【حياتك تحت المجهر】منورنــا •SiLver Spectra•

[ĶǎnDO̳̿uChǎ ツ]

حلقهـ نيو من برنامجـي

( حياتك تحت المجهر )

و معانــــــــا

الكبير بتاعنا بكا
عضو محبوب
عقلاني جدا
ميه ميه م الاخر
دوك المنتدى يحني
منورنــــــــــا
طارق
SiLver Spectra

تعالو نشوف قال لينا ايه عن حياته

>>>>

♥اولا..قلبك تحت المجهر♥

امتى في رائيك يكون الحب حقيقي,وهل انت حبيت قبل كدا حب حقيقي؟

أهم حاجه في الموضوع كله الشفافية
من غيرها العلاقة حتى ما ترتقيش لمستوى الصحوبية
الشفافية هتخلي في الطرفين كل الصفات الحميده
يعني صدق و صراحة و اخلاص و غيره ,,كلو بيتلخص في الشفافية

أما إني حبيت قبل كدا حب حقيقي
فأعتقد أنا مش بحب حب كدا و كدا
(و اسألي ربك عن النية )

اكتب لينا اكتر 10 اشخاص بتحبهم في حياتك بالترتيب من كل الناس الي مرو في حياتك سواء عائلتك او صحابك و كلو؟

بصي أنا مش لازم اذكر أسماء
بس في ناس كتير
في صحاب كتير من ايام ******************
و في هنا ,,و في في الكلية
و في اخواتي ,,علاقتي باخواتي علاقة صحوبية جامده

اية رائيك في الثقة الزايدة اوي في شخص مهما كان قريب منك

هل دا صح ولا غلط؟

الثقة حاجة كويسه ,,ما تقدرش تقول عليها شيء غلط
لكن للشخص إلي يستاهل
فهنا بتبقى المشكلة ,,انك تيقن بإن الشخص دا فعلا يستاهل

هتعمل اية لو حبيت انسان اوي و بقى اهم حد في حياتك وبعدين اكتشفت انو من وراك بيقول عنك كلام غير الي بيبان قدامك
هل هتحس بالجرح و لا هتوجهو ولا هتنساه ولا اية ؟؟

التلاته
بس شوفي ,,أنا مش بؤمن بالضعف
فإنت بتواجهه و بعدين بتنساه
و مش أي مواجهة ,,بعصره

♬ثانيا..عقلك تحت المجهر♬

اكتبي سطرين عن قراراتك و عقلك و تفكيرك؟

شوفي بالنسبة للقرارات,,بحكم إني راجل سياسي
قبل ما بعمل موقف بكون دارس ابعاد أو حاطت توقعات ,, و بالتالي أحيانا ببقى عايز أعمل حاجه بس بفكر فيها قبلها ,,ايه المكسب ؟ فساعات بغير رأي و و مش بعمل الموقف دا لما ما يكونش في غير خسائر

أما العقل و التفكير فمش أنا الي هحكم فيهم على نفسي ,,, كل انسان و له نظرته الخاصة

اصعب قرار اخذه؟

الإنفصال

اكتر قرار ندمت علية؟

ممكن الكلية الي دخلتها
مش أنا بس ,,اكتشفت ان أغلب الدفعة كدا

يعني كان نفسي يكون عندي وقت أكبر أنمي فيه مواهب
فلو كنت دخلت كلية تساعد على تنمية المواهب أعتقد كنت هبقى مبسوط أكتر

هل يعتبر تفكيرك تفكير مجنون و مزاجي ولا عقلاني؟

هو من ناحية الجنون ففي جنون
لكن المزاج ,, أعتقد لأ
أنا مش بخلي مزاجي هو إلي يحكمني ,,أنا إلي بتحكم فيه بدرجة كبيره
لكن أحيانا المود بيبقى صعب شوية ,,بس مش بيبان عليه ,, يعني أنا مش من النوعية الي بطلع عالناس المود ,,لأن حرام يتظلموا ,,فممكن مزاجي زي الزفت و عادي تلاقيني بكلم حد عالميل و بضحك معاه

هل تحسم الامور بقلبك ولا بعقلك؟

بصي يا بنتي
العقل نعمة
القلب دايما يخدع ,,العقل عمره ما يخدع لو شغلته صح

لو قالولك خد 3 قرارات دلوقتي في المنتدى واحنا هنفذو علطول هتقول اية؟؟
(ما انت قراراتك كدا كدا بتتنفذ)هع

1) همنع الأسماء الي فيها زخرفة كتير ,,عشان مش بتتقرأ أحيانا و كمان بتعمل مشاكل في الاحصائيات

2) الاعضاء الي بتشارك كتير كوبي و بيست عشان المشاركات ,,دول برضو بيلخبطوا القسم غير ان الاحصائيات بتبقى باعته ما بتعرفش تشوف الجديد

3) المشرفين الي مش متواجدين من فترة طويلة هيتشالوا ,,بس مستني عليهم الصيف

◆ثالثا..شخصيتك تحت المجهر◆

اكتب سطرين في شخصيتك وازاي انت شايفها ؟

و الله شخصية عادية ,,زي أي شاب و اقل من أي شاب
حتى هنا في المنتدى مش هتحسي اني فارد نفسي ادارة و بتاع ,, عادي جدا ,,دا حتى في ناس بتستغل دا عشان تعمل شهرة ,,مثلا يعارضك و كدا و يعمل شو )

المشكلة ان في ناس بتبص بقى ,,دا في الحقيقة ازاي و بيعمل ايه و كدا ,,بيكبر الموضوع أوي
الإجابة بسيطة ,,أنا عايش زي ما انت عايش

واية الي عايز تغيره في شخصيتك ولية؟

ممكن مش باخد عالناس بسرعة
عشان أندمج جامد مع واحد بياخد معايا فترة ,,الا لو تفكيره متقارب ,,بس لما بندمج ببقى زي المجنون معاه

عادة او طبع سواء كويس او سئ متقدرش تتوقف عنو؟

النت دا
مشكلة و الله ,,بيسرق الوقت بغباء خصوصا في ايام مفترجة زي دي كدا

هل انت محبوب بين المحيطين بيك؟

إلى حد ما
أنا زي النسمة يا بنتي ,, طارق بلسم ههههه

هل شخصيتك مسيطرة؟

شوية ,,بس مش بفرض
لكن بحب ارتب الأمور ,,يعني الخرجة و المكان و الوقت و كدا
اصلي اسد و تنيني كمان

لو حد واجهك مثلا بصفة فيك وحشة يعني قالك مثلا (انت اناني او دمك تقيل ...او كدا)
قالهالك وش يعني هتعمل اية؟؟

هقوله ليه؟
عشان اقدرش اناقشه ,,في الغالب دا بيكون نتيجة موقف و ممكن هو الي غلطان أو أنا
فبتشوف السبب ايه

★رابعا..ايامك تحت المجهر★

اية احلى عام مر عليك؟

أنا بحب القديم دايما
1998 ,,كنتي لسه بتحبي ساعتها ههههه

احلى يوم مر عليك؟

دايما لما بتخرج من الصبح و تروح مكان مختلف
بعد فترة تفتكر اليوم دا تحسه طويل و عملت فيه حاجات كتير
دي في الغالب بتبقى ايام حلوة
مش هقدرأقولك يوم معين بس في ايام من دي كتير

اية امتع وقت عندك في يومك؟

دايما بحب الصبح بدري
لما ابقى صاحي و شبعان نوم
لكن مش صبح السهر

لو قالولك اختار 3 ايام تمحيهم خالص من حياتك هتختار اية؟

هختار يوم 5 و 11 و 25 يونيو الي جاي
عشان فيهم امتحانات لمواد رخمة

>>>

اجاباتكـــــــ عقلانيه جدا و جميله
استمتعنا معاكـ
و كنت ضيف خفيف و ظريف و لطيف و كل الحجات دي يحني
ثانــــــــــــكس يا كبير ع قبولك الاستضـــــــــــافه
يا طارق يا بلسم يا نسمه المنتدى
نورتني و نورت برنامجي
بتمنالك التوفيق في حياتـــــــــــك كلها
وان شاء الله تحقق كل الي بتتمناه > قولو امين مش سمعاها
يارب الحلقه تكون عجبتكمــــــــ
لو مش عجبتكم اوعى تتكلمو دي الاداره
هتودونا في داهيـهـ
هع

كان معكم
d O d O
من امام قسم اليوميات

[fankosha]

اجاباتك ياطارق جميلة وعقلة وظاهر فيها دمك الخفيف
والبساطة وفعلا حلقة لطيفة يانودى
ويارب يحقق كل احلامه امين يارب العالمين
نورت الحلقة ياطارق
تسلمى يانودى ياعسولة حلقة جامدة

[SiLver Spectra]

شكرا يا دودو على الاستضافة
دا من ذوقك
و فنكوشة منورة طبعا

[ARAGON]

حلقة تمام يا معلم

تسلم ع الاجابات

وشكرا يا دودو على الاستضافة

بالتوفيق دايما

[ساحر الأحزان]

حلقة جميلة وتغلبت فيها الاجابة العقلانية

فخرجت بسلاسة ووضوح

فى الكلمات

تحياتى طارق

تحياتى دودى

دمتم بامان الله

[Love Paradise]

ممممممممم حلقة جميلة يا نودي ،، مع ادارتنا المميزة ..

ميرسي علي الموضوع الجميل ...

[~♥ Queen sozan♥~]

اجابت كويسة جداا منكــ SiLver Spectra

بدل على شخصيتكــ

ربنا يوفقكـ فى حياتكـ ,,

دودى مجهود رائع منك يا بنوتة ,,

[morshooo]

اقتباس طارق بلسم

دا بمناسبة الصيف دا والا اية ^_^

منور الحلقة يا نجم

ونودى طبعا متميزة دائما

بالتوفيق

[ماتركس]

لا اجابات جميله يا كبير

والمذيعه دوودوو دي انا حاسس انو هيبقي ليها مستقبل باهر والله

بس ايه يا عم مش تقوال انو عندك اسم دلع يا دكتور طارق

ايو كده خلينا منقوالكش غير طارق بلسم ايو كده لازم يكووون في تغيير يا جماعه

اجابات جميله بس اعتقد ال3 ايام دووال شكلهم هيتكرارو كتير الايام اللي جايه

مش هيتلغو نهائي يعني مفيش مفر غير حل واحد

المذاكره ثم المذاكره ههههههههههههه

ربنا ينجحك يا كبير

حلقه جميله يا دعاء وتسلم ايدك

ونورت الحلقه يا دكتور طارق بلسم

[واد حبيب]

الكبير كبير برده وطارق الكبير هنا

بجد استضافه واجابه جميله من طارق

تسلمي علي الحلقه الجميله ومديرنا الكبير

في انتظار الجديد

الحبيب