حكايتي مع الجامعة ... رحمك الله يا هديل

[*بنت عائشة*]

حكايتي مع الجامعة ..!!!

>> اكيد ده حلم اى بنت لسه خارجه من بهدلة الثانوى!!

اكيد نفسها تعيش حياتها ..

نفسها بجد تفرح ، نفسها تبقى بنوته style وتعيش انوثتها ..
نفسها اكيد برده تقابل فارس احلامها ..
وده كله طبيعى لاى بنت فى سنها جواها طاقة كبيرهة اوى..
حيويه ونشاط وعاطفه وحب ..
واكيد عايزه تعيش بيهم ايام الجامعه اللى متتعوضش .......



لكن ياترى عيشه الفراغ وقعدات الجناين وشلل الشباب والبنات هيا طريق راحة بالها وسعادتها !!!!

ياترى لو قضت سنين الكليه مابين المكياج والخروجات وقعدات الاصحاب تبقى خرجت من الجامعه وهى راضيه ومبسوطه!!!


ياترى لو عاشت من غير طموح ومن غير هدف من غير مايبقى نفسها تدوق طعم نجاح هتقدر تمشى معتزه بنفسها رافعه راسها!!!



حبيبتى انا حاسه بكل اللى انتى نفسك فيه ومريت بنفس احلامك وعملت اللى انتى عايزه تعمليه لكن من جواايا مكنتش مبسوطه مكنتش بضحك من قلبى مكنش بالى مرتاح مكنتش واثقه من نفسى كنت دايما حاسه انى بدور على حاجه بس مش لاقياها حاسه ان فى حاجه غلط .......





وفى وسط كل ده كنت بلاقى بنات زمايلى صمموا يكملوا مشوار كفاحهم حاولوا فى الثانويه وفى منهم حقق حلمه وفى منهم محققش ... لكن صمموا يكملوا مكنش حلم اوائل الدفعه بعيد عن بالهم ولا حلم التعيين فى الجامعه غايب عن تفكيرهم مسمعوش كلام اللى قالهم الامتياز دا مستحيل .... يارب مقبول ونعدى!!!





قلت لنفسى انا هتعقد كمان فى الكليه امال هعيش حياتى امتى ؟؟؟؟؟



قولت لنفسى الدراسه مش كل حاجه وحتى لو مكنش ليا مستقبل فى دراستى ادينى هتجوز ومش هصرف على نفسى !!!!



بصيت لقيت فى عيونهم امل عجيب وعلى وجوههم راحه البال اللى بحلم بيها ماشيين مابين ثقه وسعاده وحب وامل بصيت لقيتهم على الحير دايما متجمعين وبحب ربنا دايما ملممومين

حاسيين ان ليهم قيمه .... بالبلدى كده ناس ليها لازمه فى الدنيا



تلاقيهم فى حلقه قرأن بتحوطهم الملايكه او فى دار ايتام وربنا بينظر ليهم نظره رحمه





لما لقيت بجد السعاده فى عيونهم والحب الحقيقى اللى مجمعهم حسيت بالفرق بين حالى وحاالهم احنا الاتنين بنتين دخلنا الجامعه فى وقت واحد وظروف واحده وبمشاعر وحده وبحلم واحد



لكن واحده فينا عرفت ازاى توصل لسعاده قلبها الحقيقيه عرفت تمشى الطريق الصح وفضلت ماشيه فى الطريق وقلبها موصول بخالقها متلاقيهاش فى مكان ربنا مش راضى عنه ولا تلاقيها بتعمل اعمال ربنا نهى عنها وفى نفس الوقت كل حياتها طموح وامل دنيا واخره كل حياتها حب وخير بتحطه فى محله فبقت ماشيه مبسوطه طايره على الارض من فرحتهاا

وواحده تانيه فضلت تاييهه تخبط يمين وشمال بتدور على السعاده من ابواب تقطع صلتها بخالقها وتموت فى قلبها كل احساس بسعاده او راحه.....



مش هكدب عليكى فى الاول بتحسى فعلا انك مبسوطه مع الشله والجنينه والنادى والمكياج واللبس الاوفر

لان دى وظيفه ابليس انه يوريكى الحرام جميل والحلال خنيق



لكن بعد فتره هتلاقى قلبك اتخنق من كتر الحراااااااااااااام !!
لان الانسان جسم وروح ولما بتسمعى الاغانى ولا تقعدى مع فلان فى النادى انتى كده بترضى الجسم لكن الروح ملهاش غير غذااء واحد هو طاعة الله


والله هتيجى بعد فتره تحسى انك مخنوقه رغم ان هيبقى عندك شله تحفه وشاب طول النهار مغرقك كلام حب وعربيه بالاغانى فيها على اعلى صوت !!
بس هتلاقى نفسك زهقتى

والله بنصحك ومن قلبى لانى خايفه عليكى ومش عوزاكى تغلطى نفس غلطتى........



حبيبتى ابدئ صح واعرفى انك بدخولك بوابه الجامعه انتى قدام طريقين وقدامك الخيار

لكن ياترى هتبعدى ... ياترى هتخلى اللى انتى عايزاه فوق اللى ربنا عايزه منك....



احنا بجد من غير عون ربنا لينا ولا حاجه نسوى ايه ؟؟؟ احنا اللى مش مالكين حتى انفاسنا مش عارفين لو نمنا النهارده هنصحى تانى ولا مش هنصحى ؟؟!
مش عارفين لو خرجنا من بيتنا راجعين ولا مش راجعين؟!

مبنلاقيش حد جنبنا فى اى ازمه غيره ولما ينجينا منها بننساه ؟!



ربنا خلقنا ويعلم فين تكون راحة قلوبنا وعمرك لو لفيتى الكون عشان تلاقيها ماهتلاقيها فى معصيه بجد عمرك ماهتحسيها ..... هتضحكى وتمرحى وتتفسحى لكن صدقينى وانتى مخنوقه هتعيشى بجد فى وهم وفى الاخر يطلع ولا حاااااااااجه...

فى الطريق اللى ربنا رسمهولك ولما ربنا يرسملك حجاه يعنى مصلحتك لانه هو الرحيم بعباده





وربنا يعينك ويثبتك وييسرلك ويعينك ........ اوعى تقطعى قلبك عنه مهما بعدتى

خليكى موصوله بيه حتى لو بتعصيه وادعيه يقدرك على نفسك ويقدرك على طاعته



قوليله يارب جتلك بقلبى ومنايا اوصلك انا يارب ضعيفه ولوحدى مقدرش قوينى بيك وارفعنى ليك



ادعى وقولى يارب قلبى بايدك انت بس يارب صلحلى قلبى يارب شيل حب الدنيا من قلبى



يارب املى قلبى بحبك يارب حببنى فى القرأن يارب اهدينى لطريقك اللى اخره جنتك



يارب ... يارب.... يارب







بقلم \ د . هديل الجابرى

27\1\2009

(( رحمها الله ))

نسألكم الدعاء لها

********************

كلمة أخيرة :

اللى كانت كاتبه الكلام ده كانت بنت فى كليه طب فى سنه 5 ومااتت فى حادثه على الطريق _حادثه عربيه_ كانوا رايحين الامتحان الصبح وماتوا كلهم وقتهاا
بس كلام هديل لسه احنا بنقراه ولسه ناس باذن الله بتتهدى بيه وبتزيد حسنات هديل باذن الله وهيا فى قبرهااا

شوفوا بقى الفرق بينها وبين حد تانى مات ولسه اصحابه بيسمعوا الاغانى اللى هو بعتهلهم كل مابيشغلوها هو بتزيد سيئاته فى قبره

شايفين الفرق بين الاتنين اد ايه كبير ؟؟؟؟؟؟؟؟؟؟
هديل سابت حاجات تساعدها حتى بعد ما ماتت
انت بقى هتسيب ايه ؟؟؟ وعملت ايه ؟؟؟
ياريت كل واحد يفوق بقى وكل بنت تراجع حساباتها ونشوف احنا رايحن على فين يا شباب ؟؟
الموت مش بعيد عني وعنك ..
كفاية بقى ويلا نبدأ صفحة جديدة مع الله من الآن..
يلا نعيش أحلى حياة في طاعة الله..

[*بنت عائشة*]

ودي يا جماعة ما علمته عن هديل (ياااارب ارحمها)

يوم الثلاثاء...27من يناير سمعنا عن حادث على طريق دكرنس المنصورة....العربية اتقلبت فى الترعة
وفيه جرحى كتير واتنقلوا المستشفى...وكان فيهم طلبة رايحين الامتحان.......
كان السؤال حد فيهم فى طب؟؟؟!!!!كانت الاجابة بين مش عارفين,, أو لاء........الحمد لله
.....
حد شاف فلانة النهاردة؟؟؟؟؟ده كان سؤال من واحدة تانية....ليه؟؟؟أصل بيقولوا انها اتوفت فى الحادثة
بتاعت النهارده<<<<<<<<<<<ردت واحدة بسرعه أه انا شوفتها .......الحمد لله
.......
الحقوا فلانة بيقولوا انها ماتت!!!!!!!!!ده كان خبر من واحدة تالتة.....
كفاية بقى حرام عليكم مش كل شوية تقولوا على واحدة احنا لسه مقابلينها دلوقتى,,اتأكدوا الأول يا جماعه مينفعش كده...وبعدين بيقولوا مفيش فيهم حد من طب..............الحمد لله
....
حد شاف هديل النهارده؟؟؟؟؟؟
هديل ؟؟؟اللى من دكرنس؟؟؟هى معانا فى الروند...بس.....محدش شافها النهارده!!!!
نستنى حد يقول شوفتها........صمت..يتبعه صمت...ثم..
اه أنا شوفتها..................الحمد لله
كانت راكبة العربية اللى قبلى وقالتلى نتقابل فى الكلية ,لما وصلت ملقتهاش!!!!!!!!!!
فكرت انها راحت على الروند علطول...مع انى متأخرتش كتير!!!!!!!
.......
صمت.......ونظرات خوف وترقب.......ثم .........حد يا جماعة يتصل بيها على الموبايل ويشوفها .............................................مغلق
مغلق؟؟؟؟؟!!!!!!!!!
وبعدين؟؟؟!!!!!
هكلم والدها................هديل اتوفت النهارده فى الحادثة وانا لله وانا اليه راجعون...الحمد لله
::::::
يرفض العقل ان يقبل...يرفض ان يقبل ما يسمعه
متأكده انه والدها؟؟! والد هديل؟؟!! هديل الجابرى؟!! هديييييييييييل؟؟!!
مكالمة من اعزصديقاتها...هديل فى الثلاجة وعايزين حد ييجى يتعرف عليها لاننا مش قادرين
>>>>>>>>>>>>
<<<<<<<<<<<<
>>>>>>>>>>>>
<<<<<<<<<<<<
>>>>>>>>>>>>
<<<<<<<<<<<<
لم تتمالك الدموع ان تنتظر اكثر من ذلك....لقد خارت قواها كما خارت قوى اصحابها
أصبحن على الارض ...حتى الارض كما لم تقدر على حملهن...صمت انكسر بنحيب
نحييييييييييب متواصل يكسره اسم هديل.....
ثم أخذنا نجمع بعضنا البعض لنذهب الى الثلاجة على امل أنها ربما أخرى او تشابه فى الاسم او الشكل
............
لكن
كلما قربنا من المكان يتأكد لنا انها هديل حقا
.....
هديل التى كتبت فى العام الماضى فى رثاء زميلتنا دينا...ورحلت دينا؟؟؟
هديل هذه البنت الرقيقة التى حين تذكرها ترى ابتسامتها الرقيقة تاتى فى مخيلتك,
هديل التى كانت تجهز زيارة الجرحى الفلسطنيين فى معهد ناصر ,
هديل التى كانت تلبس أسوداً حدادا على الشهداء فى غزة طوال فترة الحرب,
.....
نعم هى:::::
ووصلنا لثلاجة الموتى,
عائلاااااااات كثيرة كل يبكى على فقيد لهم,فكانت مع هديل دكتورة نائبة فى قسم الامراض الصدرية ,دكتورة مروة,
وللأسف كنا نعرفها جيدا,,ودى كماااااااااااان؟!! يا الله
وأخرى فى كلية الحقوق,وآخر فى الصيدلة ,وآخر فى الاسنان,وآخر قريب أخت لنا,وكثييييييييير لم نعلمهم واخرى لم يتعرف عليها احد....
طب وهديل؟؟؟!!!!
اخذها اهلها فى سيارة نقل الموتى........

/
\
/
\
/
\
|
""
حبيبتى لو عدتى الينا اليوم لتقولى لنا ولو كلمه ...ماذا ستقولى ؟؟؟كلمه شوق أم وداع أم ماذا ؟ رحلتى الى رب غفور رحيم فأخبريتى كيف السؤال ؟؟؟كيف الحساب ؟؟؟نعم رب غفور رحيم ولكن غرنى عفوه وحلمه فكيف اجيب عن سؤاله وانا لم أفكر يوما فى مراقبته لى ؟؟اعيش وسط اهلى,, اصحابى ,,دراستى,, امتحانتى ,,مستقبلى ...ونسيت اليوم الذى ستسقط فيه ورقتى ...اليوم الذى سيزورنى فيه زائر الموت بلا استئذان ليقطع حبل حياتى واحلامى اصبحت الان اشعر انه يدق على بابى يقول لى لا تشيحى بوجهك عنى حينما تذكرينى لاتهربى كثيرا فانى ملاحقك ..
حبيبتى أخبرينى ..هل اظل احلم بحياتى أم أقطع التفكير وأستعد ليوم الرحيل ؟؟؟
""
هذه من كلمات هديل فى رثاء زميلتنا دينا العام قبل الماضى

[عاشقة ذكر الله]

يارب قلبى بايدك انت بس يارب صلحلى قلبى يارب شيل حب الدنيا من قلبى



يارب املى قلبى بحبك يارب حببنى فى القرأن يارب اهدينى لطريقك اللى اخره جنتك



يارب ... يارب.... يارب


يارب ارحم هديل

قصتها مؤثرة جداااااااااااااااااااااا

إنا لله وإنا إليه راجعون

لا حول ولا قوة إلا بالله العلى العظيم

لازم نستعد ليوم الرحيل

شكراااااااااااااااااااااااااااااا بنت عائشة على هذا الموضوع المؤثر

نعهدك دائما فى جديد من إبداعاتك

تحياتى أختى على الموضوع القيم

[*بنت عائشة*]

اقتباسالمشاركة الأصلية كتبت بواسطة عاشقة الذكريارب قلبى بايدك انت بس يارب صلحلى قلبى يارب شيل حب الدنيا من قلبى



يارب املى قلبى بحبك يارب حببنى فى القرأن يارب اهدينى لطريقك اللى اخره جنتك



يارب ... يارب.... يارب


يارب ارحم هديل

قصتها مؤثرة جداااااااااااااااااااااا

إنا لله وإنا إليه راجعون

لا حول ولا قوة إلا بالله العلى العظيم

لازم نستعد ليوم الرحيل

شكراااااااااااااااااااااااااااااا بنت عائشة على هذا الموضوع المؤثر

نعهدك دائما فى جديد من إبداعاتك

تحياتى أختى على الموضوع القيم


اللهم امين بجد انت اللي كلامك جميييل
يااااااارب ربنا يستجيب دعاكي يا حبيبتي
اسال الله ان يحسن ختامنا
هي اثرت فيا جدا انا كمان

[*بنت عائشة*]

ودي يا جماعة رسالتين من هديل قبل موتها

الرسالة الأولى
كتبتها هديل رحمها الله في رثاء إحدى صديقاتها والتي توفيت قبلها بعدة أشهر ولم تكن تعلم بأنها ستلحق بها بعد فترة وجيزة

ورحلت دينا
حبيبتى لو عدتى الينا اليوم لتقولى لنا ولو كلمه ... ماذا ستقولى ؟؟؟
كلمه شوق أم وداع أم ماذا ؟
رحلتى الى رب غفور رحيم فأخبرينى كيف السؤال ؟؟؟ كيف الحساب ؟؟؟
نعم رب غفور رحيم ولكن غرنى عفوه وحلمه فكيف اجيب عن سؤاله وانا لم أفكر يوما فى مراقبته لى ؟؟
اعيش وسط اهلى ، اصحابى ، دراستى ، امتحاناتى ، مستقبلى ...
ونسيت اليوم الذى ستسقط فيه ورقتى ...
اليوم الذى سيزورنى فيه زائر الموت بلا استئذان ليقطع حبل حياتى واحلامى
اصبحت الان اشعر انه يدق على بابى يقول لى لا تشيحى بوجهك عنى
حينما تذكرينى لاتهربى كثيرا فانى ملاحقك ..
حبيبتى أخبرينى ..هل اظل احلم بحياتى أم أقطع التفكير وأستعد ليوم الرحيل ؟؟؟

ربما كان رحيلك تضحيه لا إرادية منك لتذكرينا بقرب موعد اللقاء .

لتذكرينا بخالقنا الذى طال زمن اعراضنا عنه
لتذكرينا بانه هو الذى بدأنا واليه المصير ؟

ولكننا نسينا البدايه ونسينا النهايه وانطلقنا فى الدنيا
تحركنا يمنه ويسره بلا هدف نسعى من اجله ...
لكن يقينا هناك يتحرك فى داخلنا ... رغبه ملحه فى الرجوع ...
تدعونا الى القرب من الله الذى طالما بارزناه بالمعاصى ونحن أفقر الفقراء إليه وهو الغنى عنا.

الهى ...ارسلت الينا رساله فى وفاه رفيقتنا ...

فمنا من مرت عليه بلا تأثير لم يشعر بأى رغبه فى الوقوف مع النفس
ومنا من حزن يوم او يومين او اسبوع وقرر التغير ثم عاد كما كان
ومنا قرر الرجوع والوقوف على بابه ويقول (بابك لن أغادره)

الهى تعبت من البعد عنك والهرب منك معى كل شئ ولا املك شئ
كنت ابحث عن السعاده الحقيقيه فى معصيتك ولكنها كانت سعاده زائفه لم تزدنى الا حزنا وشقاء ..
اضحك العب والهو وعندما اخلو بنفسى اريد ان اصرخ واقول (ما خلقت لهذا)
لكنى اعلم ان السعاده الحقيقيه هى فى طريقك لذا ان الاوان ان ارجع اليك بعد طول الشقاء
سلكت كل السبل للبحث عن السعاده فلم اجدها

لكنى اليوم ربى مسحت غشاوتى وبدأت بالقلب الصافى اراك الهى ...
يامن انت ارحم بى بنا من امهاتنا

يامن تسمع شكوانا ونجوانا
يامن تطاع فتشكر وتعصى فتغفر
اغفر لنا ما مضى من زلاتنا وخد بايدبنا اليك ولا تحرمنا من رضاك

[*بنت عائشة*]

انتظروا الرسالة الثانية من هديل رحمة الله عليها

[king of tears]

رحم الله جميع امواتنا
امين
شكرا للرساله

[*بنت عائشة*]

اللهم اااامين
الشكر لله

[sεηυσяιтα ησOση]

الله يرحمها يارب

ومشكورة على الموضوع والرسائل

[*بنت عائشة*]

شكرا يالمعة
ربنا يخليكي