ازي تخلي ولد يحبك؟؟؟؟, للبنات فقط اي ولد هشوفه في التوبيك هعوره

[بنوتة ميدو]

علشان تخلى اى ولد انتى عايزاه يحبك ويموت فيكى ويقع فى غرامك
(عليكى باتباع الخطوط التاليه)

**********************************
أولا : الولد بيحب البنت الرقيقة
رفعوا صوتكم يا بنات . و أول ما تشوفى حاجه وحشة .. سورقى (يغمى عليكى) من كتر الرقة . و عيطى كتير . العياط دليل على الاحساس المرهف . أوائى له .. نكدى عليه الليلة .
**********************************
ثانيا الولد بيحب البنت الرومانسية
سبلى له . اسرحى كتير كلميه عن القمر و حاجات من دى . لازم تكونى هيمانه و انتى بتتكلمى . و يكون صوتك واطى .. وشوشة
*********************************
ثالثا : الولد بيحب البنت المؤدبه
قولى له انه اول واحد فى حياتك حتى لو كنتى متجوزة قبل كده و حامل فى توأم.. و لو سأل على انتفاخ بطنك قولى له كيس دهنى و لو عارف و متأكد انه كان لك علاقات كثيرة مثله :دى كلها اشاعات ده هما اللى كانوا معجبين بيا لكن انا ولا سألت فيهم كلهم
*********************************
رابعا : الولد بيحب البنت الاستايل style
كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه .. مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك .. دى بتغير منك و مش عايزاكى تبقى على الموضه .
ملحوظه : لو مشعارفه ايه الموضه اختارى لك واحدة معينة او مذيعة و قلديها .. خليكى نسخة منها .
**********************************
خامسا :الولد بيحب البنت الدلوعة
ادلعى ياختى انت و هى . ما تبقوش دكر
**********************************
سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكى و قولى له : ارجوك اوعى تغير انا حواليا كتير . ولا بيهمنى أبدا منهم ايه يعنى اكون حلوة فى عينهم . ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .
**********************************
سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى .. يا سلام !! ايه الشياكة دى كلها . انت أشيك ولد شفته فى حياتى ..(مش مهم هو لابس ايه . انبهرى و خلاص ) . يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه .بس اوعى لما ينفش ريشه يجى له انفلونزا الطيور و يعديكى
**********************************
ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه .
**********************************
النتيجة :
لو الولد وقع فى دباديبك و قال عاوز يرتبط بيكى : اوعى تقولى ايوه ! لااااا .. اتقلى شوية . اعملى نفسك يتفكرى .. سهريه .. لوعيه .. بهدليه .. لكن ماتتقليش العيار ليطير منك .


لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه .
ملحوظة : كررى الخطوات من 1 - 8 مع ولد تانى بعد جمع معلومات و عمل تحريات عنه و التأكد من انه فاضى . غير مرتبط .. و ربنا يوفقك



جربى ومش هتندمى وماتنسيش تدعيلى

....................
هنتظر الردود

[عذب المشاعر]

هههههه شكرا على التوبيك المرح
بنوته ميدو بس سورى دى اللى هتاخد بكلامك ههه
هيطفش منها مش هيعجب بيها تسلمى قمرايا
على التوبيك
مودتى

[بنوتة ميدو]

ههههههههههههههه
ثانكس بجد نورتنى

[نور البحار العالية]

ههههههههههه
ايه الانحراف ده كلوا
شكرا على التوبيك الجامد ده
الى باين اخرته شعرى هيولع و هبوز على سن 21

[princess dede]

وربنا انتى بنت جامده وفعلا حجات جامده جداااااااااااا ثاانكس يا عفريتة

[ELgeneral gEmY]

ههههههههههه
ايه الى بتختط من ورانا ده
اجتمعو ياشباب
هههههههه

اولا :على ما اعتقد ان الموضوع ده هيزعل البنات
صح
هههههههه

عمما ثانكس بنوته
تسملى للطرح الجميل

[بنوتة ميدو]

هههههههههههههههه
مرسى على ردودكم الجميلة
والبنات هاتزعل ليه يعنى
دى الحقيقة ولازم يمشو وراهااااااااااااااااااااااا
ههههههه
يا اما بقى هايفضلو جمب امهم

ههههههه
نورتونى

[الاميرة شيرى]

ههههههههههههههههه شكرا على النصائح هههههههههههههههه

[الاميرة شيرى]

ههههههههههههههههه شكرا على النصائح الغاليه

[بنوتة ميدو]

العفو يا قمر
اى خدمة يا موزة