×××ابتسم زي العبيط ... و كله هيتظبط تظبيط×××

[بنوتة ميدو]

عمرك رحت للدكتور و كنت تعبان و بعد ما خلص كشف
راح ( حاطط إيده على كتفك ) و قال لك :
يابني انت سليم , ما عندكش حاجة عضوية ,
الألم اللي عندك ده ( نفسي ) !!
تا تا تا تااااااااااااا

عموما لو ما حصلكش , فيه ناس تانية حصل لهم

المهم يعني , عمرك سمعت عن مرض عضوي كان أصله نفسي ؟؟
أكيد سمعت ..

طيب عمرك سمعت عن العكس ؟؟


إن وضعك العضوي ,المادي , الملموس ممكن يأثر على حالتك النفسية ؟؟

طبعا هتقول لي : إزاي ؟؟


هقول لك يا سيدي :

ارجع بالكرسي اللي انت عليه لورا شوية ..
ياعم ارجع بس متخافش ..
اثني ظهرك ..
ضع كوعك على رجلك ..
ضع خدك على إيدك ..(وركز)
انظر للأرض ..

هاه .. حاسس بإيه دلوقتي ؟؟


أكيد افتكرت موقف وحش ,
أو مشكلة قديمة ( هفّت عليك ) ,
أو جالك إحساس وحش أو .... إلخ,

صح ؟؟


طيب دلوقتي نجرب حاجة تانية ,

رجع ظهرك لورا ,
افرد ظهرك ,
انظر لأعلى بزاوية 45 - و ما تسألش ليه -


ارسم ابتسامة عريضة بشفايفك ...

ياعم ارسمها و خلاص ,

هاه , جاهز ؟؟

دلوقتي افتكر أي موقف وحش في حياة جنابك الكئيبة ...

لا لا , سيب الوضع و الابتسامة و كل حاجة زي ما هي,


.
.
.

العملية مش نافعة , صح ؟؟

لييييييييييييييه ؟؟


لأن جسمك في وضع ( إيجابي ) ,
يعني في الوضع اللي عادة بيكون فيه بيفكر فيه تفكير إيجابي ,
فمش قادر يفكر تفكير سلبي ,



علشان كده هيئتك و وضعك المادي المحسوس ده ممكن جدا يأثر في حالتك النفسية ,

و فيه مقوله عاجباني جدا للإمام الشافعي بيقول فيها :

(من نظف ثوبه قلَّ همّه , و من طاب ريحه زاد عقله ) (**) ,

تخيل نفسك كده ( واخد دُش ) و لابس (الحتة اللي على الحبل) و الهدوم مكوية و نظيفة و آخر تمام , و حاطط ريحة - و آخر جمال ,


تخيل نفسك في الوضع ده و شوف تفكيرك و تعاملك و حياتك هتكون إزاي ؟؟


و تخيل نفسك العكس برضه ,


أكيد أكيد وضع جسمك و هدومك و جلستك و مشيتك و ..... إلخ ,
كل الحاجات دي بتأثر على حالتك النفسية و على ( دماغ جنابك العالي ) ,


علشان كد لما تلاقي نفسك داخل على نوبة اكتئاب و لا حاجة ,

لازم ( تلبي نداء الطشت ) و تقوم تستحمى ,

و تلبس نظيف و تسرح شعرك و تحط ريحة و تظبط نفسك كده ,

أو على الأقل تعدل من طريقة جلوسك و تبص للسقف و تبتسم زي العبيط كده ..



, و كله هيتظبط تظبيط ,




بس خلاص , رجّع ظهرك لورا و إلزق ابتسامه على وشك ,

و شوف إن كنت هتعلّق ع التوبيك و لا هتقفل , و لا شوف انت رايح فين بالظبط .

[yara5]

هههههههههههههههههههه
والله كلامك ميه ميه وعندك حق في كل الي قلتيه
والموضوع بجد عحبني اووووووووي
تسلم ايدك ياقمر

[عادل طه]

ههههههههههههههه
بجد بجد موضوع تحفه
تحسى انه موضوع كدا طبيعى جدا
والحاجه الغريبه لما قرأته مش عارف ايه اللى حصلى
بقيت اخبط فى الحلل واكسر فى الصينى والكوبايات
دا حتى النجف اللى فى البيت كسرته كله
ومسكت التلفزيون والريسفير
ورميتهم من البلكونه
يعنى بالعربى كدا اتجننت وخدونى ودونى
مستشفى المجانين
وانا للاسف برد عليكى من هناك ناو
والسبب موضوعك ده
روحى يا شيخه منك لله
ههههههههههههههه
تحياتى بنوته

[بنوتة ميدو]

اقتباس
المشاركة الأصلية كتبت بواسطة yara5




هههههههههههههههههههه
والله كلامك ميه ميه وعندك حق في كل الي قلتيه
والموضوع بجد عحبني اووووووووي
تسلم ايدك ياقمر


ههههههههههههههههههه

ثانكس يا قمر ده من زوقك

نورتينى

[بنوتة ميدو]

اقتباس
المشاركة الأصلية كتبت بواسطة عادل طه

ههههههههههههههه
بجد بجد موضوع تحفه
تحسى انه موضوع كدا طبيعى جدا
والحاجه الغريبه لما قرأته مش عارف ايه اللى حصلى
بقيت اخبط فى الحلل واكسر فى الصينى والكوبايات
دا حتى النجف اللى فى البيت كسرته كله
ومسكت التلفزيون والريسفير
ورميتهم من البلكونه
يعنى بالعربى كدا اتجننت وخدونى ودونى
مستشفى المجانين
وانا للاسف برد عليكى من هناك ناو
والسبب موضوعك ده
روحى يا شيخه منك لله
ههههههههههههههه
تحياتى بنوته

هههههههههههههههههههههههههههههه
هههههههههههههههه
يا عينى طيب انت فى مستشفى ايه علشان اجيبلة جيلى بالموز
ههههههههههههههه
لالا لو الموضوع ده جننك كده
ده على كده بقى انا هاحطه كل يووووووووووووووووووووم

نورتنى كتييييييييييير

[Řǻet βanota]

هههههههههههههههههه


والله العظيم ثكر


كلامك كله صوووووح يا بتايه


ووانا اول حاجه بفكر فيها ساعة الكئابه

باخد شور واحط برفن وميك اب

وواشغل التكييف اضاءة هاديه


ووافرد شعرى ج رمنسى

اغانى وانام


توبيك تمااااااااااام

تسلم ايدك

[لوسينا]

ههههههههههههههههههههههههههههههههههههههه
ولا موضوع مية مية وكلام منتقي هههههههههه
يسلموو علي الموضوع الجميل

هبتسم بس مش زي العبيطة ههههههههههههه

[بنوتة ميدو]

ثانكس جداااااااااااااا
على ردودكم الجميلة
وانا بعمل زيك عاشقة الليل الحزين