اقتراح علي الادارة .........؟

[ماتركس]

مساء الخير علي الجميع وجمعة مباركة عليكم كلكم

انا لفت نظري اني اقدم ليكم اقتراح للمنتدي واشواف اراء الاعضاء وراي الاداره كمان

انا لاحظت في بعض المنتديات فكرة

هيه متعتبرش فكرة بس تعتبر حاجه من اساسيات المنتدي

مثلا في منتديات لما يجي اي عضو خارج المنتدي يعني زائر يجي ياخد اي موضووع

كووبي وباست مش بيرضي يتنسخ معاه غير لما يسجل في المنتدي غير كده مينفعش

ياخده كووبي نهائي

انا بقترح دي خاصيه جميله وممكن تنفع منتدانا كتير جدا الخصيه دي

بكده هنلاقي تسجيل الاعضاء زاد في المنتدي علشان اللي هيجي ينسخ موضووع هيسجل

بكده هنلاقي نسبه جميله من الاعضاء الجدد ووممكن اي عضو سجل علشان ينسخ مواضيع او ياخدها

كده هتلاقي ممكن يستمر معانا وممكن يتعرف علينا كمان واكيد اي عضو مش هيبخل في الردود

دي خاصيه ممكن تكون اجابيه في جذب الاعضاء للمنتدي

يا ريت اعرف رايكم في الخاصيه دي

ونتناقش فيها

اخوكم

ماتركس

[●•Young Eyes•●]

مساء النور يا احمد

فكرة حلوة بس انا ليا نظرية فيها

احنا مش هدفنا اننا نزود اعضاء وخلاص يعنى زى مانتا بتقول هوا كل ما يحتاج كوبى و بست لاى حاجة هيجى يفتح عضويتة و بعدين يقفلها

اعتقد ان ملهاش لازمة احنا عاوزين اللى يسجلوا يبقوا بجدية

حتى كل المنتديات بتنتقض كل الاعضاء اللى يسجلوا منغير اى تفاعل او مشاركات

نقوم احنا نخليهم يزيدوا

على العموم بانتظار راى الادارة

و مرسى يا ابو حميد

[SiLver Spectra]

بص يا برنس
مبدئيا ما تقدرش تعملها على الأعضاء لأن ماحدش يقدر يستغنى عن الكوبي سواء صورة هتحطها أو رابط او اقتباس أو أي حاجه

نيجي للزوار
عملتها قبل كدا بس لاقيت نص الأعضاء مش عارفه تسجل دخول
لأنها بتعتمد على تعطيل (الكلك يمين)
فأي حد اسمه فيه رمز و عايز يسجل دخول مش هيعرف لأنه طبعا محتاج ينسخ الإسم و يعمله بيست ,,و الكلك يمين انت معطله اصلا

و في هاكات كتير بتلاقيها شغاله مثلا في الاسكبلورر و مش شغاله في الفايرفوكس
و في طرق بتتحايل على الهاك زي النسخ من الكيبورد و منها تحميل الصفحة على الجهاز و بعدين نسخها زي برنامج الفايرفوكس
يعني مشاكلها كتير ,,
فجربت قبل كدا و لغيتها

[ساحر الأحزان]

هى فكرة جميلة

ولكن كما ذكر الاخ طارق ان لها كثيرا من السلبيات


وان كنا نتمنى وجودها ولكن هذا يعود لراءى الادارة

فيما تراة صوابا


لخدمة المنتدى