الرئيس المطلوب في مصر

[علي حنش]

شروط مرشح الرئاسه الجديد :
---------------------------------------

1-مايكونش منوفي .

...2-الا يستخدم بعض المصطلحات مثل محدودي الدخل ولا مساس والمرحله المقبله وغيرها من العبارات التي تردد على اسماع الشعب اول مايو من كل عام .

3-يسمع كل يوم الصبح اغنية دامت لمين .

4-مايعملش زيارات مفاجأه يوم السبت الساعه11 احنا اللي هنعمله زيارده مفاجأه كل 3 ساعات .

5-مايفكرش انه عشان بقى ريس يبقى قائد الثورة .

6-مايقولناش الاخوه والاخوات انا امي ماخلفتش غيري انا واخواتي .

7-يصدر قرار بمنع عبارة "بناء على تعليمات السيد الرئيس" واللي يقولها يتحاكم فورا

8-يكون بيتكلم وبيفهم انجليزي من غير مايطرطق ودانه .

9-يكون عارف اننا انتخبناه هو مش هو مراته وابنه وجوز خالته وعمة ام اللي جابو ابو

10-يبقى عنده فيس بوك بس مابيلعبش فارم فيل ويكتبله بوست واحد في اليوم عشان مايضيعش وقت الشعب .

11-يكون متواضع جداااا بس مش لدرجة انه يقعد في خيمه .

12-مراته تاخد لقب سيدة مصر الاخيره .

13-مايقعدش في القصر الجمهوري ، ياخدله شقه ايجار جديد

14-ياكل عيش من ابو شلن ويشرب من مية الحنفيه .

15-البدله بتاعته ماتكونش سينييه وماضي عليها الخواجه فيرساتشي الله يرحمه يجيب بدلته من ابو نسمه .

16-يتفرج كل يوم على قناة الجزيره .

17-مايكونش عمل اي ضربات جويه ولا ارضيه ولا فضائيه يذل اهلنا بيها .

18-مايعطلش المرور عشان يروح مشوار عايز يوصل بسرعه يركب طياره .

19-مايكونش راعي الرياضه والرياضيين ولا الثقافه ولا المثقفين ولا الفن ولا الفنانين ويسيب الناس دي في حالها .

20-مايضحكش علينا ويروح يفتتح نفس المكان عشرين مره .

21-يبطل كلمة نشجب وندين .

22-مايكونش بيصلي العيد قبل مايبدأ وتنزل صورته وهو بيصلي في الاهرام يوم الوقفه بالليل في الطبعه الاولى

23-مايكونش من محبي الاستقرار .

24-بمجرد فوزه في الانتخابات وقبل مايحلف اليمين يشتري كرسي تيفال الاصلي عشان مايلزقش .

[aya1994]

ههههههههههههههههههههههههههههههههه

-بمجرد فوزه في الانتخابات وقبل مايحلف اليمين يشتري كرسي تيفال الاصلي عشان مايلزقش .
تسلم الايادى

[darkmoon]

woooow, wonderful, so funny xD
thanks for the topic ^ ^

[لينا وبس]

15-البدله بتاعته ماتكونش سينييه وماضي عليها الخواجه فيرساتشي الله يرحمه يجيب بدلته من ابو نسمه .

هههههههههههههههههه
تسلم ياجميل ع التوبيك

[زهرة الاحلام]

هههههههههههههههههههههههههههههههههههههههههه
فعلا ده اللي المفروض يحصل
يسلمووووووووووووووو

[حفيدالفراعنة]

ههههههههههههههههههه روعه بجد
بس داه ها يموت من تانى اسبوع هههههههههههه

[ε s я α α]

هههههههههههههههههههههههههه

طلباتنا واضحة وصريحة

و مفيش فصآآآال :d