لست مجبر لكنك مضطر

[nooody]

اكيد كل واحد فينا فى حياته صديق او قريب غدر بيه او عمل فيه موقف مش ممكن يتنسى

موقف مطبوع فى ذاكرتك ...... مهما اعتذر الشخص دة عنه عمرك ما هتفكر تسمحه



ولا شوف المصيبه ..... ممكن الشخص دة يعد ما يعمل عملته يتعامل معاك عادى جدا وكان شيئا لم يكن




ولو حاولت تسمحوا وتقول المسامح كريم .......... ترجع ريما لعادتها القديمه ويغدر تانى وتالت


ما هو ديل الكلب بقى ...






يعنى لو فى شخص فى حياتك كدة انت من جواك مش مسامحه ومش هتفكر تسامحه

هتتعامل معاه حتى لو كنت مش مسامحه زى ما هو بيعمل ؟


اللى هيقول انا مش مجبر انى اتعامل معاه ....... هقول له لو كنت مضطر تتعامل معاه يمكن يكون فى نفس مكان عملك مثلا او من اقاربك يعنى مستحيل انك مش تتعامل معاه



ساعتها بقى هتتصرف ازاى؟؟؟

[A7meD]

صحيح يا نووودي
ما بتقولي انت غير الصح
اكيد صارت معاكي ومعاي و مع الجميع
وانا عن نفسي لو كنت مضطر للتعامل معاه بتعامل معاه بصورة عادية زيه زي الغريب علشان يفهم اني قرفان منه و هو من جهته ما يتعاملش معاية وارتاح منه

تقبلي مروري ,,,,,,,,,,
تحياااااااااااتي ,, احمد

[nooody]

اخى احمد
دا لازم نعامله اسوا من الغريب كمان عشان يحس فعلا انه مجرد شخص على الهامش

[misho]

انا عن نفسي في واحد بسببه بعدت عن شخص غالي جدا عندي ......كمية الكره اللي فية ليه مش ممكن تتوصف رغم اني بتعامل معاه في شغلي بس بطريقة تبين انه انسان تافه جدا وانه فعلا علي الهامش ومش بطيقه وبحاول اتجنبه
توبيك جميل
شيماء

[فولدمورت]

شكرا على الموضوع يا نودى

بس انا عاوز اعرف حاجة

هو مش احنا اصدقاء لناس قد نكون غدرنا بيهم دون قصد او عن اضطرار

يبقى لو مسامحنهومش
هما كمان مش هيسامحونا

[عاشق القلوب]

اقتباس بقى لو مسامحنهومش هما كمان مش هيسامحونا

عندك حق يافولد


كلام مظبوط

[حنـــــون]

noody

موضوعك هاااااااااااااااايل وبجد مهم

بس عارفه انا مشكلتى فى الحياه انى ما بعرفش اتعامل مع حد

وانا من جوايا فى من ناحيته حاجه بيبان عليه علطول ومابعرفش انافق
خاااااااااااااااااااااالص

بس بسامح بسرعه بس فى الغدر لا لما حد بيغدر بيه بزعل جدا ومش من السهل انى

انسى الغدر بسرعه خصوصا لو من حد بحبه جدا

بشكرك يانودى على موضوعك الجميل وده مش غريب عليك

اختك حنون

[nooody]

اقتباس المشاركة الأصلية كتبت بواسطة misho انا عن نفسي في واحد بسببه بعدت عن شخص غالي جدا عندي ......كمية الكره اللي فية ليه مش ممكن تتوصف رغم اني بتعامل معاه في شغلي بس بطريقة تبين انه انسان تافه جدا وانه فعلا علي الهامش ومش بطيقه وبحاول اتجنبه توبيك جميل شيماء

علا يا شيماء فى ناس تستحق المعامله دى عشان حتى على الاقل يحس انه غلطان
لكن لو اتعملت معاه عادى هيحس ان ولا كانه عمل حاجه

[nooody]

اقتباس المشاركة الأصلية كتبت بواسطة فولدمورت شكرا على الموضوع يا نودى بس انا عاوز اعرف حاجة هو مش احنا اصدقاء لناس قد نكون غدرنا بيهم دون قصد او عن اضطرار يبقى لو مسامحنهومش هما كمان مش هيسامحونا

فولدمورت انا ممكن ازعل صديق من غير قصد

بس مش ممكن اغدر بصديق من غير قصد



وبعدين انا وضحت ان الشخص ده غدر اكتر من مرة ..... يعنى لو افترضنا ان اول مرة مش مقصودة زى ما انت بتقول


اكيد يعنى تانى مرة مش هتبقى من غير قصد او صدفه مثلا


والا لو انا عتبرتها كده هبقى انا بقى اكيد بحاول اقنع نفسى بحاجه والواضح قدامى حاجه تانيه خالص او بحاول ادور على مبررات للشخص ده


واشكرك على رايك

[nooody]

اقتباس المشاركة الأصلية كتبت بواسطة عاشق القلوب عندك حق يافولد كلام مظبوط

عاشق القلوب


اوك انا عندى سؤال

انت عندك طاقه تكفى انك تسامح كام مرة فى حقك؟؟


مرة ........ اتنين ...... تلاته





لو انا بقى فكرت بنفس الطريقه


يعنى انا لازم اسامح عشان الاقى اللى يسامحنى


ساعتها هضيع حقى وكرامتى وفى الاخر مش هكسب حاجه ولا حتى الصديق


الواحد لازم يسامح فى حدود يعنى مش اسامح فى حاجه فوق احتمالى


مع احترامى لرايك