هو ايجابى فيك ..
وتحكم على نفسك بأنك فعلا غبى ,, وانك لا تصلح للحياة ,, وان ربنا اداك اقل قدرات فى الدنيا ..
وتروح للقانون الخامس /قانون المراسلات , يبدأ افكارك الداخلية تؤثر على عالمك الخارجى ,,
بأنك تشوف نفسك غبى فى الدنيا ,, تتصرف اى تصرف طبيعى جدا ,, لكن انت تشوفه تصرف غبى منك
انك تبقى ماشى زى خلق الله وتلاقى حد بيضحك ,, تقول دول اكيد بيضحكو عليا ..
ودا يوصلك للقانون السادس / قانون الأنعكاس
ان عالمك الخارجى انعكاس للداخلى ,,فتشوف تصرفات الناس كأنها تصرفات ذكية ,, مع انها عادية جدا
وتشوف تصرفاتك غبية ,, مع انها عادية جدا ..
ولو اتكلمو عن الغباء ,, تفتكر نفسك ..
ولو حد ضحك ,, يبقى اكيد بيضحكو عليك ..
والسبب ان دا انعكاس لعالمك الداخلى والفكرة اللى حطتها بذهنك
ودا يوصلك للقانون السابع / قانون الأنجذاب..
ان كل افكارك هتنجذب اليك من نفس النوع
وانت شايف انك غبى ,, فمخك هيدعم دا وتشوف كل ما هو غبى فيك
وتلغى كل ما هو ايجابى فيك ,, وتحس انك اغبى مخلوق
وكل ما تفكر اكتر ,, يزيد غبائك اكتر
وتبقى متأكد مليار المية انك غبى جدااااااااااااااااااااااااااااا
ودا يوصلك للقانون الثامن / قانون التوقع ..
ان اى حاجة غلط تحصل ,,, تتوقع انها حصلت منك انت ..
ان لما والدتك تزعق فى البيت ,, تتوقع انها هتزعق لى ,, يبقى انا عملت حاجة غلط ,, منا الغبى اللى فى البيت ..
ثم القانون التاسع يقوم بدوره / قانون الأعتقاد
انك لما تفكر فى انك غبى ,, وتركز على كدا , وتحط مشاعرك واحاسيسك ,وتضايق لأنك غبى ,, أذن هتتحول لأعتقاد فى عقلك الباطن ,, وتبقى جزء من شخصيتك وجزء من تصرفاتك
وهتبدأ تتصرف كأنك غبى بجد ...

ومن ثم القانون العاشر / قانون التراكم ..
أظن بعد كل الغباء دا ,, حسيت ان الغباء تراكم جواك ..
حسيت ان كل ما فى حياتك غباء
انت مجرد شوية غباء فوق بعض (هو الانسان ايه غير شوية غباء فوق بعض )
وتصبح معلومة الغباء له قوة ذاتيه جواك وصعب جدا تتخلى عنها

وبعد كدا للقانون الحادى عشر // قانون العادات ,,
ان الغباء اصبح عادة جواك ,, وهتتصرف على العادة دى ..
بقت جزء منك
مينفعش تتخلى عنها

طيب ؟؟
انت عرفت قدرات الانسان ,, وعرفت انك افضل مخلوق خلقه ربنا ..
وان ربنا سخر لك الكون ..
يبقى مستحيل تكون فعلا غبى ,,
يبقى تستخدم قانون الاستبدال ,, وتستبدل الصفة دى بصفة تانية ايجابية تخلى حياتك كلها روعة ..
وتمسكها بنفس الطريقة اللى برمجت بيها الصفة السلبية دى ..







  رد مع اقتباس
قديم منذ /03-31-2011, 06:17 AM   #2

عضو فعال

 

 رقم العضوية : 66897
 تاريخ التسجيل : Feb 2011
 المكان : مصر
 المشاركات : 370
 النقاط : TOTY..FROTY will become famous soon enough
 درجة التقييم : 50
 قوة التقييم : 0

TOTY..FROTY غير متواجد حالياً

أوسمة العضو
افتراضي

شكرآ جزيلا على الموضوع الرائع و المميز

واصل تالقك معنا في المنتدى

بارك الله فيك
ننتظر منك الكثير من خلال ابداعاتك المميزة

لك منـــــــ اجمل تحية ــــــــــي







  رد مع اقتباس
قديم منذ /03-31-2011, 05:13 PM   #3

عضو فوق الوصف
 

 رقم العضوية : 12361
 تاريخ التسجيل : Feb 2009
 المكان : Egypt granule
 المشاركات : 1,806
 النقاط : Genius will become famous soon enough
 درجة التقييم : 52
 قوة التقييم : 0

Genius غير متواجد حالياً

إرسال رسالة عبر Yahoo إلى Genius
أوسمة العضو
افتراضي

شكرا لمرورك







  رد مع اقتباس
قديم منذ /04-01-2011, 08:24 AM   #4

عضو ذهبي

 

 رقم العضوية : 48195
 تاريخ التسجيل : May 2010
 العمر : 26
 المكان : عالم الخيال
 المشاركات : 1,066
 النقاط : مشاعر حلوة will become famous soon enoughمشاعر حلوة will become famous soon enough
 درجة التقييم : 108
 قوة التقييم : 0

مشاعر حلوة غير متواجد حالياً

أوسمة العضو
افتراضي

جدا جدا جدا رررررررررررررررررائع








  رد مع اقتباس
إضافة رد

الكلمات الدلالية (Tags)
حجابك, غير

« ضع شخص في بالك وبعد الاجابة ستعرف مشاعره تجاهك ~ | cdالخدمة النفسية لمجال الانحراف والجريمة »

الذين يشاهدون محتوى الموضوع الآن : 1 ( الأعضاء 0 والزوار 1)
 

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
اعظم شئ اكتسبته في حياتك واكبر خساره فقتها من حياتك Wahem قسم مناقشة المواضيع المتداوله والمنقوله 5 10-29-2012 05:48 PM
انتى ايه صفاتك ف شريك حياتك......وانت ايه مواصفاتك ف شريكة حياتك kenzy sweet قسم مناقشة المواضيع المتداوله والمنقوله 12 08-09-2012 05:19 AM
أهم قرار اتخذته في حياتك ؟وغير حياتك دينا الامورة قسم مناقشة المواضيع المتداوله والمنقوله 2 08-08-2012 06:19 AM
حياتك ۩۩ سيد الشرقاوي ۩۩ منتدى التنميه البشريه 7 07-26-2012 01:33 AM
اختر رقما ً لتعرف شريكة حياتك / شريك حياتك ..؟؟ فوفا نكت - طرائف - وناسة - فرفشة 67 12-31-2010 11:15 PM

مجلة الحلوة / مذهلة

الساعة الآن 03:52 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩