..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : إيلاانا - مشاركات : 4 -
مآآشي ي زمن
الكاتـب : نو تعارف - آخر مشاركة : ساحر الأحزان - مشاركات : 1 -
بلا إستئذان .. قلم مهيب
الكاتـب : مهيب الركن . - آخر مشاركة : ساحر الأحزان - مشاركات : 2 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


حيرة قلب أنثى

قصص - روايات - حكايات ...منقولة


إضافة رد
 
LinkBack أدوات الموضوع انواع عرض الموضوع
قديم منذ /01-06-2009, 11:33 AM   #11

 

 رقم العضوية : 10244
 تاريخ التسجيل : Dec 2008
 العمر : 28
 المكان : مصر
 المشاركات : 84
 النقاط : اللؤلؤة التائهة will become famous soon enough
 درجة التقييم : 68
 قوة التقييم : 0

اللؤلؤة التائهة غير متواجد حالياً

إرسال رسالة عبر MSN إلى اللؤلؤة التائهة إرسال رسالة عبر Yahoo إلى اللؤلؤة التائهة
أوسمة العضو
افتراضي

[SIZE="3"]
وصلت السيارة التي بداخلها الأستاذ أيمن والد نور .. ويجلس بجوار ابنه سامر .. وفي الخلف تجلس نور بجانب والدتها مناال وبجانبهما الخادمة...


فتحت ابواب العزبة .. ومن هنا بدأت ابتسامة نور ترتسم على شفتيها .. وفتحت الباب السيارة واخذت تتجول


ثم عادت الى والدتها وامسكت بيديها قائلة:

الله يا ماما .. شايفة العزبة .. شايفة الجمال شايفة اللون الاخضر مالي المكان.. بقا انتي كنتي عاوزه ترفضي تيجي الجنة دي ..


الام بابتسامة هادئة:

فعلا يانور .. مكان يستحق اننا نقعد فيه .. عارفة؟ انا حاسه ان في حاجه جميلة اوي هتحصل في الايام دي


نور بعد نفس عميق:

يااااااه وانا كمان .. انا حاسة اني من كتر الفرحة عاوزة اطير فووووووق السحاب


الام وهي تحمل حقيبتها:

يلا يانور عشان نلحقهم .. زمانهم دخلوا ومستغربين اننا اتاخرنا كدا


تنهدت نور في ارتياح .. وحملت حقيبتها ولحقت بوالدتها في سعادة
[/SIZE]







  رد مع اقتباس
قديم منذ /01-06-2009, 11:36 AM   #12

 

 رقم العضوية : 10244
 تاريخ التسجيل : Dec 2008
 العمر : 28
 المكان : مصر
 المشاركات : 84
 النقاط : اللؤلؤة التائهة will become famous soon enough
 درجة التقييم : 68
 قوة التقييم : 0

اللؤلؤة التائهة غير متواجد حالياً

إرسال رسالة عبر MSN إلى اللؤلؤة التائهة إرسال رسالة عبر Yahoo إلى اللؤلؤة التائهة
أوسمة العضو
افتراضي

دخلت نور البيت الصغير .. مكون من غرفة نوم وغرفة جلوس صغيرة والفاصل بينهما ممر قصير ثم الحمام والمطبخ ..
وضعت نور حقيبتها على الارض ثم القت بجسدها على السرير واغلقت عينيها في سعادة وفرح ..


الام:

ايه يا نور دا كله ؟ معقول فرحانة قد كدا؟ طب حتى قومي حطي هدومك في الدولاب ..

نور:

مش قادرة اصدق ياماما .. انا وسامر هنقضي احلى ايام .. انا حاسه اننا رجعنا صغيرين تاني.. مش قادره افتح عنيا .. وألاقيني فجأة كنت بحلم .. الجو جميل اوي .. كل حاجه حلوة في ايدي.. وانتي معايا ..

ثم فجأة اعتدل وجلست متربعة:

عارفة ياماما .. انا عمري ما كنت هكون سعيدة وانتي مش معايا


الام:

ياشيخه .. اذا كان انتي كنتي مصممة جدا انك تيجي هنا بإي شكل حتى لو انا رفضت ..


نور:

منا بقولك ماكنتش هبقا سعيدة زي دلوقتي وانتي معايا


الام:

طب وفرحانه انك مع سامر قد فرحك وانتي معايا؟


نور وهي تربط شعرها في المرآه:

ايوة طبعا فرحانه اني مع سامر .. حاسه اني هرجع الطفلة الصغيرة اللي بتجري وتضحك ببراءة .. وسامر يجري ورايا


الام:

آآه ..لا .. أنا اقصد انك ممكن يعني .......


تلتفت نور إليها:

ممكن يعني ايه؟؟


الام:

هاه؟ لا ولا حاجه كنت اقصد يعني انكم قريبين من بعض اوي فممكن يعني...


نور:

استحالة ياماما قولتلك قبل كدا .. سامر دا زي أخويا بالظبط .. مش عارفة انتي بتفكري كدا ليه !!


الام:

بس انا شايفة انك بتحبيه اوي .. فرحتك دي وكأنك هتخرجي مع خطيبك .. مش اخوك


نور:

ياماما في فرق بين حبي لخطيبي واحترامي لصديق الطفولة


الام بقلق:

لعلمك بقا .. انا مش مؤمنة بصداقة البنت للولد بأي شكل من الاشكال .. وان كان الوضع كدا انا ممكن اخد شنطتي من دلوقتي وامشي..


نور بحزن:

ليه ياماما؟ ليه دايما الامهات مش بيفهموا بناتهم .. عشان خاطري خليك ماتسبنيش .. ماتزعليش مش بحبك زعلانة.. ابتسمي


تتنهد الام .. ثم تصمت فترة .. واخيرا تبتسم ابتسامة رقيقة .. وتربت على كتف نور







  رد مع اقتباس
قديم منذ /01-06-2009, 11:48 AM   #13

 

 رقم العضوية : 10244
 تاريخ التسجيل : Dec 2008
 العمر : 28
 المكان : مصر
 المشاركات : 84
 النقاط : اللؤلؤة التائهة will become famous soon enough
 درجة التقييم : 68
 قوة التقييم : 0

اللؤلؤة التائهة غير متواجد حالياً

إرسال رسالة عبر MSN إلى اللؤلؤة التائهة إرسال رسالة عبر Yahoo إلى اللؤلؤة التائهة
أوسمة العضو
افتراضي

يجلس الاستاذ ايمن في غرفة الجلوس في البيت الثاني .. ويقلب في قنوات التلفاز بعصبية وسرعة..
وبجانبه ابنه سامر يراقبه..



سامر بابتسامة:

ايه يا بابا مالك ؟ متنرفز كدا ليه؟ براحه شوية على الريموت


وضع الاب ريموت التلفاز على الطاولة بعصبية وقال:

انا مش عارف ايه الناس دي


سامر:

مين؟


ايمن:

طنط مناال والانسه نور


سامر:

من اولها كدا ؟ دحنا لسه مكملناش معاهم ساعة واحده واترفزت منهم على طول كدا


ايمن:

ساعه ايه بس .. من اول ما وصلنا واحنا ماشفناش خلقتهم .. تقدر تقولي ليه بقا مختفيين؟


سامر:

في ايه يابابا .. هدي اعصابك .. الناس لسه واصلين تلاقيهم بيتأقلموا على البيت لسه


تنهد ايمن بعصبية:

ياسلام .. هنفضل بقا نستنى اسبوعين يتأقلموا عالشقة لحد ما نمشي ولا ايه؟


سامر:

بابا انت عصبي جدا .. دول ماكملوش نص ساعه .. تلاقيهم بيرتبوا شنطهم وحاجاتهم


ايمن بعصبية:

انا دمي محروق .. عايز اقعد مع منال


سامر:

ليه؟


يلتفت اليه ايمن:

يا اخي انت مالك ليه وفين وازاي .. مش فاهم انت حشري ليه .. عاوزين نقعد كلنا سوا .. احنا مش جايين عشان نتفرق كدا


ابتسم سامر ابتسامة ساخرة وقد فهم والده:

ربنا يجمعكم على خير .. اقعد كدا يا بابا وروق دمك .. وانا هروح اطمن عليهم


نظر ايمن اليه بحب وقال:

ياريت يابني ياريت


وغادر سامر البيت .. وضحك قائلا:

ياسلام يابابا عالحب .. باين ياسيدي من عنيك..







  رد مع اقتباس
قديم منذ /01-06-2009, 11:52 AM   #14

 

 رقم العضوية : 10244
 تاريخ التسجيل : Dec 2008
 العمر : 28
 المكان : مصر
 المشاركات : 84
 النقاط : اللؤلؤة التائهة will become famous soon enough
 درجة التقييم : 68
 قوة التقييم : 0

اللؤلؤة التائهة غير متواجد حالياً

إرسال رسالة عبر MSN إلى اللؤلؤة التائهة إرسال رسالة عبر Yahoo إلى اللؤلؤة التائهة
أوسمة العضو
افتراضي


وما كاد سامر يغلق باب الشقة حتى التقت عيناه بعيني نور .. وارتفعت الابتسامة الشقية على شفتي نور .. ثم انتقلت الابتسامة الى سامر فقال:


- معقول يانور .. دنا كنت لسه هاجيلك


نور بمرح:

وانا كمان .. ماتيجي نتمشى


سامر:

يلا بينا


نور وهي تتأمل المكان:

سامر .. المكان تحفة بجد


سامر بابتسامة:

انا كان نفسي اجيبك هنا من زمان


نور:

وماجبتنيش ليه؟


سامر:

كنت مشغول شوية


نور ضاحكة:

منا عارفة اللي شاغل بالك اليومين دول .. يا اخي روح اعقل


ضحك سامر:

مش اما تعقلي انتي الاول


نور وقد حز في نفسها كلامه:

هو انا ايه مش عاقلة.؟


سامر:

ايه يا نور انا بهزر..


نور:

انت عارف اني ماشية طول عمري صح .. بس دايما قلبي محتار ومتردد..


سامر:

انا عارف .. كل مرة تحصل خطوبة وتتفشكل .. نفسي اعرف ليه


نور:

الرجاله دايما بيغدروا .. ماشفتش واحد لحد دلوقتي مخلص لانسانة بيحبها


سامر:

ايه دا وانا؟؟؟؟


نور:

انت بالذات ماتتكلمش .. دا انت كل ساعه مع بنت شكل


سامر:

مش انا لوحدي يانور .. كل الشباب كدا


نور:

انت مالك ومالهم .. انت لازم تكون لك مشاعر خاصة بيك .. ماتمشيش على هوى الناس


سامر:

وافرضي دا هوايا..


نور:

معقول؟ سامر حرام عليك البنات دول


سامر:

ايه يانور هو انا يعني بعمل فيهم ايه .. بقتلهم


نور بجدية:

دا اكتر من القتل .. عارف احساس البنت بيبقا ايه لما تكون بتحبك بجد وبعدين تعرف انك بتحب غيرها


سامر:

يابنتي كلهم عارفين اني ماليش في كلام الحب دا .. انا بس مجرد تسلية


نور:

حرام بردو كدا تعلق بنت بيك .. وبعدين تدوس على مشاعرها وتجرح كرامتها وترميها


سامر:

نور احنا طول حياتنا متفاهمين .. ليه مختلفة معايا في النقطة دي


نور:

انا عمري ما اتفقت معاك في النقطة دي ابدا .. لان المسألة دي انا بعيشها وحاسة بيها .. انت نفسك بتزعل جدا اما تعرف انك خطيبي سابني عشان يروح لواحده تانية


سامر:

ايوة .. بس في فرق بين الخطوبة والحب العادي ..


نور:

كلها جروح واهانة لكرامة البنت


سامر:

هيا اللي بتوصل نفسها لكدا


نور:

انت طريقة كلامك غريبة اوي .. قصدك ايه بكلامك دا ..


سامر:

والله يانور ما اقصد حاجه صدقيني والله


عاودت نور الخطوات الى البيت وهي في قمة غضبها .. ودموعها تسيل على وجنتيها في ألم

نكس سامر رأسه وتنهد قائلا:

ايه اللي انا هببته دا ... يا الله !!!


ثم تذكر شيئا وقال:


ياخبر .. دنا نسيت ابلغ طنط ان بابا عاوزها .. انا طينت الدنيا خالص ..


واسرع عائدا إلى البيت....


--------------------------------------------

يتبع ان شاء الله







  رد مع اقتباس
قديم منذ /01-08-2009, 06:03 PM   #15

 

 رقم العضوية : 10244
 تاريخ التسجيل : Dec 2008
 العمر : 28
 المكان : مصر
 المشاركات : 84
 النقاط : اللؤلؤة التائهة will become famous soon enough
 درجة التقييم : 68
 قوة التقييم : 0

اللؤلؤة التائهة غير متواجد حالياً

إرسال رسالة عبر MSN إلى اللؤلؤة التائهة إرسال رسالة عبر Yahoo إلى اللؤلؤة التائهة
أوسمة العضو
افتراضي


يرتفع رنين جرس المنزل بشكل جنوني في بيت الاستاذ ايمن ..

ايمن:


ايوة ايوة حاضر .. جاي

فتح ايمن الباب فوجد ابنه سامر يلتقط انفاسه بصعوبه .. فاسرع اليه وامسك بيده حتى اجلسه على المقعد..

ايمن:


ايه يابني ؟ عامل في نفسك كدا ليه ؟ خضتني

سامر وهو ينهج:


يابابا .. نور .. نور

ايمن بحيرة:


نور مالها ؟ قلقتني

سامر بحزن:


اقعد بس يابابا اقولك اللي حصل .. بس استنى شوية آخد نفسي

واسرع ايمن واحضر كوب ماء .. شرب سامر الماء واسند راسه على ظهر الكرسي.. وصمت حتى

هدأت انفاسه فقال:


بابا .. انا مش عارف انا عملت ايه

ايمن:


قول بس حصل ايه احكي اللي حصل

سامر:


فاكر يابابا اما قولتلي اروح اقول لطنط ان احنا لازم كلنا نقعد مع بعض

ايمن:


ايوة ايوة فاكر

سامر:


اول ما طلعت من البيت لاقيت نور .. قالت لي انها كانت جايالي .. فأخدتها وقعدنا نتمشى شوية .. وبعدين.........

ايمن:


ها وبعدين

سامر:


قعدنا نتكلم في موضوع .. واختلفنا فيه .. ومشيت وهيا معيطة

وقف ايمن بغضب:


ايه اللي بتقوله دا .. احنا جايين هنا عشان تتخانقوا ولا عشان نوفق بينكم

سامر بحيرة:


توفق ايييه.؟

قال ايمن بارتباك:


ايوة

وقف سامر امام والده وقال:


ممكن بقا تشرح لي اللي بيحصل بالظبط

ابتسم ايمن بصعوبة وقال:


اقعد بس ياسامر انا هشرح لك اللي بيحصل .. خليك هادي

جلس سامر وقال:


قول يابابا بسرعه

ايمن:


بصراحه كدا ياسامر يا ابني .. انا وطنط منال عايزين نجوزك انت ونور

سامر:


طيب ماشي اما يبقا يجيلها العريس المناسب وانا اما الاقي الانسانة المناسبة

ايمن:


لالا انت مش فاهمني .. انا قصدي .. تتجوزوا بعض

ضحك سامر بعصبية وقال:


والله عال .. بقا انتوا الاتنين عاوزين تجوزونا من ورانا

ايمن:


انت غبي يالا ولا بتستغبى .. في حاجه اسمها نجوزكوا من وراكو

وقف سامر وقال بعصبية:


ايوة طبعا في .. تجيبوا مأذون وتجوزونا .. وبعدين تحطونا قدام الامر الواقع

ايمن:


تعرف انك طلعت غبي ومغفل !! لو احنا عاوزين نجوزكو بالعافية ماكنش زماني اصلا قولتلك

الحقيقة دلوقتي .. انما انت طلعت دماغ بايظة



سامر:


قصدك ايه؟

ايمن:


ياسامر ياحبيبي .. مش انت بتحب نور.؟

سامر:


طبعا بحبها .. بس زي اختي بالظبط

ايمن:


احنا هنهجص؟ هو انت عندك اخوات بنات؟

سامر :


بابا الله يكرمك ماتنرفزنيش .. انت عارف كويس نور بالنسبة لي ايه .. اختي ومش بفكر ارتبط بيها ابدا

ايمن:


حتى لو كانت هيا بتفكر فيك

سامر:


استحالة

ايمن:


استحاله ليه ؟ هيا فعلا نفسها تتجوزك .. ومش عارفه تبين لك

سامر:


مستحيل يابابا .. انا عارف نور وعارف تفكيرها كويس

ايمن:


في اكتر من انها تقول لماماتها انا عايزة اتجوز سامر !!

سامر:


مش ممكن .. مش معقول !! انا هروح اشوفها حالا

ايمن:


ماتتسرعش ... دلوقتي تروح تراضيها وماتتكلمش معاها في حاجه زي دي

سامر وهو يغادر الغرفة:


حاضر

ايمن:


سامر

التفت سامر اليه وقال:


ايوة

ايمن بابتسامة:


عاملها برقة...

ابتسم سامر بعصبية وغادر البيت بسرعة......







  رد مع اقتباس
قديم منذ /01-08-2009, 06:11 PM   #16

 

 رقم العضوية : 10244
 تاريخ التسجيل : Dec 2008
 العمر : 28
 المكان : مصر
 المشاركات : 84
 النقاط : اللؤلؤة التائهة will become famous soon enough
 درجة التقييم : 68
 قوة التقييم : 0

اللؤلؤة التائهة غير متواجد حالياً

إرسال رسالة عبر MSN إلى اللؤلؤة التائهة إرسال رسالة عبر Yahoo إلى اللؤلؤة التائهة
أوسمة العضو
افتراضي


الام بحيرة وهي تنظر الى نور:

ايه يانور .. بتعيطي كدا ليه


نور وهي تسرع الى غرفة النوم:

مافيش ياماما مافيش


تتبعها الام:

مافيش ازاي .. سامر زعلك


نور:

ماتجيبيش سيرة الانسان دا نهائي


الام بحزن:

ليه .. قرب منك؟


التفتت نور الى والدتها بغضب وقالت:

ايه اللي بتقوليه دا .. طلب مني حاجه دا ايه .. انت عارفه كويس ان سامر مؤدب جدا معايا ..

والا ماكنتش معاه لحد دلوقتي


تنهدت الام بارتياح :

ياحبيبتي ماقصدش .. قوليلي طيب اللي حصل


نور وهي تمسح دموعها:

اختلفنا ياماما


الام بصدمة:

نعم !! لأ ماينفعش


صرخت نور في وجهها:

هو ايه اللي ماينفعش .. انت مالك فيكي ايه النهارده غريبة اوي


الام:

يانور اهدي .. انا قصدي انكوا مابتختلفوش خالص و...


نور وهي تصرخ اكتر:

ايوة طلعي نفسك من المشكلة زي الشعرة من العجين .. عايزة تقنعيني ان مش ورا كلامك دا

حاجه ..؟؟ بصي ياماما .. والله انا مايهمني حد اذا فضلتي انتي كمان كدا همشي ومش

هتشوفي خلقتي نهائي


الام وهو تبتلع ريقها:

يانور .. ممكن تهدي وتسمعيني


نور وهي تبكي:

اتفضلي


ابتسمت الام وضمت ابنتها الى صدرها وقالت:

عايزاك تعرفي كويس اني ماقدرش ابدا استغنى عنك ..


لم ترد نور .. فأكملت الام:

وعلى فكرة .. سامر بيحبك جدا جدا جدا ..


نور:

ياماما ماقولتش حاجه .. منا كمان بحترمه جدا .. بس في النقطة دي استحالة اوافقه


الام:

نقطة ايه


نور:

انا مش بحب الشاب اللي يقعد يتعرف على بنات البلد كلها .. ويكدب عليهم ويعمل بيحبهم ..

لحد امتى هيفضلوا يخدعوهم .. ولحد امتى احنا هنفضل مغفلين بنصدقهم ونوافقهم على كدا..


الام:

عارفه سامر قالك كدا ليه؟ عايز يعرف انتي بتغيري عليه ولا لاء..


نور:

ياماما هو بالكلام ؟؟ انا مش زعلانة عشان قال كدا .. بالعكس فرحانه عشان بيقول لي الحقيقة دايما ..

انما انا زعلانة على تصرفه نفسه


الام:

نور اقولك حاجه بقا.؟


نور وهي تمسح دموعها:

قولي


الام وهي تبتسم:

سامر بيحبك وعايز يتجوزك


نور بصدمة :

مامااااااااااااا ايه اللى بتقوليه دا ؟؟؟


ارتفع رنين جرس البيت فاسرعت نور وفتحت الباب:

سامر !


سامر بابتسامة:

نور !


ربعت نور ذراعيها امامها واشاحت بوجهها قائلة:

انت عايز ايه؟


اسرعت الام تربت على كتفها وقال:

مش كدا يانور ياحبيبتي ... روحي معاه شوفيه هيقولك ايه

نظرت نور الى والدتها نظرات نارية .. وخرجت مع سامر..


سامر:

انا آسف


نور وهي تنظر الى السماء:

على؟


سامر بابتسامة:

على كل حاجه زعلتك فيها


وقفت نور وقالت بعصبية:

اسمع يا سامر .. اطلع من دماغي النهارده مش رايقة لك .. كفاية اللي سمعته منك ..

تيجي ماما تزود الطين بل


سامر بحيره:

ليه طنط قالت لك ايه.


نور بعصبية:

وانت مالك يا اخي .. اتفضل عايز تقول ايه تاني


سامر:

يانور انا مش عايز حاجه غير رضاك عني والله


نور:

دي حاجه ماتخصكش .. بعد اذنك


امسك سامر ذراعها وقال برجاء:

نور .. ارجوك !


اتسعت عينا نور وقال:

سيب ايدي .. انت اكيد اتجننت .. اكيد حصلك حاجه في دماغك دي ..


سامر وهو يكاد يبكي:

اسف والله اسف ..


نور ودموعها تتقاذف من عيناها:

كلكم انانيين .. كلهم



وركضت عائدة الى بيت وهي تبكي بكل حرقة في قلبها ..







  رد مع اقتباس
قديم منذ /01-08-2009, 06:15 PM   #17

 

 رقم العضوية : 10244
 تاريخ التسجيل : Dec 2008
 العمر : 28
 المكان : مصر
 المشاركات : 84
 النقاط : اللؤلؤة التائهة will become famous soon enough
 درجة التقييم : 68
 قوة التقييم : 0

اللؤلؤة التائهة غير متواجد حالياً

إرسال رسالة عبر MSN إلى اللؤلؤة التائهة إرسال رسالة عبر Yahoo إلى اللؤلؤة التائهة
أوسمة العضو
افتراضي


مر يومين على اخر مقابلة بين سامر ونور ..


في بيت سامر



ايمن:

ممكن اعرف بقا هتفضلوا متخاصمين كدا قد ايه !


سامر:

يا بابا انا حاولت .. بس نور عصبية اوي


ايمن:

انتوا لازم ترتبطوا ببعض قبل ما نمشي .. فاهم


سامر:

ايه الكلام دا .. هو عافية ! لعلمك بقا انا مش قادر اتخيل نور مراتي خالص .. نور دي اختي ..

صحبتي .. ومش هتجوزها .. ريح نفسك بقا..


ثم التقط انفاسه وقال:

وبعدين انت مالك مهتم اوي كدا ليه بارتباطي انا ونور ! يهمك ايه

اذا اتجوزت نور ولا ريم ولا سلمى ولا سميرة حتى .. يهمك في ايه


ايمن بعصبية:

طبعا يهمني ! انت ناسي ان نور والدتها هي منال


سامر:

وايه يعني والدتها منال .. طيب ماريم والدتها بسمة وسلمى والدتها سلوى .. افهمت من كدا بقا ايه !!


ايمن بغضب:

انت عمرك ما هتتعلم الادب .. انا مش عارف انا ضيعت عمري في تربيتك ليه ؟؟ عشان تطلع لي بجح كدا؟


سامر:

اسف يابابا .. اللي حضرتك عايزه مش هيمشي .. لان الجواز دا مافيهوش اجبار ابدا ..

انا عارف كويس ان نور مش بتفكر تتجوزني ابدا ..


ايمن:

انت مش عارف....


سامر يقاطعه:

انا عارف انت عايز ايه بالظبط ... انا فهمتك دلوقتي بس يابابا ...

وسامحني على اللي هنعمله



وغادر سامر البيت .. والدموع تملئ عينيه..



ووووويتبع ان شا الله







  رد مع اقتباس
قديم منذ /01-11-2009, 01:01 PM   #18

 

 رقم العضوية : 10244
 تاريخ التسجيل : Dec 2008
 العمر : 28
 المكان : مصر
 المشاركات : 84
 النقاط : اللؤلؤة التائهة will become famous soon enough
 درجة التقييم : 68
 قوة التقييم : 0

اللؤلؤة التائهة غير متواجد حالياً

إرسال رسالة عبر MSN إلى اللؤلؤة التائهة إرسال رسالة عبر Yahoo إلى اللؤلؤة التائهة
أوسمة العضو
افتراضي

في بيت نور


الام بغضب:


انتي بتعملي ايه


نور وهي تغلق حقيبتها:


مالكيش دعوة


الام غاضبة:


انتي بتردي عليا يانور !


نور:


اسفه ياماما .. بس ماعدش فيا حيل استحمل أي كلمة من أي حد


الام:


نور ارجوك اعقلي .. هتروحي فين .. مالكيش الا مامتك حبيبتك


نور:


اسفة


الام:


اوعدك اننا نطلع من هنا وانا هوريك الدنيا بحق


امسكت نور حقيبة ملابسها ونظرت لوالدتها بغضب وقالت:



سيبهالك ..


الام:



نور صدقيني انا ماليش أي ذنب .. انا ماليش غيرك يانور هعملك كل حاجه بس ماتبعديش عني .. ماتسبنيش هنا..

نور:


تقدري ترجعي بيتك في أي وقت


الام بجزع:



وانتي !!


صرخت نور:


انا بقا حره .. ماحدش له دعوة بيا


وخرجت نور واغلقت الباب خلفها بقوة..

الام وهي منهاره من البكاء:


اعقلي يانور اعقلي


خرجت نور واسرعت الخطوات نحو البوابه ..


تسمحي ؟


التفتت نور لمصدر الصوت فوجدت سامر يمد يديه الى حقيبتها بابتسامه


نور:


سامر ممكن اطلب منك طلب..


سامر:


غالية والطلب رخيص..


نور:


خلاص ابعد عني..


سامر بابتسامة واسعه:


عمرك ما تقدري تستغني عني


نظرت نور اليه بحده وقالت:


انت عايز مني ايه


سامر:


عايز افهمك كل حاجه بتحصل


نور:


خلاص انا فهمت كل حاجه


سامر بابتسامة:


انتي مافهمتيش ولا حاجه


وضعت نور حقيبتها على الارض وقالت:


اتفضل ..


حمل سامر الحقيبة بفرح وقال:


دلوقتي نقدر نمشي..


غادرت نور العزبة مع سامر وقالت:


بس عايزاك تعرف حاجه .. انا هسمع منك اللي عايز تقوله بس ماشوفش وشك تاني..


سامر بابتسامة:


طبعا من حقك .. اسمعي مني .. وخدي قرارك



تنهدت نور واشاحت بوجهها عنه ... واكملت مسيرها ..... مع سامر







  رد مع اقتباس
قديم منذ /01-11-2009, 01:19 PM   #19

 

 رقم العضوية : 10244
 تاريخ التسجيل : Dec 2008
 العمر : 28
 المكان : مصر
 المشاركات : 84
 النقاط : اللؤلؤة التائهة will become famous soon enough
 درجة التقييم : 68
 قوة التقييم : 0

اللؤلؤة التائهة غير متواجد حالياً

إرسال رسالة عبر MSN إلى اللؤلؤة التائهة إرسال رسالة عبر Yahoo إلى اللؤلؤة التائهة
أوسمة العضو
افتراضي


جلست نور على الكرسي .. وتنهدت بألم وهي ترى دموع والدتها تترائى امامها .. وضع سامر


الحقيبة بجانب نور وجلس..


ظلت نور صامته وكذلك سامر .. ولم يكن في المكان الا صوت النخيل وهو يتأرجح ويتمايل يمينا


ويسارا .. وصوت زقزقة العصافير الجميلة تحوم في المكان..



نظر سامر الى نور وقال:


مستعدة تسمعي؟

نور:


ايوة.

سامر:


اولا انا عايز اسألك حاجه.

نور:


اتفضل.

سامر:


عايز اعرف والدتك قالت لك ايه بالظبط ؟

نور بحزن:


سامر ماما مشكلتها انها عمرها ما فهمتني ..

سامر:


انا عارف .. بس مش قصدي كدا يانور ..

فاكرة اما قولتيلي كفاية كلامك اللي قولته تيجي ماما تزود الطين بل



نور:


آه فاكرة

سامر:


ايه اللي حصل !

نور:


ماما بتقول انك ....

سامر:


اني ايه؟؟ اني بحبك وعايز اتجوزك ومكسوف اقولك والكلام دا صح؟

نور:


لا قالت انك بتحبني وعايز تتجوزني بس..

ثم قالت بعصبية:


صح كلامها؟؟

حرك سامر رأسه نفيا وقال:


لا يا نور .. صدقيني انتي بالنسبة لي اختي بالظبط

نور بحيرة:


امال ماما قالت لي كدا ليه؟

سامر:


بصي يانور اللي فهمته ان بابا اتفق مع طنط منال انهم يجوزونا غصب عننا ..

هما عايزين يجوزونا لغرض معين ... بابا بيحب والدتك ونفسه يتجوزها اوي ..

فأحسن طريقة عشان يكسبها هي انه يجوزنا لبعض

وبعد كدا مش هيبقا في أي مشكلة من جوازهم هما



نور:


يعني يبنوا سعادتهم على تعاستنا احنا

سامر:


احم


ابتسمت نور بعفوية وقالت:


ماقصدش ياسامر .. بس ازاي وصل بيهم التفكير لكدا

سامر:


انا عارف بابا وافكاره ..

نور:


متخيلتش اونكل يعمل كدا خالص

سامر:


بابا افظع من كدا بكتير .. كويس انها جات على النقطة دي بس

نور:


واذا ماتجوزناش ياسامر .. هيعملوا ايه

سامر:


هي دي النقطة اللي مخوفاني

نور:


ايه هيا

سامر وقد ضاقت حدقة عينه:


طنط لوحدها مع بابا ..

اتسعت حدقة نور .. وأخذت تركض ودموع والدتها تترائى امامها ..


وصوتها يتتردد على مسمعيها:


ماتبعديش عني .. نور .. ماتسبنيش

اذن فوالدتها تتوقع حدوث شيء في غياب نور وسامر..

لحق بها سامر .. ودخلا العزبة..

بحثت نور على والدتها .. وسامر على والده ..



خرجت نور من البيت صارخه:


سامر .. سامر.... الحق .. انا مش لاقية ماما ..

تسارعت ضربات قلب سامر وقال:


وبابا مش في البيت..

صرخت نور باكية:


لا مش ممكن مش ممــ....

قاطعها سامر:


بابا ووالدتك موجودين هنا

نور:


عرفت ازاي؟

سامر وهو يشير الى السماء:


بابا مابخرجش من البيت الا للضرورة ..

ولما بيخرج بيروح يقعد على كرسي في اخر العزبة..



وركضت سامر فركضت نور خلفه .. حتى وصلا..

سامر:


شايفه الكرسي البعيد دا؟

نور وهو تبتلع ريقها:


طبعا..

سامر:


يلا بينا ... بس بهدوء

تقوس فم نور للاسف وهي تكاد تبكي ..


وجدت والدتها بجانب الاستاذ ايمن وهو يحيطها بذراعيه..

صرخت نور:


ماما ..

فزعت الام وقالت:


نور !

صرخت نور بجنون:


كلكم كدا كلكم ..

ثم صرخت وهي تبكي بحرقه:


لو كنت اعرف كدا كنت كرهتك وسبتك..

ثم اكملت من بين شهقاتها:


لكن انا غلطانه .. انا اللي كابسه على نفسك طول عمرك ..

انا غلطانه اني صدقت انك بتحبي بابا فعلا حتى بعد ما توفى الله يرحمه..


وابتلعت ريقها قائلة:


وبتقوليلي اتجوز سامر عشان تعرفي تعيشي حياتك كويس ..

ليه ياماما هنت عليك للدرجه دي !! وبابا؟

مش كنتي بتقوليلي انك بتعشقيه ومش ممكن تتجوزي تاني؟؟

ولا انتي كنتي بتحكيلي حدودته حلوة وانتهت..


ثم جلست على الارض غارقة في بكائها...
ايمن:


نور ياحبيبتي انتي مش...

سامر بغضب:


من فضلك يابابا ... ماتكلمهاش

ثم التقط يد نور ليساعدها على الوقوف ..

نظر اليه ايمن في دهشه الجمت لسانه .. وصرخت الام:


واخد نور فين ياسامر..

سامر:


انا اسف ياطنط ... مالناش مكان هنا

انهمرت دموع الام:


لأ يا ابني ارجوك ..

كانت خطوات نور ثقيلة .. لم تستطع التحمل فسقطت فاقده الوعي..

ركضت الام نحوها:


نور .. نور .. سبها ياسامر .. ماتلمسهاش

حملها سامر وقال بغضب شديد:


ماتخافيش على بنتك..هيا في امان معايا..


مش كنتي عوزانا نتجوز؟ هنرضي حضرتك ونتجوز.. وبابا قدامك يامدام منال ..

خدوا راحتكم خالص..



وغادر سامر العزبه ... حاملا نور بين ذراعيه.....







  رد مع اقتباس
قديم منذ /01-12-2009, 08:16 AM   #20

عضو جديد

 

 رقم العضوية : 9976
 تاريخ التسجيل : Dec 2008
 المكان : أرض الكنانة مصر
 المشاركات : 135
 النقاط : قلمى سلاحى : محمد المصرى will become famous soon enough
 درجة التقييم : 69
 قوة التقييم : 0

قلمى سلاحى : محمد المصرى غير متواجد حالياً

إرسال رسالة عبر MSN إلى قلمى سلاحى : محمد المصرى
أوسمة العضو
افتراضي

ــ : اللؤلؤة التائهة
بارك لكِ الكريم
بداية أرها مشجعة للاستمرار ــ : فواصلى

محبتى : محمد المصرى







  رد مع اقتباس
إضافة رد

الكلمات الدلالية (Tags)
أنثى, يخرب, قلب

« لقد اتخذ القرار | الأفاعي صرخة ضد الجهل والتطرف »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أنتي ربت بيت ،،،،، إذن أنتي >>>>~ جاهلهـ أجمل سعوديه فضفضة الأعضاء 5 04-18-2012 03:24 PM
كل أنثى امرأة ... لكن ليس كل امرأه أنثى!!! تصدق نسيت عالم حواء العام 16 04-10-2012 09:55 AM
((يقولون ... كل أنثى امرأة ... لكن ليس كل امرأة أنثى)) ςяαzү ģ!яĻ مواضيع عامة - ثقافة عامة 1 07-16-2010 08:15 PM
يقولون ... كل أنثى امرأة ... لكن ليس كل امرأة أنثى big bốss عالم حواء العام 5 12-29-2009 02:02 PM

مجلة الحلوة / مذهلة

الساعة الآن 08:58 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩