حكايتي مع الجامعة ... رحمك الله يا هديل

[*بنت عائشة*]

الرسالة الثانية
كتبتها إحدى صديقات هديل بعد وفاتها وقد كتبتها على لسان هديل وجعلتها تخاطب كل زملائها وزميلاتها ومحبيها


كان زماني معاكم فى الامتحانات
باذاكر ....مشدودة ....!
خايفة ....قلقانة ....!
أأجــل ...لا مأجلش..!!
النظرى .... تقيل أوى ...!!
و الmcq كتاب رهييييب ...
الجلدية مفتحتهاش..!!
و الكلينيكال باثولوجى لسه معرفش هو إيه ؟؟
مرعوبة مالعملى ...!!
طب فى ورق ناقص ... و لا فى زيادات فى الباطنة و الأطفال كمان؟

كان زمانى فى كل ده ....
معاكم ....... وسطكم ...
لكن دلوقتى أنا فى مكان غيركم ...
بعيد عنكم ...
شايفة كل اللى بيحصل لكن مش فيه ...
شايفة كل اللى فاكرنى و بيدعيلى ...
واللى نسينى و تاااااااه تااااانى فى الحياة المزيفة ....
مأخدنيش وقفة ..... لازم يقف عندها و يراجع نفسه ...

معقولة لسة برضه زى مانتم ؟؟؟؟؟...!!!!

اللى لسة متحجبتش ....
معقولة لسة متحجبتيش ....
لسة بتلبسى ضيق ...
وتاخدى جبال من الذنوب بمجرد ما تعدى فى الشارع ...

والمحجبة المقصرة فى شروط حجابها ....
معقولة لسة مصلحتيش حجابك و متقدمتيش لمرحلة أعلى فيه ؟؟؟

لسة بتنمى و تغتابى و تاكلى فى لحوم زمايلك ...
واللى كان عايش بعيد عن ربنا ... وكل يوم بيعصيه ...
لسة بتنظر إلى الحرام ؟؟... لسة بتشرب سجاير؟؟ مبتخافش من نارها ؟؟....
معقولة لسة متوبتش .. .لسة زي ما انت ؟؟ متأثرتش؟؟؟؟
والولاد والبنات اللى كانوا بيقفوا مع بعض فى الجامعة ....
وبيجاهروا بالمعصية قدام الناس كلها و بيفتنوهم ....
معقولة لسة بتقفوا مع بعض ؟؟؟؟؟؟

مزهقتوش ....
مزهقتوش من الذنوب ...!!!!!
متعبتوش من البعد عن ربنا ...
كان زمانى مكانك على درج الامتحان ....

أو ...
كان زمانك إنت مكانى ...!!!!!!!!!
فى امتحانات تانية خااااااالص!!!
النجاح فيها مش بالمذاكرة .....
ولا ينفع فيها وسطة و لا مال و لا بنون ....
إلا من أتى الله بقلب سليم !!!!!

فى لحظة .... الأماكن بتتبدل ...
من غير سابق إنذار ...!!!
من غير ترتيب ...

شايفة الأصحاب اللى بيكذبوا و بيخبوا على بعض مذاكرتهم
واللى بيحبط صاحبه و يكسله ... وهو بيذاكر مووت ...
بقولهم ... .ليـــــــــــــــــه ؟

كل شدة المذاكرة اللى فى الدنيا ...
متجيش ثانية من ضمة القبر ....
كل امتحانات الشفوى اللى فى العالم ...
متجيش لحظة من سؤال الملكين ...
كفااااية بقى ...

أنا كنت رايحة الكلية الصبح ...
زى ما بتروح ...
و زى ما بتروحى ....
لكن ملحقتش أوصل لها ...!!
ووصلت لمكان تانى ...!!
أضيق.. أكثر ظلمة ...
أضيق قاعة امتحانات فى الدنيا ....!!!

فوقوا يا جماعة بقى!!!!!
يمكن متلحقش تمسك المصحف ...!
يمكن متلحقش تصلى ...!
يمكن متلحقيش توصلى لحجابك الصح ...!

متخلوش الامتحانات فرصة إن الولاد و البنات يتجمعوا مع بعض بحجة إنهم بيراجعوا الإمتحان..
و بعدد ساعات أكبر من عدد ساعات الامتحان نفسها ...!!!
ليه...!!!

ليه بعد ما دقت لذة رضا ربنا عنك بعد التزامك ...
عايز ترجع لشياطين الإنس تانى ...!!!!!
ترجع للظلمة برجليك...!!!!!

صدقنى ...... هتخسر كتيييييييير أوى ..


متنساش فى عز المذاكرة ربنا ...
لأن هو بسسسس اللى بإيده تقديرك و نجاحك ...
متأخروش الصلاة أو تفوتوها أصلا عشان المذاكرة ...
ذاكروا جاااااااامد
لله ... و فقط ....

عايزاكوا تطلعوا دكاترة بجد تفيد ديننا و بلدنا ....
يعالجوا الغلابة اللى زاد عندهم المرض هم تانى فوق هم الفقر ..
أرجوك ...!

بلاش تنسانى .... خلينى آخد ثواب بتغييرك بسببى ...
العمر قصير اوى ..و الدنيا والله ماتستاهل ...
كل دى أوهام و لذات زائفة فى مسرح الدنيا الكبير...
والحساب فى القبر أكبر و أعظم من كل ده ...!!
إجرى لربنا .....
((ففروا إلى الله))

اهرب من ظلمة غضبه ... لنور رضاه ...
للذة خضوعك بين ايديه ....

راجعلك يارب ...
سامحنى ..اغفرلى ...
مقدرش أتحمل غضبك ...
ووقفتى قدامك ... بهمومى وذنوبى ....
أنا ضعيف أوى يارب قدام قوتك ...
و ذليل أوى يارب قدام عظمتك ..

تب إليه توبة بجد....
مش هرجع تانى يارب ...
((التائب من الذنب كمن لا ذنب له ))

ما تلجألوش و تتوب فى الإمتحانات وتنساه بعدها ...
هو عارف بتعمل ايه و عملت ايه و هتعمل ايه ...!!!!


رحم الله أختنا في الله وكل من مات معها في الحادث
وأمواتنا وأموات المسلمين
آمين