"اعمل عبيط"

[همسه الجوارح]

بصراحة دة عنوان كتاب للمذيع جمال الشاعر ودة تلخيص قصير وعاوزة ارائكم ممكن في مقدمة إصداره الجديد "اعمل عبيط" الصادر عن الدار المصرية اللبنانية يقول جمال الشاعر "اعمل عبيط وعش سلطان زمانك.. استمع إلى كلام ناظر المدرسة وقل آمين.. غلط صح لا يهم.. هز رأسك موافقاً على كلام السيد المدير العام، حتى وإن غرق المركب وأصبح ستين حتة. اعمل عبيط وانت ترى كشوف الإهدار العظيم للمال العام فى نظام سرقة شرعية.. كله بالقانون.. بالأوراق .. ميرى". يوصى جمال الشاعر المصريين البسطاء قائلا: "اعمل عبيط وأنت ترى مظاهرات السلالم فى نقابات وسط البلد تحاصرها الإحباطات كما لو كانت تحاصر القوات الإسرائيلية فى الثغرة فى السويس، اعمل عبيط حين تمر على مستشفى السرطان وأنت ترى نعوش الموت المجانى يومياً، اعمل عبيط ولا تسأل عن أى تعديل وزارى ولا كيف جاءوا ولا لماذا ذهبوا.. اعمل عبيط وأنت ترى حرب شيوخ الفضائيات ومباريات تسليع الفتاوى وبيزنس الهاتف الإسلامى". "اعمل عبيط وأنت تستمع إلى رجال الأعمال ووزراء المجموعة الاقتصادية وهم يقولون مصر فيها فرص عمل تقدر بعشرات الآلاف ولكن الشباب يفضل الجلوس على المقاهى، اعمل عبيط وأنت تشاهد عمليات تبوير أجود الأراضى الزراعية فى الدلتا ومافيات كردون المبانى يحتفلون بتصريحات وزير الإسكان، كله فى حدود النسبة المعقولة لو وزعنا تعداد السكان على الأراضى الزراعية يبقى كله تمام.. اعمل عبيط وأنت مذهول بأخبار سرقات الآثار وخبر لوحات قصر محمد على فى شبرا.. لا رقيب ولا حسيب..اعمل عبيط وأنت تقرأ أخبار إضرابات ضحايا الخصخصة وغياب العدالة". ". "اعمل عبيط وأنت تقارن بين مرتب شخصين فى نفس المؤسسة الحكومية، أحدهما يتقاضى ثلاثمائة ألف جنيه شهرياً والآخر ثلاثمائة جنيه فقط، اعمل عبيط وأنت تشاهد برامج المطبخ فى التلفزيون وهم يحدثونك عن السمون فيميه والكوردون بلو والطرطوفة والكالمارى، اعمل عبيط واستمتع بحفل البصل والفول المدمس. وتأتى وصيته الأخيرة: "اعمل عبيط تشعر فعلاً أن مصر جنة وهى بالفعل جنة العبيط ومن هنا ورايح لازم تعمل عبيط وتعيش مرتاح وتبقا الحياه حلوه احب اسمع ردودكم وتعليقاتكم للى مقراش الكتاب او اللى يحب يضيف حاجة فى اعمل عبيط لكم منى اغلى التحيه واحلى التحيه لمن هو عمل عبيط

[غالي الأثمان]

واللة كلامة كلة صح بس ازاى نغير الواقع .

مشكوووورة هموسه على هذا التوبيك الجوووناااااااااااااان .

[سندريلا الحب]

اعمل عبيط وأنت مذهول بأخبار سرقات الآثار وخبر لوحات قصر محمد على فى شبرا.. لا رقيب ولا حسيب..اعمل عبيط وأنت تقرأ أخبار إضرابات ضحايا الخصخصة وغياب العدالة

دى اكتر حاجه بتوجع بجد لما اشوف الاثار بتتباع وبتتهرب من غير رقيب
مرسى للوضع
وفعلا عشان تعيش لازم تعمل عبيط

[واد حبيب]

طيب اللي ميعرفش يعمل عبيط يعمل ايه

في حاجات كتير مش من الممكن ان الواحد يعمل فيها عبيط

بس فعلا علشان تعيش مرتاح البال لزم تعمل عبيط

شكرا علي الموضوع الجميل

الحبيب

[همسه الجوارح]

اقتباسالمشاركة الأصلية كتبت بواسطة غالي الأثمانواللة كلامة كلة صح بس ازاى نغير الواقع .

مشكوووورة هموسه على هذا التوبيك الجوووناااااااااااااان .


شكرا لمرورك على موضوعي وهذا شرف لي ووسام على صدري :cv41:

[همسه الجوارح]

اقتباسالمشاركة الأصلية كتبت بواسطة سندريلا الحباعمل عبيط وأنت مذهول بأخبار سرقات الآثار وخبر لوحات قصر محمد على فى شبرا.. لا رقيب ولا حسيب..اعمل عبيط وأنت تقرأ أخبار إضرابات ضحايا الخصخصة وغياب العدالة

دى اكتر حاجه بتوجع بجد لما اشوف الاثار بتتباع وبتتهرب من غير رقيب
مرسى للوضع
وفعلا عشان تعيش لازم تعمل عبيط


شكرا لمرورك على موضوعي وهذا شرف لي ووسام على صدري :Sport-008:

[همسه الجوارح]

اقتباسالمشاركة الأصلية كتبت بواسطة واد حبيبطيب اللي ميعرفش يعمل عبيط يعمل ايه

في حاجات كتير مش من الممكن ان الواحد يعمل فيها عبيط

بس فعلا علشان تعيش مرتاح البال لزم تعمل عبيط

شكرا علي الموضوع الجميل

الحبيب

عادى مش هيلاقى حد يسمعه

تحياتى وخالص شكرى

[Lαzєzα]

اعتقد ان الكلام ده قبل الثوره
الثوره كانت بإيد اللى معملش فيها عبيط
بمعنى اصح اعمل عبيط يعنى ابقى سلبى
ومدام بقيت سلبى ف حاجه هبقى سلبى كده ف كل حاجه
وهتوصل انك تبقى سلبى ف حياتك الشخصيه
الخلاصه مش معاه ف ولا كلمه

تسلم ايدك بنوته

[فرحة]

موضوع
اكثر من رااااااااااائع
شكله كتاب جمييييل انا مش قريته قبل كده

[همسه الجوارح]

اقتباسالمشاركة الأصلية كتبت بواسطة Lαzєzαاعتقد ان الكلام ده قبل الثوره
الثوره كانت بإيد اللى معملش فيها عبيط
بمعنى اصح اعمل عبيط يعنى ابقى سلبى
ومدام بقيت سلبى ف حاجه هبقى سلبى كده ف كل حاجه
وهتوصل انك تبقى سلبى ف حياتك الشخصيه
الخلاصه مش معاه ف ولا كلمه

تسلم ايدك بنوته


اشكرك اختى على الرائ الجميل ده

تحياتى وخال شكرى