حلقة جديدة من ( حكايات وبنعشها ) مع ( morshooo )بعنوان ( رغيف العيش )

[morshooo]

بسم الله الرحمن الرحيم اهلا ومرحبا بكم طبعا كلنا فاكرين حلقات حكايات وبنعشها الى كنت بقدمها من فترة والحمد لله عجبت ناس كتير جدا وكانت بتناقش مشكلات المجتمع المصرى لا مش المصرى بس كانت بتناقش مشكلات المجتمع العربى وعشان كدا لقيت الفترة الاخيرة اعضاء كتير بيطلبو منى انى ارجع التوبيك تانى فعشان كدا ان شاء الله هنشوف حكايات وحكايات بنعشها هنا فى ( حكايات وبنعشها ) النهاردة هتكون حلقة بعنوان ( رغيف العيش ) ودلوقتى تعالو نشوف الحكاية الاول وبعد كدا نشوف هيحصل اية الابطال : افراد اسرة مصرية او عربية تتكون من 5 أفراد المكان : فى جميع الدول العربية التاريخ : جميع ايام السنة الساعه : فى اى وقت من اليوم الاب : رجل يبلغ من العمر 65 عام كان يعمل فى احد الوظائف الحكومية عيشتة على قد حالة لدية من الابناء 3 ولد وبنتان يتمنى ان يحقق لهم مطالبهم فى الحياة دون عناء الام : ربة منزل كل امنياتها فى الحياة ان تربى ابنائها ترية صالحة وترأهم فى احسن الكليات لكى تفتخر بهم امام الجميع الابن : شاب يبلغ من العمر 21 عام طالب بكلية الطب متفوق فى دراستة يتمنى ان يصبح دكتور كبير يفتخر بية والدة ووالدتة الابنة الكبيرة : بنت جميلة مخلصة دراستها مخطوبة ولكن هيتم زواجها قريبا جدا وصحيح عزماكم كلكم يوم فرحها هى الى طلبت منى كدا ما تستغربوش الابنة الصغيرة : بنت صاحبة جمال كبير تبلغ من العمر 12 عام لها ملامحها الجميلة دلوعه الاسرة طلبتها مجابة وتتمنى ان تصبح اعلامية كبيرة دلوقتى الى شوفناهم هما ابطال الحكاية النهاردة ماشاء الله اسرة مجتهدة ولكن تعالو نشوف كدا بيعانو من اية طبعا من عنوان الحلقة عارفين هما بيعانو من اية بس تعالو نعرض حلقة النهاردة عن طريق حوار ساخر عن قضية النهاردة فتعالو نشوف هيحصل اية مع ابطال حلقتنا النهاردة البـــــداية الام : يلة قوم يا حاج عشان تصلى الصبح وتفطر مع الاولاد الاب : حاضر هقوم اهو بس روحى انتى صحى الاولاد حاضر هروح وقوم انتا بقى هاتلنا العيش قبل الزحمة بتاعت الفرنة يااادى العيش بتاع كل يوم ربنا يسهل بقى والحق الاولاد بالعيش قبل ما ينزلو طيب قوم يلة هات العيش عشان الاولاد يلحقو يفطرو او ياخدو سندوتشات حاضر يا ستى هقوم ما الواحد خلص من قرف الشغل طلعلو دلوقتى قرف رغيف العيش بقى برضو قرف الشغل كان احسن كفاية انى قاعدة معاك طول اليوم يا حاج ههههههه ما المشكلة فى كدة يام العيال انك قاعدة فى وشى طول اليوم هههههههههه وفضلو فى وصلة من الضحك والهزار لحد اما الحاج قام وتقريبا الحوار الى شوفناة دا بيحصل بينهم كل يوم الصبح قبل نزول الابناء للذهاب الى الكلية او المدرسة وبينزل فعلا الحاج كل يوم يجيب العيش بس الله واعلم بيلحقهم قبل ما ينزلو والا لا اصل حكاية انة يجيب رغيف عيش بقت صعبة جدا جدا الايام دى حتى تعالو نشوف كدا الحوار الجميل دا الام : ازيك يا دكتور الابن : الحمد لله يا ماما انتى صحتك عاملة اية انا كويسة يا حبيبى طول مانتا كويس ها بقى قوليلى عاملة اكل اية النهاردة ماتخفش عاملة اكل هتاكل صوابعك وراة بس ابقى خالى بالك هههههههه هههههه ماتخافيش ياست الكل انتى عايزانى ابقى دكتور ناقص صوباع والا اية طيب يا حبيبى يلة بقى خلص مزاكرة عشان الاكل قدامة ربع ساعه حاضر يا ماما هخلص على طول اهو طيب يا حبيبى عايزة اطلب منك طلب صغير اية هو يا ست الكل بس وحياتى عندك ماتزعل والا تضايق ياست الكل انتى عارفا كويس مقدرش ازعل منك مهما حصل طيب عايزاك تنزل تجيبلنا ... تجبلنااااااا اية يا ماما ماتقولى بقى عايزة اجيبلك اية انزل هاتلنا عيش اية يا ماما الكلام الى بتقولية دا انا بجد زعلت منك ومش هاكل كمان لا يا حبيبى خلاص ماتزعلش نفسك وحياتى عندك وحيات ماما ماتضايق انا زعلت عشان انتى عارفا يا ماما ان عندى امتحان بعد اسبوع واحتمال لو نزلت مالحقوش ههههههههههه تصدقو ان ممكن فعلا ماكنش يلحق الامتحان بس ماتخافوش هو مزعلش من مامتة وبيقولكم ادعولو عشان الامتحان صعب شوية علية ودلوقتى تعالو نشوف الحوار دا كمان المهم جدا الاب : اهلا اهلا بعروستنا الجميلة الانبة : اهلا بيك يا بابا عامل اية انا كويس يا بنتى ها بقى خلاص كدا اشتريتى الحاجا الى كانت نقصاكى اة يا بابا وربنا يخليك لينا يارب وتفضل تجبلنا كدا على طول هههههههه لا خلاص بقى هيبقى ليكى واحد مسئؤل عنك بعد كدا واهو هم وانزاح هههههههه بقى كدا يا بابا انا كنت هم عليك يعنى ماشى ماشى انا بقى هجوز وبرضو هفضل معاك هنا يا حبيبت بابا انا هفضل تحت امرك لحد اما اموت لا ياباب بعد الشر عليك ماتقولش كدا تانى ربنا يخليك لينا طيب قومى بقى حضرى الغدا عشان خلالالالاص هموت من الجوع حاضر يا بابا هقوم اهو بس جبتلنا عيش النهاردة لا يابنتى بس لو ينفع يعنى من غير زعل لو تروحى انتى نعم اية يابابا الى بتقولة دا انا دلوقتى بس عرفت انى والا حاجا بالنسبالك لا يابنتى انتى والله كل حاجا فى حياتى ومقدرش على زعلك لا يا بابا انا لو بنتك مكنتش فكرت مجرد تفكير بس انك تقولى روحى انتى يا بنتى يا حبيبى انا تعبان النهاردة ومش هقدر اروح اجيب العيش حتى لو تعبان انتا كنت عايز تدمرنى يا بابا وانتا عارف كويس ان فرحى خلاص كمان 5 ايام هههههههههه صح اعتقد ان عندها حق وفعلا الاب مفترى جدا ربنا يسمحة قولو أمين ههههههههه هقولكم تانى البنت عزماكم كلكم تروحو فرحها والحمد لله اهى منزلتش تجيب العيش يعنى هتروحو الفرح هتلقوها ماتقلقوش تعالو بقى نشوف الحوار دا والمهم برضووووووو الام : ازيك يا يا مزيعة المستقبل الابنة الصغيرة : كويسة يا ماما ها عملتى اية النهاردة فى المدرسة والا حاجا هعمل اية يعنى ادينى زى ما بروح زى ما باجى ياسلام يعنى مخديش اى حاجا خالص النهاردة لا مخدش بس النهاردة قدمت الازاعه المدرسية وكلة قالى انى كنت كويسة يا حبيبتى انتى كويسة على طول وان شاء الله بكرة هتبقى اكبر مزيعه طيب لما اشوف هبقى مزيعه والا لا طيب يلة بقى غيرى ومعلش يا حبيبتى انزلى هاتلنا عيش اية هو الى انزل اجيب عيش دا انتى بتكلمى بجد يا ماما والا بتهزرى يا حبيبتى هزار اية بس يلة روحى انزلى عشان الاكل جهز خلاص ماما انا مش هنزل sorry افرضى حد شافى وخطفنى هتفرحى انتى بقى لا يا حبيبتى ربنا يحرسك ماتقوليش كدا تانى يا ماما انتى خليتى فيها تانى بقى لا بجد انا زعلت منك بقى كدا يعنى تقوليلى بكل سهولة هاتلنا عيش خلاص يا حبيبتى ماتزعليش يعنى هتقوليلى كدا تانى فى اى وقت وبعدين يا ماما انتى عارفا انتى عارفا ان كلها كام يوم واخد الاجازة عارفا يا حبيبتى خلاص ماشى بس كان شكلك مش عايزانى الحق العب فى الاجازة ههههههههه اجازتها 15 يوم تفتكرو كانت هتلحق تقضى الاجازة فعلا القضية الى شوفناها النهاردة دى بيعانى منها ناس كتير جدا جدا ويمكن ميكونش ليها حل بس معتقدش ان مفيش حاجا ملهاش حل الخلاصة اتمنى ان الازمة دى ماتبقاش موجودة تانى فى مجتمعنا وكلنا شوفنا من فترة كان فى ازمة رغيف العيش وسمعنا عن مشاكل كتير بين المواطنين وكان فى حالات قتل كتيرة جدا اتمنى مع الثورة الاخيرة ان ما يبقاش فى مشاكل بالشكل دا لان اقل حاجا بتتقدم للمواطن المصرى هو انة يلاقى رغيف عيش يقدر ياكل بية لان هتبقى مصيبة ان المواطن مش لاقى حتى رغيف العيش الى هياكلة وبكدا بتنتهى حلقتنا النهاردة اتمنى ان تنال اعجابكم انتظرونى وحلقة جديدة من حكايات وبنعشها تحياتى morshooo

[countess]

توبيك طويل يا مورشو بس مضمونه ممتاز اكيد

بئنتظار حلقاتك من حكايه وبنعشها ومبروك رجوعه مره تانيه
شكرا على توبيك ٍٍٍ

[فــــــــــرح]

اسعدتني جدا عودة حلقات
حكايات وبنعشها يا احمد
واتمنى ليها الاستمرار بتميز اكتر ..

الحلقة النهارده جميله
لكن من غير نهاية
والمشكله دي اتكلمتوا كتير فيها
يعني العوده كانت شويا مش قويه يا احمد
لكن مش مأثره على قيمة البرنامج ..
دا اولا

ثانيا ليه متشتروش رغيف العيش من السوبر ماركت..؟؟!!
ليه لازم من الفرن ..!!


موفق دايما يا احمد بأذن الله
*_^

[Dr.nour]

حلقه حلوآ يآحمد بس زى مآقالت فرح
كنـ محتآج رجعه قويه اكتر من كده
انت عآرف لو دى حلقه فى النص كــآنت هتبقى شغاله جدآ
بس المشكله انهــآ رجعه برنآمج
فكآنت عاوزه فكره متميزه شويه ,,

[morshooo]

اهلاين وسهلاين

برجلتنا هههههههههه

ان شاء الله الى جاى هيبقى احسن

بس المهم عندى ان التوبيك يرجع وبعد كدا

هشوف القضايا المهمة مع ان مشكلة رغيف العيش

دى اهم قضية من وجهة نظرى

تسلمو على التواجد الرائع

[morshooo]

اهلاين وسهلاين

برجلتنا هههههههههه

ان شاء الله الى جاى هيبقى احسن

بس المهم عندى ان التوبيك يرجع وبعد كدا

هشوف القضايا المهمة مع ان مشكلة رغيف العيش

دى اهم قضية من وجهة نظرى

تسلمو على التواجد الرائع

[ڪــــبرياء الروح]

اه القضيه دي سمعت عنها كثير بمصر خاصه
الناس طوابير بيوقفواا

ياه شيء يحزن والله

طب الا من الفرن؟؟؟؟



امممم عموما ان شششاء الله الجاي لمصر والدول العربيه افضل بكثثثثثر من سسسسابقه



تسسسسلم على برنااااامجك الممتع
بجد بسسسستمتع وانا بقراء

[DR.SMA]

اكتر حاجه عجبتني والله ف الموضوع

ان كله بيهرب من النزول وخايف على نفسه

والاسلوب الحواري الي في التوبيك

فعلا العيش مشكله كبيره جدا فأماكن كتير

يارب تتحل بقى عشان الناس ترتاح

لأنها من اكبر المشاكل اليوميه

شكرا مورشو على الحلقه الجميله

في انتظار الجديد منها

خالص تقديري,,

[دمعه حائره]

حلقه رائعه موروشو بجد فعلا ناقشت مشكله فى كل البيوت
ولولا السوبر ماركت عليا لاكنا فطرنا ولا اتغدينا
بالتوفيق فى انتظار الحلقه القادمه