التناقض بين عالم الأنترنت والواقع

[yasmine refat]

بسم الله الرحمن الرحيم
طبعا أنا ليه بعض الملاحظات عن بعض الصور أو حتى الأحاديث في المنتدى بلاش نقول المنتدى في عالم النت عموما وفي الواقع طبعا لإن الإنحراف موجود في كل الأماكن

بس خلينا دلوقتي مع الفئه المتناقضه

الي ملهاش علاقات أو حتى سلوكيات منحرفه في الواقع ولكن في عالم الأنترنت الوضع بيختلف تماما

هو الموضوع بصراحه لإن فعلا في تجاوزات بتحصل بتضيقني وفي تناقضات بتحصل برضو غلط تماما تحصل
لإن التناقض في حد ذاته واللجوء للتصرف الخطأ في عالم الأنترنت وبشكل خفي عن الغير بيدل طبعا عن الإنحراف في النفس

فمشرط كل السلوكيات تكون واضحه في الواقع ففي سلوكيات كتير ممكن تكون مكبوته وتظهر بشكل غير مباشر

زي مثلا الصوره وهي من الحجات الي بعترض عليها جدا (مع إن في ناس كتير ممكن تعترض على كلامي وتقولي صوره وعجبتني وحطيتها)

بس نخدها بالعقل الصوره بتمثلني وأكيد بتمثل هويتي وبتعكس شخصيتي يعني معلش أما جي أحط صورة بنت لبسه متعري ده شيء في نظري في حالات كتير بيدل على انحراف مكبوت ففي شخصيات كتير بتعيش الشخصيه الي في خيالها في عالم الأنترنت وإن كان فقط بالصورة

فبجد كوني أحط صوره ممكن تحمل فكر مخالف عن طبيعتي واتقبلها ابقى كده مش طبيعيه

فمكذبش مثلا لو قلت إني شخصيا حطيت صورة كارول سماحه فتره على الفيس ومقدرتش استحمل كل مابصلها حتى لو الفنانه يعجبني فناها بعض صفاتها فهي لا تعبر عني أطلاقاااااااااا فأنا بصراحه من المؤمنين بفكرة الشخص على شاكلة من أحب وبرضو مع عدم التعميم

فده هو تفسيري لما شخص يحط صوره جريئه ويتقبلها إن فطرتوا غير سليمه وخاصة لما يكون عارف إن الصوره دي بتعبر عنه

فيعني ايه اما واحده تحط صورة بنوته لبسه تقريبا ملابس داخليه بس مامعنى ده
طب لو أنت مش كده ومتأكد من نفسك بتحط حاجه زي كده ليه !!!!
عموما لكل شيء حدود ومش مشكله يعني لو جبنا صور لبسه شويه حتى لو شفنا الصوره الفاضحه عادي فأكيد في الغير بيتأثر لإن محدش يقدر يدخل في نفس حد ويعرف فكل شخص ليه قدرة تحمل ومش لازم يكون سبب عدم وضع الصورة مراعاة للآخرين ممكن على الأقل نمنع نفسنا من الشبه ((فمن فعل أفعال مرفوضه فما يزعلش من سوء الظن بي))

وحاجه كمان بصراحه بتضيقني الهزار الهزار

أنا من الناس الي فعليا بؤيد كل شخص حسب ماتربى بس فعل شيء من ورى الاهل برفضوا جدا وفعل شيء مرفوض في المجتمع والفكر برفضوا كمان فكل شخص لازم يحترم بيئته

بس عموما الهزار ايون الهزار بين الأولاد والبنات

لما يبقى بمياعه مشرط بكلمات خارجه المياعه بس بصراحه بيرفعلي ضغطي:081:

اقراء الرد الاقي كميت مياعه تجبلي حاله عصبيه:202:

يعني يابنتي او يابني انت مابتعملش في الواقع كده ماتعملش في النت إذا كنت بترفض الهزار والأحتكاك الزياده يعني لازم ترفضوا هنا

ففي أي حاله الأختلاط الزياده قلة أدب زياده

فمينفعش الواحد يكون متناقض في تصرفاتو يكون محافظ على نفسو في الواقع يجي النت يقلبها هزار وتريقه ويقلك نت

بس برضو ولد وبنت في النهاية ولا مكناش سمعنا قصص الحب الكتير الي بتحصل يعني الميول موجوده في كل مكان

فلي احافظ على نفسي في الواقع وأجي النت وأخلي الشباب تميل ليه تفتن اي شيء من ذاك

مبقلش خليكم مكشرين لإن انا شخصيا في الواقع مبكشرش والحمد لله تعاملي لا يختلف عن الواقع بشكل كبير جدا بس الي حبه أوصلوا إن كل شيء ليه حدود وأكيد البنت الي مش قلبها هزار طول الوقت مع الشباب بتكون في نظر الجميع محترمه

وأما عن النوعيه الي في الواقع والنت ضايعين فدول ربنا .......ولا بلاش:712:
الهدايه ان شاء الله للجميع

ولو حد قرأ الكلام فهكون شاكره جدا:vb26:

ونسيبكم:cv19:

[SiLver Spectra]

ممكن تفسريها على انها جزء من الكبت الواقعي
يعني البنت ما بتقدرش تتجمل بم***************ا في الواقع حتى لو حلوة
فبتستغل النت في دا ,,هي عامه غريزة في الإنسان انه بيحب يتجمل ,,و يكون شكله جذاب و غيره

أنا ممكن بسهولة امنع قالب الصور الرمزية زي ما هو مش موجود في الاستايل بتاع الموبايل الاخير الي شغال بيه دلوقتي ((ممكن يريحك جامد دا و مش يعصبك ههههه))

و دا مش تفسير معمم ,,في ناس مقتنعه بكدا
تقولك أنا بحب احط صور شايفاها حلوة

و أنا عامة ضد المنع بالاكراه
يعني انك تمنع حد أو تجبره بشكل اجباري
ان العضو مايحطش هو بنفسه الصورة بشكل خياري بيكون افضل
لانها هتنبع من قناعته الخاصة

أما في موضوع الهزار ,, فمش لازم الشخص يتعامل بسلبية
يعني تقفل مع اي حد يهزر معاه أو ترد ردود ناشفة
المفروض بتتعامل بشكل عادي ,,في حدود الأدب أكيد
فانت وضعك الطبيعي بتضحك و بتتكلم جد و بتعمل كل حاجه

شوفتي بقى لما اقولك في حاجات بتبقى حرآكي هههههههه

موضوع كويس يا ياسمين

[Rona el Tota]

موضوع بجد عجبنى اوى
خصوصآ حكآيه الصور دى
لانهآ حقيقى بتستفزنى جآمد
اه مش هقول انى بحط صور محتشمه 100 فى ال 100
ههههههههههههه
بس الاعتدآل حلو برتو يعنى
^^
بالنسبه للهزآر بقى
كل وآحد وتربيته
والانسآن هو اللى بيعرف يتحكم فى تعآمل اللى قدآمه معآه
وبيقدر يخليه يحترمه مدآم هو محترم نفسه
بس مينفعش نقفل اوى او نفتح اوى
الوسط حلو فى كل حآجه
موضوع حلو اووى يآ جآسي
استمرى يآ قمر
،،

[P R ! M O]

مع انى شااايف انه موضوع قااسي حبتين
وفيه نوووع من ممكن نقول ايه
لا
يا عم مش تعقيد
مش عااااارف ممكن
شوفتى موقف ضيقك
فالموضوع مكتوووووووووب بعصبيه زياده يمكن

بس كلامك متفق معااااااه
فى نصه بس

بالتوفيقاااااااات

[حياتي ذكريات]

هي الصور زي مآ قلتي بتعبر عن شخصية اللي قدآمك
زي اللبس كده مثلا ،، يعني الغالب في النآس بيحكمو على الشخصية
باللبس والمظهر الخآرجي ،، لو شفتي وآحده مش لابسة حجاب او قصير
تتحط في بالهم انهآ مش محترمة ،، مع انها ممكن تكون اخلآق وتربية واحترآم
لكن عآشت في بيئة واتربت على الحآجآت دي
فنفس الحكاية هتنطبق هنا ،،
امآ بالنسبة لمسآلة الهزآر انتي ممكن تهزري مآ فيش مشأكل
لو مآ اتعدتيش حدود الأدب والإحترآم ،،
وحلو الهزآر لكن ان الوآحد يسوق فيهآ بزيآده فدي ممكن تدآيق

بالتوفيق يآ يآسمين ،،
دمتي بخير

[Dr.nour]

ممممم ,,
آزيكـ يا يـآسمين ,, آنــآ بحمد ربنآ
قريت موضوع ليكى كــآمل ^^
وفهمته الحمد لله ,,
بالنسبه للصوره ,, فكلامكـ فيه صح كتير
بس انتى لو عـآوزه تمشى صح صح ,,
حطى بنت محجبه
ما انكـ تبينى شعرك حرآم ,, هو انتى بتمشى بشعركـ فى الوآقع
هو انتى لو جيتى تقيسى بين الوقع والنتـ
عمرك ما هتعرفى تمشى بمقــآييس متســآويه بتآتـآ يعنى
وكمــآن موضوع الهزآر ,,
انتى هنــآ بتتعآملى مع نــآس جآيه عشــآن تبتسم وتضحك
وتتثقف بس بردو فى حدود الرآحه ومش الخنقه
فالميــآعه الى ممكن تكونى شوفتيها فى المشــآركــآت
مش بتكون ميــآعه بالمعنى ( على منى مقتنعه جدآ ان فى نــآس دآخله تتمآيع وبس )
يعنى انتى امــآ بتكونى قــآعده مع صحــآبكـ ,, بتضحكى وبتهزرى وبتدلعى وبتعملى كل حآجه فى نفسك عشآن تفكى
وهكذآ الوضع هنــآ
يــآرب تكون فكرتى وصلتكـ
موفقه يا جميـــل
:d

[fankosha]

فعلا كلامك صح
انا بضايق جداا من الصور

الغير لائقة
واحيانا بيبقى فى صور مستفزة للغاية
انا عن نفسى مبقدرش احط اى صورة
غير محترمة فبحط صور اطفال عشان مش حرام
اما لو حطيت صورة فنانة او واحدة غير محجبة
فالشخص معرض ان يموت فى اى وقت
وزى ماقلتى الصورة بتعبر عن صاحبها
وبعدين احنا بندخل القسم الاسلامى
لازم تكون الصورة لائقة ومحتشمة
ده مش تعصب ده راى

اما بالنسبة للهزار فى المشاركات فده بتهيالى عادى بدال فى حدود الالتزام
ثانكس ياقمر
بالتوفيق

[مشتاقه للجنه]

موضوعك حلوو أووى يا ياسمين

بس مش شرط ان الرمزيه بترسم الشخصيه

يعنى ساعات بلاقى بنات واضعين صوره فنان رجل

يبقى كده بتعبر عن كبت بمكنوناتها او نقص بشخصيتها

بس فى ساعات رمزيات بتكون فاضحه شويه ودى الاداره بتتعامل معاها

وبالنسبه للهزار لابد ان يكون بحدود ... زى الواقع

[misho]

شريحة كبيرة من اللي بيدخلوا نت ومنتديات
بيحاولوا يعوضوا اللي مش قادرين يعملوه في الواقع
بيتعمل علي النت
مثلا البنت مش عارفة يكون ليها علاقة مع ولد
بسبب ظروف اجتماعية بقي او اي حاجة
تلاقيها بتعمل دة علي النت
او تحط صورة رمزية مثلا لشخصية هي من جواها عايزة تكون
بنفس القالب دة في كل حاجة
مش قادرة تعمله واقع بتعمله في النت
حتي الشاب ممكن تلاقيه علي النت شخصية مختلفة تماما عن الواقع
لانه بيتعامل من خلال كيبورد يعني محدش شايفه ولا عارفه
يبقي يرسم للي قدامه الشخصية اللي هو عايزاها
والهزار اللي بتتكلمه عنه حدث ولا حرج
لكن بيكون مقبول لما يبقي في اطار المزاح المحترم
لكن لما بيفلت ويدخل في شكل تاني بيكون قلة ادب
وبيكون منتقد اكتر لما يكون صادر من بنت
ربنا يهدينا جميعا يا ياسمين :icon26:
موضوع جميل

[yasmine refat]

اقتباسالمشاركة الأصلية كتبت بواسطة SiLver Spectraممكن تفسريها على انها جزء من الكبت الواقعي
يعني البنت ما بتقدرش تتجمل بم***************ا في الواقع حتى لو حلوة
فبتستغل النت في دا ,,هي عامه غريزة في الإنسان انه بيحب يتجمل ,,و يكون شكله جذاب و غيره

أنا ممكن بسهولة امنع قالب الصور الرمزية زي ما هو مش موجود في الاستايل بتاع الموبايل الاخير الي شغال بيه دلوقتي ((ممكن يريحك جامد دا و مش يعصبك ههههه))

و دا مش تفسير معمم ,,في ناس مقتنعه بكدا
تقولك أنا بحب احط صور شايفاها حلوة

و أنا عامة ضد المنع بالاكراه
يعني انك تمنع حد أو تجبره بشكل اجباري
ان العضو مايحطش هو بنفسه الصورة بشكل خياري بيكون افضل
لانها هتنبع من قناعته الخاصة

أما في موضوع الهزار ,, فمش لازم الشخص يتعامل بسلبية
يعني تقفل مع اي حد يهزر معاه أو ترد ردود ناشفة
المفروض بتتعامل بشكل عادي ,,في حدود الأدب أكيد
فانت وضعك الطبيعي بتضحك و بتتكلم جد و بتعمل كل حاجه

شوفتي بقى لما اقولك في حاجات بتبقى حرآكي هههههههه

موضوع كويس يا ياسمين

طيب تمام أي أنسان بيحب يكون مرتب ونظيف وشكلو حلو بس مش مخل في فرق

في فرق بأني أكون شكلي مرتب ولا شكلي فاضح

بتفرق ياطارق

يعني عن نفسي بتسأل عن البنات الجريئه في لبسها بشكل فاضح إزاي بتعمل كده

في فطره عندنا اقوى بتدعونا للإحتشام كويس الشخص يكون شكلوا مرتب بس مش اوفر

يعني دلوقتي مثلا البنت الي تجي في الواقع محجبه ومش بتكلم شباب تجي على النت وتعمل العكس بتبقى شخصيات مش فيها رغبات طبيعيه مكبوته بل انحراف مكبوت مافيش بنت مستقيمه من جوه وفطرتها لسه محافظه على نفسها بشكل كبير تقبل تمشي بشكل اقرب للعري مش هيبقى شعور حلو بل مقرف وكونها بتعمل كده على النت يعني ممكن قوي لما تتساب تفلت فيها فاستقامة الشخص مش بتكون في السلوكيات الواضحه لإن كتير منها بتكون مفروضه او معمول بيها خوفا من الرفض الاجتماعي فالسلوك الحقيقي بيبان لما الواحد يكون لوحدوا او حتى في النت الي في كتير بيستغلوا لممارسة شخصية مكبوته او حتى تحقيقي حاجه مش موجوده في الواقع

اما الهزار كل حاجه لها حدود مش اتميع في ردي وازيد فيها وعادي

وعموما حتى مصطلح زي اخويا الي بتستخدموا البنات وتطلقوا على شاب في بينهم علاقه بيستفزني

ال اخويا ال على اساس بتشربو من نفس البقره:202:

عموما هي اراء شخصيه

حلو الواحد يكون منفتح في فكره وتقبله الغير وتعديل سلوكياته بس مش منحل

مفيش احلى من الانفتاح المحافظ

وبرضو مش قصدي البنات تكشر بس مش عادي قوي برضو يعني مجيش اتعامل مع الشباب على اساس انهم اصحابي البنات وبالاحضان والخبط بالايد والاسلوب المايع

دي اسمها بالنسبه ليه قلة أدب

والله يهدي الجميع

ومنور الموضوع وانسى بقى يابني لازم تكون فاهم الي قدامك وتعرف اذا كانت بعض السلوكيات ممكن تصدر منو او لا

يعني مثلا ردك ده ممكن يتفهم طريقه لإستفزازي ولكن لإني عارفه طارق عقلوا كبير وولد مش بنت فهدفوا من الهزار هزار ومش استفزازي

ياريت تكون فهمت قصدي:icon26:

بالتوفيق