حلقات برنامج ( وجهة نظر )

[مِسكُ الشَهادة]

اقتباسالمشاركة الأصلية كتبت بواسطة morshoooفكرة مميزة يا خالد باشااااا

ان شاء الله تنجح والاعضاء يحرصو

على المتابعه

اتمنالك التوفيق

أهلا ً وسهلا ً بيك يا عم أبو تريكة
ونسأل الله لنا ولك وللجميع التوفيق دوما ً
شرفني مرورك واسعدني أخي الحبيب

[نبيل البصراوي]

فكرى حلو تحياتي انا متشكر منك على افكاركم الجيده ون شاء الله متابع معكم بكل امر اخوكم البصراوي

[مِسكُ الشَهادة]

اقتباسالمشاركة الأصلية كتبت بواسطة نبيل البصراويفكرى حلو تحياتي انا متشكر منك على افكاركم الجيده ون شاء الله متابع معكم بكل امر اخوكم البصراوي

شرف ٌ لنا متابعتك أخي الحبيب
ودمت في أمان الله
مرورك أسعدنا دوما ً

[ملكة القلوووب]

فكره حلوه

بإنتظار الحلقة الاولى

جود لاك

[مِسكُ الشَهادة]

اقتباسالمشاركة الأصلية كتبت بواسطة ملكة القلوووبفكره حلوه

بإنتظار الحلقة الاولى

جود لاك

شكرا ً لمرورك الأروع أختي الكريمة
وحياكـ ِ الله

[مِسكُ الشَهادة]

نسرد لكم اليوم الحلقة الأولى من برنامج
(وجهة نظر )

مع ضيفنا المتميز دائما ً
والذي أعجب الجميع بسرد ِ قلمه
إستضافنا كثيرا ً في حلقاته
المتميزة وها نحن اليوم نستضيفه
مع كل شرف ...
إنه العضو المتألق ...( أحمد... morshooo )

ليوضح للأعضاء ما الغاية والهدف من
برنامجه الحواري ...
( أجمد عضو)
ولنتعرف على برنامجه أكثر فأكثر

نبدأ بالقسم الأول الذي من خلاله سنتعرف ع ( طفولة هذا العضو )
وحياته في الصغر كيف كانت من شتى النواحي...

( القسم الأول )...

........طفولة عضو........

إيش لعبتك المفضلة وإنت صغير؟؟

كورة القدم طبعا وكان الاتارى الاسود بتاع زمان دا ^_^

نشيد كنت تحبه أيام الطفوله ؟؟

اكيد النشيد الوطنى بما اننا كنا بنقولة كل يوم فى المدرسة مع انى مكنتش بحب احضر الطابور :Sh_075:

شخصيه كرتونيه كنت تحبها ؟؟

حبيب قلبى ( كابتن ماجد ) وهقولك على حاجا بخصوص الكرتون دا انا فاكر كان بيجى كل يوم ( الاثنين - الخميس ) الساعه 10.45ص على القناة الثانية ومدرستى كانت من 8 - 3 وعايز اقولك ان اكتر ايام غيابى بيكون ( الاثنين - الخميس ) بسبب انى اتفرج على الكرتون دا ويمكن حاليا منزل كل حلقات الكرتون على الجهاز طبعا

كيف كنت ايام طفولتك شيطاني ولامؤدب ؟؟

والله كان شوية كدا وشوية كدا حسب المكان بس كنت دائما بحب اشغل نفسى بأى حاجا بس الحمد لله راضى عن ايام طفولتى بالكامل :ju4:

ماهو الموقف اللي عرضت فيه اهلك للاحراج؟؟

هو كان موقف بس مش مقصود كان عندى كلب زمان كنت فى اخر المرحلة الابتدائية وفى يوم كان معايا الكلب وكنت مع واحد صحبى ساكن فى عمارة جمبنا وكنا بنهزر مع بعض والكلب ماشاء الله ظبطو :Sport-043: وكانت هتحصل مشكلة بس الحمد لله الواد اتهرا حقن والكلب اتباع بعديها بس بعديها بكام سنة جبت غيرة ولحد دلوقتى عندى كلبين فوق سطح العمارة :ju4:

هل كنت شخص ذو شخصيه قويه أم مغلوب عليه ؟؟

هقولك على حاجا احنا الحمد لله والدى من النوع الديمقراطى جدا جدا يمكن مفيش اى قرار بيتاخد فى البيت الا بعد مشورتنا وكتير جدا ممكن نكون احنا لينا رائينا ووالدى مخالف لينا بس بيحقق طلبنا احنا فيمكن دا طلع فينا حاجا اننا مش بنبص للموضوع باننا شخصيتنا قوية او ضعيفة ولكن الى يهمنى انا شخصيا ازاى اقدر اتعامل مع الى قدامى بطريقتة هو ودا الحمد لله نوعا ما موجود فى شخصيتى

موقف حصل في طفولتك كان له دور في تغيير مجرى حياتك؟؟

هو موقف مكنتش فية طفل كنت فى ثالثة اعدادى يمكن فى كتير مننا لما يبقى هاوى حاجا بيحب يعملها على طول وانا من النوع الى بيحب العربيات جدا خاصة السواقه كان والدى عندة عربية وكنت زى اى شاب فى السن دا دماغه مريحاة جدا فكنت بحب اخد العربية كتير جدا كانو فى البيت لو عايزين حاجا من السوبر ماركت اقولهم مش هروح الا بالعربية طبعا الكلام دا عشان والدى مبيكنش موجود يمكن بسبب عملة بيسافر كتير بس لفترات قصيرة اسبوع اسبوعين كدا يعنى المهم مكنش بيعرف انى باخد العربية وفى مرة اخدها وهو مسافر وقولت اروح بيها لواحد زميلى بعيد عنى شوية وخبط العربية وعنيكم ماتشوف الا النور طبعا لما والدى رجع بلاش اكمل عشان كانت ليلة ملهاش ملامح :Sport-043: بس مش معايا مع والدتى الله يرحمها هههههههه

اكبر عيديه جمعتها كم ؟؟ ومن مين ؟؟

لا مش فاكر بس انا لحد دلوقتى باخد عيدية من والدى ههههه بس الى باخدة بيروح اضعاف اضعافة على ولاد اخواتى بس اهو عيديتة بتشيل شوية عنى

من كـان يدلعك أكثر والدك ِام والدتك ؟؟

والدتى الله يرحمها

اســم دلعك بالطفوله لحد الان ينادونك فيـه ؟؟ وماهو ؟؟

ميدو فى البيت والاصدقاء morsho

بطفولتك كنت تبكي إذا ماجلست بالاول بالطابور او الفصل ؟؟

ياعم الحاج انا عمرى ما اقعد فى الصفوف الاولى تصدق ممكن مرة والا حاجا لكن كنت بقعد فى النص تقريبا

ايش اسم اول مـدرس درسك؟

على ما اعتقد كان عبد الرحمن

شو أكتر مادة كنت في المدرسة تحبها؟

الالعاب هههههههههه انا من اعدادى وانا بلعب فى نادى مصر للبترول وبعد كدا روحت كذا مكان فكان معايا جواب انى امشى كل يوم و يوم بدرى عشان التدريب فكنت معروف فى المدرسة بسبب الحكاية دى لكن كمواد دراسية كنت بحب ( التاريخ جدا )

شو أكتر مادة كنت تكرها؟

الدراسات

من أجمل طفولتك ...أم ريعان شبابك ولماذا؟

والله الحمد لله انا مبسوط بالاتنين وراضى جدا عن نفسى

بكدا إنتهى القسم الأول

ــــــــــــــــــــــــــــــــــــــــــــــــــ ــــــــــــــــــــــــــــــــــ
ــــــــــــــــــــــــــــــــــــــــــــــــــ ـــ
ــــــــــــــــــــــــــــــــــــــــ
ــــــــــــــــــــــــــ
ـــــــــــــــــ
ـــــــــ
ـــ

ننتقل بكم للقسم الثاني
من البرنامج والذي يلخص عنوانه
( وجهة نظر )
فتعالوا نشوف أخينا أحمد
إيش قال عن برنامجه
( أجمد عضو )

.................................................. .................
القسم التاني

بداية ً ما هو ( برنامج أجمد عضو) ...؟

اجمد عضو برنامج لية الفضل على مورشووو يمكن هو دا التوبيك الى عرف الاعضاء على مورشووو ويمكن الحمد لله اتعرفت فى فترة قليلة جدا بالمنتدى بسبب البرنامج ويمكن فاكر ردود الاعضاء فى بداية البرنامج كانت كلها الحمد لله جميلة جدا وجالى رسائل كتير ازاى بنزل حوار كامل والاسئلة مترتبة بالشكل دا مكنش حد فاهم انها عن طريق الرسائل الخاصة

متى تولدت الفكرة لديك لإنشاءه وكيف؟

الفكرة بدايتها كانت فى منتدى تانى وكنت منزل البرنامج هناك وعملت تقريبا 10 او 20 حلقة مش فاكر بصراحه ولكن وقفتة هناك لان كان عدد الاعضاء صغير وحسيت انى خلاص جبت الاعضاء المهمين فى المنتدى اول لما دخلت هنا يمكن سجلت وانقطعت فترة لانى كنت ناسى انى مشترك فجيت فى يوم كتبت morshooo فى جوجل وظهرلى المنتدى وافتكرت انى مشترك لقيت عدد الاعضاء كتير قولت اعمل البرنامج هنا وابتديت الفكرة من وقتها

بإعتقادك ما هي أهم أهدافه كبرنامج ؟

البرنامج مر بمراحل كتير بدايتة او اول تقريبا 20 حلقة كانت تعارف على الاعضاء كنت بستضيف الاعضاء ونكلم عن طفولتهم ومرحلة الدراسة وبنكلم عن العلاقة باسرهم ويمكن لما اعمل 20 حلقة يبقى اكيد البرنامج ناجح جدا قولت اخد راحة بعد الحلقة الــ 20 وكنت انا بطلها على فكرة ورجعت تانى عملت تقريبا 5 حلقات بنفس الاسلوب حسيت ان الاعضاء خلاص قبل ما يدخلو التوبيك عارفين هيكون فى اية لان من بعد اجمد عضو انا لاحظت ان برامج الاستضافات بقت كتير جدا جدا فكان لازم اغير من اسلوبة عشان يحافظ على نجاحة فعملت حلقات على فترات متقطعه كانت مع المناسبات لو حصل حاجا كنت بستضيف العضو يعنى فاكر منها لما تم تغير استايل المنتدى جبت مدير المنتدى كان طارق

وفاكر بعديها استضفت محمد الشريف وكان اول مرة يدخل اليوميات وعايز اقولك حاجا انا فى اعضاء كتير سبب دخولهم القسم للاول مرة كان اجمد عضو افتكر منهم ( محمد الشريف - عاشق ولهان - سكرة ) بعد كدا اعتمد فى البرنامج على الاحداث الى بتحصل وللاسف كتير جدا فهمو غلط وفاكرين انة معتمد على المشاكل ومحدش شاف ابدا انى بستضيف الضيف عشان يوضح الامور قدامنا محدش بيجى فى باله دا ابدا يعنى لما يحصل خلاف بينى وبينك واشتكيك مش لازم الجميع يعرف سبب شكوتى اية ويقول وجهة نظرة والعضو الاخر اكيد هيدخل ويوضح الامور والفترة الاخيرة كلة بيقول انى بدخل قسم الشكاوى عشان استضيف حد طيب استضافتى لكل من ( الاسلامبولى - كوين ميرو - تقى - حنون - ميشو - طارق - تيكنيكال - ياسمين رفعت .....الخ ) كانت من قسم الشكاوى

لو طلبنا منك أن تخبرنا عن إيجابياته وسلبياته إن وجدت في نظرك فما هما؟

الايجابيات من وجهة نظرى هى اعلان اسباب الخلاف لو الحلقة عن مشكلة بين عضوين توضيح الخلاف ومحاولة تقريب وجهات النظر واعلان الحقائق الى ورا الخلافات من الاعضاء نفسهم

السلبيات ممكن تكون فى المشاركات فقط وردود الاعضاء مع انى مش بحب احزف المشاركات ويمكن حتى الان محزفتش الا رد واحد فقط وكان فى الحلقة قبل الاخيرة

ع أي أساس تختار العضو في البرنامج بطريقة معينة أم عشوائية؟

لا مش بعشوائية والا حاجا ولكن دائما وابدا بيبقى فى اشياء بتبقى مسمعه فى المنتدى سواء حاجات جديدة او تغيرات جديدة او ترقيات او خلافات فعلى قد ما اقدر بحاول اجارى الامور فى المنتدى واستضيف الاعضاء الى بيبقو متسلط عليهم الاضواء او فى امور حدثت جديدة فبحاول اجيب الاعضاء يوضحو الامور

هل إنتقاد البرنامج يُغضبك أم يحفزك للتغيير الإيجابي دوما ً ؟

انا مبقولش لحد متنتقدنيش ولكن اتمنى النقد يبقى موضوعى يعنى ميجيش حد يقولى غير من اسلوب البرنامج اومال فين حريتى الشخصية وازاى حد يقبل على نفسة ان حد يجى يقولة لا غير البرنامج بتاعك وخلية عادى طيب مايقدمة هو احسن انا بس حابب اقول حاجا ان لو التوبيك بيجيب مشاكل انا هكون اول واحد حابب اغير من اسلوبة عشان يحافظ على نجاحة

بإعتقادك هل البرنامج يسير في طريق الصعود أم الهبوط ولماذا في كلتا الحالتين؟

الحمد لله البرنامج من يوم ما اتعمل حتى الان يمكن حصل على اكثر من 1500 مشاركة واكتر من 34.000 مشاهدة اعتقد انة فى صعود مع العلم ان البرنامج غير منتظم فى نزول الحلقات واعتقد ان سبب النجاح اظهار الحقائق من اصحاب المواقف مش بجيب حد يكلم نيابة عن شخص تانى

أنت تُقدم الكثير من البرامج والمواضيع فهل تُقدم برنامج أجمد عضو عليها جميعا ً ولماذا ؟

لو قصدك انة اهم برنامج عندى يبقى اكيد الاجابة نعم انا قولتلك ان اجمد عضو هو الى قدم morshooo للاعضاء ويجى بعدية اكاديمية بنات مصر لان فعلا الاكاديمية برضو حاجا جديدة جدااا جدااا فى المنتديات بصفه عامة وبيبقى فيها تعب بدرجة كبيرة جدا يمكن فوق ما تتصور بس الحمد لله اجمد عضو والاكاديمية اتحدى اى منتدى تانى يكون فيهم الا لو مورشووو الى مقدمهم

كم تستغرق من الوقت في إعداد البرنامج حتى عرضه ع الأعضاء؟

مفيش وقت محدد ممكن ابعت لعضو دعوة وابعتلة الاسئلة بعديها باسبوع مثلا المهم انى باخد الموافقة الاول وبعد كدا بحضر الاسئلة او الدفعه الاولى من الاسئلة ولما بيبعتلى الاجابات بطلع منها اسئلة تانية وببعتلة تانى لكن عادة بيبقى الحوار فى حدود رسالتين او ثلاثة بالكتير وبتستغرق كوقت حسب ممكن يومين او اكتر

عندما أجريت معي لقاء في أجمد عضو شبهتك بمحمود سعد ...
فهل تطمح لتصل إليه وما رأيك فيه كمذيع ؟

والله لو هاخد 10 مليون زية ياريت ^_^

محمود سعد مزيع مشهور جدا ولكن ليا شوية تحفظات فى طريقة ادارتة للحوار ويمكن مكنتش حابب دا اوى فية فى برنامج البيت بيتك يعنى كنت تحس انة عايز يبقى مع الغلابة بس فى حاجا غريبة فى طبيعه عملة ويطلع يقولك تبرعات تبرعات و5000 عشان نعالج فلان و2000ج عشان مش عارف مين وطلع هو فى الاخر بياخد 8 مليون تقريبا وبيكلم عن الغلابة اكنة زيهم مش لاقى ياكل ولكن كان واضح انة فى حاجا غريبة فى كلامة ولكن انا بحترمة جدا جدا ويمكن دلوقتى انا من اكثر المعجبين بية فى برنامجة الجديد

برنامج أجمد عضو تعرض لبعض الإنتقادات من أعضاء نحترمهم
السؤال هو ... هل ستعمل ع تغيير سياسة البرنامج كما كانت سابقا ً
مع أنني لم أعايشه منذ تأسيه لانني لم أكن هنا...أم ستمضي به
ع نفس السياسة التي تسير عليها ...وإن ستغيرها برأيك ما الفرق
بين أجمد عضو سابقا ً وأجمد عضو اليوم ؟

سياسة البرنامج هتبقى زى ماهى ان شاء الله انا يكفينى ان فى بعض الاعضاء بيطلبو منى التواجد فى التوبيك وفى الى يقول انة هيعمل مشكلة عشان تستضيفنى ^_^ حتى لو بهزار بيتقال الكلام دا اعتقد سببة نجاح البرنامج

من أول ضيف إخترته في البرنامج ولماذا بدأت به دون غيره في
برنامج يُعرض لأول مرة سابقا ً طبعا ً ؟

كانت العضوة nooody وكانت مضرفه قسم اليوميات وكنت طبعا معرفهاش بس تابعت ردودها ومواضيعها لقتها حد مميز جدا والاعضاء بيحبوها جدا جدا فكان لازم استضيفها عشان الحلقة تنجح وكان دا الى يهمنى ان ضيفتى هى الى تنجح الحلقة مش وجودى واسئلتى الى تنجح الحلقة

ما شعورك وأنت ضيفنا ولسنا ضيوفا ً عليك هذة المرة؟

رغم ان كدا اريحلى كتير ههههههههههه

بس سعيد جدا باستضيفتى معاك وانتا عارف كويس انا بحترمك جدا وعاجبنى فيك تشددك للاخوان المسلمين مع انى مش معاهم بس لما عملت الحوار معاك لقيتك حد فاهم كويس هو تابع لحزب اية ولكن انا سعيد جدا باستضافتك ليا طبعا

كلمة أخيرة : _
للأعضاء

ان شاء الله كل الاعضاء يكونو بخير ويفضلو بخير واتمنالكم النجاح جميعا سواء فى حياتكم الشخصية او فى المنتدى

لبرنامج أجمد عضو

انتا كنت سبب معرفه الاعضاء بمورشووو وانتا برنامج ناجح والدليل الوسام الى اخدة واستمر زى مانتا على نفس اسلوبك

لمصر أم الدنيا ...
يمكن مش هقدر اقول غير كلمتين ( بحبك يا مصر )

لفلسطين الحبيبة...

ان شاء الله هيجى يوم وهتبقى دولة مستقله مفيهاش والا يهودى واحد وانا حاسس ان شاء الله ان اليوم دا هيجى قريب

والسلام ختام...
صلوا ع الحبيب محمد...
خالد
_
_
_
لمن لا يعرف طبيعة البرنامج ...هذا الرابط يوضح فكرته
http://forums.msryat.org/msryat247753/

[عاشقة ذكر الله]

حلقة راااااااائعة جدا منك خالد

واجابات مورشو رووووووووووعة

يسلموووووووووو ع التوبيك الجديد المميز

[Řǻet βanota]

يا عينو على الطفولة الجااااااامدة

جامد البرنامج تحياتى لصاحب الفكرة

تحياتى لاحمد

باتظار الجزء التانى ............

[a m i r a]

حـــلو آلبروجرم وآلآســئله تــحفه @@
وآجابآت جميــله آوي يآ مورشو
نورت آلحلقه ,,
فـي آنتظار حلقآت تانـــيه بآه

[♥..pure]

الفقرهـ الاخيرهـ عجبتني ..
اجابات مختلفه الي حد ما يا مورشو ..
برنامج متميز واعتقد ان الفقرهـ الاولي هي اللي مطوله الموضوع شويه
دام نبضكم وتميزكم ,,
تحياتي ,,