..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : إيلاانا - مشاركات : 4 -
مآآشي ي زمن
الكاتـب : نو تعارف - آخر مشاركة : ساحر الأحزان - مشاركات : 1 -
بلا إستئذان .. قلم مهيب
الكاتـب : مهيب الركن . - آخر مشاركة : ساحر الأحزان - مشاركات : 2 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - آخر مشاركة : نغم الشام بعد المغيب.. - مشاركات : 9 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


تاتا تاتا اتعلم الغتاته

نكت - طرائف - وناسة - فرفشة


إضافة رد
 
LinkBack أدوات الموضوع انواع عرض الموضوع
قديم منذ /04-02-2011, 07:52 PM   #1

عضو فعال

 

 رقم العضوية : 66897
 تاريخ التسجيل : Feb 2011
 المكان : مصر
 المشاركات : 370
 النقاط : TOTY..FROTY will become famous soon enough
 درجة التقييم : 50
 قوة التقييم : 0

TOTY..FROTY غير متواجد حالياً

أوسمة العضو
تاتا تاتا اتعلم الغتاته

وازاي تكون رخم محترف

المهم الموضوع طويل شوية بس يستاهل ههههههه

يعني بعد ما تقرا الموضوع ده هيكون عندك القدرة انك ترخم على طوب الارض
او العكس انك تتقي شر الرخمين


أولاً : ازاي ترخم على ضيوفك !

لو عازم صحابك على العشاء مثلاً .. خليك انت خلص اكل اول واحد

و بعدين روح بسرعة علشان تغسل ايديك .. و بعد ما تغسل ايديك افتح الميه

على السخن بس .. و اقفل الساقع خالص . و استنى شوية 10 ثواني كدا

و بعدين اقفل الميه

و شوف بقى اللي بعدك هيحصله ايه

----


لو جالك ضيف رخم .. روح اعمل شاي و خلي الشاي سخن موحوح و ما تحطهوش في (مج) .. حطه
في كوبيات عادية (قزازها يكون رقيق)و املاها للاخر علشان مايعرفش يمسكها

----

و لو عندك ضيف دمه تقيل و عاوز تفلسعه .. اظبط المنبه بتاع الموبايل بحيث كل شوية

يرن يرن و اعمل ان في واحد بيتصل بيك و قوله ( ايه ؟ .. دلوقتي لالا .. عندي ضيف ..
يمكن بعد 10 دقايق ولا حاجه ).

و ما تلبسش ساعة علشان كل شوية تسأله الساعه كام

و لما يكلمك ما تردش عليه من اول مرة .. اعمل نفسك ما سمعتوش

----

و لو واحد رخم و رغاي اتصل بيك حاول ترد عليه بكلام مختصر (ايوه .. ماشي .. حاضر ..
اوكي .. لا .. هشوف) .. و لو فضل يرغي كتير ما تردش عليه و اعمل نفسك بتكلم واحد
جنبك و بعدين قوله (آسف معلش كنت بكلم اخويا) و اعملها كذا مرة .. و لو طول قوي قوي
بقى و مش عارف تخلص منه .. اعمل ان الخط قطع .. و انك مش سامعه و قول (الو ..
الو .. الو .. انت روحت فين ؟؟ ... الو) و
بعدين قوم قافل السكة

----

و لو في حد رافع ضغطك و عايز تعمل فيه مقلب

خد ولاعه وسخن مقبض الباب وبعدين اعمل نفسك بتتكلم في الموبايل و قوله : افتح الباب
..

---

ثانياً : ازاي ترخم على ناس في اوتوبيس !

اول حاجة

انت مثلا مسافرسفر طويل باتوبيس يعنى حوالى 8 او9 ساعات فى الطريق طبعا هيبقى الكل
على اخره

ودى فرصتك يامعلم عشان تزهق فى خلق الله

اول متروح تحجز وتخلص حجز روح بدرى اول واحد وحط شنطتك اول شنطة فى شنطة الاتوبيس
دخلها جوة اوى عشان كل الى يجى يحط فوقها وتستخبى وانزل بدرى شوية قبل ما الاتوبيس
يقف والناس تنزل

انزل قلب فى الشنط وطلعها برة وقعها وافردها فى الشارع وتوه الشنط فى بعض بحجة انك
بتجيب شنطتك مهى اول شنطة من جوة هتلاقيها بعيد اوى هتلاقى كل الناس بتجرى فى
الشارع تدور على شنطها

تانى حاجة وانت بتحجز خلى كرسيك جمب الشباك

ادخل انت الاول ومتقعدش فى الكرسى الى انت حاجزه لا اقعد فى الى جمبه طبعا الراجل
الى جمبك فى الكرسى هايجى هيلاقى الكرسى الى جمب الشباك فاضى هايتبسط اوى هيدخل
يقعد فيه جرى خليه يقعد سيبه متكلموش

سيبه ساعة واتنين لحد مايكيف على المكان وياسلام لو كان نام وفى عز نومة ازغدة فى
قلبة وقوله دا مكانى ياعم

هيزعق ويقول انا قعدت فيه الاول طلع التذكرة وحطها فى عينه او انده للسواق او وقف
الاتوبيس واعمل خناقة لحد ماتقعد مكانك

تالت حاجة قعدت مكانك وظبطت نفسك ياعم طبعا الراجل الى جمبك دا مش طايق يبص فى
خلقتك خليك مبتسم دايما ومبسوط فى وشة عشان يتغاظ اكتر واديله رست شوية

خش على الى قدامك شوية افرد رجلك من تحت الكرسى وخبط فى رجليه كل شوية وان اكلم
قوله اعملك ايه رجلى طويلة ابقى احجزلك كرسيين ورا بعض ويسلام لو حاطط اكل تحت
الكرسى اخبطه وقعه فى الارض

وكدة يبقى خلصت على الى قدامك ارجع للى جمبك تانى

اول مينام ويريح نفسة صحيه وقوله عدينى اروح الحمام لو سمحت هيقوم متغاظ طبعا وانت
بتعدى حط ايدك على وشه

دخلت الحمام وخلصت وانت خارج لاقيت واحد مستنى يدخل الحمام دى فرصتك يبقى فيه ضحية
تالتة

قوله سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش
غير حمام واحد

واما تخرج لو لاقيتة لسة مستنى قولة على فكرة الميه قطعة وسيبة وامشى

كدة يبق انت كفرت كل اللى فى الاتوبيس تقولى ياعم انت مزهقتش غير تلاتة هقولك لا

بطريقة الشنط زهقت شوية

واتمنى ليكم رحلة خنيقة

ثالثاً : ازاي ترخم على الناس في المحلات !

ادخل اى محل جزم وياسلام لو كان فية زباين اقعد استنى لحد مازبون يقلع جزمتة عشان
يقيس تقوم سادد منخيرك وتمسك بطنك وتقول اوف وتعمل اكنك عايز ترجع وتقول
لصاحب المحل ماترش معطر ياعم اية الريحة دى هتلاقى الراجل الى بيقيس الجزمة وشة بقى
زى الطمطماية

ادخل محل ملابس وبردة يكون جوة زباين اقعد لحد ما واحد يقيس وهوا خارج اضحك وقهقه
اوى ويسلام لو وقعت على الارض من الضحك وبصله من فوق لتحت خليه يشك انة مسخرة
هتلاقيه عملها على روحه

ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول
عشان انت جى الاول قولة لا خلص المزمزيل الاول هتقولك شكرا والراجل هيقولك اوك اول
مايبدأ معاها زعق اوى وقولة ايه ياعم مش انا جى الاول ولا هيا كوسة ولا عشان بنت
يعنى سبحان الله يجدعان نموت نفسينا يعنى عشان رجالة وسيبه وامشى قبل مايكلم ولا
كلمة

شوف واحد ماشى فى الشارع وعدى من جمبة وامسك منخيرك وقول يخرب بيت الاكل اللي
بتاكلوه ده .. وبص له شوية بقرف وامشى فى حالك

وسخ جزمتك اوى اوى وادخل اى محل نضيف وسيراميك واقعد اجرى فية ودور على اى حاجة
طبعا هيتحرجوا يكلموك بس هما اصلا ميتين من الغيظ

وانت بتاكل في اي مطعم ارمي نفسك علي الارض واصرخ وسمع الناس اللي بتاكل وقول جالي
تسمم من الاكل

ورخم اكتر ومتدفعش حساب الاكل وامشى على كدة


رابعاً : ازاي ترخم على السواقين في الطرق !

لما يكون في نزلة بعد كيلو ولا حاجه .. ادي اشارة صفراء يمين و هدي و اول ماتيجي
جنب النزلة قوم داخل شمال و مسرع هتلاقي اللي وراك اتغاظ واحتمال كبير يخبطلك عربيتك

سوق عربيتك في الاتجاه المعاكس واي عربيه تعدي من جنبك اشتم صاحبها واعمل انك انتا الي ماشي صح

*************** **

خامسا : فى الكليه اوعى الكلام يقع منك

فى الكلية هتقابل صاحبك وهتقعدوا على أى كافيه بقى

هيجى الويتر سيب صحبك يطلب الأول
وبعدين استلم الجارسون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة

طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك

حاول تطلب حاجات غريبة زى سندوتشات حلاوة طحينية
على اساس انك فى سجن أبو زعبل

أو سندوتشات بيض أو بتنجان أو لبن العصفور
أمسك فى الحاجات اللى مش موجودة كلها

المهم حاول تجيبله جفاف عقبال ماتطلب اللى انت عايزه


وأنت بتاكل بقى أتسلى على المخلل
اللى مش عاجبك أرمى شوية على التربيزة و
شوية على الأرض أنت وذوقك بقى

لو معاك كاتشب مفيش مانع تكتب أول حرف من اسمك
على التربيزة المهم تخليله التربيزة شبه التورتة

ومتنساش تعيب على الأكل وأنت بتحاسب
وكمان تقول الحساب غالى

فى المدرج أرشق نفسك بين أتنين متعرفهمش وابتدى الشغل بقى
أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم
كأنك من بقيت أهلهم ولا خلفوك ونسوك ودايما لما يتكلموا ادخل بدماغك وقرب منهم ع قد ما تقدر

أو طريقة تانية أتلكك لكل اللى جنبك كل ماحد ينطق كلمة
قوله لو سمحت أسكت عشان أفهم
لو مسكتش أنا هقول للدكتور والحركة دى رذلة
ومستفزة جدا بس اشطه يعنى
وياسلام لو واحد وواحدة يبقى أنت كده
جبت من الآخر

لو جنبك واحد بيكتب يبقى اتفتحتلك طاقة القدر
اقعد اسأله وعطله ومتخليهوش يكتب سطرين على بعض

استلم أى حد واسأله المحاضرة هتخلص امتى ؟
وكل فيمتو ثانية كده اسأله
الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم
وكره حياته كلها زى باقى الضحايا

عايز تعمل دماغ حلوة روح على شباك شئون الطلبة
المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله
هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك
تلبسه فى الشباك الحديد وتقول الله ياجماعة
ياللى ورا متزقوش(اوعوا بئا ياجماحه)

ومن قبل ماينطق ولا كلمة تقعد تقوله خلص يالا عشان غيرك
ومتخليهوش يركز مع بتاع شئون الطلبة خالص خليه ينسى هوا واقف هنا ليه أصلا
لما يجى دورك بقى بيبقوا عايزين يخلصوك ويكروتوك
واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير
وكل مايقولك حاجة قوله مش فاهم معلش قول تانى
فهمنى أعمل أيه بالظبط لحد ماتشل أكبر عدد ممكن..

بس وكدة اقدر اكون سلحتكم بالسلاح اللي تنتفعوا بيه في حياتكم

ههههههههههههههههههههههههههههههه


ملحوظة وأوعى حد يقولى مولتلناش :

اوعوا يا جماعة حد يعمل كدة الناس مش ناقصة
الناس بتكلم نفسها في الشارع [ندعوك للتسجيل في المنتدى أو التعريف بنفسك لمعاينة هذا الرابط] لو حاولت تغتت عليهم كدة [ندعوك للتسجيل في المنتدى أو التعريف بنفسك لمعاينة هذا الرابط] هيقتلوووووووك
وفي النهاية اوعى حد يفتكر اني رخم
دا انا غلبااااااان
بس كل الحكاية ان دي معلومات عامة
ههههههههههه عايزكم تبقوا رخمييييين كده على مر التاريخ

متنسونيش بقي لما حد يقولكم أتعلمتوها منين
سيب ايدي مش أنااااا


وأخيرا الموضوع للهزار والفرفشه يا جماعه فقط لا غييييييييير

اوعوا تصدقوا أي حاجه م الي فوق أنا برييييئ م الموضوع دااااا

هوا مين الي كتبه أصلا ؟







  رد مع اقتباس
قديم منذ /04-02-2011, 09:43 PM   #2

عضو ذهبي

 

 رقم العضوية : 56699
 تاريخ التسجيل : Nov 2010
 العمر : 30
 الجنس : ~ بنوتة
 المكان : Mansoura
 المشاركات : 1,669
 الحكمة المفضلة : علمتني الحيـاة أن آبتسم أمام صديقي وأمام عدوي فالأول يسر لآبتسامتي والثاني قد يعيد التفكير فـ موقفهُ
 النقاط : غرور ملاك will become famous soon enoughغرور ملاك will become famous soon enough
 درجة التقييم : 103
 قوة التقييم : 0

غرور ملاك غير متواجد حالياً

أوسمة العضو
افتراضي

هههههههههههههههههههههههههههههههههههههههههههههههههه هههههههههههههههههههههههه
حلو اوى بتاع المحلات
بجد جميل اوى
ههههههههههههههههههههههههههه
يسلمو حبيبتى







  رد مع اقتباس
قديم منذ /04-02-2011, 11:11 PM   #3

عضو ذهبي

 

 رقم العضوية : 60318
 تاريخ التسجيل : Dec 2010
 المكان : Alex
 المشاركات : 959
 النقاط : moonnor will become famous soon enough
 درجة التقييم : 50
 قوة التقييم : 0

moonnor غير متواجد حالياً

إرسال رسالة عبر Yahoo إلى moonnor
أوسمة العضو
افتراضي

هههههههههههههههههههههههههههههههههههههههه
ههههههههههههههههه
لية يا بنتى الرخامة دة
ههههههههههه







  رد مع اقتباس
إضافة رد

الكلمات الدلالية (Tags)
الغتاته, اتعلم, بابا

« ما هي العيون الجميلة | مدرسة تعليم الرخامة »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تاتا تاتا .. هنعمل ايه في جولة الإعادة Lαzєzα قسم مناقشة المواضيع المتداوله والمنقوله 4 05-31-2012 07:40 PM
بابا بابا انا عايزة اتجوز Sєяєєη●•ʚɞ نكت - طرائف - وناسة - فرفشة 28 11-23-2011 06:10 PM
يبكي أمامي الطفل بشدة فقلت له أين بابا فقال : بابا في !!!! أبو المعالي قصص - روايات - حكايات ...منقولة 0 01-01-2011 07:54 AM
طيور الجنة-بابا تلفون قولوا مو هون - بابا تليفون تحدوهـ البشر يوتيوب - موقع يوتيوب - يوتيوب فيديو - مقاطع يوتيوب 2 09-27-2009 07:17 PM

مجلة الحلوة / مذهلة

الساعة الآن 05:17 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩