للبنات فقط ... 10 نصائح للبنات قبل الخروج مع خطيبك لاول مره

[بنوتة ميدو]

للبنات فقط ... 10 نصائح للبنات قبل الخروج مع خطيبك لاول مره

مرحبـــــــــــــــــــاااا

لما باذن الله ربنا يفك عقدتك.. وتتخطبى.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه..... إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.....
قلنا رقَّه ....



1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .



2- العيش أوعي تفضحينا وتقطعيه بسنانك..... ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي حِفِّي زي مانتِ عايزه....



3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر لل**ون.. وطبعًاااااا عايزك تنسى تمامًا.. السلطانية اللي بتقيميها على بقك في البيت.. وتدلدقي على روحك..
بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة......



4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه...



5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..



6- السمك.. مشكلة.. شوفي...
بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك...




7- الجمبري.. -إذا كنتي عارفاه-.. أول ماطبق الجمبري
ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟

وتروحي قاطعة راس الجمبريياية.. بالشوكة.. أنا ف عرضك
إنسي المصمصة دلوقت..




8- البطاطس سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....



9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....




10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....


وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.... آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك..
لفة الفول والطعمية اللي جايباها معاكي.. وبالهنا والشفااااااااااااا


ودلوقتى دور الردود

[مشتاقه للجنه]

موضوع جميل بس الادعاء لن يفيد

لانها كلها كام شهر ويشوف الواقع

ببقبق عينه )

تسلمى على التوبيك

موفقه

[ڪــــبرياء الروح]

يعطيك العاااااااااااااااااافيه
شكرا لك

[بنوتة ميدو]

اقتباس
المشاركة الأصلية كتبت بواسطة مشتاقه للجنه




موضوع جميل بس الادعاء لن يفيد

لانها كلها كام شهر ويشوف الواقع

ببقبق عينه )

تسلمى على التوبيك

موفقه

ما هيكون ادبس بقى واللى كان كان
ههههههههههههههههههههه
نورتينى يا قمر

[بنوتة ميدو]

اقتباس
المشاركة الأصلية كتبت بواسطة Θ†ăѓ Ăŀ ЙĀďД




يعطيك العاااااااااااااااااافيه
شكرا لك

ويعطيكى يا قمر
مرسى على ردك

[غرور ملاك]

هههههههههههههههههههههههههههههههههه

اتبس اتبس المهم ان البنات تتخطب )

مشكوره يا قمر

[بنوتة ميدو]

اقتباس
المشاركة الأصلية كتبت بواسطة غرور ملاك




هههههههههههههههههههههههههههههههههه

اتبس اتبس المهم ان البنات تتخطب )

مشكوره يا قمر

ههههههههههههههه
انا بردو بقول كده
هههه
نورتينى يا قمر

[~♥ Queen sozan♥~]

تسلم على موضوعكـ القيمــــ

منتظرين المزيد ,,

[بنوتة ميدو]

مرسى همس
نورتينى يا قمر

[زهرة الاحلام]

ههههههههههههههههههه
يسلمو ع النصائح المفيده
تقبلي مروري