((حياتك تحت المجهر)) ●•ساحر الاحزان●•

[ĶǎnDO̳̿uChǎ ツ]

السلامـ عليكمـ
حلقه جديده من حيـــــاتــــــــــك تحــــــت المجهر
و معانا

انسان راقــــــــــي
و عضو مميــــــــز
وقلمـ مبدعـــــــــــــ

منورنــــــــــــــا

ساحر الاحزان

تعالو نتعرف عـلى حياته

♥اولا..قلبك تحت المجهر♥

امتى في رائيك يكون الحب حقيقي,وهل انت حبيت قبل كدا حب حقيقي؟

يكون الحب حقيقى لما اعرف معناة واحسة من قلبى

لان الحب مش كلام حلو وخلاص لا هو احساس

متبادل هو عطاء ونقاء

لو حبيت يبقى لازم اكمل مشوار للنهاية السعيدة

الى احنا بندور عليها وهى الاستقرار

اكتب لينا اكتر 10 اشخاص بتحبهم في حياتك بالترتيب من كل الناس الي مرو في حياتك سواء عائلتك او صحابك و كلو؟

كتير هما الناس بداء من الاهل الى الاصدقاء

وبتمنى لهم كل سعادة

اية رائيك في الثقة الزايدة اوي في شخص مهما كان قريب منك

هل دا صح ولا غلط؟

الثقة الزايدة ان لم تكن تحكم عقلك فيها فقد تقلب الى غرور

وهذا شىء غير مستحب ودة ممكن يكون صح لو الثقة دى بتواضع

وتكون غلط لو انقلبت الى غرور وتعالى

هتعمل اية لو حبيت انسان اوي و بقى اهم حد في حياتك وبعدين اكتشفت انو من وراك بيقول عنك كلام غير الي بيبان قدامك
هل هتحس بالجرح و لا هتوجهو ولا هتنساه ولا اية ؟؟

لو عندى بينة حواجهوا بيها ولو معنديش ممكن ازعل ولكن الله يسامحة

♬ثانيا..عقلك تحت المجهر♬

اكتب سطرين عن قراراتك و عقلك و تفكيرك؟

انا من النوع الى بيحب يحكم عقلة فى قراراتة

وقراراتى بحب اتانى فيها ومستعجلش فى اتخاذ القرار

ودة بيكون بعد تفكير فى عواقب الاختيار يعنى بحب ادرسة

ومستعجلشى فية

اصعب قرار اخذه؟

انى تغربت عن بلدى واهلى واصدقائى

اكتر قرار ندمت علية؟

انى بعد التخرج ابتعدت عن مجال تخصصى التعليمى مباشرة
واتجهت للعمل فى مجال اخر وعدلتة الان

هل يعتبر تفكيرك تفكير مجنون و مزاجي ولا عقلاني؟

التفكير المجنون مش فى كل حاجة والمزاجى دة طبعا حسب

الحالة المزاجية ولكن اهم شىء عندى فى المرتبة الاولى

هى التفكير العقلانى لانك بتدى الحاجة حقها من التفكير

هل تحسم الامور بقلبك ولا بعقلك؟

مش كل الامور بالقلب فى امور ممكن يكون للقلب تاثير فيها

ولكن الكثير من الامور بالعقل والمنطق

لو قالولك خد 3 قرارات دلوقتي في المنتدى واحنا هنفذو علطول هتقول اية؟؟

ليس لى ان اتخذ شىء وهو ليس بيدى

فعندما تكون بعيدا لاتحكم على الشىء الا عندما تكون

بالقرب منة

◆ثالثا..شخصيتك تحت المجهر◆

اكتب سطرين في شخصيتك وازاي انت شايفها ؟

انا الحمد لله ممكن اكون حاسس ببعض الرضا عن النفس

وبدعوا من الله انى احس بالرضا كامل ووقتها حيبقى شىء حلو

واية الي عايز تغيره في شخصيتك ولية؟

انى اقدر اوصل بيها للافضل وللارقى لان دايما الواحد مننا

بيحاول يطور من نفسة للافضل وللارقى ودة شىء جميل

عادة او طبع سواء كويس او سئ متقدرش تتوقف عنو؟

ممكن يكون الطيبة الزايدة او الثقة فى الغير

هل انت محبوب بين المحيطين بيك؟

السؤال دة ممكن اوجههة ليكى وللاخوة الاعضاء انتوا شايفنى ازاى بحكم انى وسطيكم

هل شخصيتك مسيطرة؟

لا ليست مسيطرة ولكنها مقنعة وتحاول التوضيح بكل بساطة

لو حد واجهك مثلا بصفة فيك وحشة يعني قالك مثلا (انت اناني او دمك تقيل ...او كدا)
قالهالك وش يعني هتعمل اية؟؟

وهو لما حد بيوجهنى بصفة وحشة فية هو شىء كويس

واحاول انى اغير منها لللافضل ودة طبعا احسن

★رابعا..ايامك تحت المجهر★

اية احلى عام مر عليك؟

العام الى انا معاكوا فية هنا

احلى يوم مر عليك؟

وانا راجع لبلدى تانى بعد الغربة

اية امتع وقت عندك في يومك؟

لما بخلص شغل وارجع وافتح العضوية معاكوا هنا

مبحسش بالوقت خالص

لو قالولك اختار 3 ايام تمحيهم خالص

من حياتك هتختار اية؟

صعب الاختيار نودى

لان دى هى الذكريات الى مرت

**

واشكر لكى اهتمامك

واتمنى انى اكون وفقت

تحياتى لكم

***

ا/امجد
والله ان حضرتك خير مثال للعقلانه و الاخلاق
شخصيتك رائعه
اجابات جميـــــــله جداومتميزهـ
شكرا جدا لقبولك الاستضافه معايا
نورتنا ونورت البرنامج والقسم كلو

يـ رب الحلقه تعجبكم
كان معكم
dodo
من امام قسم اليوميات

[ملكة القلوووب]

بصراحه حلقه سو نايس

والضيف فيري نايس

شكرا على الحلقه الكميله

بإنتظار الحلقه القادمه

جود لاكــــ

[dr.yoyo]

حلقـة حلـوة
أجوبـة روعة ,

ثـآنكس نودى ع الاستـضآفـة ::

[ماتركس]

مجهوود كالعاده يا نووودي باشاا

وامجد من الشخصياات المحبوبه من اول متواجدت معانا

محترم واخلاق

منور الحلقه ياريس

[عاشقة ذكر الله]

حلقة بجد رووووووووعة

والاجابات كمان جميلة جدااااا

يسلمووووو يا نودى ع الحلقة الجميلة

بالتوفيق

[نورا ❤]

حلقة جميلة جدااااااا يا دودو وضيف مميز وشخصية محترمة زي ا\امجد...واجابات عقلانية وجميلة....تسلموا تحياتي للضيف والمضيف.

[morshooo]

حلقة جميلة ومميزة

وبجد استمتعت بيها جدا

وامجد ماشاء الله علية

اجاباتة عقلانية ومميزة

الوبيك جميل جدا dodo

فى انتظار الحلقة القادمة

[دمعه حائره]

حلقه جميله جدا نودى وامجد من الناس المحترمين جدا
وعقله كبير ومثقف بجد مكسب كبير ومواضيعه بتلاقى كتير اهتمام من الجميع
ربنا يوفقك اخى وتحقق كل امنياتك
يسلمو نودى مجهود كبير تستحقى الشكر عليه

[همس الأشواق]

حلقة روعة وضيف رائع وصاحب قلم راقي
شكرا يا قمر

[ساحر الأحزان]

اقتباس
المشاركة الأصلية كتبت بواسطة ملكة القلوووب




بصراحه حلقه سو نايس

والضيف فيري نايس

شكرا على الحلقه الكميله

بإنتظار الحلقه القادمه

جود لاكــــ

اشكر لكى حسن مداخلتك القيمة

وحسن تواجدك

فدمتى بكل خير