المعاقين والعاديين؟؟؟؟؟؟

[غزاوية وافتخر]

مو عارفة احط مقدمات


المهم يارب يكون الكل بخيــر



والعنوان يمكن غريب شوي بس لما اخلص بتحكمو..



اليوم اجو عنا تلات اشخاص من جمعية لحقوق المعوقين



واحدة كانت معها اعاقة حركية وتنين مكفوفين ..




ولما راح احكي عنهم بحكي وانا مبسوطة لاني شفتهم وسمعتهم بحكو..



طبعا نظرة البنات ئبل ما يسمعوهم غريبة كانت


*حكى اول واحد واسمه احمد فقد نظره وعمره 10 اشهر


وبسبب حساسية وئطرة غلط


حكى كيف كانت اول شي كتير صعبة وتقبل المجتمع


وكمل تعليمه بمدارس خاصة وهو هلأ مترجم وبعطي دورات..


طول ماهو بحكي بضحك ومبتسم يعني بتحس فعلا بروحه المرحة وبعطي دورات ومحاضرات هلأ ..



التاني برضه متله بس بعمر 14 فقد بصره ..


طلبو من البنات يعطو شو السلبيات الي همه بشوفها انو المكفوف ما بئدر يعملها


الي حكى ما بئدر يمشي لحاله ؟؟


والي حكى ما بئدر يسوق سيارة ؟؟


والي حكى ما بئدر يتزوج ؟؟


والي حكى ما بستعمل لاموبايل ولا نت ولا كمبيوتر؟؟



بعد هالشي ئامو وعقبو ع كل شغلة


التاني طال تلفونه واسمه سهيــل


وفتح كل شي طلبوه وباستعمال البرنامج الصوتي الخاص


واللاب توب فتحه والبنات نئلوه جمل


يكتب ع الوورد وكتب عادي وبرنامج صوتي وعندهم حساب ع الفيس وبكل مكان ..


وفي واحد خاطب..


وبلعبو شدة


وسهيل بلعب رياضة وثب وسلة وطلع بطولات


ع ماليزيا وتونس والمانيا وكتر دول


يعني بينو انو فعلا كلنا بشر لا بميزنا لا شكل ولا جنسية ولاشي


الي بميز روحنا وكيف فهمنا للدنيا..


وطبعا اغلب الدول عاملين جمعيات الهم والهم حقوق زينا زيهم وبكل شي ..





صراحة انا واحدة من الناس الي تغيرت فكرتي عنهم وعن تفكيرهم


يعني فكرت فعلا بحكيهم وانبساطهم وروحهم الحلوة وهمه بحكوو


عايشيين افضل من الناس العاديــيـن ..


لدرجة انو هو مرتاح هيك وما بستنى نظره ولا بتحسر بعيش حياته متل ماهي مكتوبة ومبسوط فيها


يعني احنا الي بنعمل لحالنا جو كئيب وبنتحسر ع احزان وع هالزمن وبنفكر بمستقبلنا وشو راح يصير


همه نسيو الي الناس بفكروه عجز وروكزو ع حلمهم..


يمكن الامل لازم ناخده من احمد ومن سهيل ومن كل هالاشخاص الي همه الي فاهمين الحياة


هاد الشي الي كنت بدي اوصله وصراحة حبيت انكم تشاركوني فيه


والي عنده اي رأيي بانتظار