تحليل خاص لشغب الوايت نايتس

[ღ Gի๐sτ ღ]

السلام عليكم ورحمه الله وبركاته
طبعا كلنا شفنا اللى حصل امبارح ولكن للاسف كالعادة الاعلام يحب يضحك علي عقولنا زي ماضحك علي عقولنا يوم مشكلة الجزائر وقالك دول لاعبى الجزائر هما اللى ضربو نفسهم . النهاردة يقولك افكار جديدة وهارد عليها نقطة نقطة

واتمني تقرو تحليلي للنهاية بدون تعصب ولو انت زملكاوي متفكرش انك تدافع عن جمهور الزمالك
لان والله انا يعتبر زملكاوي لانى كنت بشجع الزمالك
فمش هاجيبلكو كلام كاني شمتان فى الزمالك لانى يعتبر زملكاوي زي زيكو ولو لمباراة واحدة



1 - الاعلام يقولك دول مندسين وبلطجية


عرفت منين يا اعلام ان دول مندسين وليس جمهور الزمالك ؟ هل كنت قاعد معاهم بنفسك !

نقول ان دول بلطجية تمام . . دخلو الاستاد ازاي وبنفس الوقت وايت نايتس هو المسؤل عن حماية المباراة ودخول الجماهير وتفتيش الجمهور

فلا تقنعني ان كل الاسلحة دي هاتدخل من غير مالتراس وايت نايتس يعرف يمسكها لان الوايت نايتس عارفين اصول دخول الحاجات المحرمة وعارفين بتتخبى في انهي حتة في الجسم او بيدخلو بيها ازاي وعارفين كل حاجة واكيد عارفين ازاي يجيبو الاسلحة دي وقت التفتيش . صح ولا انا غلطان


2- يقولك الواد ابو جلبية دة تبع الجمال والخ واية اللى جابو الاستاد

ارد عليك . مباراة بين الزمالك والافريقى مهمة والزمالك بقالو 6 سنين مبيلعبش في افريقيا وجمهورة عطشان انة يحضر مباراة زي دي

هل غريب ان واحد صعيدى ييجى من الصعيد يحضر المباراة اللى بقالو سنين مشفش فريقو بيلعبها ؟

ولا الجمهور بيكون مقتصر علي جمهور القاهرة فقط ؟ خاصة اننا عارفين ان مباريات دي بيجى جمهور من كل حتة فى مصر والراجل الصعيدى اللى نزل معملش حاجة هو نزل فى الظيطة زي مالباقيين نزلو ولكنو ولا ضرب حد ولا عمل حاجة بس نازل يجرى فى الظيطة وخلاص

3- كلنا سمعنا ابراهيم حسن وهو بيحرض جمهور الزمالك علي النزول للمباراة . ولكن ابراهيم حسن خرج وقالك انا مقلتش كدة بالظبط والاعلام فهم كلامى غلط ولكن احنا كجمهور فاهمين كل حاجة والكلام واضح ..
ولكن الاعلام قالك ابراهيم حسن مبيحرضش الجمهور عشان هو كان بيحمى الحكم واللعيبة !!

طيب شفت ابراهيم لما راح عالفيديو بتاعت المينتور فى التصوير بعد التسلل راح عليها ليه ؟

كلنا عارفين راح عليها لية عشان يشوفها تسلل ام لا وطلعت سليمة يرجع مكانو ولو طلعت غلط
كلنا عارفين اللى ابراهيم كان هايعملو مع الحكم خاصة انة مضطهد الحكم قبل بداية المباراة بسبب انة جزائرى فمعنى دة ان ابراهيم عنده استعداد يتخانق في اي وقت والا مكنش راح يشوف الكامير وهو متعصب ورايح جرى



4- يقولك عناصر مندسة صح

بص عالصورة دى

الصورة دي هي صورة استاد القاهرة والكلام المكتوب عليها
هو اماكن جلوس جمهور التراس وايت نايتس بمعنى

رابطة الوايت نايتس الموجودين باسكندرية وبورسعيد هايقعدو فى المكان رقم 3
ورابطة الوايت نايتس بالمنصورة والحرافيش فى المدرج رقم 2

يعنى الالتراس وايت نايتس مقسم نفسو الجمهور كلو يقعد في انهي مكان
ودة عشان يبقى الالتراس موجود بكل حتة فى الاستاد والتشجيع يكون كويس في كل مكان

اما الجمهور العادي بيقعد فوق فى المدرج العلوى اللى هو فوق اللى مش مكتوب عليه حاجة

طيب لو تبص علي الشغب
هاتلاقى كل الناس بتنزل من مدرج التالتة يمين اللى تحت اللى هو مكتوب عليه ارقام واماكن جلوس الالتراس

طيب ومين اللى كان قاعد فى مدرج تالتة يمين تحت ؟
كلهم التراس والتقسيمة موجودة اهي
ودة يثبت ان الوايت نايتس هو اللى كان بينزل مش امن دولة والكلام الفارغ
ولو نفترض امن دولة
امن الدولة مش هايلحق يلااقى مكان يقعد فية تحت لان الوايت نايتس
كانو متجمعين من الساعه 8 صباحا لدخول الاستاد يعنى مكنش في حد فى الاستاد
دة غير ان حتى لو في مثلا مثلا . الالتراس مش هايسيب الناس دي تقعد معاهم كدة

صح ولا انا غلطان



5- كل دة مخطط ومعروف من قبل بداية المباراة ان في كماين وشغب وحاجات هاتحصل فى المباراة
حتي لو تسألو ميدو بعتلو رسالة خاصة قبل المباراة قلتلو هاتحصل شغب فى المباراة لجمهور الزمالك وناس مختلفة فكل دة مش رسالة بعتهالو من فراغ لان كل شىء مخطط من البداية ومعروف

+ انا كنت فى الاستاد وكل شىء وعمالين ينزلونا الوايت نايتس بنفسهم عادي ويقولنا انزلو

ولو نفترض ان انتو مش مصدقنى
ابراهيم فايق مراسل مودرن كورة قال فى التلفاز ان الوايت نايتس كان عامل حسابو ان هما هاينزلو يعملو دة

ولكن للاسف كالعادة

الاعلام المصري يكدب علينا ويولع فتنة بينا وبين الحزب والنظام
زي ماولع فتنة بينا وبين الجزائر السنة اللى فات


فاللى بقولو فى النهاية
خلينا واقعيين . جمهور الزمالك هو اللى عامل الشغب دة ومنكرش ان في شوية بلطجية داخلين همهم البلطجة فقط ولكن اللى عامل الحوار هو الوايت نايتس وجمهور الزمالك وبلاش نكدب علي نفسنا ونقول نظام ومش نظام زي ماكدبنا علي نفسنا مباراة الجزائر وقلنا اللعيبة ضرب نفسها وخسرنا فى الاخر

وخلينا نعتذر للتوانسة وكأن شىء لم يكن وكل واحد يروح لحالو

بدلا من ان نقعد نقول نظام ونفتح ملفات ونعمل مشاكل وفى الاخر كلو بيكون كدب
زي ماحصل فى الجزائر

وخاصة انا احنا مش عمي واحنا شايفين الجمهور الزملكاوي هو اللى فى الملعب
وكل فانلات الوايت نايتس اللى كانت بتخرب دي مش جايين من الهند يعنى

[ARAGON]

صباح الخير

في الوقت الحالي مش لازم نستبعد اي شك

او اي اتهام ,, حتى لو وصل الاتهام انه يبين ان فيه مجموعات

من هدفها إلغاء الدوري زي القرار اللي تقريبا طلع او ها يطلع بعد شوية

... او أو ..


من الاخر من الخاطئ ان البلد في الظروف دي ونقول نلعب كورة؟؟؟؟؟؟؟؟!!!!!!!!!!!!

العملية مش مستاهلة وكان نفسنا بجد الأهلي يخرج امبارح ,,

واعتقد انه من الصعب شوية انه يلعب في الدور الجاي 16

خاصة ان النواحي التأمينية بتزيد اكثر واكثر كلما زادت المستويات في الفرق

خالص الامنيات والتقدير

ميدوووووو

[ღ Gի๐sτ ღ]

اتفرج عالصورة لسة حاطط التحليل رقم 4 دلوقتى

ثانيا
بقولك بنفسى عارف ان الالتراس مخطط لدة
وثالثا
ان شاء الله الاهلى يكمل ومتقلقش لان جمهور الاهلى مش هايعمل شغب لو خسرنا ومفيش ادارة هاتحرضنا
واعتقد الجمهور خد الدرس
بالتوفيق ان شاء الله وربنا يديم الامن والسلامة

[SiLver Spectra]

و الله نفسي العيال الي خربت دي تتمسك فرد فرد ,, و يجيبوهم من بيت بيت ,,زنجا زنجا

في ناس طالعه تقولك الحزب الوطني و مبارك ,,يا الله ما هي شماعة نعلق عليها اي حاجه
لو حد عمل حادث بسيارته و لا اي حاجه عندوا شماعة مبارك جاهزة لسه فيها أماكن تشيل

بص يا ريس
التحليل الرياضي في مصر تعبان
ما تسمعلوش كلمه و تصدقها لأن ماعندهمش مهنية اعلامية عالية
ممكن تسمع بعض المعلومات تفيدك ,,لكن مش مصدر تثق فيه

حلو التحليل
موفقة دايما ,,,

[ღ Gի๐sτ ღ]

تسلم عالمرور وان شاء الله كل خير

[P R ! M O]

تحليل رووووووعه
شوف يا اخى كميه المعلومات والحركاات
هو ده جوست ريدر
مووووفق دايما

[ღ Gի๐sτ ღ]

تسلم عالمرور وان شاء الله ميكونش في اي مشاكل تانية