الفرق بين شباب دلوقتي وشباب زمان

[Nada Aldrainy]

*الولد داخل على باباه ياخد مصروف الاسبوع

زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.
دلوقتى:- إيه يا مان احنا النهاردة كام فى الشهر ؟ انت مش هتأبضني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز الفلوووووووس...المونيـــــــــــــــــــــــــــــ ــى


*خروج الولد وموعد رجوعه البيت

زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.
دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى
معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه .


*نزول الولد لشراء احتياجات البيت

زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد. يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!

*ولد حب يتعرف على بنت

زمان:- الولد لو راح يكلم بنت (بعد ما تطلع عينه ) يحمر وشها ..ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها.
دلوقتي:- الولد راح يكلم بنت ردت عليه تقوله,لخص عايز ايه من الأخر يعني؟؟؟يعدي عليها اخوها ومعاه صاحبته يعملها باي من بعيد وهى ترد عليه ويمشي ( يمكن افتكر اللى واقف معاها ده عمود نور ؟؟!!)
طبعا الولد واقف مندهش المهم يجي يتكلم تاني ترد عليه تقوله على فكرة انا مصاحبة وصاحبي (يعني حتى مش خطيبها) هيعدي عليا دلوقتي وعلى فكرة بيغير عليا موووت. (لا صحيح محترمة )

قول للزمان ارجع يا زمان

[عادل طه]

ههههههههههههههه
طبعا اكيد حضرتى ايام زمان دى
ايام ما كان كيلو اللحمه بمليم على كدا انتى عندك حوالى 150 سنه
ربنا يديكى الصحه

ناااااااااااايس توبيك يا قمر

[Nada Aldrainy]

اقتباسالمشاركة الأصلية كتبت بواسطة عادل طهههههههههههههههه
طبعا اكيد حضرتى ايام زمان دى
ايام ما كان كيلو اللحمه بمليم على كدا انتى عندك حوالى 150 سنه
ربنا يديكى الصحه

ناااااااااااايس توبيك يا قمر





هههههههه
يسلموووو لمرورك الجميل

[nano.syria]

ههههههههه
يسلموايديكي ندى ...الله يرحم ايام زمااااااااااان

[زهرة الاحلام]

ههههههههههههههههههههههه
فعلا فرق شاسع
يسلموووووووووووووو

[Ŝmilể Ḿőøn]

جامده
دمتى متميزه

[حب مهزوز]

هههههههههههههههههههههههه
روووووووووووووووعة تسلميلي يا قمره