لو بتتفرج على مسلسل يوسف الصديق يا ريت تدخل

[زهرة الحياة 2]

السلام عليكم ورحمه الله وبركاته

انا لاهتكلم فى حلال ولا حرام لانى مش مؤهله لكده باى شكل



بحيى كل واحده امتنعت عن متابعته درءا للذنوب
وعملا ب(دعوا مايريبكم الى مالايريبكم)
ممكن واحده تقول انا مش هشوفه لان مجرد مشاهدتى ليه اقرار مبدئى
انى موافقه على العمل بالرغم ان فيه تخطى على تجسيد الانبياء المنهى عنه

وبصراحه انا بقولهاااا.............احيكى على موقفك
بجد ربنا يكرمك ويكتر من امثالك


المهم قريت ان المسلسل ده فيه اخطاء كتير .......

وقلت اقولكم على اهم الاخطاء اللى قريتها علشان تاخدوا بالكم
وتقفوا عندها ...............

ودى ابرز 7 اخطاء فى المسلسل..................



1\ أدعي المسلسل أن امرأة العزيز كانت تسمي ( زليخه )فيما لم يأت هذا الاسم في القرءان , ولم تثبته كتب التاريخ ولكن اعتمد المؤلف علي الأسرائليات وروايات التلمود التي أجمع علي تكذيبها المؤرخون والمفسرون .



2\ لم يذكر القرءان ولا اي حقائق تاريخيه موثوق فيه ان أمرأة العزيز ألقيت في السجن هي والنسوة اللاتي قطعن ايديهن كنوع من أنواع العقاب فقد كانت أمرأة قويه لها شأنها ولم تهن في حياتها علي الأطلاق كما صورها المسلسل في فترة مابعدخروجها من السجن وأظهارها في حالة العشق الزائد عن الحد ليوسف


3\ لم يذكر في سورة يوسف أن يوسف عليه السلام اعاد الي أمرأة العزيز بصرها وشبابها كمعجزة

4\ لم يأت ما يؤكد نزول الوحي ليخبره بضرورة الزواج منها بأمر من الله بعدأن تابت وأستغفرت لربها , فقد قطع النص القرءاني العلاقه بها بعد ان اعترفت لملك ببراءة يوسف فكما جاءفي الايه ( 51 ) في سورة يوسف ( قالت أمراة العزيزالان حصص الحق انا راودته عن نفسه وانه لمن الصادقين ) , ولم تأت سيرتها مرة اخري بعد ذلك حيث انه لم يرد أنها تزوجت منه .



5\ عاصر النبي ( يوسف عليه السلام )عهد الهكسوس ولم يكن في عصر امنوحتب الرابع أو اخناتون كما جاء في المسلسل , وان ملك مصر في ذلك الوقت كان أحد ملوك الهكسوس وليس فرعونا مصريا كما ورد في الأحداث , وأن كان يوسف عليه السلام في عصر اخناتون كما جاء في المسلسل , كيف لم يذكره أخناتون علي حوائطه واوراق البردي اتي كان يسجل فيها علاقته بالاله أمون , ويوسف عليه السلام كان الرجل الثاني بعده .



6\ لم يكلف سيدنا يوسف عليه السلام بنشر التوحيد وعبادة الله , فكما هو معروف هناك فرق بين الرسول والنبي , وكانت فترة سجنه هي أكثر الفترات عباده بالنسبه لسيدنا يوسف وأكثرها ابلاغا لدعوة التوحيد لمن معه غير ذلك لم ينشغل يوسف بعد خروجه من السجن سوي بشئون البلاد الاقتصاديه وا جتياز سنوات العجاف فلم يرد في التفاسير انه كان داعيه ووحد عبادة في مصر كلها وعاقب كل من بقي علي عبادة الاله امون


7\ كيف وأحداث المسلسل تدور في طيبة وكما هي معروفه انها الاقصر حاليا , وكنا نري صورة الاهرامات وابو الهول الجهة الاخري من النيل , من اتي بالأقصر عند الاهرامات

مصدر الاخطاء(بناء على طلب العضوات)
ساره سيف الدين
جريده الاهرام
العدد الثامن والعشرون
27 اكتوبر 2010


فياريت اللى متابعينه ياجماعه متتاثرش اوى بالاحداث وتحفرها فى دماغها على انها حقائق تاريخيه

خصوصاانى قريت انهم عملو قصه سيدنا موسى


ومش عارفه انتوا معايا ولا لا
ياريت كل فتوكه تقولى رايها الشخصى

فى امااااان الله
منقــــول

بس انا فعلا اتفرجت على المسلسل والاخطاء دى كانت باينه فيه

[sεηυσяιтα ησOση]

جزاكـــ الله كل خير

انا فعلا كنت بتابعه

بس ما بعرف بطلت عنه من زمان

[nٌen!o]

انا الحقيقة لسة متبعاه

و عرفة ان القصة مخرفين فيها و معظمها مش حقيقى

و كمان الى مجننى جيبين صورة النيل و و رها الهرم هو النيل فى الجيزاه !!

على العموم المسلسل حلو و يشد و مش غلط انك تشوفة

الى لوكنت بتعتقد ان ده فعلا سيدنا يوسف علية السلام او تعبدة

انا مش هفتى بس انا عرفة طبعا كل حاجة و ما بتفرج علية كانى بتفرج

على مسلسل عادى مش مسلسل سيدنا يوسف علية السلام

تحياتى تسلمى على الموضوع

[زهرة الحياة 2]

شكرا ليكوا يا قمرات على المرور
نورتونى

[*بنت عائشة*]

جزاك الله خيرا يا زهرة .....
طبعا معاكي ان مشينفع نتفرج عليه لكل الاخطاء دي
لانه اصلا مشينفع حد يجسد شخصية نبي ابدااا

[عاشقة البنفسج]

أنا فعلا أسمع عنه كتير وصحباتي كمان بيتابعوه بس مش عارفة ليه مدخلش دماغي!!!مع إن كل اللي اتفرجوا عليه قالوا ده حلو أوي وبعدين بصراحة كدة شكله طوييييل والأخطاء دي بتؤكدلي إني لا يمكن اتفرج عليه

وشكرا ع الإفادة

[زهرة الحياة 2]

اقتباسالمشاركة الأصلية كتبت بواسطة *بنت عائشة*جزاك الله خيرا يا زهرة .....
طبعا معاكي ان مشينفع نتفرج عليه لكل الاخطاء دي
لانه اصلا مشينفع حد يجسد شخصية نبي ابدااا
شكرا ليك حبيبتى نورتينى بردك القيم

[زهرة الحياة 2]

اقتباسالمشاركة الأصلية كتبت بواسطة عاشقة البنفسجأنا فعلا أسمع عنه كتير وصحباتي كمان بيتابعوه بس مش عارفة ليه مدخلش دماغي!!!مع إن كل اللي اتفرجوا عليه قالوا ده حلو أوي وبعدين بصراحة كدة شكله طوييييل والأخطاء دي بتؤكدلي إني لا يمكن اتفرج عليه

وشكرا ع الإفادة

شكرا ليك على المرور
دمت متميزة

[بسمه علي]

علي فكره للاسف المسلسل ده اخد اكبر من حجمه وناس كتير قوي شافوه ملتزمين ومش ملتزمين ده ليه؟
لانهم قالو محدش يتفرج والممنوع مرغوب

[nano.syria]

انا بصراحة ما حبيتو لانو جاية من ايران....