انتى اللى عملتى لكل شباب الدنيا قلق !!!!

[مسلمة تحب الله]

ياترى ايه شعورك لما تلاقي بنت عاملة نغمة موبايلها
( انتى اللى عملتى لكل شباب الدنيا قلق ) ؟؟

أو تلاقي واحدة تانية عاملاها
( يا احلى منهم ..يا فارقة عنهم ..انتي اللي فيهم ..وهما فينهم ) ؟؟

أنا مش بتكلم عن الاغاني علشان ده أمر مفروغ منه وكلنا عارفين إن الأغاني حرام..
أنا عايز أناقش موضوع اختيار البنات للنغمات دي ..اشمعنى ؟؟؟
ايه اللي خلى تفكير البنات يوصل للمرحلة دي ؟؟!!!

اللى كلنا عارفينه كويس ان ربنا خلق المرأه على شهوة حب الزينه والظهور ..
زي أي شهوه ربنا خلقها فينا ..
بس هل معنى كده ان أنا امشى ورا شهواتى ..؟؟
لا طبعا ..ده احنا فى الدنيا هنا فى امتحان ..
هل هنتبع الشهوات ولا هنطيع ربنا ونصبر شوية فى الدنيا علشان الجنه؟؟
( الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا )

ولكن ايه اللي احنا شايفينه دلوقتي ؟؟؟
البنات بقت تتنافس في اللبس ..مين هتظهر م***************ا اكتر علشان تلفت الانظار ليها سواء علشان تتجوز او علشان هي بتحب تتعاكس ..!
أصل دلوتقي أى بنت الا من رحم الله لو عدت من قدام شباب
ومش عاكسوها
بتلاقيها تروح البيت زعلانه وتقف قدام المرايا وتشوف فيها حاجه غلط ولا ايه ؟!!

يعني البنت دلوقتي نازلة من بيتها بعد صراع عنيف في لبس البنطلون والبدي اللي هيفرقعوا من على جسمها ونيتها سليمة وبرييييييييئة خاااااااااالص في انها تعمل قلق لكل الشباب..!
وتخلي حتى الراجل ابو 60 سنة اللي شعره شاب ينطق ويعاكسها !!!
ايه ده ؟؟؟؟؟؟؟؟؟؟؟؟؟؟؟؟؟؟

وفي الاخر نقول محجبة!!
حجاب ايه بس ..ده كارثة مش حجاب !!
بنت مسلمة ..لابسه بنطلون استرتش..وبدي ضيق ..ولابسة طرحة صغنونة على شعرها ..
وبتسمي نفسها محجبة !!
وبنت تانيه برده مسلمة ..لابسة بنتاكور..وبودي إلا ربع ..وبرده لابسة قماشه صغنونة على شعرها بس مخرمة .. وبتسمي نفسها محجبة !!
وبنت تالتة كمان مسلمة ..لابسة جيب ضيق ..وبلوزة ضيقة ..وطرحة إسبانش..
وبرده بتسمي نفسها محجبة !!

وبنت ..وبنت ..ونماذج كتير غيرهم من حجاب الموضة..

وبعد ده كله تلاقي بنوته هترد وتقول :
العيب مش في اللبس ..الشباب هما اللي مش محترمين وكتير منهم قليل الادب ومش متربي علشان يعمل كده ..
والدليل ان انا شوفت بعيني الاتنين واحدة منتقبة بتتعاكس..!!

هرد عليكي في كلام بسيط خالص..
هنفترض معاكي ان البنات لبسهم مش هو السبب وان الشباب بيعاكسوا على الفاضي والمليان ومش محترمين ولا عندهم اخلاق..
طيب ..ليه تعرضي نفسك لنظراتهم ؟؟؟؟؟؟؟؟؟؟
ده الواحد فيهم بيبص بصة الله اعلم بيروح بخياله فين !!!!!!!!!!
انتي مش هتقدري تمنعيهم .. لكن هتقدري تحمي نفسك .. !



احمي نفسك بحجابك الشرعي السليم وبعد كده اللي عايز يعاكس ويبص خليه يبص..
هيبص على ايه بقى ؟؟!



انا عايز أسالك أسئلة كتييير وعايز إجابة منك ..

ليه رضيتي إنك تسمعي كلام وألفاظ مش كويسة من الشباب ؟؟
ليه رخصتي نفسك وجعلتي نفسك سلعة رخيصة معروضة لللي رايح واللي جاي ؟؟
ليه اجبرتي الشاب انه يبصلك نظرة واحدة بس ..هي النظرة الشهوانية البحتة !!!



حرام عليكي ..حراااااااااااااااااااااام عليكي نفسك وغيرك !!!!
والله العظيم الشباب تعبااااااااااااااان ..
الشباب هيعمل إيه مع عروض ازياء بقت قدامه في كل وقت وكل مكان ؟؟!
انتي السبب !!!
ده لو واحد في قمة الايمان والتقوى والالتزام وشافك بالمنظر ده هيتفتن بيكي وهيضييييييييع ..!!
ما بالك بالشباب العادي ؟؟!!!!!!!!

حرااااااااااااااااااام عليكي ..هتتشوي في جهنم بسبب الناس دي..
الناس دي هتتعلق في رقبتك يوم القيامة ..!!

شوفي الصورة دي ..


ده واحد مسكت فيه نار الدنيا..!!!!
ما بالك بنار الاخرة..؟؟؟؟؟؟؟؟؟؟
هدومك من نار!!
واكلك من نار!!!!!
وشربك من نار!!!!!!!
وعيشتك كلها جحيم في جحيم !!!!
تخيلتي شكلك هيبقى ايه وحياتك هتبقى ازاي لو استمريتي على حالك ده ؟؟
ولا عايزاني اجيبلك شوية صور كمان علشان تتخيلي اكتر..



الحقي نفسك !!!
والله العظيم خايف عليكي ..!!!!!
انتي مش قد نظرة غضب واحدة من ربنا ليكي !!!



احنا اتكلمنا على موضوع الحجاب كتيييييييييييييييير .. وهنفضل نتكلم ..
أصل والله العظيم موضوع اللبس للمرأة هو الفيصل في حياتها!!
زي ما قريتوا فى موضوع للبنات وبس (هنا) الأمر خطيييير جدااا..
الواحده لو مش ملتزمه بالزى الشرعي مش هتشم ريحة الجنه ..حتى لو بتصلى وبتصوم وبتحج !
ياترى ايه اللى يستاهل فى الدنيا دى كللللللللللللللللللللللها علشان تبيعي الجنه علشانه؟؟؟؟؟؟؟؟؟؟؟!
الناس..؟ الجواز ؟ الشغل ؟
يا اختي كلها كم سنه هنعيشهم فى الدنيا وكلنا هنقابل ربنا وساعتها مش هينفع ندم..
مش عايزين نندم تاني..شوة صبر..
والله ما هتتساوى اللى لبست حجابها الشرعي مع اللى لبست بناطيل وفيستات !
الواحد بيشوف حاجات بتخليه يقف منبهر بالنماذج الطاهره المشرفه احفاد السيده عائشه وفاطمه وزوجات النبي ..
فيه ناس في عز الحر والولعه دي بتلبس الملحفه والنقاب و تحتيها ملحفه كمان او جيبه علشان متظهرش ذرة من جسمها !
ايه الثبات ده ؟!
البنات دي بتعمل كده ليه؟؟؟
علشان عرفت ان هدفها وحددت غايتها..
انا عايشه علشانك يارب..
انا كلي لك يارب..
انا عمرى ما هرضى اى حد فى معصيتك يارب..



ياريت كل واحده تراجع نفسها تاني..موت الفجأه انتشر بطريقه مخيفه..
مش عايزين تسويف .. كفاية بقى سمع للشيطان ..
وزى ما قولت من اكبر نعم ربنا ان الكلام ده وصلك ..
ناس كتير غافله ومتعرفش أى حاجه ومفكره نفسها تمعل الصح ولكن للاسف لو ماتوا على كدوا مش هيشموا ريحة الجنه حتى!
محدش عارف ربنا هيمهلك لحد امتى ؟؟
يلا نبدا حياة جديدة بلبس جديد ..وقلب جديد..



خدى النية والخطوات العملية من دلوقتى
ممكن يكون ده آخر رسالة حد يقولهالك عن الحجاب قبل الموت
واعرفى انك مادخلتيش الموضوع ده بالصدفة
ده قدر ربنا لانه يريدك تقربي منه وتغيري حجابك

ربنا يهدي بنات المسلمين اجمعين ويرزقهم العفاف والازواج الصالحين ..اللهم امين..

[عمر الاسلام]

السلام عليك اختي الفاضله
موضوع مهم لكل الفتيات
اللهم اصلح فتيات المسلمين على اللباس النصف محجب

[نـــواف]

موضوعك رائع جزاكي الله خير واجعله في ميزان حسناتك يااااارب
يارب استرها على بنات المسلمين والمسلمات واحفظهم واحميهم يارب

[я e e м]

مـوضـوعـ راائـعـ
اللهــمـ اهـدنــا جمــيعــاً

تـــســلمـي عـ الــتوبيــكـ

[ملكة القلوووب]

صحيح كلامك
هذه الايام بنشوف المحجبات بيلبسوا الحجاب مش عارفه كيف؟؟
والبنطلون الضيق ووو زي ما قلتي
ربنا يهديهم
تسلمي على النصائح المفيده ياقمر
ياليت كل بنت تدخل وتقرأ هذا الكلام المفييييييييد
&&&&&

[غرور ملاك]

نسأل الله أن يسترنا وبنات المسلمين
وأن يهدينا أجمعين

جزاك الله خيرا ً