هل تؤيد إحتراف "شيكابالا".. أم ترى ضرورة الإبقاء عليه بأي ثمن ؟

[P R ! M O]

قضية اليوم : مع إستمرار صدارة الزمالك للدوري العام منذ فترة ليست بالقصيرة ، أصبحت لدى جماهير الزمالك قناعة تامة بأن شيكابالا هو الزمالك و الزمالك هو شيكابالا ، فعندما يتواجد الفتي الأسمر في الملعب يكون الزمالك حاضرا بقوة و حين يختفي يكون الزمالك بلا أنياب ! ، و مع رغبة شيكابالا الجارفة في الإحتراف و رغبته في الرحيل في نهاية الموسم ، بدأت جماهير الزمالك تبدي قلقها على مستقبل الفريق خصوصا و أن اللاعب يتهرب من جلسات تجديد عقده ويصر على خوض تجربة الإحتراف من جديد بعد التجربة القصيرة التي خاضها في باوك اليوناني. و سؤالنا هو : هل تعتقد أنه من الأجدى للزمالك في ظل أزمته المالية الحالية أن يضغط على شيكابالا للبقاء مما سيحمل خزينة النادي "المديونة" 24 مليون جنيه يريدها شيكابالا في 4 سنوات اذا إستمر ، أم أنه من الأفضل أن يترك الزمالك شيكابالا و يستفيد من ورائه بمبلغ لن يقل مليوني يورو بحيث يستطيع حل جزء من أزمته المالية و التعاقد مع لاعب مهاري أخر مثل أحمد عيد عبد الملك أو وليد سليمان مع الإعتماد على حسام عرفات و علاء علي و حسين ياسر المحمدي؟.

[ღ Gի๐sτ ღ]

انا شايف انة يبيع شيكابالا لان شيكابالا طالما قال هامشى يبقى هايمشى سواء بالذوق بالعافية هايمشي غصب عن اي حد :d

اما لو باعوة وجابو احمد عيد ووليد سليمان

فاعتقد ان الزمالك لو باعه مش هايجيب وليد سليمان وعيد لان الاتنين دول انديتهم مش عاوزة تسيبهم ولو مثلا انديتهم سابوهم هايروحو عالاهلى علي طول مش عالزمالك :d

بالتوفيق ان شاء الله

[مان مصر]

فى الاول انا اهلاوى فممكن راى ميعجبش كل زملكاوى
الزمالك من غير شيكا مش هيكسب لان شيكا
هو الاعب الوحيد اللى بيوصل خط الوسط بالهجوم
بطريقه مهاريه عاليه والزمالك مش هيعرف
يجيب زى شيكا لان وليد سليمان عايز يلعب للاهلى وكلنا عارفين
واحمد عيد نفس النظام ده راى المتواضع

[ARAGON]

المنطق بيقول انه يحترف
الزمالكاوية عايزينه
الأهلاوية مش ها يتدخلو في الموضوع
بس الزمالكوية في اعتقادهم ان الاهلاوية عايزينه يحترف على اساس انه العقدة ليهم؟
مش عارف ليه مع ان اغلب الماتشات اللي خسرها الزمالك من الاهلي في الفترة الاخيرة
كان فيها شيكابالا
المقابل المادي ها يظبط الزمالك في الفترة الجاية
النهاردة فيه شيكابالا بكرة فيه مين؟؟
احنا ليه مش بنبص لبكرة
ومش بنبص انه فيه لاعيبة ممكن تبقى احسن من شيكابالا بمراحل
~~~~~~~~

في النهاية الامر في ايد الزمالك
ينقذ نفسه من الديون
او يستمر فيها

شكرا ع الموضوع