يوميات سعدية الصعيدية وميدو الاستايل

[yara5]

النهاردة جايبة لكم قصة جديدة ويارب تعجبكم
ونبدأ بقه ع بركه الله

قصه البنت سعديه الصعيديه الجدعه
الى جالها التنسيق فى جامعه القاهره
وسافرت عند عمها علشان تدرس
وقابلت بقى ميدو وحصلت اجمل قصه
تعالوا نشوف

شخصيات القصه

سعديه وميدو





جنى صديقه ميدو (طبعا حاجة استايل)



ندى صديقه سعديه



الحلقه الاولى


جه جواب التنسيق لسعديه
وفتحت الجواب لقت جامعه القاهره
سعديه : يا دى اليوم لاسود انهرده يادى النيله
ام سعديه : ايه يابتى مالك
سعديه : الحجى يامه جواب التنسيج جه القاهره
ام سعديه : وماله يابتى عمك هناك روحى عند عمك
سعديه : انا مش بطيج مرته دى الى عامله
زى ام اربعه واربعين
ام سعديه :معلش يابتى ايام وجضيها وخلاص
سعديه :امرى لله انا عارفه حظى اسود من يومه
هروح وخلاص
وجه معاد السفر
ركبت سعديه القطر وفى طريقها للقاهره
سعديه : يا سوادى هى السكه مالها طويله
جوى ليه كده يا مهون هون علشان انا
زهجت ومليت من الجعده دى
وصلت سعديه وراحت عند عمها
خبطت على الباب فتحت مرات عمها
سعديه : اهلا يا مرت عمى
مرات عمها : مين سعديه
سعديه : ايوه سعديه امال هيكون عفريتها ولا ايه
مرات عمها : ازيك يا بنتى منوره
عمها يجري على الباب و يقول مين سعدية
ازيك يا بتى واللي في البلدعاملين ايه
سعديه : طيب مش تدخلونى وبعدين تسلموا
ولا هنجضيها سلامات من على الباب الشنطه
خلعت كتفى
عمها : ادخلى يا بنتى اهلا وسهلا
ورحبوا بيها وسلمت على عمها واولاده
وتانى يوم كان الدراسه
صحيت بقى سعديه واستعدت
وراحت على الجامعه مع عمها
لانها متعرفش السكه دى اول مره هتروح فيها
وصلها عمها وشرحلها الطريق
دخلت سعديه الجامعه
لقت بنات بقى وشباب استايل اوى
اول مره تشوف كده
سعديه : وى وى وى وى وى يا بوى
ايه الى البنات عاملينه فى نفسهم ده
المحزج والملزج وايه الالوان الى فى شعرهم دى
استغفر الله العظيم يا ربى
والولاد مالهم كده مطولين شعرهم وموجفينه
زى ما يكونوا مكهربين
دول ما يجلوش حاده عن البنات
عشنا وشفنا وانا مالى انا الحج بجى محاضراتى
ودخلت بقى سعديه قاعه المحاضرات
بتدور على مكان تقعد فيه
سعديه : ايوووووووووه يا ولاد ايه الى بيحصل ده
الاولاد جمب البنات كده وملزجين فى بعض
انا هجعد زيهم كده لا والله لا يمكن ابدا
انا هفضل واجفه احسن
دخل الدكتور لقى كل الناس اعده الا هى
بيقلها يا بنتى اعدى
سعديه : اجعد ازاى يا دكتور جمب الولاد كده
عادى لا والله ما يحصل ولا يكون
الدكتور:ههههههه اعدى جمب اى بنت
طيب اى حد يا بنات يقعدها جمبه
وحده من البنات قالتلها تعالى هنا جمبى
اعدت سعديه واتعرفت عليها انتى اسمك ايه
قالتلها اسمى ندى وانتى قالتلها سعديه المهم
بعد ما خلصت المحاضره اتعرفوا على بعض
وبقوا صحاب اوى
وخلص اليوم وخلصت المحاضرات
وجه معاد انها تمشى لبيت عمها
خرجت سعديه هى وندى


وبعدين




تاااااااااااااااااااااابعونى

فى الحلقه الجايه

[dr.yoyo]

وآآآآآآو حلقـة جميلـة بجـــد ,,

تسلم ايديكــى ,,

فى انتظـآر الحلقـة القـآدمـة

[ملكة القلوووب]

حلقة سو بيوتفل

تسلمي ياقمر

بإنتظار الحلقة القادمه

[۩۩ elMagic ۩۩]

يا لهوى على تقليد الصعيد
وبعدين فيه بنت داخله جامعه تتكلم كده
هههههههههههههه
قصه جميله جداااا
وفى انتظار باقى القصه
ومبرووك رجوعك المنتدى مرة تانيه يارا
لكى منى ارق واطيب تحيه

[morshooo]

حلقة جميلة ومميزة

فى انتظر الحلقة القادمه

تحياتى