مسابقة قوة الملاحظة,,

[SiLver Spectra]

مسابقة جديدة مع صيف أحلى في منتديات بنات مصر و اسأل مجرب من الصيف الي فات (بشتغل في الدعاية :biggrin

فكرة المسابقة
كان واضح بالمقارنة بين اقبال الأعضاء لحل المسابقات المختلفة , حبهم لمسابقات الإختلافات و قوة الملاحظة عن مسابقات الحساب
و من هنا جت فكرة عمل مسابقة اختلافات لكن بشكل مختلف غير تقليدي
الفكرة انها بدل ما تكون صور هتكون فيديوهات
طيب يعني ايه فيديوهات؟

نشرح المسابقة
المسابقة عبارة عن 8 فيديوهات
فيديو اصلي اسمه (original)
و سبع فيديوهات تانية مترقمة باللاتيني زي الصورة



ال 8 فيديوهات ليهم نفس المدة و هي دقيقة و 13 ثانية و شبه بعض بالظبط
لأ هما مش شبه بعض بالظبط :biggrin:
في كل فيديو من ال7 الغير اصليين اختلاف واحد فقط عن الفيديو الاصلي (original)
انت مهمتك تتفرج على الفيديو الأصلي و تقارن بينه و بين الفيديوهات التانية عشان تطلع الاختلاف الواحد الي في كل فيديو
يعني اجمالا في 7 اختلافات في 7 فيديوهات
مثلا تقارن بين original و الفيديو رقم واحد (I) و تحاول تطلع الاختلاف و بعدين تقارن بين original و الفيديو التاني (II) و تكرر العملية لحاد ما تخلص السبعة

طيب حد هيسأل الاختلافات دي عبارة عن ايه؟
ممكن ناس تحس بصعوبة شوية من سرعة المونتاج
أنا هسهلكم العملية شوية ,, الاختلافات مش هتكون في المونتاج
المونتاج الي هو مدة كل مشهد و حركة الكاميرا و الفلاشات
في كل الفيديوهات هو نفس المونتاج بالملي
أمال الإختلافات في ايه؟
الاختلافات هتكون في الصور نفسها
حاجه ناقصة ,,حاجه مختفية ,,حاجه متشقلبة ,,حاجه متغيره
و الحاجات كلها واضحة مش هتبقى فتفوته
و مستوى الصعوبة بيتدرج بشكل نسبي من الاسهل للأصعب
بس بتختلف من شخص لآخر,,ممكن واحد يشوف ان 4 اصعب من 5 و هكذا
بس حاول تبدا برقم واحد و هي الأسهل



طريقة الحل
ياريت تركزوا في طريقة الحل لأنها مختلفة عن باقي المسابقات
المسابقة موجوده في ملفين مضغوطين بحجم 212 ميجا
هتحمل أول جزء و بعدين تاني جزء
معلش هشرح طريقة فك الضاغط عشان الي ماعندهمش خبرة
بعد ما هتحمل الجزئين هتضغط كلك يمين على الجزء الأولاني بس زي الصورة




و تختار extract here



هيفكلك الضاغط بتاع الملفين لأنهم بيكملوا بعض
و هتلاقي بقى في فولدر زي الصورة و جواه ال8 فيديوهات



زي كدا


و هتقارن بين الoriginal و باقي الفيديوهات عشان تطلع الاختلاف الي موجود في كل فيديو زي ما اتفقنا

بس في حاجة مهمة
هو انك تصور لقطة الاختلاف
هتصورها ازاي؟
اما بالضغط على زرار print screen الي في الكيبورد
أو انك تحمل البرنامج الي هحطه في الآخر بيخليك تقدر تصور اي حاجه على سطح المكتب

دا برنامج للتصوير من سطح المكتب الي عايز يحمله
click here
مساحته صغيره جدا و هتسطبه عادي بعد ما تفك الضاغط



و هتختار وندو او فول سكرين زي ما تحب العملية ايزي




زي كدا انا صورت لقطة من فيديو بس مش تبع المسابقة :wink:



انت مطلوب منك تاخد اللقطة الي فيها اختلاف عشان تبعتها في حلك
لأني مش هقبل أي اجابة بكلام
يقولي العامود الي ورا و لا معرفش ايه ,, أنا عايز صور

آخر حاجه و هي ارسال الحل
الحل هيكون في رسالة خاصة لكن مش لعضويتي
لعضوية تم عملها مخصوص للاستقبال رسائل حلول المسابقات
الي هي دي

Solving competitions



قولنا بدل ما الرسايل بتوه في عضويتي مع الشكاوي و الطلبات و بنسى ناس حلت ,,فخليتها في عضوية مستقلة
و تقدر تبعت حلك مجزأ مافيش مشاكل
لكن الافضل انه يكون في رساله واحده
و كمان تقدر تبعت الحل بالاختلافات الي قدرت تطلعها ,,مش لازم تبعت ال7 كلهم

الجوائز
50 مشاركة عن كل اختلاف
+ وسام
و جوائز اضافية لاصحاب المراكز الأولى هيتم تقييمها حسب مستوى المسابقة

الشروط
مفتوحة للكل باستثناء تيكنيكال فقط و هو عارف ليه )


آخر حاجة و هي تحميل الملفات
حمل من الميديا فاير
الجزء الأول
اضغط هنا
الجزء التاني
اضغط هنا


أو
حمل من الميجا اب لود
الجزء الأول
اضغط هنا
الجزء الثاني
اضغط هنا
الموضوع مفتوح للجميع للمشاركة و الاستفسار

[Love Paradise]

حجزززززز :: اول رد ككككككككك

[yara5]

فكرة حلوة اوي
بس انا مافهمتش الحته الاولانيه دي خالص
الي هيه بتاعت 8 فيديوهات مش فاهمه
حد يفهمني

[Love Paradise]

همممم اول استفسار "" هي مدة المسابقة مفتوحة ::؟؟؟

[yara5]

خلاص فهمت وشكلها فكرة جامده
وانا معاكوا فيها ان شاء الله

[~..a7la smile..~]

الله بجد بجد فكرة حلوة اوي وانا ان شاء الله هاحمل
وربنا يوفقنا

[ماتركس]

مسابقه جميله يا دكتور طارق

بس المره دي شكلها صعبه وطويله اوي بس هنحاول نركز

ياريس يلا بقي هنحاول نحلها ياريس

وتسلم ايدك يا كبير ايوا كده ارجع زي زمان يا كبير

بالتوفيق ليك يا دكتور

[الملكة كيلوباترا]

بجد مسابقة فى قمة الجمال ياطارق
وشكلها سهلة وهاعرف احلها ان شاء الله
وربنا يستر والحل مايطلعش غلط

^^

[sεηυσяιтα ησOση]

مسابقة روعة

وهحاول

[yara5]

ياجماعه في حاجه غلط اللينك مش شغال
ولا ايه مش راضي يحمل خالص