نكت وفكاهات الثورات العربية .... هههههههه

[شاب ملوش حل]

نكت وفكاهات الثورات العربية .... هههههههه

ارتبطت النكته والفكاهه بالثورات العربية التي بدات بتونس ثم مصر ثم ليبيا واليمن ،وكما يقولون :

أنّ "شرّ البلية ما يضحك"، تظلّ النكات حاضرة رغم فداحة الواقع. وكلما كان الواقع عبثياً، نجد الطرفة مادة أوّلية لرفع الروح المعنوية. ومهما كانت الظروف فالشعب المصري يجتازها ويتغلب عليها وقد وجدوا في ثورتهم ضد الرئيس محمد حسني مبارك فرصة غير مسبوقة للترويح عن أنفسهم ومنها:

إن حكومة مصر استدعت الدكتور الربيعان لفصل مبارك عن كرسي الرئاسة باعتبار الدكتور الربيعة أشهر طبيب عربي متخصص في فصل التوائم.

إن رئيس البرلمان المصري فتحي سرور طلب من الرئيس حسني مبارك كتابة رسالة وداع للشعب المصري لكن مبارك رد عليه قائلاً "الشعب المصري رايح فين".

صعيدي مصري دخل عالم النكت عندما رد على من سأله من : ماذا سنفعل بعد الإطاحة بمبارك قائلا : سوف نلعب مباريات النهائية مع تونس.

اتصل مبارك بإحدى الإذاعات، برنامج "ما يطلبه المستمعون" وأهدى إلى شعبه من على الأثير أغنية "أخاصمك آه.... أسيبك لا".

اتصل أمس، مبارك بزين العابدين بن علي وقال له : " ألو وحياة أبوك إذا بتنام بدري خبيلي المفتاح تحت الباب"!

المصريون.. هلكوا القذافي.. قصفوه بالسخرية فدكوا مواقعه وحصونه، ولعل من بين أقوى التصريحات التي خرجت بحق القذافي، تلك التي نقلتها وسائل إعلام عن الفنانة إسعاد يونس، والتي قالت فيها: "لا لقتل القذافي أو إعدامه.. عايزينه في قفص قزاز صاحي ومعاه سباطة موز وميكروفون.. أمال حانتسلى بإيه في رمضان؟".

غير أن من بين التعليقات التي انتشرت على الفيسبوك ما ذكره أحدهما: "عزيزي معمر القذافي بالنسبة لمقولتك: أنا لست رئيسا ورجلا عاديا حتى يتم قتلي بالسم.. الرجل العنكبوت مثلا؟"

ومن التعليقات

§ معا للحفاظ على القذافي كتراث إنساني .. وأنا وقفت حشيش وبضرب حبوب هلوسة ماركة "القذافي".

§ أشهر صفحات القذافي: الراجل اللي جاب الميه للقذافي والذبابة التي هبلت القذافي و"الصوت اللي بيزيق في مكالمة القذافي" و"المذيع اللي مكنش عارف يضحك والقذافي ع التليفون".

وحول ظهوره السريع وهو يحمل شمسية، انتشرت النكات، ومنها نقتطف لكم:

- نبأ عاجل: القذافي لن أتنحى حتى أسدد أقساط التوك توك.

- سائقو التوك توك يشكرون العقيد بعد أن ظهر بالتوك توك مرتين كإعلان مجاني.

- طيب القذافي قال خطاب وسيف هيقول خطاب طيب واخواته وأمه محدش عاوز يقول حاجة؟.

- معا للحفاظ على القذافي كتراث أنساني.

- القذافي يغير علم ليبيا إلى علم ازرق مكتوب عليه "العين صابتني و رب العرش نجاني".

- القذافي: سأظل في ليبيا إلى أن أموت أو يوافيني الأجل.

- القذافي يرفض حظر التجول تعاطفاً مع الناس اللي عندهم تجول لا إرادي.

أبرز التعليقات التي كتبت عبر تويتر، نوردها فيما يلي مع أسماء كاتبيها:

"قال الرئيس مبارك إنه يخطط لترشيح نفسه لرئاسة تونس.. ما دفع ملايين التونسيين إلى المطالبة بعودة زين العابدين بن على

: "الشعب المصري يوجه كلمة لرئيسه المخلوع... ياااااااه ... أخيرا فهمتنا".

"يا معشر الزعماء العرب... الثورة عليكم ورحمة الله وبركاته".

"في مثل هذا اليوم ...اخترع توماس أديسون المصباح الكهربائي.. واليوم.. الشعب المصري أضاء هذا المصباح".

: "من النهارده.. دي بلدك انت.. ماترميش زبالة.. ما تكسرش اشارة.. ما تدفعش رشوة.. ما تزورش ورقة.. ابدأ التغيير الذي تريده أنت".

d: "رئيس سابق يبحث عن وظيفة .. خبرة في إنشاء الكباري متعددة الطوابق.. والمعتقلات شديدة الوحشية.. ولديه قدرة خاصة على التناحة".

أما على موقع فيسبوك، فقد تم إطلاق صفحة خاصة حول "خفة دم الشعب المصري في المظاهرات"، وورد فيها:

§ "من أفلام الثورة: مبارك في الزنزانة - يا انا يا حسني - الواد عز بتاع الرئيس - مبارك شيكا بيكا - إنها حقا أجندة محترمة - خالتي أجنده - تيمور وحسني - شورت وأجندة وكاب - حسنيكانو - وبلطجية في كي جي تو - المرأة والدستور - مطب رئاسي - اللي بالي ماشي - اللعب مع الاخوان - نحيني شكرا - يادنيا ياحرامي - حب في الدبابة - مع دخول المسرحية الكوميدية "امشي يا حسني لا مش ماشي" موسمها الثلاثين بنجاح ساحق".

§ "أكبر فرق بين التلفزيون المصري وسبيس تون؟ أن التلفزيون المصري لا بيسابق ولا بيلاحق، إنما سبيس تون فيه سابق ولاحق".

§ "مفاجأة مدهشة : كل الأجيال راحت الجيش، احنا الجيل اللي الجيش جاله".

§ "عقد الريس جلسة مع وزير الداخلية السابق حبيب العدلي، قا له محتدا : منعت الحشيش يا فالح أهو الشعب صحصح".

وإليكم بعض هذه النكات:

- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!

- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!

- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.

- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟.

- "بلطجي" لقناة العربية: العيال بيرموا علينا قنابل "بلوتوث".

- شهود عيان فى أروقة وزارة التربية والتعليم تفيد بأنه قد تم تأجيل امتحانات الدور التاني إلى أجل غير مسمى، معللة هذا بأن النظام سقط وعاوز وقت عشان يلحق يذاكر.

أما من الشعارات التي حملها المتظاهرون المعتصمون في ميدان التحرير، فلعل من بين أبرزها:

- رابطة نجاري مصر يسألون الأسطى مبارك: "ما نوع الغراء الذي تستخدمه؟".

- ارحل.. الولية عاوزة تولد والولد مش عايز يشوفك.

- ارحل عاوز أتجوز.

- ارحل مراتي وحشتني.. متزوج من 20 يوم.

- ده لو كان عفريت كان طلع.

- لو ما استحمتش النهاردة في بيتنا.. هاستحمى يوم الجمعة في قصر الرياسة.

وأضافت: "أحد المتظاهرين في ميدان التحرير بالقاهرة بدا عليه الإجهاد وهو يحمل لافتة كتب عليها 'ارحل بقى.. إيدي وجعتني".

تحسبًا لأي إحتجاجات ومظاهرات مفاجئة في سوريا ، اعتقلت السلطات السورية جميع المواطنين.

اطل مبارك من الشرفة ثم التفت الى نائبه عمر سليمان وقالـ له: هو الشعب المصري اللي في الخارج بيهتف بيقول ايه ؟ فرد عليه سليمان : الشعب جاء عشان يودعك ياسيادة الرئيس ! ! ! رد مبارك فورا : ليه ؟ هو الشعب عايز يرحل ويروح فين؟.

.

يالا كلنا نشوف نكت الثورة :

إبليس شاف الـ 3 ملايين بيصلوا الجمعة في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!.

بعد ثورة مصر وتونس يوم الجمعة ، القذافي قرر إلغاء صلاة الجمعة في ليبيا!

السلام الجديد بين الزعماء العرب هو "الثورة عليكم ورحمة الله وبركاته" !

زين العابدين لما عرف بعت رسالة لمبارك يقوله له فيها : متنساش تجيب دراع البليستيشن معاك – رد مبارك قائلا : لا تعايرنى ولا أعايرك الشعب خالعنى وخالعك.

سألوا الرئيس عن رأيه في التغيير، قال : التغيير ده سنة الحياة . قالوا :طب وسياتك مش هتتغير؟ قال : يا جماعة أنا فرض مش سنة.

وكتب آخرون تعليقا يقول : (حسني مبارك "آسف على الازعاج" انت عملت أكبر "مطب صناعي" في تاريخ مصر والله إنت "وش إجرام" وطول عمرك "دبور" ودلوقتي جالك "زهايمر" باختصار إنت " محترم إلا ربع" كل الشعب بقى ينادي "جعلتني مجرمًا" وعملت الحلو "عسل إسود" ومن السجون "العيال هربت" سرقت من عيونا " الفرح" إنت فاكر مصر "كباريه" وعامل فيها "الزعيم" وكنا نقول يا عم عديها "حين ميسـره... " "ليه.. يا دنيا" "هي فوضى" باختصار حسني مبارك . "طير إنت") .

كل النكت دى التى تسمى نكت الثورة تدل على خفة دم الشعب المصري وأن الشعب المصري شعب عاطفي من الدرجة الأولى برغم كل تلك الأزمات والأحداث التى حدثت من قوات الامن خاصة فى ميدان التحرير والإعتداء على المتظاهرين بالقنابل المسيلة للدموع وقنابل الملوتوف ,أو "البلوتوث" على رأى البلطجى اللي سألته مراسلة الجزيرة .!!!

يعني إية كوك زيرو: يعنى مصر وتونس تتظاهر والجزائر هى اللى تنهى قانون الطوارئ والأردن هى اللي تمنع التوريث واليمن هى اللي تغير الحكومه ، ومبارك لسه لازق.

واحد بيكلم الجزيرة من ميدان التحرير غضبان جداً بيقولهم بقالى 11 يوم فى الميدان و لسه لحد دلوقتى ما اخدتش اجنده.

يعنى ايه كوك زيرو...؟ يعنى تبقى واقف فى اللجنه الشعبيه بتحشش و يجى البوكس تقوم تفتشه

أفلام جيل الثورة:

أبي فوق الدبابة... عودة النت... المندس والأجندة... الرصاصة المطاطية لاتزال في جيبي... في بيتنا بلطجية... كيف تصرف العفريت... .جاءنا الرئيس التالي... نحن لا نرمى المولوتوف... مهمه في ميدان التحرير... الريس عمر سليمان... حرميه في لندن... البحث عن دستور... البلد دي ما فيهاش حكومة .... القاهرة 25 .... ليلة القبض على عز...

مش عارف بقى هايعملوا إيه لو جمعة الرحيل ماجبتش نتيجة...... يعملوا بقى "سبت الخلاص". و "أحد الصمود" و "إثنين الإطاحة" و "ثلاثاء الإرادة" و "أربعاء التصميم" و "خميس الإعتصام" و "جمعة الوداع" و نضرب لنا أسبوع كمان يعملوا فيه "سبت الضياع" و"أحد الزهق" و "إثنين الفضا" و "ثلاثاء الخفة" و"أربعاء اللذاذة" و"خميس اللطافة".... أصل إحنا فاضيين...

هذه عينة من مئات النكات التي تبادلها المصريون قبل وبعد خلع الرئيس مبارك في ثورتهم الشعبية، بخلاف آلاف الرسائل والإفيهات واللافتات الطريفة عن خلع حسني مبارك علي فيس بوك وتويتر ولافتات التحرير، بعدما اعتادوا علي السخرية وإطلاق النكات في كافة المناسبات السعيدة وحتى الحزينة .

وكان مصريون رفعوا بدورهم لافتات طريفة خلال الثورة وعقب تنحي مبارك في ميدان التحرير أشهرها لافتة تقول (إرجع ياريس كنا بنهزر معاك .. الكاميرا الخفية!!).

وتعقيباً على الاتهامات بوجود أجندة لدى المعتصمين في ميدان التحرير، ومندسين من الخارج بينهم، سخر البعض بما وصفوه بـ"نشيد الأجندة"، الذي يقول:أنا مندس.. أنا مندس، هاتلي أجندة ووجبة وبس .. من هارديز أو من كنتاكي، هاتلي وجبة دينر بوكس أو سوبر زنجر من غير خس .. هاتلي أجندة من الفجالة اعمل بيها بيها ثورة في مصر . أنا مندس.. أنا مندس، وكل الشعب كمان مندس ..كل الناس هنا مش عايزينك، وإنت يا حسني مش بتحس

.. كل فضايحك، كل جرايمك، كلو موجود على ويكيليكس .. أنا مندس.. انا مندس، عندي أجندة مستر إكس " !.

"ردا على يوم جمعة الغضب ويوم احد الشهداء واسبوع الصمود اعلن الرئيس حسني مبارك انه قرر التنحي يوم القيامة".

المصابون في ميدان التحرير أصبحوا مصدر إعجاب الفتيات حيث أصبح كل مصاب في المظاهرة يجد أمامه متسعا من الحديث عن بطولاته في مقاومة البلطجية ورجال الأمن مما يجعله فارس أحلام الكثيرات وينتشر على كوبري قصر النيل عدد من الثوار ورؤوسهم ملفوفة بالشاش والضمادات أثناء ساعات الهدنة بينما تحيط بهم عدد من الفتيات يستمعن لحسن بلائهم في ساحة القتال.

- واحد بيسأل الثاني إذا انتصرنا عالحكومة وفزنا عليهم حيحصل إيه ؟رد عليه الثاني : حنلعب مع تونس ع النهائي.

- يعني ايه كوكا زيرو: الشعب مستني خطاب مبارك.. يقوم أوباما يخطب.

- رسالة من تلميذ مصري إلى ميدان التحرير: بخصوص الثورة اللي شغالة عندكم لا تنسوا أنها ستدخل في مادة التاريخ وإحنا اللي بنحفظ فاختصروا من فضلكم.

- مواطن مصري قال للآخر: الرئيس حسني مبارك خطفوه الفدية 5 ملايين، ولو الدية ما ادفعتش.. الخاطفين هددوا يدلقوا عليه بنزين ويحرقوه وإحنا بنجمع تبرعات.. تحب تشارك؟ الرجل سأل: "وفي المتوسط الناس بتتبرع بكام".. الرجل الثاني: "من 5 إلى 10لتر بنزين".

- عاجل: سيتم انتقال السلطة بشكل سلمي وجدول زمني محدد.. الجدول هو: الرئيس يحكم حد وتلات وخميس.. عمر سليمان سبت وأربع ويوم الجمعة مرة شفيق ومرة الشعب اللي يصحى الأول.

- من ميدان التحرير إلى الإخوة الأشقاء العرب، في حد مضايقكم تاني نخلعه قبل ما نترك الميدان.

- بيقولك الشباب في التحرير مختلف مع بعض علشان فيه ناس معاهم أجندات 2010 وناس معاها أجندات 2011 ده غير الإخوان اللي معاهم أجندات بالتقويم الهجري.

- خبر عاجل: الريس.. إيه الأخبار يا عمر؟ قاله له: كله تمام يا ريس.. بعنا المصانع وبعنا الشركات وهربنا الآثار... وحولنا الفلوس بره.. ومش فاضل غير الشعب.. الريس: كويس كده... انقل المسلمين السعودية.. والمسيحيين أمريكا.. واقفل وهات المفتاح وتعالى.

- خبر عاجل: قطع جزء من جسد حسني مبارك وذلك أثناء عملية فصله عن الكرسي أرجو الدعاء بالشفاء العاجل.

- عاجل جداً: البيان الجمهوري تقرر تغيير كرسي الرئاسة لـ"كرسي تيفال" علشان ما حدش يلزق فيه.

- المادة 534: إذا مات الرئيس يتم تشكيل لجنة لتحضير روحه لإدارة المرحلة الانتقالية.

- المادة 535: إذا فشل تحضير روح الرئيس تلغى الدولة ويلغى الدستور ويوزع الشعب على الدول المجاورة.

- إلى كل المعترضين على ميدان التحرير وكل المتعاطفين مع حسني مبارك واللي بيعتبروه باباهم ياريت تكتبوا اساميكم في ورقة علشان لما النظام يتغير حانلمكم في مستعمرة ونمشي عليكم النظام القديم.

- الرئيس الليبي معمر القذافي في لقاء تليفزيوني قبل قليل: المرأة لازم تأخذ حقوقها سواء كانت ذكر أو أنثى.

- مبارك لعمر سليمان: إيه أخبار الشعب بعد الغلاء؟ قاله: الشعب بياكل زفت يا ريس.. قاله: غلي الزفت.

- القذافي: معلقاً على الأحداث في مصر: "ياما نصحتو خليك مع شعبك مخدش بنصيحتي".

- تم تغيير النشيد الوطني المصري وأصبح: بلادو بلادو بلادوو... مصر لحسني وولادو!!!!

- بعد خشيته من اتهامه بمحاولة توريث الحكم. القذافي يتبرأ من سيف الإسلام: "دا مش ابني ولا أعرفه".

- مبارك طلب يترشح تاني للرئاسة، قالوا له: إنت أهبل؟ قال: يعني لازم الشرط ده.

- أسواق جدة بعد سنتين: نواز شريف للأحذية.. صالن زين العابدين للحلاقة.. مخابز وتموينات حسني مبارك.. القذافي للخيام وبيوت الشعر.. بشار للكبة والفتوش.. حريري كوفي شوب.. عمر البشير دوكو السيارات.. مؤسسة بوتفليقة للجبس والرخام.

- ليبي لقى فانوس سحري.. فرك.. فرك.. طلعلو القذافي.. قالوا شبيك لبيك.. عمروا.. بين أيدك.. قلو أرجع تاني وعيب علي لو طلبت منك حاجة.

- مرة حسني مبارك راح مدرسة ابتدائي فلما جت فترة الأسئلة ولد رفع إيده.. مبارك سأله أسمك إيه؟ فقاله: رامي.. فقاله: إيه سؤالك يا رامي؟ أنا عندي 4 أسئلة:

1- ليه إنت رئيس بقالك 30سنة؟

2- ليه معينتش نائب؟

3- ليه أولادك ماسكين كل حاجة في البلد؟

4- ليه مصر حالتها الاقتصادية زفت وإنت مبتعملش حاجة؟

ساعتها بالضبط رن جرس الراحة وبعد الراحة رجع مبارك وقال: إحنا كنا فين بقى؟ مين عنده سؤال؟

ولد صغير تاني رفع إيده فمبارك سأله: اسمك إيه؟ قال: تامر.. فقاله: سؤالك إيه يا تامر؟

تامر: أنا عندي 6 أسئلة:

1- إنت رئيس بقالك 30سنة؟

2- ليه معينتش نائب؟

3- ليه أولادك ماسكين كل حاجة في البلد؟

4- ليه مصر حالتها الاقتصادية زفت وإنت مبتعملش حاجة؟

5- ليه جرس الراحة رن ربع ساعة بدري؟

6- فين رامي!!!

- كان في سرير المرض حينما أخذ يلقي بوصاياه الأخيرة لوزيره نظيف: وصيتك الحكم من بعدي يا أحمد.. في رقبتي يا ريس.. كله تمام والسلطة هياخدها جمال.. "ثم راح في غيبوبة.. أفاق منها بعد قليل".. وصيتك الشعب من بعدي يا أحمد.. ما تخافش يا ريس.. الشعب يآكل الزلط.. "ثم راح في غيبوبة.. أفاق بعد قليل".. أحمد.. نعم يا ريس.. ماتنساش.. توكيل الزلط لعلاء!!

- .

- .

- مرة واحد ركب تاكسي لقى السواق معلق في العربية صور جمال عبد الناصر وأنور السادات وحسني مبارك.. الراجل استغرب.. سأل السواق: مين اللي أنت معلق صورهم عندك.. قاله: دا جمال عبد الناصر الزعيم المصري الراحل.. ودا أنور السادات قائد حركة السلام والأمن في البلد.. ودا حسني مبارك أبو علاء شريكي في التاكسي.

[مان مصر]

ههههههههههههه جمدين
اخر 3 حاجات
تسلم الايادى

[شاب ملوش حل]

هههههههههههههههه

تســلم للاختيار يا مان

نورت التوبيك

[بلدنا في القلوب متشاله]

موضوع جميييل

[محمد خطاب]

صووووووورة جااااااااااااااامدة جدا جدا

موضوع مميز جدا جدا ,,,

[lamar khalifa]

صووووووورة جااااااااااااااامدة جدا جدا

[moonnor]

هههههههههههههههههههههههههههههه
صورة تحححححححفة اوى

ثثثثثثثثثثثثثثثثثانكييييييوا

[همس ايمان]

تسلم ايدك

فعلا كلها بتعبر عن حالنا وحال باقى الشعوب العربية اللى بتنادى بالحرية

ربنا معانا ان شاء الله