موعظة

[Fire Heart]

السلام عليكم ورحمة الله
الموضوع باين من عنوانه

هقولكم على قصة حصلت النهاردة عندنا فى البلد:
الساعة 4.30 فجرا سمعت صوت التليفون بتاعنا بيرن قمت جرى من ع السرير لدرجة إنى كنت هقع سمعت صوت والدى بيقول "لا حول ولا قوة إلا بالله إنا لله وإنا إليه راجعون طيب أنا جاى حالا"
فسألته: خير يابابا فى إيه؟؟ قالى عمك (.........)مات
دهشت جدا لأنى كنت لسة شايفاه امبارح وكان كويس جدا ومكانشى مريض خالص
بقوله انت بتتكلم بجد؟؟ قالى والله!!!!!
مع إن بابا كان معاه امبارح طول النهار
إنا لله وإنا إليه راجعون

بعديها بساعتين خرجت فقابلت واحدة صاحبتى قالتلى عارفة فلانة بقولها أيوا قالتلى باباها مات وأخوها الكبير فى الإنعاش بقولها ليه إيه اللى حصل قالتلى حادثة!!!!!
وبرضه مكانشى مريض ولا كان فى حاجة لكن((عمره انتهى))
إنا لله وإنا إليه راجعون

بعديها بنص ساعة بالظبط سمعتهم بينادوا على شخص تالت
شاب فى التلاتينات تقريبا وأولاده صغيرين بس دا بقى معرفش مات إزاى
بس تقريبا مات على فجأة برضه

اللى عايزة أقوله من القصة دى يا جماعة لأنى بجد بعزكم جدااااااااااااا
إن الموت بييجى على فجأة فاغتنم الفرصة قبل ما يقولوا مات وحاول تقضى اللى باقى من حياتك فى رضا الله واعلم أن رحلة الدنيا قاربت على الانتهاء!!!!!!!!!

[ڪــــبرياء الروح]

اللهم ارحم جميع اموات المسلمين
جزاك الله خيراا

[فداااااااااااء]

اللهم ارحم موتنا وموتى المسلمين
وامتنا على طاعتك وحسن عبادتك اللهم امين
تحياتى لكى وبارك الله فيك

[شريف القناوى]

اخى الغالى
بجد موضوع يستحق منا التقدير
يناقش ما نعيشه فعلا فالناس تنسى
ان الحياة ما هى الا دقائق معدودة
فلابد من ان نغتمنها بالخير والعبادة
جزاءك الله خيرا على ما قدمت يداك

[Fire Heart]

ڪــــبرياء الروح
اللهم آمين
نورتى وجزاكِ إن شاء الله

فداااااااااااء
اللهم أمين
ربنا يتقبل دعواكِ

شريف القناوى
عندك حق والله هو دا فعلا حال الناس
وجزاك إن شاء الله
ملحوظة: أنا بنت