شاعر المنتدى(كرالشــــــاعرــــــيم) هنــــــــــــا....

[ranomaa]

طبعا كريم شخص مش عادي علشان كدا حبيت اريحه على الكرسي
منور يا كريم الكرسي وبجد
انا من الناس اللي كنت منتظره ترشيحك للكرسي
لانك من الناس الممتازه والمتميزه
وحابين نعرف فكرك ونتعرف على شاعر المنتدى

طبعا هبتدي معاك بالاسئله البسيطه

البطاقه الشخصيه



الاسم؟

العمر؟

البلد؟

الحالة الاجتماعية؟

المهنة؟

الهوايات؟

رياضتك المفضلة؟

أكلتك المفضلة؟

لونك المفضل؟

مثلك الأعلى؟


طبعا التقيل جاي بعدين
ومنتظرين اسئلة ومشاركات الاعضاء الكرام

[ranomaa]

شاعر قادم من حدود المحال

من هموم العاشقين

من زخم الشوق

من غضبات الرجال

من صحارى بلادى

واريافها والجبال

هو ذا قادم بالإبا مكتحل

هو ذا قادم بالوفا مغتسل

هو ذا ابن مصر

جاء يزرع ساحتنا بالامل

بالاشعار الجميلة

بالورود والحب

جاء ليسكن اعماقنا والمقل

جاء يملأ اجواءنا فرحا وأمل

هو ذا الشاعر المحتمل

لجماهيرنا يختزل

هو ذا شاعر الحب

شاعر الاحساس

.: كـــــــر الشاعر يــــــــــــــــم :.

جاءشاعرنا ليعترف ..

ليبوح لنا بمكنونات نفسه ..

لنقترب منه اكثر ..

ونقتبس من روعة وصدق احاسيسه ..

فهيا بنا نقترب ..


اسمحلي يا كريم دا كلام بسيط حبيت اقدمك به
لانك تستاهل وتستاهل اكتر من كدا كمان

نبتدي بقى الاسئله



احلامك باختصار :-

حققت منها :-

انطباعك عن حياتك اللى فاتت :-

انطباعك عن حياتك الجاية :-

انت والحظ : -

علاقتك بربنا :-


كل واحد فينا عنده طموحات انت ايه طموحاتك علي المستوي الشخصي و العائلي و

الدراسي و المهني ؟

مين اكثر شخصيه هنا قريبه منك حتى لو غايبه عننا؟؟


معنى الصداقه عندك؟.....كلمنا شويه عن صحابك؟

معنى الحب عندك؟

الفرق بين الحب والاعجاب من وجهه نظرك؟

هل انت مقتنع بالحب من اول نظره؟

ايه اكتر حاجه تلفت نظرك فى البنت؟

وايه مواصفات البنت اللى نفسك ترتبط بيها؟

امتى كريم ممكن يعيط؟

ايه الحاجه اللى ممكن تضايقك؟

ولما بتبقى مضايق بتعمل ايه؟

كريم ..شخصيه هاديه..؟....اجتماعى؟...شقى..؟..مرح؟.....كلمنا يعنى عن نفسك شويه

لو حد كدب عليك وبعدين اعترف بالحقيقه واقدملك مبررات لكدبه..تسامحه ولا تنهى علاقتك بيه؟


اممممممممم

والله فى تانى بس كفايه عليك كده دلوقتى عشان متتخضش

هههههههههههههههه


يلالالالالا سلام مؤقت ولنا عوده

[كريم الشاعر]

اقتباس طبعا كريم شخص مش عادي علشان كدا حبيت اريحه على الكرسي منور يا كريم الكرسي وبجد انا من الناس اللي كنت منتظره ترشيحك للكرسي لانك من الناس الممتازه والمتميزه وحابين نعرف فكرك ونتعرف على شاعر المنتدى

مشكوره يارانومه على المقدمه الجميله دى
وعلى الكرسى اللذيذ دا
طبعا هو لذيذ لأنك إنتى إللى إخترتيه
مشكوره ياقمر

اقتباس طبعا هبتدي معاك بالاسئله البسيطه البطاقه الشخصيه

أوكى وأنا تحت أمرك
وعلى فكره أنا معظم كلماتى بتكون باللغه العربيه
لكن فى الموضوع دا بالذات هجاوب باللهجه العاميه
عشان يكون فى صدق وعدم مبالغه .

اقتباس الاسم؟

إسمى : محمد عادل عيد السيد

اقتباس العمر؟

عندى : 23 سنه

اقتباس البلد؟

أنا من جمهورية مصر العربيه
محافظة الشرقيه
مركز منيا القمح

اقتباس الحالة الاجتماعية؟

أعزب

اقتباس المهنة؟

محامى

اقتباس الهوايات؟

أولا : القراءه وخصوصا كتب الأدب
ثانيا : كتابة الشعر
ثالثا : الشطرنج
رابعا : الخيل

اقتباس رياضتك المفضلة؟

طبعا سيبت نقطة خامسا فى الهوايات
عشان إجابة السؤال دا
ورياضتى المفضله هى (( كرة القدم ))

اقتباس أكلتك المفضلة؟

مكرونه بالبشمل

اقتباس لونك المفضل؟

الأزرق غامق

اقتباس مثلك الأعلى؟

بصفه عامه الرسول عليه الصلاة والسلام
ثم والدى
أما فى مجال عملى
فكل أساتذتى فى الجامعه بقتاد بيهم

[كريم الشاعر]

اقتباس شاعر قادم من حدود المحال من هموم العاشقين من زخم الشوق من غضبات الرجال من صحارى بلادى واريافها والجبال هو ذا قادم بالإبا مكتحل هو ذا قادم بالوفا مغتسل هو ذا ابن مصر جاء يزرع ساحتنا بالامل بالاشعار الجميلة بالورود والحب جاء ليسكن اعماقنا والمقل جاء يملأ اجواءنا فرحا وأمل هو ذا الشاعر المحتمل لجماهيرنا يختزل هو ذا شاعر الحب شاعر الاحساس .: كـــــــر الشاعر يــــــــــــــــم :. جاءشاعرنا ليعترف .. ليبوح لنا بمكنونات نفسه .. لنقترب منه اكثر .. ونقتبس من روعة وصدق احاسيسه .. فهيا بنا نقترب ..

مش عارف أقول إيه يارانومه بعد الكلام دا
بصراحه وبكل صدق أنا متواجد معاكم هنا
لأنى مش هلاقى مكان تانى فيه ناس بحبهم ويحبونى مثلكم

وإنتم أجمل وأرق شئ شفته فى حياتى
وبشبهكم بحديقه كلها زهور من كل نوع وكل لون

وطبعا مافيش إنسان يكون بين الزهور ومايكنش شاعر .

اقتباس اسمحلي يا كريم دا كلام بسيط حبيت اقدمك به لانك تستاهل وتستاهل اكتر من كدا كمان

تسلميلى يارانومه وربنا ما يحرمنى منك

اقتباس نبتدي بقى الاسئله

ربنا يستر وما أخلفش وعدى إنى أكون صادق معاكم :1bb20:

اقتباس احلامك باختصار :-

إنى أكون إنسان ينول رضا وإعجاب كل إللى حواليه
وأكون مميز فى كل شئ بعمله

اقتباس حققت منها :-

كل شئ حلمت بيه بسعى لتحقيقه
وبدعى ربنا إنى ما أفشلش فى أى شئ

اقتباس انطباعك عن حياتك اللى فاتت :-

فى حاجات غير راضى عنها
لكن تعتبر حاجات خاصه بيا أنا
وفى حاجات الحمد لله فرحان إنى عملتها
وفى كل الأحيان بقول (( أحمد الله ))

اقتباس انطباعك عن حياتك الجاية :-

سعيد جدا جدا جدا
لأنى فى بداية طريقى
وبدايه مشرفه وسعيد بيها
وبقول (( يارب ))

اقتباس انت والحظ : -

أنا لا أؤمن بالحظ
لكن أؤمن بالقضاء والقدر

اقتباس علاقتك بربنا :-

حزين جدا بصراحه
وبدعى ربنا إنه يهدينى
وأكون قريب منه أكتر

اقتباس كل واحد فينا عنده طموحات انت ايه طموحاتك علي المستوي الشخصي و العائلي و الدراسي و المهني ؟

الشخصى : أستقر وأتزوج ويكون عندى أولاد أتشرف بيهم فى أى مكان
العائلى : أكون ديما عند حسن ظن أهلى بى
الدراسى : الدكتوراه
المهنى : أكون من المحامين الناجحين والمشهورين فى أى مكان

اقتباس مين اكثر شخصيه هنا قريبه منك حتى لو غايبه عننا؟؟

خالد المصرى

اقتباس معنى الصداقه عندك؟.....كلمنا شويه عن صحابك؟

الصداقه فى نظرى : هى إن يكون فى إنسان مستحيل تخفى عنه شئ فى حياتك
مهما كان الشئ دا (( إخلاص / حب / صدق / وفاء )) يعنى بمعنى واضح :
الصداقه فى نظرى أقوى من الحب

>> أما بخصوص صحابى :

فأنا ليا أصدقاء وأصحاب كتير
بحبهم وبيحبونى .. مخلصين جدا ليا
ومن ضمنهم أقرب صديق ليا
وهو متواجد معايا حاليا وأنا بجاوب على أسئلتك

<<<<<<<<<<< ماشى على مبدأ (( إستعين بصديق )) :1bb20:

اقتباس معنى الحب عندك؟

الحب فى نظرى : شركه بين إتنين يتحملوا فيها كل الأرباح والخسائر
شركه أساسها الصدق والإخلاص وعقدها مدته طول العمر

اقتباس الفرق بين الحب والاعجاب من وجهه نظرك؟

الإعجاب : بيكون عن طريق الحواس الخارجيه فقط
يعنى العين الأذن

أما الحب : بيبدأ بالحواس الخارجيه ولكن بيزيد لحد ما يوصل لحواس الإنسان الداخليه
مثل القلب والروح وكل شئ متصل بالمشاعر بوجه عام

اقتباس هل انت مقتنع بالحب من اول نظره؟

نعم أؤمن بالحب من أول نظره
لكن بنسبة 99 % بيكون إعجاب وبيتحول لحب

اقتباس ايه اكتر حاجه تلفت نظرك فى البنت؟

حاجات كتير
لكن أكثر شئ بيكون :

(( الذكاء / الغموض / ورومانسيتها ))

اقتباس وايه مواصفات البنت اللى نفسك ترتبط بيها؟

بعد تدينها وأخلاقها أقدر أقول

1 - تكون بتحبنى طبعا
2 - تكون ذكيه
3 - وتكون جميله

اقتباس امتى كريم ممكن يعيط؟

لما كريم يتظلم أو يشوف ظلم ومايقدرش ينصر المظلوم على الظالم

اقتباس ايه الحاجه اللى ممكن تضايقك؟

كتير جدا
بس أكتر حاجات بتضايقنى

>> طبعا الوضع العربى إللى إحنا عايشين فيه

وغير ذلك فى حاجات تانيه كتيره منها

>> إن حد يكذب عليا

>> إنى ألاقى إنسان يتكلم فى أمور هو غير مدرك لجوانبها ويحاول يفرض
رأيه على الجميع

>> وطبعا إن إنسان يضرنى فى مجال عملى

>> وإنى أفشل فى أى مهمه أنا مُكلف بيها

وطبعا فى كتير بس مش متذكره حالياً

اقتباس ولما بتبقى مضايق بتعمل ايه؟

بفكر فى سبب ضيقى إزاى أنهيه وأخرج منه بإنتصار
بس طبعا ببعد عن الناس لخوفى إنى أزعل حد منى أو أجرحه بدون قصد

اقتباس كريم ..شخصيه هاديه..؟....اجتماعى؟...شقى..؟..مرح؟.....كلمنا يعنى عن نفسك شويه

كريم إنسان إجتماعى .. بيحب السعاده والجمال والهدوء
بحب أعبر عن أى شئ جميل بشوفه
سواء كان شئ من الطبيعه أو من صُنع البشر

وطبعا بحب الضحك جدا .. وفى ناس بتقول إنى رومانسى
وأنا كمان عِندى جدا .

اقتباس لو حد كدب عليك وبعدين اعترف بالحقيقه واقدملك مبررات لكدبه..تسامحه ولا تنهى علاقتك بيه؟

هو الكذب شئ بيضايقنى جدا
لكن هسامحه طالما فى أعتراف من جهته هو

اقتباس اممممممممم والله فى تانى بس كفايه عليك كده دلوقتى عشان متتخضش هههههههههههههههه يلالالالالا سلام مؤقت ولنا عوده

أوكى يارانومه وأنا تحت أمرك ياقمر

[ranomaa]

تسلم يا غالي

كمل بقى



ايه رايك لو بنتك جات قالتلك يابابا انا ارتبطت بواحد من النت وعايز يتقدملى ,,,

وهل رايك هيختلف لو كان ابنك عن بنتك ؟؟؟


نقول محمد أمتى بيمسك القلم وبيكتب ؟

أمتى كان أول حب فى حياتك ؟ وعرفتها أزاى ؟

هل لسة موجود ولا نسيتة ؟

لو فكرت أنك تخطب هتخطب واحدة بتقعد على النت وبتشارك في منتديات ؟ لو لاء لية لاء ؟

محمد ممكن يروح يقول للى بيحبها بحبك ويكون هو اللى بادىء ؟


اوصف محمد فى 3 كلمات ,,,,اوصف كريم الشاعر في 3 كلمات

صفة تتمنى تكون فيك ............

صفة تتمنى تتخلص منها ...........

انسان نفسك تقرب منه .............. ( مش شرط من المنتدى )

ممكن تتحدى اهلك علشان حبيبتك ؟؟!!

ايه الحاجة اللى لايمكن تسامح فيها ؟؟

ايه اكبر كذبة كذبتها ؟؟

عمرك ندمت على صدقك ؟؟

بتحب تظهر مشاعرك لأى حد ولا بتداريها ؟؟

قولى بقى مين اللى كلمتة فى الفلانتين وقولتلة كل عيد حب وانت طيب

اوصفلى السعادة بالنسبة ليك

مين اللى تتمنى تشوفة من المنتدى

اتصدمت فى حد قبل كدة(غير الحب)

اية اكتر مكان بتحبة وبتلاقى فية نفسك

مين الشخص اللى ممكن تحكيلة اى حاجة وتكون لية كتاب مفتوح


كفـــــــــــــــــــــايه بقى لحسن تكرهني


رجعـــــــــــــــــــــــــــالك:ff65::ff65::ff65 :

[hana]

والله يا كريم رانومه عامله معاك احلى واجب
بس طبعا لازم اسال ومش كتير
ايه اكتر بلد تحب تعيش فيها فى جمهوريه مصر العربيه؟
عندك كام صديق ممكن تثق فيه وتحكى له اصرارك؟
بتقرا لمين من الادباء؟
مين ملهمك فى كتاباتك؟
ما هى الرومانسيه من وجهه نظرك؟
ماذا يعنى لك الحب الاول؟
لو خانك من تحب ما هو تصرفك؟
كيف تعبر لمن تحب عن مشاعرك؟
موقف محرج حصل لك ولن تنساه؟
ايه اللى ممكن يسعد كريم الشاعر؟
ما هى فلسفتك فى الحياه؟
هل احسست بالرضا عن نفسك يوم؟
متى يحل الصمت عند كريم بدلا من الكلام؟
اروع ما كتبت من خواطر كانت بعنوان...............
ايه اللى ينرفز كريم الشاعر؟
اين نجد اسرارك؟
ماذا يعنى لك البحر_ القمر _ الطفوله _ الحب _ الليل _ الصمت _ التامل _ الصدق _ السماء
اوصف ما هى الطيبه من وجهه نظر كريم الشاعر؟
هل دموع الرجل فى الحب ضعف؟
كفايه كده عليك ويمكن ارجع تانى

[المستحيله]

هلا اخى
كريم المشاعر
نورت الكرسى
راح اتعبك بالأسئله بس يالله الله يعينك وجاوب عليها كلها

إذا طلب منك تقديم:
- نكته إلى الأعضاء
- مـثـل إلى الأعضاء
- حكمة إلى الأعضاء
-فماذا تقدم لهم ؟؟


لمن تهدي هذه الكلمات:
- كلمة حب
- كلمة خيانه
- كلمة شوق
- كلمة عتاب
- كلمة اعتذار
- كلمة بذبحك
- كلمة صدق
- كلمة بوريك
- كلمة انت فاهمني غلط

ثلاثة اشياء تمنيت الحصول عليها؟

ايه أسهل لك,,

أن تنسى جرح من يحبكـ أم أن تنسى حُب من يجرحك ؤليه .,؟!

*__^

.. لمن تعطي هألمسميآت :::

ألقلم ألذهبي

فآرض إحترآمه

شهآدهـ تقدير

قلبه أبيض

كتأإب مفتووووح


و شكرا لك
تحيتى و احترامى

[كريم الشاعر]

اقتباس ايه رايك لو بنتك جات قالتلك يابابا انا ارتبطت بواحد من النت وعايز يتقدملى ,,, وهل رايك هيختلف لو كان ابنك عن بنتك ؟؟؟

أولا : أنا عندى أهون إنها تقوللى إرتبطت بحد على النت من إنها تقوللى إرتبطت بحد فى الجامعه
على الأقل هكون واثق إنه مش لمسها
>> وطبعا لازم أستخدم ذكائى فى اللحظه دى بدل عصبيتى وغيرتى كأب
>> وكمان مش تنسى يارانومه إن فى أم ولازم تكون ذكيه ويكون ليها دور

==>> أما لو كان إبنى أنا هقدم له نصيحه أب فى مواصفات الزوجه إللى أتمناها له

ملحوظه : أنا مش معترض إن بنت وولد يرتبطوا عن طريق النت
لأنه أصبح واقع مثله مثل أى شئ آخر

اقتباس نقول محمد أمتى بيمسك القلم وبيكتب ؟

- لما يكون فى شئ أدامه
مش قادر يعبر عنه بلسانه

- ولما يكون سعيد جدا

- ولما يكون حزين جدا

اقتباس أمتى كان أول حب فى حياتك ؟ وعرفتها أزاى ؟

- أيام الجامعه

- عرفتها صديقه عاديه ومع القرب بيننا حبتها وحبتنى

اقتباس هل لسة موجود ولا نسيتة ؟

نسيت الحب

بس الإنسانه لسه فاكرها بكل خير
وبدعي ليها من كل قلبى ربنا يوفقها

اقتباس لو فكرت أنك تخطب هتخطب واحدة بتقعد على النت وبتشارك في منتديات ؟ لو لاء لية لاء ؟

عادى جدا

وكمان ممكن أشجعها إنها تكون متصله بالنت للإستفاده

وهنصحها بأضرار النت

>>> وعلى فكره يارانومه لو أنا واثق من حب الإنسانه إللى مرتبط بيها
وعارف لأى مدى بتحبنى .. أنا عمرى ما هخاف عليها من أى شئ وهكون واثق فيها لأبعد مدى
بس هيكون ليها عندى حق النصيحه .. وعارف إنها هتعمل بنصيحتى طالما بتحبنى

اقتباس محمد ممكن يروح يقول للى بيحبها بحبك ويكون هو اللى بادىء ؟

بكل تأكيد .. لأنه محمد لو لقى الإنسانه إللى بيحبها (( مش بعيد يروح يخطفها ))

اقتباس اوصف محمد فى 3 كلمات ,,,,اوصف كريم الشاعر في 3 كلمات

محمد : إنسان عملى جدا

كريم الشاعر : إنسان رومانسى جدا

اقتباس صفة تتمنى تكون فيك ............

أنا بحب نفسى زى ما أنا كده ومش عايز أزيد صفه أو أنقص صفه

صفة تتمنى تتخلص منها ...........

أنا بحب نفسى زى ما أنا كده ومش عايز أزيد صفه أو أنقص صفه

اقتباس انسان نفسك تقرب منه .............. ( مش شرط من المنتدى )

الله يرحمه كنت أتمنى لحظه من عمرى أكلمه فيها وبعد كده أموت
(((( محمد متولى الشعراوى ))))

إفتقدناه جدا

اقتباس ممكن تتحدى اهلك علشان حبيبتك ؟؟!!

الإنسانه إللى كريم يحبها أى حد فى الدنيا هيحبها
وطبعا أهلى من ضمن أى حد فى الدنيا
ومش هيحصل تحدى

لكن على إفتراض إنه حصل

>>> هختار أهلى

اقتباس ايه الحاجة اللى لايمكن تسامح فيها ؟؟

كرامتى

اقتباس ايه اكبر كذبة كذبتها ؟؟

ههههههههههههههههههههههههه

وأنا فى الدفعه الأولى فى الجامعه فى الترم الأول

عديت بمادتين (( ض ج )) وطبعا كذبت على بابا وقلتله إنى تقديرى جيد

ومش عرفته الحقيقه إلا لما نجحت فى المادتين وفعلا حصلت على تقدير جيد

وسامحنى لأنى صلحت غلطى

اقتباس عمرك ندمت على صدقك ؟؟

حصل وندمت على صدقى
بس لما براجع نفسى بقول الحمد لله
لو كنت كذبت كنت هندم أكتر

اقتباس بتحب تظهر مشاعرك لأى حد ولا بتداريها ؟؟

حسب الحد دا
لو قريب منى جدا بظهره مشاعرى
لكن لو حد بعيد عنى لا

اقتباس قولى بقى مين اللى كلمتة فى الفلانتين وقولتلة كل عيد حب وانت طيب

كل أصحابى وقرايبى
وإللى نسيته هو إللى كلمنى
وطبعا ست الكل ماما دى كانت أول الناس

اقتباس اوصفلى السعادة بالنسبة ليك

لحظات الرضا عن النفس

اقتباس مين اللى تتمنى تشوفة من المنتدى

نفسى فى رحله جماعيه تضم كل أعضاء المنتدى

اقتباس اتصدمت فى حد قبل كدة(غير الحب)

كتير
بس مش بنجرح أوى
لأن إللى بحبهم أوى الحمد لله مخلصين
وعمرهم ما صدمونى

اقتباس اية اكتر مكان بتحبة وبتلاقى فية نفسك

مكان فى الإسماعيليه
عباره عن كافيتريا على قناة السويس
كل ما أروح الإسماعيليه لازم أروحها
والفكره مش فى الكافيتريا
الفكره فى كل شئ هناك

اقتباس مين الشخص اللى ممكن تحكيلة اى حاجة وتكون لية كتاب مفتوح

بابا

اقتباس كفـــــــــــــــــــــايه بقى لحسن تكرهني

خدى راحتك ومستحيل أكرهك طبعا يارانومه

اقتباس رجعـــــــــــــــــــــــــــالك

وأنا فى إنتظارك ياقمر

[كريم الشاعر]

اقتباس والله يا كريم رانومه عامله معاك احلى واجب بس طبعا لازم اسال ومش كتير

تحت أمرها وتحت أمرك ياهنا

اقتباس ايه اكتر بلد تحب تعيش فيها فى جمهوريه مصر العربيه؟

الإسماعيليه

اقتباس عندك كام صديق ممكن تثق فيه وتحكى له اصرارك؟

واحد

اقتباس بتقرا لمين من الادباء؟

لكل الأدباء

بحب يكون عندى فكر كل إنسان بيكتب

بس أكتر إنسان لقيت فى نفسى

وأنصحك إنك تقرى فكره هو (( مصطفى محمود )) لأنه عالم وأديب

اقتباس مين ملهمك فى كتاباتك؟

كل شئ جميل

اقتباس ما هى الرومانسيه من وجهه نظرك؟

الحب من أجل الحب

اقتباس ماذا يعنى لك الحب الاول؟

يعتبر فى نظرى

تاريخ ميلاد المشاعر

اقتباس لو خانك من تحب ما هو تصرفك؟

أدعى له بالتوفيق
وأنساه

اقتباس كيف تعبر لمن تحب عن مشاعرك؟

أقوله بحبك

اقتباس موقف محرج حصل لك ولن تنساه؟

أول يوم دخولى الجامعه ومن فرحتى
نسيت المحفظه فى البيت
والمشكله إنى رحت فى سيارة واحد صاحبى
ومش خدت بالى من المحفظه
وهو راح كليته وأنا مش عارف أرجع إزاى
لا معايا فلوس ولا أى حاجه
حاولت أتصل عليه كان جهازه مغلق

>>> مش هقول إتصرفت إزاى هههههههههههههههههههههه :1bb20:

اقتباس ايه اللى ممكن يسعد كريم الشاعر؟

إنه يحس إن كل إللى حواليه بيحبه

اقتباس ما هى فلسفتك فى الحياه؟

النجاح

اقتباس هل احسست بالرضا عن نفسك يوم؟

دائما وأغلي وقتى بكون راضى عن نفى

اقتباس متى يحل الصمت عند كريم بدلا من الكلام؟

لما أحس بغباء إللى أدامى

اقتباس اروع ما كتبت من خواطر كانت بعنوان...............

((( شيطان الذكريات )))

اقتباس ايه اللى ينرفز كريم الشاعر؟

كتير
ذكرتهم لرانومه
لكن برضو هقولك أهم حاجات تعصبنى هى :

>> إن حد يكذب عليا

>> إنى ألاقى إنسان يتكلم فى أمور هو غير مدرك لجوانبها ويحاول يفرض
رأيه على الجميع

>> وطبعا إن إنسان يضرنى فى مجال عملى

اقتباس اين نجد اسرارك؟

فى ركن صغير جدا
فيه مكتب أزرق وكرسى بنى
الركن دا يقدر يحكيلك عن كل أسرار كريم

اقتباس ماذا يعنى لك البحر_ القمر _ الطفوله _ الحب _ الليل _ الصمت _ التامل _ الصدق _ السماء

البحر >> هو الغموض
القمر >> طبعا الجمال
الطفوه >> البراءة
الحب >> شريك الحياه
الليل >> لحظة الصدق مع النفس
الصمت >> هو العجز
التأمل >> البحث عن الذات الإلهيه
الصدق >> هو الجرأه
السماء >> عرش الرحمن

اقتباس اوصف ما هى الطيبه من وجهه نظر كريم الشاعر؟

العطاء بدون مقابل

اقتباس هل دموع الرجل فى الحب ضعف؟

دموع الرجل فى الحب ((( صدق )))

اقتباس كفايه كده عليك ويمكن ارجع تانى

وأنا أتمنى رجوعك تانى
وفى إنتظارك
وتحت أمرك ياقمر

[كريم الشاعر]

::

اقتباس هلا اخى كريم المشاعر نورت الكرسى راح اتعبك بالأسئله بس يالله الله يعينك وجاوب عليها كلها

هلا بيكى إنتى أختى
النور نور وجودك
وخدى راحتك <<< تعبكم عندى هو الراحه

اقتباس إذا طلب منك تقديم: - نكته إلى الأعضاء - مـثـل إلى الأعضاء - حكمة إلى الأعضاء -فماذا تقدم لهم ؟؟

نكته >> واحد صعيدى واقف أُدامه خمس شياطين
واحد يوسوس له وأربعه يفهموه :1bb20:

مثل >> الكذب مالوش رجلين <<<<<< بقوله دايما لنفسى :ff66:

الحكمه >> النجاح زهره بالأمل نرويها

اقتباس لمن تهدي هذه الكلمات: - كلمة حب

لأمى

اقتباس - كلمة خيانه

للحزن

اقتباس - كلمة شوق

لأصدقائى إللى سافروا خارج مصر

اقتباس - كلمة عتاب

لقلمى

اقتباس - كلمة اعتذار

لأبى

اقتباس - كلمة بذبحك

مش عارف

اقتباس - كلمة صدق

لنفسى

اقتباس - كلمة بوريك

لصديق كان قاعد جمبى إمبارح وسابنى النهارده

اقتباس - كلمة انت فاهمني غلط

لكل إللى زعل منى

اقتباس ثلاثة اشياء تمنيت الحصول عليها؟

رضا ربنا وأدعو إنه يكون راضى عنى
رضا أهلى والحمد لله دائما راضيين عنى
وإنى أحصل على شهادتى بتقدير كويس والحمد لله

اقتباس ايه أسهل لك,, أن تنسى جرح من يحبكـ أم أن تنسى حُب من يجرحك ؤليه .,؟!

نسيان الجرح
أسهل من نسيان الحب <<< هذا بالنسبه لى

ليه >> لأنى لما بحب .. بحب بجد وصعب أنسى
لكن لما أنجرح من السهل إنى أسامح

اقتباس .. لمن تعطي هألمسميآت ::: ألقلم ألذهبي

لهنا وأميرة القمر

اقتباس فآرض إحترآمه

أبو أدهم وعاشق

اقتباس شهآدهـ تقدير

لرانومه

اقتباس قلبه أبيض

لخلوووووووووووووووووووووود

اقتباس كتأإب مفتووووح

خالد المصرى

اقتباس و شكرا لك تحيتى و احترامى

الشكر هو لكِ على وجودك هنا