ندوة (الثلاثاء)* ندوه مفتوحة للجميع

[حنـــــون]

فكره كويسه جدا طبعا ياهمس
هو الحاجه الى بتحيرنى اوى وتخلينى اتوه وسط كل المشاكل دى
وابئه مش عارفه اذا الى بيحصل دا حقيقى ونابع من داخل المجتمع ولا مجرد
ناس يهمها الفتن دى تزيد والوضع يكون مش مستقر ودايما يكون مشتعل
هو احنا فعلا مجتمع عنصرى ودايما بيفضل ابن ملته عن ابن بلده
احنا فعلا كامسلمين شايفين اننا الافضل وهل المسحين شايفين العكس
حاجه محيره والله لما حصلت احداث يناير تلاقى المسيحى يدافع عن المسلم ويحميه وهو بيصلى
والمسلم نفس الحكايه
وبمجرد ما تخلص الثوره نرجع لنفس الفكر ونفس الاسلوب
كاننا كنا بندافع عن وطن وناس تانين غير وطنا ومجتمعنا
مش عارفه ليه انا شايفه ان السبب الاكبر فى الى بيحصل دا هما رجال الدين سؤا كانوا مسحين او مسلمين !!
يعنى لو رجل دين مسلم طلعلى من دينا حاجه واحده بس بتدعوا لعداوه المسحين او عداوه اى حد لمجرد انو مش مسلم زى يبئه احنا بئه ما نعرفش دينا ويبئه هو مايستحقش انو يطلق عليه رجل دين
ازى بننسب للاسلامنا وعقدتنا اشياء هو اصلا نهى عنها ليه بندخل فى عقول الغير مسلمين ان الدين الاسلامى دا عنصرى اذا كان الرسول ايام الهجره من مكه للمدينه كانت اول حاجه عملها هيا المحافظه على حقوق المواطنه يعنى ما دخلش بئه طرد اليهود وقال مالهمش مكان بينا بالعكس سبهم وكمان اتكفل بحمايته وسابهم يمارسوا شعائر دينهم
ازى احنا بئه واحنا دينا اصلا بيدعو للتسامح والحب والسلام نشوه صورته ونخليه فى عيون الناس
دين عنصرى وهو فى الاصل بيقول ان لا اكره فى الدين وان لكم دينكم وليا دين
المفروض ان كلنا مصرين مش مسلمين ومسحين مصــــــــــــــــــــــــــــــــــــرين

[SiLver Spectra]

تيجي نقلبها اتجاه معاكس و نضرب بعض
انا هضرب حنون عشان عضلات احمد هههههههههههه

بص يا احمد
أنا شخصيا ضد نظريات المؤامرة و الفلول و غيرها
الفلول اخر حاجه عملها كانت موقعة الجمل ,,لما كان لسه ليهم سلطة و نفوذ
مجرد ما السلطة بتروح بينتهى كل شيء
لان دول ناس ايمانهم كان ببقاء السلطة ,,مش بالدين مثلا لان الدين قائم و لا يسقط

المجتمع فيه مشاكل ماحدش يقدر ينكر و لا حد يقدر يخلي المجتمع مثالي
لان مافيش مجتمع مثالي
بس على الاقل مايكونش في فتنة و سفك دماء و عنصرية
بس مش مطلوب حاجه تانيه

أنا مش مع التهويل
انا عارف انهم واخدين حقوقهم و زي الفل و معانا في الكلية و في الشغل و في كل حته
و بنعاملهم عادي جدا ,,
لكن في نفس الوقت انا ضد الاستخفاف بالقضية و التقليل من شأنها
لان دا هيخلينا كل مره نعاني من نفس القصة مع اختلاف الاسماء
كاميليا ,,عبير,,اسماء ,,عنايات ,,الخ

أنا حاولت افسر بوجهة نظري المقتنع بيها ,,هي مش من تاليفي ,,لكن شوفت تقرير عن حالات تغيير الديانة بسبب الطلاق ,,و شوفت كاميليا و عبير ,,و تيقنت منها
و طبعا في اسباب اخرى زس ما بيحصل في الصعيد و اسكندرية ,,بتكون تحرش او زنى او غيره

ربنا يصلح حال البلد
التعلم بيجي من الاخطاء ,,فلازم ندرك الاخطاء كلنا و نبعد عن التعصب و شحن النفوس

[حنـــــون]

صح كدا ما هيا دى الفكره
احنا لما ما بنلاقيش حل لاى مشكله عندنا
بنقلبها اتجاه معاكس هههههههه
هيا فكره المؤمره وان اى حاجه بتحصل بنعلقها على الشماعه دى
ان مش بحبها ومش دايما اول ما تحصل حاجه تفكيرى يروح ليها
بس الفتنه بين المجتمع الواحد طول عمرها بتحركها ناس هتستفاد منها
يعنى هو كل ما يحصل حاجه بين المسلمين والمسحين
فى اقل من الثانيه الكانيس تولع وناس تموت وجراحى وحاجات من دى
دى حاجه اكيد مش بتكون وليده اللحظه كدا دى بيكون مترتبيلها ومعمول
حساب ليها ولا اييييييييييه

[فداااااااااااء]

وعليكم السلام ورحمه الله وبركاته

الحقيقه طرحك رائع خاصه ما نعانيه هذه الايام من وجود حساسيه كبيره بين المسلمين والمسحيين وان كان فى نظرى الحساسيه تنبع اكثر من اخواننا المسيحيينوذلك لنظرتهم على اساس انهم اقله فيكونوا مظلومين ، ام عن اننا اصبحنا عنصريين ذلك الامر غير صحيح ، لان اذا كنا من الشعوب التى تترسخ فيها الفكر العنصرى لكانت نجحت خطط الاستعمار فى تفريق شمل المصريين وخير دليل عام 1919 الثورة التى تلاحمت فيها ايادى المسلمين والمسحيين على السواء ببعضهم البعض وغيرها من المحاولات اذا تمعنا فى احداث التاريخ لوجدنا انها نفس السياسه التى تتبع من اجل تفريقنا واحداث الفوضى بيننا لتضعف قوتنا وتصبح مصر بلد هشه لا تستطيع ان تقف فى وجه اطماعهم الظاهرة فى البلاد العربيه ، اذا فان هذه المحاولات قد فشلت تكرار رغم محاولتهم الكثيرة لانجاحها ، اما ما يحدث فلا استطيع ان اسميه سوى بعض الاضطربات المؤقته بين قله من المسلمين وايضا قله من المسيحين يندس فى داخلهم بعض اتباع المعادين للبلد ، كما ان طبيعه الانسان المصرى لا تميل للعنف وانما للمحبه والتوادد وهذا نتيجه دعوة السيده نفسيه رضى الله عنها حيث قالت (اللهم أمنهم كما آمنوننا واكرمهم كما اكرمونا نحن آل البيت ) فقد كانت مستجابه الدعوة رضى الله عنها ، وذلك عندما جاءت الى مصر فأمنها اهلها ، وهذا الى جانب ان الدم المصرى لايتفرق بل يتلاحم مع بعضهم البعض كما ان مصر كانت دائما وستظل بلد يمارس فيها الحريه الدينيه وغيرها باذن الله .


تحياتى .

[SiLver Spectra]

شوفي يا حنان
أنا شايف ان الموضوع بيكون زي صب البنزين عالنار
بمعنى ان في نار اصلا جو الانفس ,,مجرد ما بتحصل مشكلة البنزين بينزل و بيحصل اندفاع غير عقلاني من قبل فئة قليلة

أما فداااااء
فكلامك صحيح ان المسيحيين بيحسوا بحساسية اكثر و دا شيء طبيعي بالنسبة لاقلية
و أحيانا الفكر السلبي بيكون له اثر كبير,,
لكن هما مش بيتحركوا من فراغ ,, يعني هو بيحتج لما يشوف اعتداء على كنيسة و انا شايف ان له حق طبعا

المشكلة في الامن الي طلع ضعيف جدا فوق الوصف
و انا كنت وضحت دا في موضوع ليه سابق عملته في الصيف تقريبا من 10 شهور
عن سرقة سيارة اخويا
كان واضح ان الشرطة ضعيفة فعلا و قوتها فقط في حماية النظام و ليست في حماية الشعب
و برضو مش هقدر الومها لان اقتصاد البلد ما بيسمحش باستخدام التكونولجيا العالية

فأعتقد القانون محتاج يطبق بقوة
و ان شاء الله هنشوفه مع الانتخابات
لأن الفترى الي فيها هي اصعب فترة ,,كان الشعب عايش تحت نظام و فجأه اختفى
طبيعي البلد هتاخد فترة عشان تهدا,, مش اقل من سنة

[دمعه حائره]

السلام عليكم
اشكرك همس على الندوة ويارب نخرج منها بالفايده للجميع
وارحب بكل الضيوف
انا شايفه ان الفتنه دايما بتشتعل لاغراض معينه
وهى ان نلفت الانتباه للفتنه لغض النظر عن مواضيع تانيه
والدليل ان ايام الثورة ماكنش فى اى مشاكل مع المسلمين والمسيحين
حتى الكانئس كانت امنه من غير حراسه
والمسيحين كانوا واقفين جمب المسلمين سوا فى الميدان
وكشفت مصادر كتير ان وزير الداخليه السابق هو من كان وراء تلك الفتن
ومن المنطقى جدا ان تشتعل الفتن الايام دى لتشويه نتائج الثورة
واحنا فى ايدنا قتل الفتنه دى لاننا احنا الخاسرنين فى الاخر
واكيد النظام السابق ليه يد فى كل ده
يعنى بدل مايتجمعوا كل جمعه فى الميدان يطالبوا بمحاكمة النظام السابق
يتشغلوا فى الفتنه بين المسيحين والمسلمين شويه
ويتشغلوا بين طوائف المسلمين ايام تانيه
انا مع نظريه التواطىء لان كل المشاكل دى ماظهرتش الا لما حصلت الثورة
وعمر الثورة ماكان ده هدفها
والحكومه فى ايدها حل كل المشاكل دى بكل سهوله ولازم الاعلام كمان
يكون على قد المسئوليه ويحاول يساعد فى حل المشكله
ونبدأ بنفسنا الاول ابتدأ من الاسره للجامعات لكل المؤسسات
تحياتى

[حنـــــون]

اوكى ياطارق انا فاهمه كويس ان اصلا فى احتقان بين قله
من المسلمين والمسحيين بس فى حاجه بردوا واضحه
ان الموضوع بيزد وكل ما ينطفى تظهر حاجه تشعلله منى تانى
يعنى خلصنا من احداث اطفيح تظهرلنا مشكله كامليا وعبير
انا قصدى ان فى حاجه مش طبيعيه وردود الافعال لاى مشكله
يتحصل بيكون اكبر من المشكله نفسها

وفداء على فكره انا ما قولتش اننا عنصرين
انا بقول احنا ليه بنظهر نفسنا كدا رغم ان لا دينا ولا اخلاقنا ولا تارخينا
بيقول كدااااا بس دا الى اقصده

[Mo7aMaD 3aLa2]

اقتباس أو في طريقة ثانية خصوصا في مجتمعنا المصري الي مافيهوش غير مسلمين و اقباط و هي الطريقة الاسهل بتكون التحول لدين آخر الي هو الإسلام هنا التحول بيتم للتخلص من الزواج أكثر من انه بيتم من الايمان بالدين لكن ممكن بعد كدا تقتنع بالديانة الجديده ,,ربنا أعلم بالنوايا بس تحليلي الشخصي ان الاعتناق بيتم للتخلص من جحيم العلاقة الزوجية الغير موفقة

انا معترض معاكـ يا طارق

اولا احنا كلنا أكيد بنرفض العنصرية

وعارفين انها أكيد مش فـ مصلحة اى حد فينا سواء مسلمين او مسيحيين

لكن الموضوع مش حكاية بنهدى وخلاص..

ازاى بتقول ان أكثر اللى بيحولوا ديانتهم من مسحيين الى مسلمين بيبقى بهدف تجاوز حكم الطلاق فـ الديانة المسيحية !!!

انت عندكـ

اقتباس - المذهب الكاثوليكي يحرم الطلاق تحريما قاطعا ، ولا يبيح فصم الزواج لاي سبب عظم شأنه ، وحتى الخيانة الزوجية نفسها لا تعد في نظر مبررا للطلاق 2- الكنسية الرومية لا تبيح الطلاق الا في حالة الخيانة من الزواج أو الزوجة وتحرم على من ارتكب منهما هذا الجرم أن يتزوج بعد ذلك. 3- المذهب الارتودكسي لا يبيح الطلاق إلا لواحد من أربعة – الخيانة الزوجية ، العقم لمدة ثلاث سنين – المرض المعدي – الخصام الذي يمتد أجله ويتعذر الصلح معه . 4- المذهب البروتستانتي لا يبيح الطلاق كذلك إلا في حالات خاصة منها الخيانة الزوجية والقسوة وسوء المعاملة وجنون أحد الزوجين.

اولا هو ممكن يحول من مذهب لمذهب عادى

ثانيا هو لو مفيش ولا سبب من كل الاسباب اللى فوق دى هيبقى اية سبب الطلاق اصلا !!!

وبعدين شوف المذهب دة

اقتباس المذهب الارتودكسي لا يبيح الطلاق إلا لواحد من أربعة – الخيانة الزوجية ، العقم لمدة ثلاث سنين – المرض المعدي –

اقتباس الخصام الذي يمتد أجله ويتعذر الصلح معه .

يعنى الموضوع مش صعب اوى لدرجة ان انت تغير ديانتك وانت عارف انك فـ مجتمع فية شوية حساسية بالنسبة للموضوع دة عشان خاطر الطلاق !!!
مش سهل خالص انك تتخذ قرار زى دة وحتى لو كان تغيير الديانة الى الاسلام اسهل ..

فـ حين انك عندك حلول من غير كل دة

انا مش بقارن دلوقتى ولا بقول افضلية بس الكلمة دى مش فـ محلها.. مش منطقى


..

[SiLver Spectra]

اقتباس
المشاركة الأصلية كتبت بواسطة Mo7aMaD 3aLa2





انا معترض معاكـ يا طارق

اولا احنا كلنا أكيد بنرفض العنصرية

وعارفين انها أكيد مش فـ مصلحة اى حد فينا سواء مسلمين او مسيحيين

لكن الموضوع مش حكاية بنهدى وخلاص..

ازاى بتقول ان أكثر اللى بيحولوا ديانتهم من مسحيين الى مسلمين بيبقى بهدف تجاوز حكم الطلاق فـ الديانة المسيحية !!!

انت عندكـ



اولا هو ممكن يحول من مذهب لمذهب عادى

ثانيا هو لو مفيش ولا سبب من كل الاسباب اللى فوق دى هيبقى اية سبب الطلاق اصلا !!!

وبعدين شوف المذهب دة



يعنى الموضوع مش صعب اوى لدرجة ان انت تغير ديانتك وانت عارف انك فـ مجتمع فية شوية حساسية بالنسبة للموضوع دة عشان خاطر الطلاق !!!
مش سهل خالص انك تتخذ قرار زى دة وحتى لو كان تغيير الديانة الى الاسلام اسهل ..

فـ حين انك عندك حلول من غير كل دة

انا مش بقارن دلوقتى ولا بقول افضلية بس الكلمة دى مش فـ محلها.. مش منطقى


..

انت شايف الكلام دا تاليف؟
مستعد اذكرلك حالات كثيرة جدا سببت طائفية بسبب تحول فتاة مسيحية للاسلام
لما بترجع لاصل الحكاية بتلاقيها طلاق

انت مستقل بفكرة الطلاق
انت عارف يعني ايه زوجين مش طايقين بعض و بتوصل للضرب احيانا
بيبقى في تفكير بالانتحار كمان مش تغيير ديانة!!!

و مش بقولك ان دا هو السبب الوحيد
لكن انا حبيت اوضح النقطة دي ,,انا سمعت تقرير عنها عن تكرار الحالة دي
و بعدها شوفت حالة كاميليا و عبير و لاقيتها مطابقة فعلا

غير كمان لو كنت متابع قرار القضاء السنة الي فاتت الي الزم فيه الكنيسة بتطليق الراغبين و الازمه الي حصلت
كان في مسيحيين كتير متضررين من عدم التطليق و هما الي اصلا رفعوا قضية للسماح بالتطليق
بيقدروا بالالوفات
فدا بيوضح انها فعلا مشكلة بالنسبالهم قد يكون اللجوء للاسلام حل ليها

منوريا علاء,,

[yasmine refat]

حلوه الفكره اوي ياهمس

الثوره فجرت مواهب كتير ماشاء الله:vb18:

ومعترضه على نفس النقطه الي اعترض عليها الباقين في كلام طارق

ليه الدين الاسلامي وحش للدرجاتي محدش يدخلوا الا كوسيله للهروب من شيء

مع ان للاسف في مسلمين كتير بيحطوا جواك رغبة انك تطلع منو:Sport-086:

بس الحلو والوحش في كل مكان

ماعلينا ...

ديما اي اقليه هتحس بحساسيه وعموما الاختلاف بيولد شيء من الحساسيه بيقل مقداروا مع نسبة الوعي او حتى ممكن التعايش يقللوا وده المفروض لان ده الشخص شخص انت متواجد ومتعايش معاه بشكل دائم يعني مش منعزل علشان الاختلاف يكون في حساسيه

اذا في مسببات آخرى

واكيد لابد منها

شيوخ بتكفر وناس تفكيرها بسيط (قنبله:Sport-086

مافيش حاجه بين الناس هي الناس في كتير منها ماتحبش تفكر ولو فكرت بتفكر في الشيء الي بتتلقى بس وبتعتبروا صحيح ومابدورش في مكان تاني لانها تعودت تتلقى وتسيس

زي مثلا مشكله ملموسه بعيشها وهي الشيعه

مع ان مافيش مقارنه بينهم والمسيح (لانهم تقريبا منعزلين) يعني التعايش والتعود يكاد يكون معدوم وده بيسمح لدرجه اكبر من الحساسيه

بس برضوا اغلبها جي من ان مافيش حد بيطلع وبيصدق اي شيء يتلقاه فالفتنه تقع

واما حكاية عبير وكاميليا مش فاهمه دلوقتي هم الاهم في المهم

دائما كفة المصالح بترجح وعدم وقوع الضرر غايه

مش يبقى الوضع سيء ومش محتاج واكبر من موضوع المفروض يتحط على جنب حاليا لين ما الامور تهدى

رائع