تاني حلقة((حياتك تحت المجهر))منورانا sereen

[ĶǎnDO̳̿uChǎ ツ]

مسائكم شاي سكر زيادة

تاني حلقة من برنامج حياتك تحت المجهر

معانا انهـــــاردة

عضوة من بنات حواء
يعني احلى حاجة في الكون
وعشان كدا جبتها معانا انهاردة

صاحبة المشاركة المثقفة
بنوتة عسووووووله
وحتة سكرة

مشرفة القسم العام
منورنا يا

sereen

يلا نبدأ الاسئلة

خدى الرد اهو

اديني يا قمر

اولا:قلبك تحت المجهر

اكتبي سطرين عن مشاعرك و كل الي بتحسو جوا قلبك؟


مشاعرقلبى بتتميز بالخصوصيه الشديدة و بتكون" صادقة " بريئه" صريحة"مباشرة"طفولية"جنونية"عاطفيةجدا"حساسة"خجوله..:santa_1:



امتى في رائيك يكون الحب حقيقي,وهل انتي حبيت قبل كدا حب حقيقي؟

الحب فى نظرى يايكون حب حقيقى يامايكونش خالص،،،
بكره حب التسلية "او حب الاشباع العاطفى او حب التملك او حب اشباع غرور الذات
ومابعرفش احب غير حب حقيقى،،،
علشان كدة عمر اما بيكون الحب بالنسبالى اندفاع فباخد وقت كويس فيه وممكن يكون وقت طويل ،،
الحب الحقيقى بيكون بعيد عن كل المسميات اللى ذكرتها ،،
المشاعر بتكون صادقة وصريحة ،،
بتحب اللى قدامك بعيوبة ومميزاتة وبتتقبل عيوبة قبل مميزاتة وبتتأقلم عليها وفى الاول حتى مابتقدرش تشوف العيوب دى كويس لانك بتحب الحبيب كله ع بعضه،،
بيكون فيه نوع من التضحية المتزنة مش ع حساب احد الاطراف ،،
بتكون كمية المشاعر والحب متوازنة بين الطرفين ،،
بيكون فيه الثقة والامان والدفء والمستقبل ،،،
وبتبدأ العلاقة تاخد مسارها الجدى بالتدريج فى شكل خطوات ايجابيه وفعل مش مجرد كلام وبس ..!!
:bb4:

مين اكتر انسان/ه في حياتك بتحبية والي لغاية دلوقتي يسكن قلبك؟

من ناحية الحب:santa_1:
شخصيا مش بوقف حياتى على حد معين،،،
بقدر كويس اوقف العذاب وبعرف اقنع نفسى واريحها ومابخليش مشاعرى تدمرنى او تخلينى عايشة ع ذكرى موقفه حياتى كلها،،،
لانى متأكدة ان اى حاجة بتروح منى ماكنتش خير ليا والخير لسه جاي ومقتنعه بالنصيب جدا ،،
فــبعــرف اقنع نفسى واريحها نفسيا وعقليا...

من ناحية حب الأصدقاء:santa_1:
كل مرحله فى عمرى بطلع منها بصديقة جدعه اوى وساكنة قلبى ع طول ..

من ناحية أسرتى:santa_1:
فعائلتى هتفضل ساكنة قلبى لحد ما اموت...

اكتبي لينا اكتر 10 اشخاص بتحبيهم في حياتك بالترتيب من كل الناس الي مرو في حياتك سواء عائلتك او صحابك و كلو؟


ماما وبابا
اخويا الكبير
باقى اخواتى
ولاد اخواتى
اقاريبى
صحباتى الانتيم التلاتة
فى بنوتات كتير بحبهم فى المنتدى واقربهم بيوتى انجل – حنونة
اظن كدة انا قولتلك مليون مش عشره ههههههههه
:747:
-
-
-
-
-
-
-
-
-
-

اية رائيك في الثقة الزايدة اوي في شخص مهما كان قريب منك
هل دا صح ولا غلط؟


الثقة ليها حدود وقبل اما نثق فى حد لازم ناخد وقتنا كويس علشان نشوف هينفع نديله ثقتنا ولا لأ
دة بالنسبة لتعامل الغريب،،،
اما القرايب والناس اللى عارفاهم بتلاقى نفسك طبيعى واثقة فيهم لانه المفروض مش يضرك ،،،
علشان كدة صدمة القرايب ووجعهم بيكون اقوى لان صدمة الغريب ممكن تكون طبيعية او اننا فى الاول ماعرفناش نحكم صح اما القريب فصدمتة بتكون غير متوقعه علشان كدة بتكون اقوى ...


ثانيا:عقلك تحت المجهر


اكتبي سطرين عن قراراتك و عقلك و تفكيرك؟

اى قرار بحب اخد وقت طويل وافكر فيه خصوصا لو كان قرار هيتوقف عليه حاجات كتير ومهمة فى حياتى او قرار خاص بمستقبلى وحياتى فلازم افكر فيه كويس ومن كل النواحى بكل مميزاتة وسلبياتة،،،
احيانا باخد قرارات سريعه وجنونية بس بكون فكرت فيها برضة قبل كدة بس اجلتها شوية ولما بتيجى لحظة معينة ووصلت لحد معين او جبت اخرى يعنى هههههه بعملها فبتظهر بشكل جنونى ودى القرارات اللى لو اخدتها مش هتأثر اوى على مستقبلى او حياتى..!!
بس بفضل القرار اللى باخده بهدوء وبعد تفكير لانه بيكون ناتج عن اقتناع تام ،،
علشان كدة صعب ارجع تانى فى قراراتى ..!!
:Sport-005:


اصعب قرار اخذتية؟

قرار متعلق بحلم كان جوايا فكان صعب عليا اوى انى اهد الحلم دة بس كنت مضطرة لكده...

اكتر قرار ندمتي علية؟

تصدقينى لو قولتك عمرى اما ندمت ع قرار..!!!
احساس الندم مش بحسة وماعرفش دا صح ولا غلط لانى بحس ان التفكير فى قرار او حاجة حصلت خلاص يبقى غباء منى لانها مش هترجع ،،،
كل قرار باخدة بكون مقتنعه بيه
ولو فيه قرارات اخدتها وماكنتش مقتنعه اوى بقول لنفسى----> كان المفروض كنت عملت حاجة تانية بس يلا خلاص مش مهم الأهم انى اتعلمت ،،
ومابفضلش افكر فيه كتير...:detective2:


هل يعتبر تفكيرك تفكير مجنون و مزاجي ولا عقلاني؟

تفكيرى عقلانى وبحب اعقل الامور بعقلى ومش اى حاجة بقتنع بيها او بصدقها الا لما عقلى يعقلها كويس،،،
لكن احيانا تفكيرى بيكون مجنون ومزاجى،،،
معروف عنى انى عاقله اوى .!!!
الا ان احيانا فى شوية قرارات بتكون جنونية وساعات مزاجية،،
يعنى لو حاجة ماليش مزاج انى اعملها مابعملهاش،،،
ممكن ارفض شغل معين علشان مش حباه او مش هلاقى نفسى فيه بالرغم ان ممكن يكون ربحة المالى كبير" فى ناس بتشوف ان دة اكبر جنون لانها اكبر فرصة"

هل تحسمي الامور بقلبك ولا بعقلك؟

بحسها بقلبى وبعقلها بعقلى
لازم قلبى يحس وعقلى يفكر علشان يتبلور قرارى ورأى...!!!:santa_1:


ثالثا:شخصيتك تحت المجهر


اكتبي سطرين في شخصيتك وازاي انت شايفها ؟

شخصية متزنة،، عاقله ،،مرحة ،، محبوبة،، بحب الحياة،، متفائله برغم كل الصعوبات اللى واجهتها،،خجوله" حساسة"،، حاطة حدود فى التعامل بيزعجنى جدا اللى بيتخطاها،،عندى مبادىء مؤمنة ومقتنعه بيها،، عندى ضمير بيمنعنى من غلط كتير ،، راضية عن نفسى وعن حالى مهما كانت الظروف..:Sport-005:


في نظرك اية الي بيميز شخصيتك؟

بالرغم ان المفروض الناس هى اللى تحكم بس هقول إنى:

بأقلم نفسى بسرعه مع اى وضع:detective2:

الصراحة والبرائة :detective2:
كلمة انتى بريئة اوى كتير اتقالتلى كتير


واية الي عايزه تغيريه فيها ولية؟

انا حساسة اوى وكل اللى حواليا عارفين كدة وممكن الاقى ناس تلاحظ النقطة دى من اول مرة تتكلم معايا،،،
بحسها ميزة وعيب فى نفس الوقت فميزتها انى بحس بالناس اوى وبراعى شعورهم ،،،
وعيبها انى بتوجع اوى من اقل المواقف....!!!

عادة او طبع سواء كويس او سئ متقدريش تتوقف عنو؟

باخد ع الناس بسرعه وبضرب صحوبية مع الناس بسرعه جدا خصوصا البنات اما الولاد عندى منهم حساسية هههههههه" يعنى حاطة حدود":santa_1:


كيف يراكي الناس؟
هقولك الكلام اللى اتقالى من الناس سواء قربين او بعاد:

ناس قالتلى انتى مريحة اوى وناس تانية قالت بيعجبنى تفكيرك..!!
ناس بتحب فيا الضحك والفرفشة وبيقولولى دايما بتضحك..!!
مديرة المدرسة اختارتنى من بين مجموعه مدرسات وقالتلى اختارتك علشان انتى بشوشة وحبوبة.!!

اقولك العيوب برضة اللى اتقالتلى
ناس شافتنى انى تنكة :013:
ناس افتكرتنى مغرورة:495:
ناس مفكرانى انى شايفة نفسى "مش عارفة شايفة نفسى ازاى ههههه"
ناس قالتلى شكلك مدلعه ومش بتاعه شغل ---> دا قبل اما تشوف شغلى اصلا..!!!
رغم انى بشتغل بزمة اوى وبضمير ومعايا الضمان كمان هههههههه:vb27:
عمرى اما كروت شغل ولو كان بسيط..!!!



هل انتي محبوبه بين المحيطين بيكي؟

اة بحس بكدة جدا لان دخولى على صحباتى او زيارتى ليهم بشوف فرحتهم فى عيونهم،،،:bigsmile:
ومش صحباتى وبس حتى عيلتى والناس الجديدة اللى بتعرف عليهم فى حياتى بلاحظ ان الكل عاوز يحكيلى وبيرتاحلى،،،:bigsmile:
حب الناس دة نعمة بحمد ربنا عليها اوى ،،،
ايام الجامعة كان اليوم اللى مش بروح فيه الجامعة صحباتى بيتخانقوا مع بعض هههههههه
بفهم الناس بسرعه وبعرف اتعامل مع كل واحد حسب شخصيتة فمابحبش اضايق حد فكنت دايما بلطف بينهم وبخلى جو القاعدة لذيذ:vb27:

هل شخصيتك مسيطرة؟


بالرغم ان شخصيتى بتظهر انها قوية لانى بعرف اقنع اللى قدامى وفى ناس ممكن اغيرلهم تفكيرهم خالص واقنعهم بس مابحبش السيطرة ع حد ابدااااااا...!!!
بحترم جدا راى اللى قدامى وحريتة الشخصية يعنى ممكن اقنع اللى قدامى واقول رايى من غير افرض عليه وجة نظرى وانة لازم يقتنع بيها ،،،
فرأيى دايما بيكون اختيارى مش اجبارى ع الناس ..!!!
وسهل انى اتقبل الراى الاخر واقتنع بيه خصوصا لو كان اصح من رايى واكثر منطقيا...

رابعا:ايامك تحت المجهر

اوصفي ايامك وحياتك في سطرين؟

ايامى بحاول فيها احقق رضا ربنا عليا ودة اولا ثم رضا اهلى ،،،
بحاول احقق فيها احلامى وطموحاتى،،،
بعيشها بحلوها وبمرها وبتعلم من اخطائى،،،
متفائله دايما ان القادم احسن مهما كانت صعوبة الحاضر او الماضى...:detective2:



اية احلى عام مر عليكي؟
كل عام بيمر بحلوة وبمرة
طول ما ماما وبابا واهلى بصحتهم بكون مبسوطة وربنا يديم عليهم الصحة...

احلى يوم مر عليكي؟

يوم نتيجة الجامعة ولاقيت نفسى التانية :Sport-005:

امتى بتحسي بقمة الملل؟

الايام دى:bb4:


يوم بتتمنى انو ميمرش عليكي؟ ولية؟

يوم فقدان حد عزيز عليا وخصوصا حد من اسرتى لانة هيكون صعب عليا اوى
ياريتة كان امنية كنت اتمنتها..!!



اية امتع وقت عندك في يومك؟

وانا بلعب مع ولاد اخواتى اصلى طفله ههههههه:Sport-005:
بحب انزل بمستواهم ونفضل نرغى سوا وابن اخويا مزهقنى بلعبة جاتا اللى لازم ألعبها قدامة ع الكمبيوتر وانا بكره الالعاب اصلا ههههههه
بس بلعبها علشان خاطرة...

واية اتعس وقت عندك في يومك؟

لما بيحصل فى يومى حاجة بتضايقنى اكيد بكون مش مبسوطة

أخيراااااااااااااا
بشكرك جدآ يانودي ع الأسئله الممتعة دى بجد كانت من اكتر الاسئله اللى جاوبت عليها وكنت مستمتعه جدااا
بـــشــــــــكركـ
::
::

بجد اجاباتـــــــك توحفايــــــــــــه خالص
و جميلة اخر تلات اربع حجات

انا الي فعلا لازم اشكرك على قبولك الدعوة و وجودك معانا
ربنا يوفقك في كــــــــــل حياتك و تحققي كل الي بتتمنيـــــــه
وانا شرف ليا ان الاسئلة عجبتك يا سكـــــــــــــــــــــــــــــــــــره
نــــــــــــــــــــــــــــــــــــــورتــــــــ ــــــــــــــــــــــي

كان معكم
dOdO

[●•Young Eyes•●]

اكتر قرار ندمتي علية؟

تصدقينى لو قولتك عمرى اما ندمت ع قرار..!!!
احساس الندم مش بحسة وماعرفش دا صح ولا غلط لانى بحس ان التفكير فى قرار او حاجة حصلت خلاص يبقى غباء منى لانها مش هترجع ،،،
كل قرار باخدة بكون مقتنعه بيه
ولو فيه قرارات اخدتها وماكنتش مقتنعه اوى بقول لنفسى----> كان المفروض كنت عملت حاجة تانية بس يلا خلاص مش مهم الأهم انى اتعلمت ،،
ومابفضلش افكر فيه كتير...:detective2:


انتى زى بالظبط يا سيرووووو


حلقة جميلة م يا نودى

نورتى يا سيرو

و بانتظرا الحلقة القادمة

^_^

[هزوره المصريه]

أختيار جميل يانــودى ,
منوره ياسيرو , وأجاباتكـ كلها
جميلة وعاقلة كيدا , حلقة حلوة بيكى
ياسيرو , نورتى ياقمرى , وفى أنتظار حلقة جديدة

[Ќonto]

اقتباس الحب فى نظرى يايكون حب حقيقى يامايكونش خالص

عجبني اوي ردك دا على السؤال
.....
بصرااحة اجاباتك كلها رووعة وعين العقل

موضوع روووعة وحوار ممتع وجميل
دوام الابداع يا قمر

[misho]

اختيارك موفق جدا
لشخصية عاقلة وتفكيرها منطقي جدا
دايما هادية في ردودها و حضورها
اجاباتك جميلة يا سيرين
منورة الحلقة

[S n i p e R]

حلقة موز

الله ينور يا دعاء

شغلك عالى

وفكرة البرنامج جامدة وأسئلة اجمد

بالنسبة لسيرين

اجوبتك جامدة اوي يا سيرين

عاقلة جدا ومتزنة

منورة الحلقة

تحياتى

[SiLver Spectra]

حوار جميل جدا
خصوصا كلامك عن الحب ,,استاذة و رئيسة قسم و الله
ما شاء الله عليكي ,, فعلا دماغك عالية

حوار اكثر من رائع من شخصية رائعة و صاحبة عقل ناضج

[نورا ❤]

حلقة رائعة مع ضيفة اروع واروع ومقدمة زي السكر...بالتوفيق يا بنوتات .نينو

[coralin]

حلقة جميلة يادودو وسيرين اجمل
و اجابات اضحة وصريحة
موفقين

[Mo7aMeD Lotfy]

اختيار اكثر من رائع لشخصيه متزنه وعاقله

بصراحه عجبتنى ردودك جدا وخاصة فى امر

اكتبي سطرين عن قراراتك و عقلك و تفكيرك؟

اى قرار بحب اخد وقت طويل وافكر فيه خصوصا لو كان قرار هيتوقف عليه حاجات كتير ومهمة فى حياتى او قرار خاص بمستقبلى وحياتى فلازم افكر فيه كويس ومن كل النواحى بكل مميزاتة وسلبياتة،،،
احيانا باخد قرارات سريعه وجنونية بس بكون فكرت فيها برضة قبل كدة بس اجلتها شوية ولما بتيجى لحظة معينة ووصلت لحد معين او جبت اخرى يعنى هههههه بعملها فبتظهر بشكل جنونى ودى القرارات اللى لو اخدتها مش هتأثر اوى على مستقبلى او حياتى..!!
بس بفضل القرار اللى باخده بهدوء وبعد تفكير لانه بيكون ناتج عن اقتناع تام ،،
علشان كدة صعب ارجع تانى فى قراراتى ..!!
رد جميل جدا ويدل على شخصيه عاقله ومتزنه

ربنا يوفقك فى حياتك بجميع انواعها ومراحلها

بالتوفيق يا قمر

حلقه جميله يا نودى واختيار شخصيه جميله