الحقوووو يابنات مصر زهور النسيم طلعت راجل

[عذب المشاعر]

ازيكووو يامنتدى بنات مصر ان شاء الله بخير

وانا كدا قاعده الضهر فى المنتدى جتنى رساله من عضوه" زهور النسيم " رسالة صداقه قبلت الصداقه وطبعا من الذوق زى ماتعودت بعت رساله شكر لطلب الصداقه واتعرفنا على بعض واخدنا اميلات بعض وتبادلنا الرسايل المهم بعد كدا طلبت منها اننا نتقابل ونتمشى شويه خصوصا انها طلعت من نفس البلد اللى انا ساكنه فيها وهى وافقت واتفقنا على ميعاد بس قولتلها مش هقعد معاكى كتير المهم وانا قاعده بتفق معاها على الميعاد والمكان بالظبط لقيت خالى دخل عليا وانا بكلمها قرب وبص على الشاشه لقانى بكلم زهور النسيم على الميل وبنتفق على ميعاد نتقابل فيه
راح بصصلى كدا وقالى ايه ده ياست "علا" انتى بتدى ميعاد
لبنت متعرفيهاش وهتقابليها طب انتى تعرفيها بصتله كدا

وقولتله لاء طبعا دى بنت واتعرفت عليها وبنت طيبه ومحترمه
قالى ماشى المووووووهم قولتلها انا هلبس ايه واللون هيكون ايه
واتشيكت على الاخر مالمقابله دى تاريخيه وكل بنات مصر هيخدوا

خبر بيها فلازم البس النضاره الشمس واكون متالقه

جه اليوم الموعود (لقائى مع بنت من منتدى بنات مصر )
اتفقت ان هى هتجيلى فى الكافيه وقد حان موعد اللقاء المنتظر
وفضلت قاعده شويه واتاخرت اوى كنت همشى فقولت استنى
ياعلا شويه يمكن تجى دلوقتى الغايب حججه الكتيره معاه
وفجأه ايد بتخبط على كتفى لفيت وببص لقيت واحد لابس نضاره

وبيقولى ازيك ياعلا

انا استغربت :034: وقولت فى بالى هو عرف اسمى منين قالى انا

عرفتك من مواصفات لبسك

زى ماوصفتيه بالظبط فاقولتله حضرتك تعرفنى راح ضاحك

وقايلى ما أنا زهور النسيم ياعلا
قولتله زهور النسيم مين

قالى بنات مصر ياعلا بس انا بقى الدنيا لفت بيا وارتبكت

قولت ياخبررر زهور النسيم طلعت راجل راجل
زهور النسيم طلعت راجل

الناس استغربت واللى طلع عليا زهور النسيم طلعت راجل

وانا فى حالة صدمه بضحك واعيط فى وقت واحد
وانا استغرب والناس تستغرب
والمقابله انتهت
شوفتو اخرة المقابلات
واتحظرت نسيم الزهور قصدى زهور النسيم

ايه رايكو بقى فى خيالى العلمى الواسع
انفع اكتب قصه خياليه

يالا قولو رايكم ومتنسوش التقييم

[beautycat]

يعني ده بجد ولا هزار هههههههههههههههه
لو خيال يبقي هتنفعي
لو مش خيال يبقي الله يكون في عونك

[Mo7aMeD Lotfy]

هههههههههههههههههه

المهم اللى انا عاوز افهمه

ده حقيقى ولا بجد

قصدى

فعلا ده حصل ولا انتى مالفا القصه

لانها هتفرق ....

وضحلنا يا علا

^_^

[شفق القمر]

دا هزار ولا كلام جد
بس لو بتهزرى تبقى عملتى مقلب جامد فى كل الى هيدخل التوبيك دا
وهتكونى بتعرفى تكتبى قصص خيالية جمدا

[اسكندرنية بس شقية]

هههههههههههههههه
لاهى اكيد مش بجد
لكن لو بجد تعيشى وتخدى غيرها
وماينفعش تأمنى لاى حد كدة بالساهل
مرسى يا احلى علا

[لوسينا]

هههههههههه
هو دة هزار ولا بجد هههههههه
ولو هزار او بجد تنفعي 100%
يسلموووووووو

[وهج الايمان]

ههههههههههه
والله هزار ده ولا ايه
ع العموم ربنا يكون في عونك
بصراحه انا لو مكانك معرفش هعمل ايه

[عذب المشاعر]

اقتباسالمشاركة الأصلية كتبت بواسطة beautycatيعني ده بجد ولا هزار هههههههههههههههه
لو خيال يبقي هتنفعي

لو مش خيال يبقي الله يكون في عونك هههههه لاياقمرايا دى قصه خيال علمى من تاليفى

[عذب المشاعر]

اقتباسالمشاركة الأصلية كتبت بواسطة Mo7aMeD Lotfyهههههههههههههههههه

المهم اللى انا عاوز افهمه

ده حقيقى ولا بجد

قصدى

فعلا ده حصل ولا انتى مالفا القصه

لانها هتفرق ....

وضحلنا يا علا

^_^



دى مش حقيقه يامحمد دى قصه خيال علمى لوكنت اخدت بالك وقت الضهر يعنى هكون لحقت اعمل كل ده فى 5 ساعات بس كككككك
شكرا لمرورك

[عذب المشاعر]

اقتباسالمشاركة الأصلية كتبت بواسطة شفق القمردا هزار ولا كلام جد
بس لو بتهزرى تبقى عملتى مقلب جامد فى كل الى هيدخل التوبيك دا

وهتكونى بتعرفى تكتبى قصص خيالية جامده


لاء جد ايه دى قصه خيال علمى بس حلوه صح اسعدنى مرورك ياشفق