لو الحب كان اعمى طيب ليه....

[نبض الحياه]

بسم الله الرحمن الرحيم
انا جايلكم النهاردة بسؤال غريب حبتين
وهى عبارة دايما بنستخدمها لما قصة حب تفشل
بس بنقول عكسها لما تنجح
جملتين بنفس المعنى ولكنهم متناقضين تماما
وهو
لو الحب كان اعمى ليه واكلين دماغنا بالحب من اول مرة ؟
انتو ايه رايكو فى الجمله دى
ارجو التفاعل والرد
دمتم بكل خير

[رووكه]

معنى ان الحب اعمى سبب واحد

انك ممكن تحبى شخصيه وتتغاضى عن عيب فيه

وكانك مش شيفاه خاااااااااالص مع ان الكل واخد باله منه

بس من حبك ليه بتقولى مش فارق معايا

وديه فى حد ذاتها تضحيه للشخصيه ديه علشان عوزه تكملى معاها

والحب من اول نظره سبحان الله ده النصيب

مش بيد حد

تسلمى على التوبيك ويارب اكون وضحت حاجه

[The Dark Knight]

الحب بيجمل ,,,,, بيكمل

بمعنى محدش ابدا بيشوف عيوب حبيبه

ولو شافها

مكنش هيحبه طبعا

بيشوفه احلى واجمل الناس مع انه مش كده خالص

ولو فجاءة بدا يشوف عيوبه

يبقى ضاع الحب

ومعنى كلمة حب اصلا

هو انى اختار شخص واكون حابب كل مافيه عيوبه وصفاته مشاكله وكل حاجة

فلازم تبقى مراية الحب عامية

لانى اللى بيحب بيشوف حبيبه بنظرة خيالية مش مهم تكون واقعية المهم انه فى عيونها بحجم وصورة مش بيسمح ابدا انها تتهز مهما كان فى من دلايل على ده

تحياتى

[نبض الحياه]

شكرا على ردودكم ومروركم العطر