الحلقة السادسة من (المنتدى نور) مع (كوين ميرو),,

[SiLver Spectra]

حلقة مع ضيفة مميزة
ان شاء الله تعجبكم ,,


الملكة ميرو
عرفينا باسمك الاول و سنك و مكان اقامتك؟
اسمى مارى وسنى 24 سنه ومقيمه فى القاهره

ليه اختارتي الملكة ميرو؟

من وانا صغيره كنت بعشق القصص الرومانسيه
ودايمآ كنت بتخيل نفسى ملكه او اميره من ابطال القصص دى
وحبيت احقق حلمى ده باختيارى للاسم ده
ملاحظك اتاثرتي جامد من الاحداث الاخيرة و كتبتي موضوع قوي ,, حاسه انك راضية بالاجراءات المتبعة بعد احداث الفتنة؟

اولا الاحداث الاخيره اثرت فى كل المصرين بوجه عام

والميسحين اللى انا منهم بوجه خاص المفروض اننا على اعتاب

صناعه مصر جديده مصر مليانه حريه وامان وتقدم ووحده

نعوض بيها سنين قهر واستبداد بس اتفاجئت اننا ماشين من سئ لاسوء

وده طبعا شئ احزنى جدااااااااااااااااا

بنسبه للاجراءت المتبعه ممكن تقولى هى فين استاذى الفاضل

من امتى يكون دور جيش مصر العظيم عمل جلسات مصالحه عرفيه

احنا دلوقتى فى امس الحاجه لضرب بيد من حديد على عنق كل من

يفكر فى تهديد امن مصر لكن الجيش اضاع هيبته وهيبه مصر

وادخلنا بيده فى دومات الفتنه التى نمر بيها الان

عند تقعصه عن تقديم الجناه للمحاكمه من اول هجوم حدث

ولاسف هذا لما يحدث واكتفى ببناء الكنيسه فى وقت قياسى

لكن هذا لم يقضى على روساء الفساد ممن يبسون الفتنه فى اذان الشعب المصرى

مستغلين طبيعتنا كاشعب مصرى متدين

شايفه مين السبب فيها؟

مش هقدر اقول شخص بعينه الحقيقه هى عده اشخاص ومنظمات

على راسهم السلفين طبعا لانهم المحرك الاساسى فى احدث الفتنه الاخيره

ويليهم المجلس الاعلى للقوات المسلحه لتقعصه عن رد الفساد على الفاسدين

ومحاكمتهم واود الفتنه فى مهدها

ويجى بعدين دورنا احنا كاشعب يملك ارض خصبه لتداول الاشاعات دون التفكير

بمنطقيه طالما اشاعه تمس الدين وللاسف الاغلبيه العظمى فى مصر انصاف جهلاء
حقيقى الاسباب كتير ده جزء بسيط منها

عرفت انك بتتبني الفكر الليبرالي
تقدري توضحي للناس المقصود من الليبرالية لأن البعض بيقول انه فكر تشددي ؟

من اساسيات الفكر الليبرالي ‬أن ‬يعطي ‬الانسان حرية الفكر ان كان دينياً ‬او سياسياً ‬او اقتصادي او اجتماعياً، ‬ومن اساسياته ايضا انه ‬يعطيك حرية ارتداء الملابس التي ‬يراها الرجل او المرأة مناسبة له ‬وايضا حرية اختيار ما ‬يريده لنفسه او لحياته.‬
وهذا ما نراه في ‬بداية تمسكنا بالفكر الليبرالي ‬بأنه لا ‬يخالف ايضاً ‬معتقداتنا الاساسية في ‬الدين.‬
لكن المشكلة لم تكن في ‬الاشخاص الذين تبنو ‬الفكر الليبرالي ‬عن قناعة وعلم بل كانت المشكلة في ‬نوعين من الناس
النوع الاول الذي ‬نسب نفسه لليبرالية لأنه ‬يريد ان ‬يتحرر من اخلاقه او ليخالف المجتمع المحافظ الذي ‬يعيش فيه.‬
النوع الثاني ‬هو الاسلامي الذي ‬لا ‬يريد ان ‬يجد فكر ‬يعطي ‬أحد ‬حرية الاختيار ويريده مسيراً ‬لا مخيراً ‬في ‬كل أمور حياته.‬
يريدك ان تصوت لمن ‬يريدون هم وان لم تصوت لمن ‬يريدون تكن عاصياً ‬لله ‬ومخالفاً ‬لتعاليم الاسلام، ‬وايضا ‬يجب عليك ارتداء لباس معين لا تخرج عنه، ‬فلمجرد ان ‬يكون لك رأي ‬خاص ‬يزداد عنادهم وحربهم للشخص وللفكر الليبرالي ‬لأنه ‬يعلم بأن الحرية التي ‬اعطيت للناس اتت من خلال الفكر الليبرالي ‬الذي ‬علم الناس بأن لهم حرية ويجب ان ‬يتمسكوا بها
هؤلاء هم من حارب الفكر الليبرالي ‬وشوهوا حقيقته امام من ‬يجهل الكثير عن حقيقة واساسيات الفكر الليبرالي

هيكون ليه موضوع عن الليبرالية قريب لان في فهم خاطئ ليها ,,او عدم معرفة لأنه فكر لا يعارض الدين و بتقدر تضيف له ضوابط كما تشاء

طيب ,,مين من الشخصيات الي جذبتك للفكر الليبرالي؟
فى بدايه الامر كان البرادعى وبعدين قريتى عن الفكر الليبرالى

وبعض الاصدقاء الشخصين

انتي مسجلة في أواخر 2010 تقريبا
ايه الي شدك للمنتدى ؟
الروح اللى فى هى اللى شدتنى للاشتراك فى

ايه سبب انقطاعك عنه فترة؟
ظروف شخصيه

مين من الاعضاء بيعجبك كتاباته و تفكيره؟
كتير ميشو وقلم وسكره واحمد الحلو
وبحر ولكن وفرح

ليكي منتديات سابقة شاركتي فيها؟
اها ليا طبعا
ايه عيوب المنتدى حسب وجهة نظرك؟
الحقيقه انا مش شايفه فى عيوب اعضاء ماشاء الله عليهم

ناشيطين ومهتمين بيه وبيقدموه على اكمل وجهه

استغربتي من الاستضافة؟
بصراحه اه

اي شيء حابة تضيفيه؟

رساله اوجهه لكل شباب وبنات مصر

مصر مش هتبقى احلى غير بينا لازم نكون قد المسئوليه

لازم نقضى على الافكار المغلوطه اللى انتشرت

لازم نكون شعب واعى نسيج واحد لاننا كلنا فى مركب واحد

يانغرق سوا يانعدى بامان من العاصفه الشديده اللى بنمر بيها كلنا

وربنا يحافظ علينا كلنا

حقيقى بشكر حضرتك انك اتحت ليا الفرصه اتكلم

واقول كل اللى جوايا فى وقت انا محتاجه ده جدآ فيه
شكرآ

العفو و شكرا لقبولك الاستضافة و صراحتك معانا
و نمتنالك التوفيق و تستمري دائما في تواجدك

[misho]

ماري منورة الحلقة
والاحداث الاخيرة خلت مصر بعيدة تماما
عن الامان والطمأنينة وبقي الكل خايف و قلقان
اللي عمل كدة لا مسلم ولا مسيحي
دة انسان مريض عايز تفكيره هو بس اللي يسود
و محدش يرضي باللي حصل دة و لازم يكون فيه رد
ورد قوي كمان من الجيش زي ما انتي قلتي
حلقة جميلة جدا مع انسانة اجمل
منورة يا قمري

[ĶǎnDO̳̿uChǎ ツ]

حلقهـــــــــــــــــ -جامدهـــــــــــــــــــ

اووووووي بجد يا دوكــــــــــــــــــــ

ضيفه جميلهـــــــــ

منورانـــــــــــا في المنتدى يا ميرووو

و نتمنى تفضلي معانــــــــا

ثانكس يا كبير على الحلقهـ

[~♥ Queen sozan♥~]

مارى اهلا بيكى معانا فى المنتدى
واجباتكـ بدل على شخصيتكــ

واهلا بيكى مرة تانية

ومنتحرمش من تواجدك الدائم

[رووكه]

بصراحه وضع مصر كله اتقلب حاله راسا على عقب

وفيه فعلا ناس كل همها انها تعمل فتنا بنا وبين اخوانا المسيحين

بس اكيد هما فهمين ان المسلمين ايديهم مع المسيحين يعنى ايد وحده

والغرض هو بناء مصر زى مقولتى يا مارى
وربنا يصلح حال مصر
ويقدرنا على اللى جاى امين

بجد انا اتشرفت بمعرفتك ووجودك هنا وسطنا يزدنا شرف

حلقه جميله وضيفه فى منتهى العقل والاخلاق نورتينا

تسلم ايديك يا طارق ودائما ضيوفك توب

[yasmine refat]

حلقه كويسه جدا ياطارق

وطبعا من حقك انك تتمسكي بالفكر اليبرالي مع الشيء الي بيحصل ده

بس مش كل الاسلامين فكرهم واحد ولا توجهم واحد للاسف في حركه دنيه متجهة للتشدد والانغلاق واصبح في فجوه

نشات عنها جيل متشدد وشخصيا بشوف شخصيات اسلاميه كتير منغلقه وفي عصر غير العصر

اما عن الفكر الليبرالي فهو اجتهاد افراد وفي ايجابيات كتير بس مايمنعش ان الفكر الاسلامي بامكانو بكون معتدل ويحتوي جميع الاطراف

عموما الي حصل سببه الجهل بشكل كبير وده تلاقي في كل مكان فلو اصبح الامر في ايد الجهلاء الدنيا خربت

عموما منوره المنتدى اخت لينا

حلوه الحلقه ياطارق

[ساحر الأحزان]

حلقة جميلة افاضت بها العضوة عن احداث تدور

وقالت فيها رائيها بكل صراحة

محنا طول عمرنا

احنا واخوانا فى امان الله


لماذا يحدث كل ذلك فى ذلك الوقت


ولمصلحة من اشعال تلك الفتنة

واختراق نسيج الوطن


نتمنى من الله السلامة لتلك البلد

التى انهكها تلك الاحداث

[دمعه حائره]

استضافه جميله يادكتور
ومارى اهلا بيكى نورتى المنتدى ويارب تقضى اسعد الاوقات معانا
وتفيدى وتستفيدى حبيبتى فى انتظارك مشاركاتك فى كل الاقسام
تحياتى

[Mo7aMeD Lotfy]

منوره يا مارى المنتدى والدنيا كلها

ربنا يوفقك يا غاليه وتفضلى معانا بالمنتدى على طول

ونستفيد من مجهودك وتستفيدى مننا

منووووره يا مارى بين اخواتك واسرتك التانيه

استضافه جميله يا طارق

بالتووووووفيق

[Lαzєzα]

ضيفه زى العسل
وشور منوره المنتدى
بس ليا تعليق صغنون كده

شايفه مين السبب فيها؟

مش هقدر اقول شخص بعينه الحقيقه هى عده اشخاص ومنظمات

على راسهم السلفين طبعا لانهم المحرك الاساسى فى احدث الفتنه الاخيره


سلفيين؟
عايزه اقولك بس
ان مش كل واحد واحد بجلباب ابيض ومقصر ثوبه وبدقن يبقى سلفى؟
مالهم السلفيين بالفتنه الطائفيه ؟
للاسف فكره الاعلام بيحاول يدخلها دماغنا
مش هكدب عليكى
واقولك مثلا ان مفيش متشديين ف السلفيين
اكيد فيه
بس هو مفيش مسيحيين متشديين مثلا؟
اكيد فيه
اى فئه ف المجتمع قيها الحلو والوحش
فبلاش فكره التعميم

واللى حصل ف مصر
مش يقبله مصرى
سواء مسلم (سلفى -اخوانى -ليبرالى الخ)او مسيحى
بس للاسف الاعلام عايز يدبسها ف السلفيين
وبيحاول يوصل للفكره دى للناس
وزى مانتى قولتى معظم الشعب المصرى انصاف جهلاء
وبيعتمد ف كلامه ع الاعلام المصرى اللى هو شغال بمزاجه وع حسب فكره

طولتى عليكى عارفه انا
بس حبيت اعلق ع الجمله دى