مجـــــــــــــلة ضحكتك بالدنيا العدد الاولــــــــ{1}ـــــــــــــــــ

[SplendiD SouL]

مسائكم /صباحكم ورد وفل وياسمين أعضاء وزوار منتديات بنات مصر انهارده بنقدم اول عدد من مجلتنا مجلة كل قارىء نقدم لكم مجلة بنات مصر الترفيهيه مجلة ترفيهيه شامله متنوعه لكل المجالات (ترفيه /حوارات /اخبار /معلومات/مسابقات ) هتضحك وهنتكلم وهتعرف معانا اخبار من كل انحاء العالم وهتقابل اعضاء في حوار جرئ معانا بس في مجلة بنات مصر الترفيهيه مجلة اسبوعيه تشمل كل الشباب تصدر أسبوعيا من منتديات بنات مصر مجلة بنات مصر الترفيهيه (متعة القراءة الهادفه) مجلة خليكم معانا ورجعنلكم علي طول واول عدد معانا ومعاكم من مجلة ضحكتك بالدنيا

[SplendiD SouL]

ورجعنالكم بسرعه واول صفحه معانا ومعاكم و اخبار عالماشي اخبار خفيفه وشقيه اخبار مش هتصدقها اول مره هتشوفها وتسمعها واول خبر هديه والا عالبال محتار في اختيار هدية لحبيبتك؟؟ وعاوز تقدم هديه مميزه لتعبر لها عن حبك واخلاص بطريقه جديده وهل مللت من الهدايا التقليدية التي تهديها لحبيبك في هذا اليوم؟؟، اليكم اقتراح فقد لعشاق الرومانسيه :cv14: ، فقد عرضت حديقة حيوانات أميركية هدية استثنائية في عيد العشاق هذه السنة وهي تسمية صرصار على اسم الحبيب أو الحبيبة. وذكرت حديقة حيوانات "برونكس" على موقعها على الإنترنت ان الهدية الأمثل للحبيب أو الحبيبة هذه السنة هي صرصار يطلق علي اسمه أو اسمها وأوضحت ان الصرصار المعروض مميز وهو من مدغشقر ويتميز بصوته الأكثر ارتفاعا وقوة، كما نشرت ملاحظة ان"الورود تذبل والشوكولا تذوب أما الصراصير فإلى الأبد". ولفتت إلى ان عرض "عيد العشاق لفترة محدودة" وهو يقضي بالتبرع بـ10 دولارات لحديقة الحيوانات يحصل المتبرع مقابلها على حق تسمية أحد الصراصير الـ58 ألفاً التي لديها. وقالت ان "تسمية صرصار على اسم شخص قريب وعزيز على قلبك يظهر انك لاحظت مدى عزمه وإخلاصه". وطبعا نشكر شريهان وسمير غانم واللي كانوا ليهم الاسبقيه في الفكره:cv10: [ ولاسنان تشرشل معجبها الخاص اتباع طقم أسنان جزئي مثبت في اطار من الذهب استخدمه ونستون تشرشل الذي كان رئيسا لوزراء بريطانيا خلال فترة الحرب العالمية الثانية في مزاد مقابل 15200 جنيه استرليني (23770 دولارا) وهو مبلغ يزيد عن ثلاثة أمثال قيمته المقدرة.:vb12: وباع الاسنان الصناعية التي صممت بطريقة خاصة لاخفاء لثغة تشرشل وقال المتحدث باسم كيز "كان الجو مشحونا بالاثارة". والمشتري هاو لجمع التذكارات الخاصة بتشرشل من جلوشسترشير ويملك أيضا مكبر الصوت الذي أعلن منه تشرشل نهاية الحرب في أوروبا عام 1945 ومين عارف ممكن يشتري ايه تاني لتشرشل و لخبر تاني وبيقول تمنه من فيه يقولون أن الحب لا يُشترى بالمال، ولكن المال يستطيع أن تشترى أغلى صديق للإنسان. هذا ما حدث عندما استحق كلب من التبت يسمى "بيغ سبلاش" Big Splash لقب أغلى كلب في العالم عندما باعه مالكه الصيني لو ليانغ إلى مليونير صيني يعمل في صناعة الفحم مقابل 1.5 مليون دولار. واللي كان من حسن حظ الكلب أن صاحبه مليونير، إلا ولما كان هذا الحيوان المدلل البالغ من العمر 11 شهرا يستطيع أن يستمتع بوجباته من الدجاج واللحوم الفاخرة وخيار البحر وغيره من الأطعمة البحرية مثل أذن البحر (نوع من الرخويات). ويقول جيمس بالي المتخصص في تربية الكلاب التبتية أنها تتمتع بالقدرة على التفكير وتستطيع توقع الخطر بدقة. يشار إلى أن كلباً من النوع نفسه يسمى "الأسد الأحمر" Red Lion بيع في العام الماضي بمبلغ 46و1 مليون دولار وعلي رائ المثل اللي معاه قرش ومحيره يجيب كلب ويدلعه اترككم مع صور بيغ ومن بيغ سبلاش لموسوعة جينس واللي استحقتها بجداره سوريا لاكبر لوحه من البقلاوه و مئات الآلاف من قطع الحلوى الشرقية ضمتها علبة عملاقة في سوريا سجلت تحت رقم قياسي جديد بموسوعة جينيس العالمية حيث رصت داخل العلبة التي بلغ طولها 112 مترا ومساحتها 135.12 مترا مربعا آلاف من قطع البقلاوة والبورمة وغيرها من أصناف الحلوى التي تشتهر بها سوريا لتحصل على لقب أكبر علبة حلوى شرقية في العالم وخليكم مع الصور وبكدا تكون انتهت صفحتنا خليكم معانا ورجعنلكم بسرعه صفحات جديده ومتنوعه معانا بس في ضحكتك بالدنيا

[SplendiD SouL]

جينالكم تاني ومعنا [IMG]http://upload.***************************/files9/13019183521.png[/IMG] قهوة بنات مصر معانا انهارده ضيفه زي القمر رومانسيه و عنيده جدا وبرغم كدا كانت تلميذه هاديه وانسانه متواضعه جدا اخترعت اكله جربوها وعلي مسؤليتها الخاصه :cv10: معانا انهارده المرقبه الجميله جدا > < > < > < مــيــشــو تعالوا نشوف لقائنا مع ميشو ونعرف كان ايه سر نجحها في الثانوي ازيك ياميشو اخبارك واخبار الدنيا معاكي ايه انا تمام الحمدلله بخير اهلا بيكي في اول لقاء لينا لبرنامجنا ضحكتك بالدنيا اهلا بيكي انتي يا قمرايتي _في الاول عاوزين نعرف منك كل حاجه عن ميشو شخصيتها تفكيرها في كلمات بسيطه جدا شيماء انسانة عادية جدا وبسيطة في حالها دايما وممكن نقول هادية لكن عصبية بشكل كبير في بعض الاحيان وفيها جزء رومانسي وعاطفي كدة :icon26: بتعامل مع الكل بتلقائية ومليش اختلاط بناس كتير _ايه اكتر حاجه بتخاف منها ميشو وايه السبب ( ومش شرط حاجه ماديه زي الحيوانات او.... او ممكن تكون حاجه معنويه كمان) بخاف احيانا من بكرة وايه اللي هيحصل فيه بس مش دايمة التفكير في كدة لاني بسيبها علي ربنا و بخاف من فراق اي حد انا بحبه لاني بتعلق جدا باللي قدامي لو حبيته بجد فالفراق بيكون صعب و بخاف من كل الحيوانات تقدري تقولي فوبيا من اي حاجة فيها روح هههههه اكيد غير البني ادمين _ايه الصفه اللي نفسك تغيريها في شخصيتك وليه نفسك تغيريها نفسي ابطل العصبية لاني بتضرني انا قبل ما تضر غيري لكن مش هعرف هههههه _كلنا بتمر علينا لحظات بنحس فيها يمكن بالضعف او مش عرفين نتصرف ازاي ميشو امتي حست بده لما الموضوع يتعلق بشخص بحبه بحس بضعف غير عادي عايزة دايما اللي بحبهم يكونوا بخير وسعادة اي حاجة بتحصل ليهم بحس بالضعف وبحس بالضعف برضه لما حد يقسي عليا وما تساليش ازاي:bb3: :SuN037: _لو اتوجهلك في يوم من الايام اتهام كان ايه الاتهام ده واتصرفتي ازاي لاتهام كان في اكاديمية بنات مصر 2 اني جاملت ناس علي حساب ناس بس الحمدلله وضحت وجهة نظري والكل تفهم _اكتر تصرف بيضايقك من الشخص اللي قدامك انه يفهمني غلط ويصمم علي كدة او ان اللي قدامي يتعامل بقسوة غير مفهومة بضايق جدا _الصديق مرآة صديقه مين مرأة ميشو واللي بتفهمها من غير ماتتكلم زينب صاحبتي الانتيم _اوقات كتير بنتنازل علشان اللي بنحبهم درجه التنازل عندك قد ايه انتي بتقولي اني بحبهم يبقي ممكن اتنازل عن اي حاجة علشان خاطرهم _وممكن تغيري رائيك علشان تتجاوبي مع اللي بتحبيهم لا مش للدرجة دي انا ممكن اقول رايي واسمع راي اللي قدامي ونتناقش لا اقنعه لا يقنعني بقي _ ايام المدرسه والتشرد بتعها قوليلي بقي ايه الموقف المشاغب اللي ميشو عملته في المدرسه واتعقبتي عليه هههههههههه والله ابدا تصدقي دايما هادية ومليش في المشاغبات _اكتر ماده كنتي بتعشقيها كانت ايه الفرنساوي والانجليزي والعربي طبعا _احكيلي بقي طريقة مذكرتك كانت ازاي في ثانوية عامة مكنتش اعرف اذاكر غير قدام التليفزيون والله والتركيز يبقي جامد جدا وقتها ههههههه وجاب نتيجة والله وجبت 93 % ودخلت ألسن و في الكلية كنت ادخل الاوضة واقفل الباب واقعد علي السرير وقدامي ورق كتيييير واعيش حياتي بقي مع اللغة اللي بعشقها _في مواقف كتير اكيد مريتي بيها في بيتك الاولاني احكيلنا بقي عن المواقف دي من حزن او فرح او غضب وغرفة العمليات للمراقبه مليون شعور ممكن يجيلك في اليوم الواحد بسبب مواقف بتمري بيها في المنتدي ممكن تدخلي موضوع تفرحي وتحسي بالسعادة كدةوانتي بتقريه وموضوع تاني يجبلك احباط وموقف يعصبك وخصوصا اني عصبية شوية بس كله بيعدي وبنسي في ثانية _سمعنا ان ميشو بتطبخ بمزاج واكلها جونان بس مش هسالك عن اكتر اكله بتعرفي تعمليها احنا عوزين نعرف بقي الكارثه اللي ميشو عملتها في المطبخ اول مابتدت تطبخ هههههه كتير يا قلبي عملت كوارث حرقت الرز وعجن مني كتير و عملت اكلة جديدة كدة خليتهم يندموا علي اي حاجة وحشة عملوها في حياتهم ههههه كانت كنافة بالفراخ _موبيل شيماء كتير بتجلنا رسايل معكسات او نمر غلط احكيلنا موقف طريف حصل معاكي علي الموب كان رقم اهبل كدة كلمني ويبعت في رسايل حب كانه عارفني من عشر سنين و يقولي كلام عجيب وربنا بس لما طول بقي اتظبط في الاخر الحمدلله واكيد حرم يمسك موبايلات تاني _تقريبا كلنا اول ماجبنا الخط والموب عملنا مقلب في حد نعرفه قوليلي بقي لو عملتي مقلب كان ايه والله ما حصل انا تعمل فيا مقلب مش بعمل في حد _اخر سؤال عوزين من ميشو صوره من الموبيل ومن علي الجهاز علي ذوقها وبيعجبوها جدا انا بحب الصورة دي جدا [IMG]http://upload.***************************/files9/13019200381.bmp[/IMG] صوره جميله جدا ياقمرايه وبكدا انتهي لقأنا مع ميشو وبجد رد رائع جدا منها انتظرونا ولسه معانا لقأت تانيه وصفحات كتير خليكم معانا

[SplendiD SouL]

ورجعنالكم تاني ولسه معاكم في قهوة بنات مصر [IMG]http://upload.***************************/files9/13019183521.png[/IMG] في صفحتنا انهارده عضوين مميزين جدا اتكلموا في موضوع غايه في الاهميه وعلشان ضفنا انهارده مميز جدا واللي عرفينه بالجرائه ولفتره كبيره كان البرنس ودلوقتي بقي الماجيك واجه عضو صريح جدا بنتمي له التوفيق في forums GotTalent خلينا نشوف المنشاوي و ۩۩ elMagic ۩۩ قالوا ايه ۩۩ elMagic ۩۩: السلام عليكم المنشاوي: وعليكم السلام ورحمة الله ۩۩ elMagic ۩۩: ازيك يا فارس المنشاوي: صباحو بيضحك يا ابو حميد ليك شوقه يا واد ۩۩ elMagic ۩۩: واخبار الدنيا معاك ايه والله وانت اكتر يا عمده المنشاوي: تمام يا معلم والدنيا خربانه ۩۩ elMagic ۩۩: ههههههههه انت تملى حالك زى حالى المنشاوي: الحال من بعضه بقى انت فاهم ۩۩ elMagic ۩۩: قولى صحيح انا سمعت انك بتدخن هل دا صحيح؟؟؟ المنشاوي: ليه عاوز سجارة ؟؟ اوعى ۩۩ elMagic ۩۩: ههههههههههه جاوب يا واد بطل لماضه المنشاوي: اة بدخن ۩۩ elMagic ۩۩: طيب تمام المنشاوي: تمام ياخويا ۩۩ elMagic ۩۩: قولى بقى حكايتك مع السيجارة ازاى بدأت تدخن ؟؟ المنشاوي: على اساس ان انا فيه بينى وبنها قصة حب و 6 عيال ولا ايه ۩۩ elMagic ۩۩: ههههههههه تقدر تقول كده المنشاوي:هههههههه اقولك بدئت ازاى يعنى ؟ ۩۩ elMagic ۩۩: امال انا بتكلم فرنساوى اه يا كبير المنشاوي: طب هات بوسة واقولك ۩۩ elMagic ۩۩: هههههههههه ماشى خد يا كبير بوسه مشبك المنشاوي: يـــع انت حاطت قمر الدين يالا ههههههههه ۩۩ elMagic ۩۩: اخلص يا واد وقول المنشاوي: بص يا سيدى صلى ع النبى ۩۩ elMagic ۩۩: على افضل الصلاة والسلام .. اما نشوف اخرتها المنشاوي: زمااااان وانا صغير كنت عيل فااشل شوية هههههه ۩۩ elMagic ۩۩: ايوه ارغى المنشاوي: وكنت شقى حبتين وراسم دور الرجولة بقى على الحوليه بعد ما ابويا اتوفى الله يرحمه ۩۩ elMagic ۩۩: الله يرحمه ويجعل مثواه الجنه باذن الله .. كمل المنشاوي: يعنى هو متوفى وانا صغير كان عندى فـ حدود 6 سنين كدة حلو ۩۩ elMagic ۩۩: حلو المنشاوي: فا لما كبرت شوية كنت بروح المدرسة وعايش دور بقى راجل البيت وكدة وبطلع من المدرسة ع الشغل ۩۩ elMagic ۩۩: وانت وعندك 6 سنين ههههههههه المنشاوي: انا قولت فـ اول كلامى لما كبرت شوية يا لماااح يعنى كنت فـ آعداديه كدة بروح الشغل اذاكر حبه فـ الشغل واقوم اشتغل حبه وكنت عايش حياتى على كدة ۩۩ elMagic ۩۩: ماشى .. اما نشوف اخرتها معاك تمام المنشاوي: محدش كان بيصرف عليا عشان انا مكنتش عاوز حد يصرف عليا ۩۩ elMagic ۩۩: دا كويس انك تعتمد على نفسك تمام .. كمل المنشاوي: كان عندى عرء الرجولة واخد بالك انت من العرء دة ههههههه المهم حبه فـ حبه بقيت اكبر فـ الشغل وفـ الدراسه ۩۩ elMagic ۩۩: دا وضع طبيعى امال يعنى هتفضل كتكوت طول عمرك . هههههههههههههه المنشاوي:هتستخف دمك بقى ههههههه ۩۩ elMagic ۩۩: ههههههههه كمل يا واد واخلص فى ليلتك اللى زى وشك دى دا كله لسه موش عملنا حاجه المنشاوي: طب ما تقطعنيش بقى عشان متوترش عليك وربنا ۩۩ elMagic ۩۩: يا مامى خلاص حاضر موش هتكلم اهو ساكت اما نشوف اخرتها المنشاوي: المهم يا سيدى حبه فـ حبه مرت عليا ايام صعبه كدة ۩۩ elMagic ۩۩: حباتك كترت ههههههه المنشاوي: كنت وحيد فيها من كل حاجه حتى من امى واخواتى يعنى ظروف كدة خاصه مرت عليا وكانت صعبه عليا جامد وعشت فترة فيها لوحدى كنت حاسس فـ الفترة دى انى كئيب آو مريض نفسى ومخنوق من الدنيا كلها واحد صحبى قاعد معايه منه لله بقى هههههه قام مطلع علبة سجاير ۩۩ elMagic ۩۩: اهاااااا اكيد البدايه من هنا المنشاوي: وفضل يواسى فيا بقى وقالى خد ولع قومت انا مكدبتش خبر ۩۩ elMagic ۩۩: اه ودى بقى اللى هتنسيك الدنياوالكلام الفاضى دا انا عارف المنشاوي:هههههه شغل عيال بقى المهم قومت واخدها واشرب اول نفس الكوحه بتعتى تجيب السيمبلاوين هههههه ۩۩ elMagic ۩۩: اه جربت انا الموضوع دا المنشاوي:ههههههه ۩۩ elMagic ۩۩: بجد على فكرة المنشاوي: جدع ياض ۩۩ elMagic ۩۩: ههههههههههه كمل يا كبير المنشاوي: المهم تانى يوم على طول جبت انا علبة بقى وكنت معوج اوى ال يعنى شريييب هههههه ۩۩ elMagic ۩۩: هههههه خرمان وعايز تعدل الطاسه هههههه المنشاوي:ههههههه قومت نازل جايب علبه وكل ما افتكر اللى حصل معاية بقى والصعبنيات تشتغل عليا اولع هههههههه ربنا عدى الآيام دى على خير وبقيت فارس المنشاوى الطبيعى تانى بس بسجاير ۩۩ elMagic ۩۩: اه يعنى السجاير هى اللى رجعتك لطبيعتك المنشاوي:مقولتش كدة يا ابو جهل بقولك الموضوع عدى يعنى ۩۩ elMagic ۩۩: والله قايل كده المنشاوي: لاء طبعا عمر السجاير ما تحل ولا تربط المشاكل ۩۩ elMagic ۩۩: طيب كمل كمل... معاك المنشاوي:متقولنيش كلام مقولتهوش وفكك من شغل ثغرات المحاميين دة المهم رجعت لطبيعتى تاااانى مش بالسجاير ۩۩ elMagic ۩۩: هههههه ماشى المنشاوي: بس معرفتش بقى ابطلها واهلى غلبو معاية ۩۩ elMagic ۩۩: اه طبعا ماهى زى الادمان بس انت حاول يا فارس تبطلها على قد ما تقدر المنشاوي: والله ياعم نفسى ابطلها ودة حقيقى بس مش عارف ۩۩ elMagic ۩۩: لا مستحيل مع الاصرار المنشاوي: مش عشان معنديش ايراده عشان برضه كتر الهموم والتفكير وكدة والشغل والكلام دة بيرجعنى ليها وانا بطبيعتى عصبى وبتنرفز بسرعه ۩۩ elMagic ۩۩: اه بس تعرف التدخين دا له اضرار تودى فى داهيه المنشاوي:ههههههه ۩۩ elMagic ۩۩: يعنى مثلا خد عندك المنشاوي: آدينى ۩۩ elMagic ۩۩: ارتفاع ضغط الدم ، وآلام المفاصل ، والضغط العصبى ، وإصابة الصدر بالسعال ، وكمان إصابة القلب بالاعياء والعجز اتفضل وحده من دول تجيب اخرك بعد الشر عايز ايه تانى وبعدين انت مش ليك اخواتك ووالدتك المنشاوي: اة ۩۩ elMagic ۩۩: يا خى اهتم بنفسك علشان تقدر تحميهم مش انت صاحب البيت المنشاوي: ومين قالك بقى انى مش مهتم آولاً بص يا معلم ۩۩ elMagic ۩۩: هو بص اسمعنى انا عارف ان مش من السهل انك تقلع عن التدخين ولكن مع العزيمه والاصرار صدقنى هتوصل للنتيجه المطلوبه بأمر الله المنشاوي: ونعمه بالله وانا نفسى والله هى حاجه عدله يعنى ۩۩ elMagic ۩۩: وكمان خد عندك المكاسب من الاقلاع عن التدخين المنشاوي: آدينى ۩۩ elMagic ۩۩: انتظام ضغط الدم ، وقوة المفاصل ، والحمايه من سرطان الرئه ، وطبعا توفير المال اللى عمال تهدره دا فى حاجات لا حول لها ولا قوة دا غير هدوء الاعصاب وراحة البال وعدم القلق والتوتر المنشاوي: اها والواحد عاوز ايه غير كدة انا فرحان بيك والله عشان بتقولى الكلام دة آوعدك يعنى آنى هحاول ابطلها واقلل منها ۩۩ elMagic ۩۩: ياريت فعلا يكون كلامى دا اثر فيك يا كبير وان شاء الله تبطلها يا عم وتخلص من التدخين دا المنشاوي: دة آنت مرضتنى وانا قاعد اهو هههههه هبطلها ان شاء الله ۩۩ elMagic ۩۩: يا سيدى لو مش علشان نفسك علشان والدتك واخواتك والجو بتاعك يا عموو ههههه المنشاوي: ياعم انا مش مهمل فـ نفسى الحمدالله باخد قصت من الراحه كدة كل يمين برضه فـ الشغل وبضربلى سعتين تمرين ۩۩ elMagic ۩۩: هههههههههه دا كويس المنشاوي: ومهتم بجسمى وبنفسى الحمدالله ۩۩ elMagic ۩۩: طيب الحمد لله يا كبيراهووو دا كويس جدااا المنشاوي: بس برغم كدة انا معاك ان هى غلط كبير واضرارها وحشة وان شاء الله ۩۩ elMagic ۩۩: وجميل جدا انك تهتم بصحتك وانا كمان ان شاء الله هرجع تانى للحديد بس بعد ما افوق من الثانويه دى المنشاوي: انا لو معملتش كدة جسمى هيبوظ ۩۩ elMagic ۩۩: اكيد ومش هتعجب الجماهير بالشكل دا ههههههههههه لازم نتال اعجاب الجماهير وتدلع نفسك المنشاوي: لازم الآهتمام برضه عشان تمشى فى الشارع تعمل قلق ۩۩ elMagic ۩۩: هههههههههههه تمام ميه ميه يا عمده ههههههههههههههه المنشاوي:متقلقش على اخوك يعنى بس ان شاء الله هحاول يعنى ۩۩ elMagic ۩۩: ان شاء الله يا فارس هتخلص منها دى عاده سئيه ويجب على كل مدخن الاقلاع عنها وانا يا عم دخنت قبل كده شوفت ادى اخرة الابهات هههههههههههه المنشاوي:ههههههههههه اكيد ابوك بيدخن ۩۩ elMagic ۩۩: لا طبعا بس هو لما حد بيدهالو تفاريحى كده زمان لما كنت فى حضانه كان بيشرب والدى وانا اقعد ابص عليه وقال انا واد جامد وعايز اعرف ايه اللى بيشربه دا واشمعنى هو معاه وحده وانا لاء فا والدى حس بيا وقال تاخد يا احمد نفس دى جميله جدااااا هههههه قولتله ماشى هاتها طبعا اخدته ا المنشاوي:هههههههههههههه ۩۩ elMagic ۩۩: ويالهوى على الكحه واتشنقت وكنا هنموت ونرتاح من الدنيا دى هههههههههه المنشاوي: حصل معاية ۩۩ elMagic ۩۩: ومن ساعيتها طبعا حرمت اشربها وبعد ما كبرنا شويتين والدى بقا قالى اضرارها وفهمنى كل حاجه المنشاوي: المهم انت خلصت ۩۩ elMagic ۩۩: اه طبعا دا كان نفس واحد ومش اتكرر الحمد لله عقبالك بقا يا كبير وفى الاخر احب اقول يارب يكون الجميع استفاد من كلامنا عن التدخين يلا باى باى يا فارس سررت بحوارى معك يا غالى وبالتوفيق ليك يا عمده المنشاوي: الله يخليك ۩۩ elMagic ۩۩: وزى ما قولتلك يا فارس لا مستحيل مع الاصر لما تكون عندك روح العزيمه والاصرار صدقنى هتفرق جامد معاك نتمني من ربنا كدا وبجد نورتونا بحواركم حوار اكتر من رائع جدا ليكم شكرامنشاوي وال ۩۩ elMagic ۩۩ خليكم معانا ورجعنلكم بسرعه وصفحات جديده

[SplendiD SouL]

ورجعنالكم وصفحه جديده و علي الضحكايه غبي بالمباحث يكلم العمليات .. المذكور ركب سيارته وأنا ركبت تاكسي للتمويه ..! المذكور نزل البقاله وأخذ بيبسي وأنا أخذت ميرندا للتمويه ..! المذكور مسك طريق القاهرة وأنا مسكت طريق الاسكندرية للتمويه ..! مساطيل قاعدين بيصيدوا جراد ، عدّت من فوقيهم هليكوبتر .... واحد منهم قال جت أمهم ... استخبوا استخبوا اتنين مساطيل قاعدين وبعدين فى جنازة معدية عليهم ... وعلى نفس الطريق فى عربية نقل جاية بسرعة فائقة ..... فالجنازة تركت الميت وجريت .... وفجأه العربية ضربت فرامل وتفادت الجنازة ..... فالمسطول قال لصاحبه تصدق .. الميت ده انكتب له عمر جديد واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان واحد نايم جنب مراته بعد نص الليل و فجأه الباب خبط جامد فمراته صحيت مفزوعه من النوم وهى بتصرخ يا نهار اسود جوزى . راح جوزها نط من البلكونه مدرس بيشرح على السبورة فى الفصل وظهره للتلاميذ فسمع صوت عالى جدا ، فقال اسكت ياواد ياحماده لـحسن اضربك ، التلاميذ قالوا له حمادة مش موجود يا استاذ ... آم الاستاذ قال لهم لما ييجى تقولوا له 4 أغبياء راحو يلعبو بلياردو.... واحد منهم ركب على الطرابيزة و قال لهم انا الجووون مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ فرد الشخص برعب شديد وقالهم على الفور انا معاكوا طبعا .............. فقاوا له : احنا الناس التانين .. طاااااخ واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق خالصت فقرتنا يارب الفقره تكون عجبتكم وعليتوا الضحكايه خليكم معانا ولسه معانا صفحات تانيه كتير ورجعنلكم تاني وصفحه جيده واوعوا تروحوا في اي مكان

[SplendiD SouL]

رجعنالكم بسرعه وصفحه جديده ومعانا ومعاكم اوعي ماتضحكش هتشوف كاريكاتيرات جامده اهم حاجه عندنا ضحكتك تكون هنا خلصت صفحتنا خليكم معانا ولسه مكملين معاكم و صفحات كتير ومفاجات اكتر واوعوا تروحوا في مكان تاني

[SplendiD SouL]

واخر صفحه معانا انهارده ماتيجي نلعب العب بيعتمد علي التدقيق البصري والذكاء والجوايز لاول تلاته هيحلوا المسابقه واللي بتتكون من تلت مراحل والجائزه عباره عن 20 مشاركه > < > < > < > < > بس استنوا استنوا الحل مش هنا الحل هيكون في رساله خاصه واللي هيجاوب اسرع خليكم مع المسابقه وحظ سعيد للجميع :vb18: المطلوب اكتشف مكان دراجه ناريه (موتوسكيل) تمثال الحريه كاو بوي (cow boy ضفدع خنفساء لعبة سودوكو المطلوب اكمل الشبكه قوانين سودوكو استخدم الرقم مره واحده في السطر والعمود واخيرا اكتشف الفروق السبع في الصوره التاليه وبكدا تكون انتهت مجلتنا استمتعنا بوجودكم معانا نتمني نكون رسمنا بسمه علي وجهكم انتظرونا واخبار جديده وعدد جديد وضيوف ينورونا مع خالص تحيات اسرة التحرير Beauty soul و محمد خطاب

[ملكة القلوووب]

بصراحه الفكره رووووووووووووووووووووووووووعه
انا استمتعت كثيييييييييييييييييييييييييييير

بجد مجله رااااااااااااااااائعه جدا

ميرسي على المجهووووووووووووووووووووود

تحياتي

[misho]

رااااائع
بجد المجلة حلوة اوي
ومنوعة وفيها شغل جميل
والمسابقة في الاخر حلوة
بالتوفيق دايما

[هزوره المصريه]

واللــه براوا عليكـى ياأيمى روعة المجلة
فقراتها متنوعة ومسلية ودمها خفيف جــدا
عملتى الحوارات مع ثلاث شخصيات من أغلى
الأصدقاء عندى ,, شوشو ربنا يوفقكـ فى حياتكـ ياقمرى
وتحقق كل آمالكـ وبالنسبة للرز اللى أتحرق ولا يهمكـ أنا غسلت
المكرونة ههههههههه خبره يابنتى ,,
حــوار فارس وأحمد غاية فى الأهمية ومشاء الله قدروا
يبينوا أيجابيات وسلبيات الموضوع بشكل جميل جــدا
بتمنالكـوا التوفيق وأن شاء الله فارس يقلع عنها ,
وبالنسبة للمسابقة اللى فى الأخر جميلة أوى وبالتوفيق
للى هيحلوها , شوكرن ياأيمى ع الجمال ده بجد
وشكــر خاص لـ حموكش هههه منور يامحمدماأتفاجئتش
لما عرفت أنكـ مشتركـ مع أيمى لأن أنت كل حركلتكـ ضحكـ
والمجلة كلها فرفشة ’’ تسلم الأيادى ياحلوين وديما فى تقدم ’الى الأمام بقى هههه