عقوبات مالية مغلظة على اللاعبين ومنع مكافأة الفوز على بتروجيت بسبب الجونة

[M@HMOUD]

جدد رئيس مجلس ادارة نادي الزمالك المستشار جلال إبراهيم ثقته وثقة مجلس الإدارة في الجهاز الفني لكرة القدم بقيادة العميد حسام حسن المدير الفني وطاقمه بالكامل مؤكدا في تصريحات إعلامية ان الفريق تعرض لكبوة ولابد وان يستفيق منها مؤكدا ثقته في الفريق قوية للغاية في تحقيق الفوز الاحد القادم على حساب سموحه وبنتيجة كبيرة تعوض هزيمة الجونة المفاجأة

ومن جانب آخر علمنا ان العميد حسام حسن سيفرض عقوبات مالية مغلظة وكبيرة للغاية على اللاعبين بسبب نتيجة مباراة اليوم وأيضا الاداء السلبي والسئ الذي ظهر به الفريق اليوم، وأيضا قرر العميد وقف مكافآت الفوز على بتروجيت في الجولة الـ 17 من بطولة الدوري كنوع من العقاب المغلظ على اللاعبين، حيث ان اللاعبون كان من المقرر صرف تلك المكافأة اثناء عودتهم من الغردقة في الطائرة كالعادة.
وحمل الجهاز اللاعبين مسئولية الهزيمة، واتهمهم بالرعونة في الأداء وعدم تحمل المسئولية وتقدير انهم ينافسون على الدوري.

[ღ Gի๐sτ ღ]

هي دي مشكلة حسام زي ماقلتلك قبل كدة ياميدو
ييجى يقول انا جاي اجيب بطولة ومش جاي ابنى فريق زي جوزية ومورينهو ويمجد في نفسو
لو كسب يقولك ربنا معايا عشان احنا بنتعب ونجتهد وبنعمل 24 ساعه عشان كدة ربنا معانا وبيدينا لاننا نيتنا كويسة ولما يخسر اللعيبة كذا وكذا وكذا وميحملش اي حاجة علي نفسو

والسبب فى الخسارة ثقة اللعيبة وعدم اهتمامهم بالاهلى والاسماعيلي والمنافسين والغرور بالنفس بقولهم المقولة الشهيرة احنا الاول منبصش لورانا ! واللى اداهم الثقة دى هو حسام وابراهيم لانهم اول من اخترعو الحكاية دي


ومبروك عليك ياحسام وابراهيم طالعين تقولو لو خسرنا الدورى هانفضح اللعيبة فى الرأي العام !! يعنى كل حاجة صوت عالى . مبروك عليك مشاكل الفترة الجاية مع اللعيبة بسبب التصريحات دى لان بعد كدة معتقدش ان في لعيب هايستأمن حسام وابراهيم او يثق فيهم لان كل حاجة اللعيبة هى الغلطانة رغم انها بتعمل كل حاجة

لو يكون متواضع ويحمل نفسو المسؤلية زي جوزية ماكان بيعمل دايما حتي لو مش هو اللى غلطان . بس يخلي اللعيبة متحسش بالذنب ومتتأثرش نفسيا ويعالجهم ممكن يرجع ولكنو كدة دمر اللعيبة نفسيا بسبب التصريحات دى خلاص الدورى راح من الزمالك بسببب حسام وابراهيم لان التصريحات هاتأثر جامد والعلاقة تبوظ